龍門冰室 (Closed)

誰說吃西餐就一定要去高級餐廳，估不到這冰室也有如此高質味道。餐廳裝修光猛，裝潢很新，坐得非常舒服。西冷排女友叫了一個西冷排佩薯蓉，份量出奇大份，一個大男人都不一定吃得完。西冷排很潤很滑，配上黑椒汁，味道真的有一百分。真心，很多貴價西餐都沒它水準高，真心要來一試。雜排餐我就叫了一份豬雞三文魚雜排餐，豬肉很潤，三文魚也很好吃，但雞肉就沒想像中滑，但豬肉很棒，很爽很彈牙。芝士西蘭花芝士很香，滿佈椰菜花上面，吃落很香很新鮮，如此配答，非常好吃。瑞士雞翼雞翼很甜，份量也很多，而且很滑，正！

咁岩今日約左朋友喺炮台山，唔知食乜好見呢間都幾多人就入去試下。我地兩個都好肚餓，所以叫左兩個都係分量好大既餐！一個係all day breakfast ，一個係流心蛋魚柳飯。第一樣黎到既係流心蛋魚柳飯，我地叫左龍蝦汁，個汁另上都幾細心。流心蛋真係有半熟效果，而個魚柳炸得勁脆，好香口。重點係，真係超級超級大份！我相信兩個女仔食都已經夠。魚柳都好厚，好飽呢個係另外個個all day breakfast ，一黎到我地嘩左出聲，應該係兩個男人都夠食。連包都有兩塊！好抵食！其中一樣幾特別既係佢個蛋做左玉子燒！幾比心思個餐仲有沙律跟，係栗米什果沙律，有自家屋企既feel。仲有，你睇見佢多人到咁都可以勁快就上菜，值得一讚

去炮台山找舊同事出來下午茶，事隔三年，電器道一帶竟然變了不少，食肆餐館多了。冰室是潮流趨勢，大行其道。的確比起茶餐室乾淨，寛敞得多。要了一份下午茶。瑞士雞翼配粟米薯仔沙律。粟米薯仔沙律好味！沙律醬份量恰到好處，酸咪的味道好醒胃。瑞士雞翼夠入味，又不會過鹹。啖啖肉有嚼口。好少在冰室飲咖啡系列，因怕品質不好。今日大膽嘗試，點了一杯凍的cappuccino，我要求走甜，那苦澀甘味才可表露無遺，水準不錯。

今日下午在炮台山練歌, 老師好盡責, 上堂超時 30 分鐘, 至 1:30 才放學.我和同學仔肚餓極了, 立即衝去附近電氣道覓食, 找到 龍門冰室. 門外餐牌選擇多, 價錢合理.餐廳座位闊落, 有方桌, 卡位, 裝修環境好整齊,侍應招呼不錯,  剛好有卡位, 讓我們兩個人坐.   看看彩頁餐牌.  好吸引, 侍應提提如果叫午餐, 可以先叫飲品, 主食待我們決定再通知她也可以.同學仔即叫 凍檸水 兩杯.    真是好有效率, 未點主食已送到.   凍檸水涼冰冰, 好解渴 !同學仔話肚餓到暈,  叫了 瑞士雞翼.   雞翼火速送到.  滷水味香, 雞翼肉滑, 超好食.  同學仔食了兩隻.我點全日英式早餐 , 好大碟,  包飲品, 湯及沙律. 有牛油啡菇, 茄汁豆, 香草雙腸,  煙肉,  煎蛋,   烘麪包, 煙三文魚, 炸薯餅,  勁豐富. 沙律又同時送上,  首位先食,   份量多, 可以分半給同學仔.  菠蘿,  粟米好甜稔. 沙律醬多, 入口開胃. 粟米忌廉湯 又送到,  除了粟米, 還有紅蘿蔔粒, 湯美味, 濃度適中 !!  配多士好理想.  我分了一件給同學仔. 茄汁豆,  用

