金沐灶串燒

Open Now

Now Closed

不嬲有幫襯開，啲食物質素唔差，但今次就好唔愉快！以前收Cash都無乜事，今次埋單嘅時候選擇簽咭，本身有張單喺枱面check過無問題就俾錢，然後當我再check嘅時候無啦啦收多一罐啤酒錢，仲要係埋單喺我唔知情嘅情況下加上去！雖然好少錢但太唔老實！！大家要認真考慮支唔支持啦！

鋪頭入面環境好細 座位好迫 坐得唔舒服價錢唔平 但食物質素好普通 份量好小 性價比低佢無標明但每款串燒只有一串架咋 係食唔飽既其中叉燒拉麵同茄子係勁難食！🤢本身貪佢近近地 但以後要食串燒都係出遠點食了唔會再有下一次

我叫網上外賣平台 等左1個半鐘都算泥到食物凍既餐牌又唔清晰系貴我都照叫，諗住會有想同既價值。點知一打開。。。放埋入口仲嬲。。首先！個吉列蠔系凍又林。一啲脆都無第二！個鱔，公道啲，呢個系爽既，味道系好味，但都系凍既。其二，應該寫明一串，見到實物認真心痛。第三雞軟骨呢個真系好失敗！硬到呢。。。明知貴我都嗌兩串，真系好難想像會有咁差既水準。第四個薄切牛舌一串34蚊。。。諗住會有高小小既水準，點知。。。份量小真系好薄又乾。第五蠔串如果唔凍系好食咁樣就256買單。買教訓，我絕無下次！打入黑名單！

在人稱美食沙漠的馬鞍山要搵嘢食真係唔容易，夜晚時分可以選擇嘅除咗長青嘅m記麥當勞之外要搵嘢食真係好難好難。有日行過福安花園見到呢一間細鋪，老實講都唔係好大期望，因為整串燒整得好的舖頭真係唔多。見有少少肚餓又反正冇乜嘢做，不如試下啦！入去打開個menu嘢食比想像中多，於是膽粗粗叫咗燒青魚同埋牛舌🤔一試之下原來相當唔錯！色丶香丶味俱全，我認為性價比真的很高，係馬鞍山近年難得一見的好店。最最最重要嘅係員工態度都非常之良好。好多時候食嘢唔單止睇食物亦都會睇埋服務，我覺得這一個店舖各方面都ok值得推薦大家一試。

有次宵夜時間見到經過試下，門口不太吸引，所以冇抱特別期望。第一次嚟點了黑蒜拉麵，牛肉串燒，燒賣，竟然好好食，唔係hea比你，用料靚，牛肉唔係「那」過果d。第二次去叫了炭燒雞排飯，炸雞拉麵和烏冬，雞排真係炭燒，好正，唔係講笑，午餐只係$48仲有前菜加soft drink，性價比超高。可惜我冇全部影相😅仲有明太子准山，pineapple，年糕，燒鯖魚，銀杏，我都覺得超正, 好過上面商場果d，會繼續支持！

認識呢間餐廳係因為外賣Apps，之後響OpenRice見到有五個食評全部都係，所以決定試一試，果然又有驚喜。老實講串燒只不過係不過不失，但如果大家住喺馬鞍山就知道，連爭鮮都會大排長龍，呢間餐廳我真係同之前啲食評一樣咁講希望你唔好執笠，馬鞍山好需要呢類型嘅餐廳，不過不失已經感覺幸福。燒雞皮，沙嗲墨魚咀、沙嗲螺肉串同黃芥未雞肉串唔建議大家叫，但紫蘇葉雞皮蝦卷一定要試吓。招呼，等待時間都OK，但佢每一串串燒都只係上俾你响同一隻碟度，唔同串燒嘅醬汁溝埋一齊有啲影響味道，建議間唔中可以換吓碟。因為第一次嚟純粹試吓o唔ok，所以只係叫咗啤酒，但見到清酒獺祭50賣$510，我覺得太貴，建議價錢可以減啲，下次會試吓佢支山錦田。

