倫哥尊尚火鍋私房菜 (Closed)

二百零蚊一個人，有雞煲有打邊爐又有海鮮，真係幾抵食！一開始先食雞煲，係任食嘅。雞煲幾濃味，鍾意重口味嘅朋友一定中意！雞肉全部都大大件、啖啖肉㗎，雞肉幾滑！打邊爐嘅配料選擇都幾多，自己出去拎。仲有炒飯同炒烏冬！頭先食雞煲已經食咗好多肉，我哋就主要食蔬菜同埋烏冬，鮮淮山、萵筍同埋蓮藕片都好食。差啲唔記得講，套餐已經包左海鮮拼盤，雖然冇得無限添加，不過一個拼盤嘅食材都幾豐富 幾隻蝦都好食，新鮮爽口！打邊爐嘅湯底都係濃味，煮烏冬食好味！ 最後仲可以喺出面裝糖水，飽晒！

After government have relaxed the rules on dining restriction, we finally have the chance to have dinner together. Our family suggested to have hotpot since we can slowly eat and chat at the same time. We decided on Lungor private club, few minutes walk from Jordan MTR.For their dinner set, we went for their $198 pricing, consisting of free flow chicken pot, dishes and drinks etc. For their promotion period, we were entitled to their seafood platter as well.  For their free flow of meat, vegetab

倫哥火鍋就算冇食過都應該有聽過啦，今日終於有機會試一試！佐敦分店幾易搵一出地鐵站斜對面就係，好大個招牌一定望到！估唔到平日都咁多人！要坐到最入面先有位乜都唔使諗整個雞煲先！雞煲同下邊張野都係免費嘅(套餐包埋)都有好多選擇！雞煲嚟到未熟嘅！要等8到10分鐘先食得 間唔中要攪拌下佢 我哋揀咗BB辣，食落完全唔辣 有小小後悔我覺得唔食得辣嘅都可以嗌bb辣試吓肉質剛剛好，份量好多 2個人食真係食完都半飽海鮮拼盤有青口，海蝦，帶子，魚，生蠔，蜆海鮮幾新鮮，一啲都唔腥食完雞煲就打邊爐啦可以，簡咗個蕃茄湯底食物就自助式咁拎，都好多選擇 唔一一列舉 上面有餐牌食住既都係任拎個人推薦鵝腸同豆腐好食！倫哥性價比相當之高

去佐敦買東西，買完約了阿爸去醫肚！行過見到倫哥火鍋私房菜，$198 食勻雞煲火鍋還有海鮮盤，絕對是抗通脹價錢，入去食餐勁！地方非常之大，空氣夠流通，不怕食完成身味！雞煲火鍋套餐是$198，任飲任食，2人起還送海鮮拼盤！坐低店員先會為你安排雞煲，又不辣和不同的辣度可以選擇，雞煲熱辣辣，翻炒三次就可以食，雞肉好嫩滑，滿滿的芫荽，好香，醬汁非常惹味！無限任添！覺得夠就可以請店員安排火鍋湯底，有酸菜湯底和蕃茄湯底，今次我們選了蕃茄湯底！海鮮拼盤有青口、帶子、脆肉魭、生蠔、蜆和蝦，都很新鮮！自助區的火鍋配料都是任食的，有超多款，有肥牛，豚肉，各種丸類，腸仔，水餃，雲吞，還有豬紅，豬皮等等，另外有各種蔬菜，要一讚都非常新鮮！也有炸魚皮和響鈴，炒、飯湯和糖水。飲品有汽水，茶，果汁等等。這個價錢來說相當經濟優惠，又食得好飽，不錯！

