龍門冰室 (Closed)

位於炮台山地鐵站唔遠嘅龍門冰室應該成為左街知巷聞嘅一流茶餐廳。向來茶餐廳發展得咁蓬勃所以唔細心品嚐清楚嘅話真係好難分高低🤣🤣今次一於試吓龍門冰室嗰啲招牌菜，睇吓係咪真係不負眾望。首先就試咗個吞拿魚豬仔，奶油豬就食得多但好少見奶油豬夾其他嘅配料，一食落去首先係外脆嘅豬仔，裏面包住嘅就係軟綿綿嘅吞拿魚蓉，鹹鹹地又甜甜地嘅感覺真心幾難忘，擺脫左豬仔淨係可以配奶油嘅諗法👍🏼👍🏼👍🏼👍🏼👍🏼👍🏼然之後就要試吓全日都有嘅all day breakfast，賣相已經好吸引，就連擺盆都唔係求其就咁將全部野擺晒就算， 茶餐廳都可以出到呢一啲級數真係首屈一指，比較特別就係炒蛋同埋兩款唔同嘅腸仔，兩樣都可以用香軟嚟形容，薯餅又係脆卜卜。每一款嘅食材都務求最新鮮最熱辣辣嘅狀態先出嚟，呢一啲細節都係食客非常之斟酌嘅部份。煮食嘅話我自己就推介咖喱系列，當中就以咖喱羊架就比較特別，咖喱牛腩咖喱雞呢一啲平時食得多，咖喱羊呢一個的確唔常見所以更加要試吓。咖喱味道非常香濃，係香港嘅特色，既有濃烈嘅感覺亦都有少少辣味。至於羊架，滋味十足，烤完過後再浸係咖喱度好有強烈嘅風味😊😊😊食物嘅款式同埋味道思源之後真係回味無窮仲要每一

今日就去nike outlet度買鞋, 咁臨走之前, 就喺附近食個餐, 六點之前, 未禁堂食, 仲有堂食, 食個下午茶餐, 都係40零蚊左右, 非常之抵。有一個湯麵, 再加個多士, 再加一份玉子燒, 我就要咗雪菜肉絲米粉, 呢個米粉真係真心讚, 因為佢用咗我最鍾意嘅新竹米粉, 特有的Q 彈咬勁與米香, 又掛湯, 口感一流。 肉絲係口感非常的軟滑, 用上新鮮的雪菜唔係用罐頭貨, 呢個真心讚。另外就係玉子燒, 有鹹牛肉嘅香味, 香濃鹹牛肉, 配埋蛋香, 配搭一流, 口感軟嫩潤滑 。再加埋個多士, 真係夠曬飽肚, 當一個晚飯來食, 真係非常之抵。

今日趕時間番屋企收貨，但段好短既時間食個快飯，黎到呢間好出名既茶餐廳：龍門冰室醫肚，平時聽講就成日要大排長龍，但最近可能因為疫情既關係，唔使等位直入👍🏻👍🏻環境以茶餐廳來講都算幾舒適闊落，又幾乾淨㗎，印象分唔錯先叫左個午市快餐滑蛋叉燒飯 $48老實講一開頭睇笑左，估唔到滑蛋同叉燒係分開😂😂😂但食落又唔錯，滑蛋夠曬滑，唔會太鞋叉燒汁定係特別，蜜汁味比較強，偏甜既叉燒，但都唔錯整體質素中上，平靚正❗️❗️

香港人一定要去龍門試下，裏面都有好多經典野食，包括奶油豬，雞翼撈丁， 每一款都好有特色同時亦都要試吓茶餐廳最招牌嘅凍奶茶茶同奶嘅比例依然維持七三黃金比例, 如果之後有出樽仔奶茶或者冰鎮奶茶咁相信會更多人去捧場

2019年11月14日去咗呢間當時人氣高企嘅茶餐廳嘅炮台山分店，結果出乎意料。老闆表現得夠黃#我本來幾鍾意，所以特登去拜訪下，好（彩）容易搵到個位坐低，叫咗個雞扒返。#最新消息竟然話 71後話餐廳脫黃碟飯來到（大半年之前嘅嘢我都要睇返相先記得），就係一碟飯碗倒出來嘅白飯，旁邊有一塊雞扒。飯上淋啲豉油，雞扒上亦灑啲蔥花。賣相一般。心諗個雞扒會唔會類似榮式嗰啲呢？切開一睇，x 咗一聲，喺心入面。除咗層皮之外，入面係全生嘅喎，咁都得？懷疑佢未徹底解凍就攞去煎，而且時間關係仲要大火煎到外皮轉色就上碟。咁有個問題，究竟佢哋有冇醃過啲雞扒呢，定係全部都係解凍後直接落鑊煎就完成？？後來當然係要求換過個。後來換咗來，外表正常，味道一般，冇得同榮式比。食剩少少先記得影相。結論係雖然係黃店但我唔會再幫襯，而家脫黃，更加與我無緣。