住左咁耐終於有間似樣既串燒食過兩次，兩次都係外賣但外賣冇令質素下降雞肝雞心燒得靚，唔會過熟肉亦燒得有水準，冇食過一串係差相信堂食會更好食揾日真係要親身去支持下希望keep到水準！

同朋友晚飯慶生，壽星仔要求有酒飲的地方…選了馬鞍山這家新開張的居酒屋。老闆親自烹調，即叫即燒，各式串燒…雞軟骨丶牛肉串丶羊架丶鰻魚、多春魚丶帆立貝丶花魚一夜乾丶豬大腸丶冬菇丶秋葵丶雞脾菇丶芝士年糕丶燒飯團等都非常出色。等候同時，我們飲住清酒🍶一邊吹水，熱辣辣串燒陸續上枱。個人特別推介-紫蘇葉雞皮蝦卷，當晚只剩兩串供應，我和壽星各配給一串，呢個配搭好特別，真係好好味㗎😋其他人未能品嚐，下次一定再來光顧！陳豪也來過外賣自取喎🤩

Heard about this new Japanese restaurant from my friend and decided to give it a try!In general the food quality is pretty good considering its very friendly pricing. My favourite would be the grilled chicken heart which was very flavourful and not too dry after adequate grilling. The grilled rice balls were very good too!hkfoodtour’s official verdict: As a whole the value for money is good. Nice place for Japanese in the ‘desert’!!

馬鞍山呢個食品沙漠終於有間好野你問我: 有無得同中環某D日本串燒店比 (真。日本人燒) 比  - of course not dude. 但馬鞍山 + 呢個價錢 >> 非常好汁燒豬大腸- 呢個好好味，份量無厄你錢+醬汁好match特長雞皮串 - 特長意思係比兩條你，所以你唔洗拎黎打卡因為無乜震驚感- 味道幾好同出面差唔多月見免治雞肉軟骨棒 - 無出面咁大份 (但出面係$60-&70一串，呢到droo賣$28你仲想點)- 蛋汁冇出面日本串燒咁濃 厚切牛舌- 呢個不得了。好食到傻。一定要嗌川燒五花腩- 一樣好食到傻- Style係似內地野味串燒，唔係日本style淨鹽燒。所以it's a nice change + 唔會咁悶燒飯團 (三文魚)- 誤會太乾但唔係話一定要食。如果你係嗰D有飯落肚先會飽嘅人你可以嗌，唔會伏雞泡魚乾- 又係好好味，一定要嗌- To 老闆: 下次送外賣可以加多少少沙律醬....燒芝士豆卜- 外面燒得好脆- 芝士一食就知係平時卡夫芝士一塊塊。但我理解香港買芝士好貴，你賣得呢個價錢我就唔應該要expect你比D咩高級brie cheese/mozerel

這串燒店的門面不是很大，今晚揸車經過見到路旁有位停車便入去試一試，叫了幾個串燒食，發覺它的串燒有驚喜，原來是老闆自己親手下㕑，很有心思，店需小但品種也有幾十種，價錢大眾化，主要做街坊生意，老闆由廚房走出來交談，得知他已做了十多年飮食業。特別推薦燒雞泡魚干，厚切牛舌，佐酒一流👍。其間也有很多人買外賣。這裡特別適合駕車人仕，晚間不用泊停車場，可以直接停在店路邊，我泊了整晚也冇事，期間有警車經過也冇問題。

特別推薦!!!#秘製牛肋条 #特長雞皮串 脆啵啵（送酒一流）#燒原條麻辣肉醬茄子（師傅自己秘製麻辣肉醬，新鮮瘦肉醬，值得一試）#厚切牛舌#雞中翼（系日本雞翼）#燒菠蘿都好味隔離檯話燒五花腩好好味，我今次未食，下次試試！Asahi🍺買三送一#午市套餐48蚊主食加埋沙律菜及汽水超抵食！下次中午落來試主食！新開張鋪頭，師傅都好用心，推薦大家試試！#金沐灶串燒#即叫即燒#外賣熱線: 46000064#馬鞍山福安花園