倫哥嘅火鍋放題出名抵食性價比高，見終於開返四人晚市堂食，就同屋企人近近地黎打返個邊爐。雞煲放題$198/位，免醬料費同冇限時，兩人或以上仲有海鮮拼盤送，所以就算平日都好多人食。雖然免醬料費，但醬料選擇一啲都唔少，除左常見嘅蒜蓉辣椒芫荽花花之外，連胡麻醬、泰式辣醬、黃燈籠辣椒醬同香醋都有。火鍋料全部都喺自助區自取，丸類、餃類、肉類、肥牛、蔬菜同麵食都有。飲品方面，果汁、涼茶同汽水都有，仲有韓牌Lotte。打邊爐必食嘅炸響鈴同炸魚皮當時亦唔少得。最後亦有炒飯麵、例湯同糖水。一坐低例牌每人拎罐野飲先。涼拌木耳酸酸地好開胃。雞煲由無辣BB辣大中小辣都有，因為屋企人有人唔係好食辣，就揀左BB辣。BB辣其實唔係好食得倒辣味，不過花椒鹹香味都幾突出，所以都幾惹味。雞肉唔會太鞋，唔夠喉仲可以無限添加。海鮮拼盤係一次性，兩位起就有得送，入面有青口、中蝦、帶子、蠔、蜆、脆骨腩同鯇魚片，海鮮都厚肉唔係細細件冇肉食，我特別鍾意個脆骨腩，好結實爽弾。肥牛同黑豚肉雖然只係平價貨色，不過都幾厚身有咬口。唔同嘅餃同丸都拎左啲試下，丸類方面雖然唔係手打，不過款式都特別，好多中間都有餡料，好似年糕丸、醬爆沙律丸、牛骨清湯

表姐call人食雞煲兼打邊爐，我呢個為食表妹當然舉腳支持啦啦啦！！先黎當然要食雞煲先啦～好中意呢度既雞煲可以走辣，然後辣醬另上，仲可以無限添食架！！！不過我地都只係encore jor一次炸，因為要留肚打邊爐呀嘛x)))我地所嗌既套餐會包一盤時令海鮮，呢晚有海蝦、生蠔、帶子、脆鯇片、蜆同青口=］生蠔飽滿，魚片爽脆肉嫩：）店內有自助食材區，火鍋配料、熟食、醬料同飲品都可以自行添取！連肥牛同豚肉都可以無限自取任食，十分方便，絕對係食肉獸之選xDD其他既火鍋配料都非常唔錯，各款餃類都係店家自包架！自己就特別推薦呢款芋泥貢丸，一試愛上～～～～口感QQ既寬粉亦係我既私心推介！！可以任飲既選擇都有好多，有冷有熱，有汽無汽，有糖無糖都有：）連糖水同湯品都可以係自取區搵到架～

好耐無黎啦，之前黎過都幾滿意！！所以依家晚市放寬返就決定要同屋企人再黎xppp呢度同之前一樣，主要食雞煲火鍋既放題：）有兩個價錢既套餐可以揀，因為屋企人唔算好大食，加上有兩個屋企人都食梗中藥介梗口，唔食得牛，所以就要左平d既198套餐~~~係等候雞煲既時侯，先去自助區夾左啲脆脆炸魚皮食住過口癮先xpp除左有自助區既食材自取，飲品區既果汁汽水都係任飲既：）飲品既選擇都唔少， 既有橙汁、汽水、果茶外，又有無糖茶同梳打水既選擇，仲有茶包熱水添！！！惹味雞煲可以無限添食，食夠雞煲就可以轉戰火鍋：）198既套餐，兩位起就會有一次性嘅海鮮拼盤送~海鮮質素都唔差啵；）可以自取既火鍋材料有足夠既選擇，店員仲會keep住refill~~~唔食牛既屋企人仲話豚肉幾爽口添！！仲有一丁同烏冬等麵食，黑洞都一定食到勁滿足xppp

有返堂食真係開心, 又可以約朋友食下飯吹下水!今日揀咗倫哥, 其實之前都來過幾次, 地點方便之餘, 最喜歡佢地雞煲任食, 唔係好多地方咁大方! 再加上佢地嘅雞大部份都係肉, 唔似出面其它, 大量雞骨!另外都要一贊餐廳侍應會經常來幫忙炒雞, 服務很好! 收碟亦很快手!餐廳枱很大張, 空間感很足夠飲品同食物都有自助吧, 排列乾淨整齊 最後我同朋友食咗3輪雞煲, 朋友都贊無介紹錯, 個辣味做得好香亦夠惹味!

