倫哥尊尚火鍋私房菜 (Closed)

最近去試過、發現店內食物質素一般，與普通酒樓火鍋差不多，自助區食物不是好多選擇，應該不如宣單上指出有40款選擇，而且食物補給較慢。在店內大約半小時才作一次補給。留意頭盤刺身及靚牛肉只可以一次的機會，不是我任食的。最後甜品會有一個movie pack 雪糕作選擇的。此外，值得一提是食店服務及環境都可以。桌面比較大，食品有足夠位置作擺放，服務員收碗的速廢都十分快手。總結價錢如果平啲可以作考慮，晚餐9折一位都要335元。

記得數年前去過倫哥私房菜太子 及佐敦（恆豐後街）分店， 味道質素均不錯今天行經佐敦心血來潮 經過樓下大廣告牌 又想再吃一次先來一盆刺身二人份量， 只限一次不新鮮美味再來中辣雞煲 二人吃，但給很多份量的雞 完全吃不完 再來海鮮盆，也不新鮮 說明無限添加 當要求 象拔蚌再加時 給了大隻的蜆， 狀似是刀貝，以為他們給錯了， 再重叫一次 又是給同樣東西。很失望一人有兩片牛 無得添加 質素確不錯其如無限添加要到出面凍櫃自取蔬菜 是什菜一兜兜的吹乾晒肥牛 豬片又肥其他食物 見到也不想取 十分失望絕不會再去

3年前食過倫哥服務態度好，食物非常有水準今次一入到去，感覺已經唔衞生自助調味料全部冇蓋豉油溝咗水，蔥粒吹到乾曬😅再望下雪櫃所謂無限食嘅配料似出土文物亦所淨無幾。。。3xx呢但價位有更好選擇食物相一張都冇影過真心影唔落唔會再有下次

🥡阿嫲雞煲雞煲分大、中、小、BB 辣，試咗中辣同小辣，辣度差別唔大，份量都唔算話好多，不過勝在係任食！色水好夠，聞落都香，食落就比較淡啲，要點下豉油先夠味。同埋煮嘅時候好易痴底，一定要細火慢慢煮，炒至少4次先會熟～🥡環遊海鮮拼盤有青口、蝦、鯇魚片、蠔、蜆同貴妃蚌，食落都幾新鮮。大大隻蝦，食落彈牙爽口，貴妃蚌都唔會成口沙，重點係任食麻！🥡牛頸脊成餐嚟講，最優秀就係呢份牛頸脊，望落色澤紅卜卜，每片仲要起雙飛，烚完大大塊，牛味都好夠，唔會好似食咗陣風咁。🥡套餐B $288/位 (星期五至日、假期及前夕加$10/位）

曾經開了很多分店的倫哥私房菜，如今原來只剩下佐敦一間。餐廳會預早WhatsApp問會揀A餐（$338/1)，當天還有88折優惠（只限A 餐），或B餐（$288/1)，如果想食花膠老雞金湯底或溫泉雞湯底，就要提早一天預訂。食物種類豐富，有小食、前菜、刺身、鮑魚、雞煲、打邊爐，火鍋料和飲品都是自取的。❇️鮑魚冬菇🌀肉質腍身，幾好食。❇️麻辣鴨血🌀不算很難，不過不失啦。❇️雞煲（揀了BB辣）🌀雞肉肉質嫩滑，有花椒鹹香味，非常惹味，而且還可以無限添加。❇️湯底——猴頭菇五真菌湯（感覺養生🤣）🌀聞起來很香，但味道不夠濃，菌味稍為淡。❇️刺身🌀正常味道！❇️海鮮拼盤🌀種類多，但貝殼類海鮮好像有少少沙，有少少失望。❇️手打墨魚滑/蝦滑🌀兩種滑都非常爽口彈牙、鮮甜，墨魚滑裡還有大大粒的墨魚肉👍❇️牛頸脊🌀牛味很濃，但切得太厚了。❇️雪糕——沖繩海鹽味🌀甜甜的，奶味較重！