昨晚約了朋友仔食飯朋友係鐡板粉絲又想搵d 抵食夾大份更係去d 茶餐廳或者冰室啦冇得輸👉🏻唔洗講買點更係價錢給引😬就係朋友仔屋企附近搵吓啦我地倆個都鍾意支持"小店"朋友話有間"龍門冰室"呢間好多人都識但係我出入附近都冇😅一於去試下啦入到去個餐牌都有好多頁有好多選擇👉🏻連全日早餐都有真係中西合璧👍🏻啱晒#羊架拼香草腸🐐$105大大份set (湯+主菜+飲品）味道算唔差😋#玉子燒常餐🍳 $48果度嘅主打👉🏻最抵死係有黑蒜味叮麵只加$4重點係包湯粉比埋你自己加👍🏻玉子真係好滑👉🏻仲有唔同味道比你揀😬#黑松露芝士焗西蘭花 $50好少冰室會有得食份量沒有hea 你👍🏻又多菌類😋#餐飲有特飲比你揀我地揀咗二杯凍飲(latte & Cappuccino)仲有推廣咖啡都可以跟餐配👍🏻凍嘅只加$3味道就啖咗d 👉🏻啱晒d 啱啱學飲咖啡嘅人最後朋友見到有龍鳳檸樂又想飲 $24用不銹綱杯真係掂👍🏻最後倆個人晚餐食咗二佰幾蚊👉🏻滿足#最抵死有個餐叫"糧尾"餐😂$35 啱晒月尾冇咩錢又唔想煮又可以有杯野飲#好細心係有埋紙袋比你放口罩😷大家保持衛生減少感染👍🏻

次次去龍門，都必食鮑魚仔茶餐😃😊。除左鮑魚非常好食之外，野飲亦都非常好飲。我每次都會飲latte。😊😊今次兩點黎到食，好采岩岩有兩個位，就同朋友入黎食。今次難得星期六有時間，真係要試下，今次特登點埋小食，試下蜜糖雞翼同薯蓉焗青口，雞翼好有蜜糖味，吾算好甜，青口夠曬熱，鮑魚都吾洗講，好夠味、入味而有惹味。多士非常夠厚、夠熱、甚至連炒蛋都好夠熱。呢個鮑魚多士餐，有兩隻鮑魚，食完又夠飽，都不過63蚊，出面真係搵吾到。青口40蚊有6隻，大大份，就咁食一個青口都已經好飽。好抵食同好有氣氛既黃店👍🏻👍🏻👍🏻👍🏻👍🏻真係100幾蚊都食到捧住肚走，一定會再黎多次。呢間食物質素真吾錯。

之前俾黃店拯救隊，拯救完之後就想去試吓，睇吓會唔會好食啲？叫咗個沙嗲牛肉麵，炒蛋白奶醬多，凍奶茶走甜！奶茶又真係好似好咗啵，沙嗲牛肉麵就同之前差唔多啦，都正正常常！會再幫襯💛

放假前一日嚟食龍門😝 決定要開懷大食先得！叫左星級鐵板😍真係大份好抵食！有牛扒、雞扒、炸帶子等！牛扒味道正常，不過雞扒嫩d厚肉d😻上面仲有煙三文魚添🥳.另一個份係羊架拼香草腸☺️ 羊架有2件，肉質有咬口但都幾淋！另外條腸係肉味濃嘅，外層脆脆😍 薯條係曲個種，口感多啲👍🏻👍🏻.仲叫左西蘭花 🥦 原來可以叫白烚架！健康好多😻份量2個人食剛好😋😋叫左檸檬利賓納👏🏻👏🏻 凍冰冰又解渴😂

有天在北角完成工作，就找了住在這附近的朋友一起吃午餐，他熟悉這裡，當然是他決定吃什麼啦！這間餐廳，他說是他平常的飯堂，因為「大件夾抵食」，好吧，就一於試試！當日其實我連早餐都沒有吃就工作，所特別肚餓🙈我點了：英式早餐 $70早餐食物好齊全，亦好豐富，當中焗芝士大啡菇，簡直慰藉我工作後的心靈🙈他點了： 咖哩厚切吉列豬扒公仔麵 $52這個我忍不住偷吃了一點，咖哩汁夠濃，豬扒炸得香脆，亦一樣份量十足！蜜糖雞翼 $40 我們Share $40每人有3隻咁多，皮脆肉嫩，甜度剛好！我還點了奶茶紅豆冰，可以request多豆實在太好了，好滿足的一餐！

