M3 Italian (Closed)

個牛扒叫左medium，黎到成塊都係根，咬唔爛，仲衰過自己買番屋企煎！同其中一個staff講，佢話塊牛扒就係咁，完全無進一步去做任何野叫左個炸薯條，carbonara同蒜片蝦意粉叫做正常野，普普通通，無咩驚喜。另外杯Guinness 黑啤有d淡，好水，無出面嗰d咁好飲，再叫杯1664就幾好飲！唯一比較好嘅係有個女staff態度幾好，間野食物真係麻麻地，希望可以改善下，我都想大圍有間舒服d嘅西餐可以飲下酒，食下好野！

在大圍要食西餐沒有太多餐廳可以選擇，於是揀左呢間餐廳。嗌左一個肉眼牛扒套餐同一個日本生蠔套餐。牛扒沒有分幾成熟，都是統一一個做法，個餐來到的時候，賣相好差，幾乎是我食過所有牛扒餐中賣相最差的一次，忍唔住將原本用不鏽鋼杯盛住的沙律倒左係牛扒的碟度，先至勉強算是睇得過去。牛扒食落好鞋，沒有肉汁，好乾且咸。好彩其他配菜都好好味，沙律的醬汁調校得非常好，薯蓉也做得很出色。日本生蠔套餐，一共有六隻蠔，海水味不太重，也不是太腥，食落都幾鮮甜，生蠔總體來講算是OK。

午市去試食晏，我同老婆都叫左肉眼扒，一個跟飯加湯，一個跟薯蓉加沙律，餐飲就蘋果汁同橙汁。講真餐廳環境唔錯，有少少加印象分。可惜有兩個致命傷，第一，食扒唔問煮幾成熟就算，塊扒黎到好乾好韌。第二，我一停手就問係咪收碟，講真你間餐廳午市得3枱客，你係趕住收錢定趕客。一句講晒：3舊水2個餐，一定有空間做好少少。整體用膳體驗：5/10

今日去買外賣，18:40落單，職員話等15-20分鐘就有，我地理解整都需要時間。過左20分鐘，前面啲單都未整完，個個係到追。其實你做唔切點解唔同啲客直接講？仲同人講15-20分鐘可以拎得？等一個鐘先有得食，我洗乜食你？離哂大譜！！平安夜要人係條街咁樣咁等，最後係等左1個鐘20分鐘先拎到個外賣🙂仲要叫我轉個pizza ，否則繼續等。呢間野一句唔好意思到無，賠償又無，永久blacklist ！唔會再食！

大圍其實真係好多好嘢食，嗰日咁啱踩完單車，我哋又想Hea下食西餐，就被呢間裝修咁靚嘅餐廳吸引咗啦，門口仲好多聖誕主題嘅燈，好似幾有氣氛🌞🌞卡邦尼意大利粉配日本溫泉蛋唔好睇佢外相同一般嘅意粉冇分別，但原來隻蛋先係精粹，此穿咗隻蛋之後，，蛋汁用晒入去意粉入面，再加埋勁Queenie嘅白汁白汁，係完美嘅配搭🍕🍕 Parma ham pizza用句港式嘅形容，就係皮薄餡靚，喊靚我自己就唔係好鍾意美式pizza， 所以呢個就非常之啱我個皮非常薄，餡料卻非常豐富，而且唔會太乾，咬落去嘅時候仲好Juicy，面頭嘅芝士仲有黑松露味，火腿亦都非常香同肉質好味~ 