突然邊爐癮起，同女朋友去上年食過嘅倫哥打邊爐，記佢係任食得嚟又抵食，見到社交平台佢哋今次仲推出$198雞煲邊爐餐，就去食食！雞煲好大煲，有成隻雞嘅份量而且用上三黃雞肉質嫩滑，皮脆骨軟，而且有點兒脂肪雞肉香口，風味獨特，而雞煲味濃香味撲鼻，因為佢地用上二十幾種香料製成，香麻惹味。響等食雞煲嗰時，有兩碟美食可食住等，第一碟係鮑魚冬菇同埋麻辣豆腐鴨血，聽職員講麻辣鴨血豆腐係新出品用鑊仔上，夠曬熱，兩件食物都好入味，唔算好辣。食完雞煲，店員問我地打邊爐嘅湯底想要咩，包括豬骨，蕃茄，莞茜等湯底，我地order 酸菜魚湯底，好正，唔會太咸，魚塊又彈牙,之後端上一碟新鮮嘅牛頸脊，砌成了一座牛肉小山丘，牛肉片嘅顏色好靚好鮮艷，牛香味勁重，我只係放落湯底十秒滾就拎返上嚟食，牛肉呈半生熟情度，牛肉肉質鮮嫩爽滑得嚟又有咬口！ 除此之外，仲有每人半邊新鮮龍蝦，海鮮拼盤同埋蝦滑，墨魚滑，店員話每日送嘅嘢每日唔同的～出面有近50款食物可以任食，包括唔同嘅菜，餃子，丸類，麵食，炸物等等，飲品櫃都好大開放俾人任飲。我未試過任食邊爐啲炸魚皮會咁大片，長過一隻手掌, 又夠脆, 另外手工餃都一流, 有4款俾大家選, 有鮮蝦

在佐敦行下行下，突然想食雞煲，見到很搶眼的燈箱，啫啫海陸空雞煲火鍋放題 $198，立即走上去食。入到餐廳，選了個最近食物區的位置坐下，餐廳環境很寛濶，非常好。點了任食後，店員先送上雞煲，又貼心地教我要點抄熟，雞的份量很足，味道很濃，炒起來香味濃郁，食入口，雞很滑很入味，令人不停地想食下去。食完雞煲，便轉食火鍋，我選了番茄湯底，有濃厚的番茄香味，我便出去自助食物區，取了肥牛，鵝腸，各種菇類，炸魚皮， 響鈴， 牛肉芝心丸，貢丸，牛骨清湯牛丸，及其他丸，種類很多，牛味很濃， 其中清湯牛肉丸最彈牙，還有免費海鮮，有帶子，蝦，蜆，青口，魚等等。之後再選了油麥茶及娃娃菜，菜都很新鮮，可幫助消化一點。飲品種類都很多，我挑了雜果汁，意外地不甜，糖份又低，非常適合我不好甜的一族。最後還有免費糖水，吃完糖水，感覺非常完美。

好耐冇食雞煲，今晚娘親話想食，即刻同佢搵間平靚正嘅食！今晚食雞煲為主，點左個平啲嘅餐$198，雞煲任添，食完就加湯打邊爐。打邊爐嘅材料就係出面自己拎，仲包一盤海鮮！飲品自取，選擇都幾多雞煲味道濃郁，雞肉切大大件，啖啖肉！雞肉唔好煮過長時間，保持雞肉嫩滑雞煲落咗好多香料調味，又香又惹味，我哋都添咗一次之後就加湯打邊爐，可以加豬骨湯或者蕃茄湯，我哋要蕃茄湯。火鍋配料有肉類、丸類、蔬菜等等；因為已經食咗好多肉，我哋就食蔬菜為主！健康啲！鮮淮山同埋萵筍好味，夾咗幾次。最後仲有糖水食！食到勁飽

所謂298任食海鮮火窩，開頭話有龍蝦蟹，點知只得基圍蝦，花甲，青口普通野任食，又唔新鮮，冰鮮小生蠔都要另加錢，298我仲使食你咩，以前d人話倫哥幾好食，唔係因為低價餐就歧視人掛，我食壯陽丸仲好啦，真係食大排檔仲開心好多啦