N年前在元朗吃過一次，朋友念念不忘，見生日話要再去食一次。捨命陪君子吧！怪不得執淨一間，$338 A餐，只可以話任坐系最吸引之處，叫做幾個朋友有個地方聚腳同吹下水，好食吾講得、吾好食又吾講。

好耐之前已經有朋友介紹過倫哥私房菜好正。呢日就相約班fd子嚟呢度開餐，睇吓而家仲係咪咁正先！我地去咗最大嘅佐敦場，準時到達，嘟咗「安心出行」就可以食到12點，無限時任食。入到鋪內，已經有多枱食客食緊雞煲，嗰朕麻辣香味實在令人食指大動呀！我地急不及及搵服務員點餐啦。我地揀咗A餐（$338），因為平日有九折，比起B餐（$288，冇折）多咗盤刺身，而且小食前菜同海鮮火鍋配料係可以無限追加，性價比非常高！可惜我地唔係提前一日預訂，如果唔係A餐仲可以選擇「溫泉雞」或「花膠老雞金湯底」。結果我地揀咗最普通嘅「芫荽皮蛋湯底」。第一盤上嘅海鮮擺盤相當澎湃，到後面追加時就擺得非常hea，但係啲海鮮都係新鮮嘅！有蝦、龍躉片、青口、象拔蚌、蠔、花甲。當中象拔蚌係唔能夠追加，因為係每位一隻。我地追加咗好多次龍躉片同蠔，好肥美！有機會要再嚟試吓個「溫泉雞」先得啦！

突然好想食雞煲 上網搵到呢間雞煲加打邊爐就book左 今次揀左A餐 折左$298一個人再加一 有人頭計嘅刺身同任叫海鮮配料刺身 正常發揮 但勝在都係平時鐘意食個幾款前菜 有好多款 都係可以任食的 特別鐘意佢嘅醉鵪鶉蛋有酒香好入味 鮑魚都幾入味同埋唔係細細隻個種 麻辣鴨血好嫩都入味今次嗌左小辣嘅雞煲 雞肉份量好多 都好嫩滑 兩個人食完啲雞都飽飽地🙈 味道唔算太濃味 打邊爐嗌左北海道3.6牛乳豬骨湯底 呢個湯底好驚喜因為佢好似胡椒豬肚湯咁嘅味 正😋 用嚟打邊爐食菜類好夾牛頸脊 食落好重牛味但要睇住時間淥唔係好易變韌海鮮拼盤 種類都唔少 食落都有鮮味 尤其鐘意蜆同魚肉 墨魚滑 有驚喜 好彈牙亦好足料佢嘅菜同菇都係拼盤 一次過唔洗夾黎夾好 好彩啲菜都係本身鐘意打邊爐嘅菜黎🤣佢有好多自家製飲品 柚子綠茶 檸檬薏米水 白桃紅茶等等 但唔係款款都好飲最鍾意嘅都係最普通嘅罐裝烏龍茶

第一次寫食評，倫哥火鍋只值百零蚊貨式，一d 都吾值3 百幾蚊。侍應安排的座位發現疑似小強BB, 環境衛生吾OK👎🏻好彩侍應都識安排換位食物質素強差人意，雞煲骨都過肉，炒到好濕👎🏻環球海鮮火鍋，海鮮拼盤吾新鮮👎🏻火鍋配料極少，肥牛、豚肉變咗晒色，見到都吾想食👎🏻雲吞，水餃吾好食👎🏻送的名牌雪糕，叫可以貝妮，吾知乜名牌👎🏻埋單侍應吾會主動找贖零錢👎🏻唯一覺得好，多侍應執枱唔會再去食,未食過甘差火煱👎🏻👎🏻👎🏻👎🏻👎🏻食$338 （ 星期1 至四 88 折）套餐A2個人埋單$665

🔺 倫哥尊尚火鍋私房菜 (佐敦)慶祝朋友生日，用安心出行既話可以食到12點，但我仍然都係填紙仔既，所以就食到10點，不過6:00已經可以入場，都唔使食咁耐。見到呢間咁多好評，滿心期待，結果失望至極，我呢個餐就$288+1, 有雞煲任食，d 雞都ok 唔鞋既，但就唔夠惹味，送既海鮮都係唔吸引既野，d 蝦'梅'既，d 海鮮又唔新鮮，碟牛頸脊送得一碟都係唔掂，un 既，跟本唔好食，出面d 配料仲衰過 牛一 ....呢個價錢真係食到一肚火🙄🙄唔會再黎。