行經砲台山，想找一個地方吃午飯，原來砲台山是這麼多東西吃的，這冰室吸引了我。因太肚餓了，先點了一個芝士咸牛肉脆豬包， 先定下麵包質感外脆內軟，另外咸牛肉是超多的 沒有太鹹，跟芝士混合起來味度剛剛好。正餐時焗豬扒飯，豬扒厚切的分量非常充足軟熟多汁，焗豬扒飯表面的芝士跟番茄醬一定要起司的，這裏做正正可做到，另外一個彩蛋是這裏用了珍珠米及有炒底的，非常用心。瑞士汁撈丁，出前一丁的麵煮得非常爽配合瑞士汁一起沒有過鹹或過甜的感覺，另外雞翼煮得很入味瑞士汁的甜豉油的味道融入了雞翼裏面。最後來一杯咖啡，味道香濃質感軟滑。味道: 風味十足環境: 舒適衛生: 整潔服務: 不錯抵食: 超值

嗰日約咗朋友公司附近食飯，所以近近地喺公司附近搵個地方食。行經電氣道，見到龍門冰室，決定就呢間。餐廳環境光猛，座位舒適。菜式選擇豐富。蜜糖雞翼甜甜地，味道香脆可口。土匪雞翼孜然味濃，非常野味。芝士肉醬薯條，薯條炸至香脆，配上芝士肉醬，味道更加吸引。芝士焗西蘭花，西蘭花配上芝士特別美味。五香肉丁黑叉燒撈丁，肉丁辣辣地非常野味，叉燒很有口感，丁麵軟硬適中。招牌3.6牛乳炒蛋玉子王，選用日本3.6牛乳，味道香濃，配上熱辣辣流心芝士，加上香脆炸蝦，味道一流。羊架拼香草腸，羊架肉質非常嫩滑，香草腸烤得夠香。星級雜扒，分量十足，雜扒肉厚，皮脆肉嫩, 內裡充滿肉汁。奶茶紅豆冰，茶味香濃，配上紅豆味道非常配合。

之前去銅鑼灣嗰間龍門冰室，無試到佢哋嘅鐵板燒，所以今次特登嚟北角呢間試吓佢哋嘅鐵板燒！夜晚大約七八點左右， 鋪頭入邊都唔算好多人唔需要排隊。一坐低，啲姐姐就拎咗本好後嘅餐牌俾我哋睇。我哋兩個人總共嗌咗一個黑松露意大利飯、海鮮鐵板燒、雞翼同埋一個豬扒包，食到我哋好飽！黑松露意大利飯嘅份量好多，而且黑松露個味都好出。海鮮鐵板燒亦都非常足料，有個人認為非常高質素嘅魚柳、帶子等等。豬扒包亦都係成個晚餐，覺得最加分嘅一碟小食，除咗塊豬扒好厚身，而且唔硬之外，包皮亦都好鬆軟。紅豆冰亦都好值得推介，唔會過甜之餘，啲紅豆嘅甜度亦都非常適中，份量亦都好多！

想簡簡單食，但又唔想食連鎖店，呢類型既港式冰室係唔錯選擇。之前食過位於觀塘既龍門冰室，覺得性價比高，今日行經北角，見到有分店，就黎試試。龍門冰室食物選擇超多，對於我呢啲有選擇困難既人而言，揀咗成十幾分鐘先揀到食乜。我最後揀咗叉燒鮮牛肉湯意，餸既份量都好夕，鋪滿咗成碗麵。另外仲點咗個瑞士汁雞翼公仔麵。配咗鮮牛油多士、炒蛋，同埋雞脾。雞脾仲可以揀炸或者滷。我就怕熱氣，所以揀咗滷水。多士都正，好少地方可以配鮮牛油，中間夾咗塊成吋厚既大牛油，牛油香，正呀！唔中意鮮牛油，可以揀果占、花生醬、奶醬多等等。另外，以$16黎講，呢隻雞脾都算大隻，不過就嫌滷得唔夠入味，但勝在肉質嫩滑。另外，仲點咗杯美式凍啡、牛奶咖啡。不過就唔係好夠凍，飲落唔夠爽。但呢到抵讚係上餐速度夠快，基本上落單後不消十分鐘就上曬主食，唔係好洗等。