龍門不嬲都係眾所週知既真黃店 從個門面就已經睇得出👹同朋友經過就入左去懲罰佢佢哋嘅防疫措施都做得相當好 內在環境都保持清潔乾淨 令食客都幫襯得好安心😌呢度嘅食物種類真係超級多 有選擇困難症嘅我都揀咗好耐👹好似每一款都好吸引咁最後我哋就揀咗一個星級雜扒🤤只需要105蚊就食到好多樣嘢有帶子西冷扒等等 質素都唔差 所有嘢都保持熱辣辣 個西冷扒既熟度剛剛好 又保持啲肉汁 而炸帶子都十分脆👍🏾不過略嫌個黑椒汁唔係另上同咪個雞扒有少少硬個餐都配有個湯同沙律 沙律真係好好味 有薯仔雜果係入面😼另外叫咗一個英式早餐👾呢個都幾推介俾大家 裏面有好多野 我最欣賞個炒滑蛋真係好滑而且有少少奶味 仲有個蘑菇好juicy又唔溜 煙三文魚同其他嘢一齊食都好夾😚我哋一個叫咗一杯朱古力同埋熱咖啡😋店員嘅服務都一貫地好態度同埋好招呼 食物黎嘅速度都好快唔駛等好耐🤡🤡

#為食妹日記 #瑩瑩周圍食.早餐選擇都多，試下自家醃製爽脆鮮雪菜肉絲米🍜先，配3.6北海道牛乳炒蛋配厚多士。.雪菜的確好爽脆味道唔咸，同傳統嘅雪菜一d 都唔同😋，3.6北海道牛乳炒蛋🍳同普通炒蛋一樣冇咩特別不過炒到都滑仲有少少蛋汁流出嚟。厚多士雙面都香脆有咬感，唔會乾爭爭，整體上不過不失，合格嘅早餐🥣👍🏼。.好味指數：😋😋😋3/5推介指數：😋😋😋😋😋5/5抵食指數：😋😋😋😋4/5.😋 龍門冰室 (北角)📍北角炮台山電氣道254-280號華凱大廈地下I舖

因為疲情關係, 每一張枱都有消毒酒精同埋紙袋俾你裝口罩,真係好貼心,比LIKE👍🏻餐廳實在太多嘢食，選擇困難症復發🤪茶餐廳All day breakfast 都有， 勁呀💓最後點佐All day breakfast英式早餐 同檸檬利賓納微小冰。"All day breakfast英式早餐"有煙三文魚🐟，香腸，炸薯餅，茄汁焗豆，煙肉，牛油菇，炒蛋和多士配餐湯🍵同埋沙律🥗，好多野食。 😋 茶餐廳出品既All day breakfast,擺碟都有模有樣,佢個炸薯餅係啱啱乍起,外邊脆卜卜,入邊軟林林。好好食。💓"檸檬利賓納"🥤檸檬利賓納微小冰，由於我唔係好鍾意飲凍飲，所以點左微小冰。佢張單佢有三個小冰喺度，完全做到我要求。

龍門冰室已經開咗好多間分店。屋企附近都有，所以要去咗幫襯下啦！ 餐廳每一個位置都有消毒啫喱 ,非常貼心， 共同抗逆！ 鍾意iron man公仔嘅要黎呢一間龍門冰室！ 有5,6款iron man公仔，非常吸引我眼球呢！紅豆奶茶，調教到唔會死甜！奶茶茶底香濃，配上香甜嘅紅豆，感覺好正有夠滑！叫咗我一個玉子燒常餐，包含咗沙爹牛肉公仔麵， 沙爹牛肉味道香濃。 玉子燒炒蛋我叫咗咸牛肉芝士做餡料， 咸牛肉芝士加膽冇得輸， 鹹香味十足 炒蛋炒得好嫩滑！ 多士到香脆，正！朋友叫咗火腿炒蛋烘底三文治亦都話 個炒蛋做得好好！香港人當然要幫襯番香港店啦！

龍門冰室分店越開越多，點都有一間喺左近 ，今日過嚟公司呢邊處理啲嘢，順便就喺度食埋晚餐。雖然係港式茶餐廳，但係環境企企理理好衛生，坐得好舒服，餐廳仲提供埋紙袋俾我哋裝口罩，而每張枱都會放一支酒精搓手液，對食客安全方面十分貼心。《玉子燒常餐》$48 （鹹牛肉芝士玉子配鮮茄牛肉通粉）玉子煎得好滑，而且入邊嘅鹹牛肉分量超多，夾雜埋輕微拉到芝既芝士真係一流，而且花生醬多士入面嘅花生醬都好足，非常滿足呀！鮮茄通粉亦做得出色，番茄湯濃郁，份量多，好抵食！《咖喱牛腩飯》$52咖喱牛腩夠林夠入味，咖喱偏甜，唔辣，符合大部份人嘅口味，撈飯食真係好正😍《鐵板升級雜扒》$105 配黑椒汁、薯菜、餐湯超大碟！而且每塊扒都好大塊，肉質好鬆軟，牛扒煎得剛剛好，唔會韌，薯條亦都唔會淋batbat，仲有煙三文魚同埋炸帶子添，自己一個人食真係冇辦法食得晒🤣《奶茶紅豆冰》$9茶味濃郁，紅豆份量好多，接近半杯，整體來講又唔會太甜，價錢仲要唔貴添，高質！ 龍門冰室真係一間質素好好又有良心嘅黃店，嘢食味道好而且份量真係超大，值得咁多人支持。