佐敦倫哥雞煲，298+1，無限時任食🥰雞煲自己最鐘意E間个味😍，至尊个醬太濃，新南苑就太乾同每次比雞太少，E間係剛好，送一碟手切牛頸脊好味，丸類亦係咁多間最高質，特別推介芝士牛丸超級爆芝士，平時街市買都幾貴，不過海鮮就一般般，今日有大虎蝦，蜆，蟹，轉湯底再打邊爐亦吾錯。如果有至愛cocoberry雪糕任食就好了🤔一直覺得E間野真係差个雪糕任食，感就完美。不過佢嘅椰汁燕窩糖水都吾錯😊仲有番薯糖水任食😂

兩三年前岩岩有倫哥，食過一次，感覺食物新鮮，雞煲惹味，但19/5/2021過黎食 ，見佢地址已經搬咗，以為店舖擴張，今次同樣兩人行，一如既往先食雞煲，後打邊爐，我記得以前好似得1個價錢放題，而家有$298，同$198兩個價錢選擇，因為我今次唔可以食海鮮，所以揀咗$198同樣都有雞煲任食，但海鮮配料$298多幾樣，去到現場已經覺得唔對路,點解出邊多咗個自助吧（打邊爐配料非常普通）雞煲上枱更加離譜，全部都係雞髀肉，全部係急凍雞髀😰😰係成個煲都係雞髀肉，我聽到隔離枱嘅姐姐都喺度申點解全部都係雞髀肉，味道正常嘅，每人一份嘅海鮮配料，目測兩粒勁細急凍帶子，兩隻青口，4粒迷你蜆肉，兩塊魚片...........成個場有八成位吉左，omg點鮮倫哥變成甘，好老實講，吾會有下次😩

火鍋配料不新鮮，牛肉雪藏太耐啊！變黑色，附送的海鮮配料在上面發現活生生的小X，實在太恐怖！職員立即更換海鮮及湯底！不衛生的店舖😡絕對不會再幫襯該食店，而且要食滿$2000才接受信用卡付款，實在太離普。

雞煲味道ok,其他任食配料完全不能接受，款少不特止 看見都不想去取...比出面平均$150/位任食 還要差 ，真心話，地方夠大 座得舒服嘅 這點值得一贊，平日$198/位 ，出面隨便一間相信都會比它好

跟好朋友好耐無見，今晚就決定出黎食飯見下面，今次就決定支持下杜大偉既倫哥私房菜。星期一一早就搵資料唸住Book 位，先發現平時去開既都關門了。最後係 社交平台 搵到電話，就Whatsapp 問佢而家邊到仲有分店，最後我地就Book 左佐敦分店。有Whatsapp 真係好方便，講好晒時間人數，仲可以Order 定個餐，佢地而家做任食 (最岩我，食野唔洗就住就住)，有Ａ餐$288 同 B 餐 $198。咁耐無出黎食，就豪啲點左A餐。去到安排左間房比我們，間房可以坐到4-8人。可以舒舒服服咁享受美食。雞煲雞肉好嫩滑，雞肶肉好好食點了養生花膠雞湯，先飲左個湯先，個湯好清甜，五個鐘慢火熬制。點A 餐就已經包所以超值。鮑魚東菇，好好食。點會唸到係火鍋店食鮑魚。麻辣鴨血正。海鮮好豪，超多種類，大大只帶子，蟶子。手打墨魚滑跟鮮蝦滑，超正墨魚滑內有大大粒墨魚。提提9:30 就收食物，記得早點拿食物。A餐，星期五至日假日同前夕會加多$10/位（另收加一服務費 ）$288/位1:倫哥醒胃二重奏2:阿嫲雞煲任食3:鮑你上位(人頭送一份)4:自選鍋底* 5:環游海鮮盤(每天6-9款時令海鮮, 指定5款無限添加