近年來，香港嘅冰室開到成行成市，每間都各有自己特色，而今次e間龍門冰室相信大家都唔會陌生，因為佢好多分店，仲有一間係左近！本來已經避開咗午市，兩點幾先嚟，點知依然係多人到傻咗，坐到滿曬，我地搭枱就預咗嫁喇，可想而知e間野幾咁出名啦！一坐底最吸引我眼球嘅係e碗紅燒汁鮑魚面，你無睇錯，係60蚊就食到鮑魚，我都覺得好難相信，咁就諗，可能圖片只供參考，又或者係zip牙啦嘅size, 跟住就叫咗碗試下！點知，what?圖片唔係只供參考嫁，無花無假，更加唔係zip牙啦嘅size!! 其實佢係有五隻嫁，不過雷霆心急得制，食咗粒先影，真係幾大粒下嫁！都味試過食d咁豪嘅早餐！個餐仲有多士同蛋卷加野飲，老闆真係蝕住賣喇！之後就要介紹令我好難忘嘅芝士咸牛肉脆豬包，我好強烈要求老闆將e個列為招牌菜，因為真係好味到我每咬一啖都話好好味，個包外面好脆，個包本身好軟熟，係點做到，絕對唔係咬崩牙果d豬仔包，配合埋d陷，人生真係無憾喇！強烈推介大家試e個包，你絕對會愛上！瑞士雞翼都唔錯最後，朋友叫咗個感牛肉蛋叉燒飯配芝士汁，又係食到讚不絕口！

一個人，去食個孤獨早餐，見呢間響呢一區未食過，決定入去try try, 叫咗個A1早餐，火腿通加錢可轉麻油或黑蒜一丁，就要咗轉麻油一丁，有炒蛋多士，ok, 8分鐘等待後，麵同炒蛋多士前後腳到，開餐！丁麵先，火腿ok, 仿鮑片ok, 但溫暖、林晒、要自己另外落湯粉同麻油嘅麻油一丁，真係接受唔到。既然客人加$4叫「麻油一丁」，放埋味粉同麻油去煮會好啲，碗麵真心好難食。叫炒蛋，嚟到嘅係精緻煎蛋皮卷，仲要好咸！咸到苦。多士微温、林、韌。咖啡還可。服務無，你一停手，佢就攞走。全個早餐$38，伏。

朋友係北角附近有野做，話想係做野之前食啲野，所以就同左佢入去呢間冰室。冰室既內裝幾時尚，更有啲Iron man公仔係度做裝飾。食物方面，我地叫左一個傳統英式早餐同埋一個秘制咖哩羊架撈丁。傳統英式早餐既份量一啲都唔細，更附送一個沙律同餐湯。餐湯飲落十分creamy，沙律入面亦都用料十足。餐廳好細心，用左個碗仔黎裝住啲茄汁豆，等佢唔會同其他味撈埋一齊。腸方面煎得好香脆，花紋都切得幾靚。大蘑菇面頭有牛油，食落好香好正。個人認為炒蛋係入面最好食的，炒得唔會過熟，食落好滑，又有蛋香，配埋多士一齊食簡直係絕配。最後，煙三文魚亦都被捲成花紋後才上碟，非常有心思。咖哩羊架亦都做得好出色，咖哩香氣十足，唔會過辣。羊架有先煎過後才加入咖哩中，令其食落更有風味。另外，羊架既肉質好嫩，脂質同肉既比例均勻，十分不俗。值得一提既係公仔面既份量都頗大，食落好飽。飲品方面，叫左凍檸檬茶同埋一杯齋啡。值得一提既係兩杯飲品都係用不鏽鋼杯黎裝，夠哂冰凍。

今日去炮台山做完野同同事食飯，行行下見到原來呢度都有間龍門冰室!之前試過紅磡分店覺得又抵又好食，於是推介同事一齊入去食!6點零鐘去到唔算好多人，可以坐卡位~店入面又係好多IRONMAN公仔勁靚~輕型流心多士餐-鮮茄汁，火腿配厚多士餐同事A比較細食，叫左個輕型流心多士餐，流心原來係將茄汁包係奄列入面，一切開D茄汁真係把把聲流出黎，都幾特別! 配埋火腿兩塊切半既牛油厚多士再加杯野飲，細食既朋友仔黎講份量岩岩好!鴛鴦汁焗雙扒飯呢個係上次食過好難忘既焗飯~但今次想試新野於是推介左同事食~佢都話呢個飯物超所值，有兩種汁又有兩塊唔同既扒，岩哂想食唔同口味既人!佢叫左咖哩黑椒汁加豬扒雞扒，醬汁夠多D扒又啖啖肉，一路食一路講話我冇介紹錯!秘製咖哩厚切吉烈豬扒飯我自己今次試呢個咖哩厚切吉烈豬扒飯，賣相我覺得係3款食物入面最吸引!吉烈豬扒又厚又大塊，個咖哩汁又夠開，咬落豬扒度FEEL到個皮係超脆，豬扒又厚又JUICY!推介!3個食左百幾蚊~抵到叫