疫情下外賣變成大家既日常，好食既堂食同好食既外賣又真係好唔同勞蘇食就轉轉個外賣mode做個 ，疫市之中搵下生活快樂點子今次食人氣私房菜倫哥既盤菜(有興趣睇我倫哥既食評可以去佢既西環店睇勞蘇食)，可以揀自取或者佢幫你call車，一盒包靚蛋糕咁樣相當方便一打開包左個盤菜連可加熱盤、一個架、一個火(可燒約兩個拎鐘)，非常精緻倒埋鮑魚汁落去加熱，快靚正又香氣撲鼻未食已經心心眼好多野食，唔樣樣講喇，介紹幾樣好味既先試下鮑魚，夠晒腍既，味道不錯，不過比想像中既淡味少少但都ok既鮮蝦，放埋口已經聞到好鮮，一食，鮮得黎真係吸到鮑汁、蠔味同其他食材味，好正唔講得笑吸埋個蝦頭真係精華花膠，相當腍滑，雖然無蝦咁誇但都吸左好多味，正係細塊左啲即，食夠雞try try，正正常常，又唔會話浸到肉質好老咁繼續尋寶，南乳豬手，相當入味，雖然細細舊但都幾多軟骨食冬菇，其中一樣吸味菜，仍然保留冬菇味，幾好魷魚，以為煮左咁耐會韌但又無，但保持到鮮味同有啲似佢哋個雞煲個隻味，幾正最後就係無數既蘿蔔，係晒底度吸汁，無得輸整個盤菜keep到有唔同既味，又好味，個設計又好，計埋價錢你就知個性價比勁高建議大家煮熱時加啲粉絲、芋

有返晚市 終於有得同小胖男友去食雞煲打邊爐呢間倫哥都幾抵食 $198海陸空set 食完雞煲再可以無限時任食打邊爐雞煲我地揀左中辣 個人認為唔算好辣 不過除咗基本嘅花椒八角同辣味之外 仲略帶獨特嘅孜然香味 另外要讚下雞肉肉質嫩滑彈牙 都幾惹味食完雞煲就揀湯底繼續下半場 打邊爐任食既火鍋配料同野飲都係自助既 質素都幾新鮮同多選擇 仲連糖水都有得食$198海陸空set有一次海鮮拼盤送 有蝦，帶子，蠔，魚，青口同埋大蜆 真心抵食當中吃貨小妹認為蠔既質素最好 熟左都仲好大隻 味道仲好鮮甜肥牛嘅質素都比想像中有驚喜 有肉味之餘亦都幾嫩滑 CP值頗高其他配料方面 吃貨小妹覺得牛丸同松露小籠包都係必試

嘩～～～晚市重開返好耐冇打邊爐喇！呢日約左朋友仔一齊去滾😂環境好大，一邊係自助區，配料/菜/肉同飲品都係任食任飲的！先上餐前小食，鮑魚仔同冬菇～醬汁幾濃味道唔錯。而個麻辣鴨血有驚喜😍好惹味！味道偏向麻勁鐘意！雞煲份量都幾多，醬汁濃郁，香辣又夠哂惹味👅加入花椒令個麻感更特出！雞件如果可以再嫩滑d更好！之後就轉煲打邊爐，揀咗豬骨湯底，好清好甜☺️有驚喜喎！海鮮拼盤一上時又係有驚喜，有龍蝦、蟹、蠔、蝦、帶子、青口、魚等等，兩個人黎講真係好豐富啊😚仲要大部份食完都可以再無限追加！當然唔能夠話超新鮮質素，不過計返CP值真心唔差同抵食！另外仲有黑白滑，肉質彈牙唔錯啊～牛頸脊油花分布平均，食落有牛味。都係果句，計CP值$288有咁Q多野食真係抵玩到癲！質素都係見得人，絕對唔係俾cheap野hea你😬食完真係飽到上心口啊，點知原來仲有糖水送☺️個椰汁西米露就略略太甜，如果可以少甜就更好又健康啲嘛！食完同fd都一致認為呢個係高CP值邊爐之選，下次如果係一大班fd一於包房打！😏