跟工事差不多同時間收到「今晚家𥚃沒飯吃」的訊息，唯有自己照顧自己，下班一起在公司附近找晚餐。同事說想吃冰室便入了這間似是新開的餐店，超級餓的我們二話不說就點了一人一份扒餐，試一試廚師的手藝超餓的同事點了星級雜扒熱騰騰的鐵扒份量超大，有牛扒、豬扒、雞扒外，還有炸帶子和煙三文魚😱 我就點了羊架配香草腸份量雖不如星級雜扒，但羊架煮得剛好，肉嫩而多汁；香草味腸也是超juicy，醬汁也不用多配已經好好吃！後來有朋友加入我們發加點了兩款小吃有土匪雞奕還有芝士西蘭花小小的一間餐室有齊鐵板餐、冰室小食，還有其他沒機會吃到的冰室套餐，真要點幾個讚

嗰日同阿媽攰攰哋 我哋兩個都想食啲嘢唔同嘅嘢所以就嚟咗呢間茶餐廳六點幾去到人唔算多呢間茶餐廳有好多選擇 中式 西式日式咩都有我哋一嚟就嗌咗土匪雞翼 味道真係好濃郁又唔會太炸 同仲好味過譚仔 兩個人share六隻雞啱啱好同埋一個豬扒包 豬扒包嘅材料都好豐富有生菜番茄佢嘅豬扒都幾厚 埋佢脆脆哋嘅包皮真係好有澳門嘅感覺阿媽鍾意食鐵板燒 所以就嗌咗個海鮮鐵板燒分量都好多有一塊好大嘅魚柳帶子青口魷魚等等值得一讚嘅係佢嘅魚柳真係炸得嚟好入味又唔會熱氣海鮮嘅份量都算多亦都幾新鮮仲有餐湯添而我就嗌咗呢一個吞拿魚芝士玉子燒配餐肉撈丁第一次食睇茶餐廳食到呢一個日式嘅菜真係好特別佢係一個蛋皮包住啲溶溶哋嘅吞拿魚汗配埋個 撈釘 真係好夾呀感覺有啲似蛋包飯最後我哋兩個都嫁住嗌咗杯嘢飲包括係 熱 北海道3.6牛乳 即係牛奶 同埋一杯 熱柑桔蜜 食完啲咸嘢之後飲番杯嘢飲就啱啱好喇

係炮台山嘅電氣道一向都係搵食點， 最近發現有間"龍門冰室" 喎， 原來係新開第六分店， 晚餐有着落啦。 以懷舊磁磚裝修設計， 舒適整潔。 望望餐牌都好多選擇。 除咗晚餐之外， 仲有鐵板餐， 芝士玉子燒， 中式西式， 應有盡有。 太耐無食過鐵板喇， 所以叫咗一個 "牛仔骨拼炸蝦炸帶子跟薯菜", 另一個就 "什扒跟薯菜"。牛仔骨拼炸蝦蝦炸帶子跟了龍蝦汁。 一見到份量真係好多， 薯條足足放滿成個鐵板， 但感覺薯條未炸得通透， 牛仔骨不過不失。 但當想起動嘅時間發現點解得帶子呢， 隻炸蝦去咗邊呀。 問問服務員原來廚房攪錯了， 好快就補返2隻炸蝦俾我喇， 服務員都唔好意思， 抵讚， 本身對炸帶子無咩興趣， 所以有返炸蝦開心返。 而"什扒" 真係顧名思義~咩都有， 豬牛雞， 大大件。 熱辣辣鐵板上枱， 朋友係食肉一族， 貶吓眼就食哂喇。 跟餐其實仲有餐湯同餐飲嘅， 紅湯屬於蔬菜清湯， 湯底好清但夠味嘅， 蔬菜都唔係煲腍嗰隻。