食晚飯搭一個地鐵站就到大圍，嚟呢度個原因係因為今晚特別想食鵝肝，見到呢度有鵝肝意大利飯，所以就嚟試一試。餐廳同大圍站嘅距離都唔算太遠， 5分鐘就行得到，環境都唔錯，有一種歐洲酒吧風味。我揀咗一個近電視機位嘅地方坐，佢電視係用短投投射出嚟。餐廳環境亦都幾唔錯。我叫咗一個套餐就係鵝肝意大利飯，$188，另外我再加左$78 ，升級做套餐，有多杯飲品同埋甜品。意大利飯啱啱嚟到嘅時候，我就同朋友討論，佢啲意大利飯每一粒都幾硬身，幾有質感，唔會係好似漿糊咁。每一粒都好分明。如果係要享受快餐嘅話，呢碟意大利飯應該會搞到消化不良。所以應該係要慢慢食嘅。個醬汁幾香濃，幾唔錯。鵝肝對於好多人來講都可能會有少少驚，對於我一樣都係，驚太油膩，所以我都叫餐廳特別俾咗啲醋。餐廳俾咗我嘅係提子醋，點落去嘅時候，發現同鵝肝都幾夾，加咗醋之後嘅鵝肝，甜甜的，雖然都仲會有少少食油膩，但同醋撈埋一齊嘅時候嗰種感覺即刻冇咗。就一啲都唔肥膩。飲品叫咗凍咖啡，不過不失。甜品方面嚟咗呢個雪糕窩夫，令我都幾有驚喜，我起初以為窩夫上面會係用好多cream堆砌而成，但佢嘅窩夫細細份，上面有好多士多啤梨醬，同埋雲呢拿雪糕，個味道都幾立體，

Tonight I have early dinner at M3 Italian alone after work.There are a few customers enjoying happy hours. While the bar offers some attractive dinner set for two, I being alone decide to take a simple dinner.I order a roasted lobster tail risotto in lobster sauce. I top up this main to a set with soup and dessert.I take a black truffle wild mushroom cream soup. The soup is rich and creamy. It is full of flavour and smells good. If less salt is added, it will be even tastier.Risotto with lo

—M3 Italian 🍝有格調的意式餐廳 😳 好啱同朋友chill ~店員好友善 鋪面幾大😚 價錢合理 食物水準唔錯 🙆🏻‍♀️ 值得一試 😋佢地嚟緊都出聖誕套餐 可以留意下~—Italian Quatro Formaggi Pizza ($158)極度濃郁既芝士Pizza 高度推介🤩薄餅非常香脆 比一般更薄身 唔會好heavy 😗四式芝士可以拉絲 好有芝士鹹香 好好味 😳份量啱啱好 夠兩人食😆—Black Truffle & Wild Mushroom Fettucine with Hokkaido Scallops ($188)黑松露蘑菇汁濃滑厚身😍 北海道帶子大大隻夠鮮味 😗 麵條軟硬適中 幾有咬口😉不過蘑菇味蓋過松露味 如果加重松露味就更正💛好濃好滑既醬 唔會太膩❤ 呢款食多啲會濟😚 最好同人share 😂—價錢：💋💋💋💋味道：💋💋💋💋抵食：💋💋💋💋環境：💋💋💋💋. ——地點：M3 Italian地址：大圍積富街33號積康樓地下E-G舖 營業時間 : Mon - Sun: 12:00 - 22:30—

呢間西餐廳聽朋友講好多次高質，今次去開大圍於是入黎試試先叫左杯 Gordon Gin， 都幾烈😂可能我酒量淺第一樣野係煎鵝肝，比想像中大份得多，好好味，油份相當重😂😂😂真係大份，最尾幾啖已經太膩了呢度菜最意外係d提子都好好食👍👍👍👍👍個味好夾～～～～～～～～第二道叫既係北海道帶子松露寬條麵呢個都唔錯其實，特別係用埋露荀👍👍👍棒棒的只係上一道鵝肝 太油膩，食左一半就要停手餐廳裝修係幾有氣氛，拍拖岩哂特別一提係我今次比錢發現無帶銀包😂😂餐廳又無apple pay/alipay等等，幸得靚女侍應出手相助先找到數，so many thanks👍👍👍🤗🤗

去開大圍，想搵度地方坐低舒舒服服食個晚餐😄上網睇一睇，呢間西餐喺大圍好似幾高人氣，所以就試下啦🤭我叫咗黑松露野菌湯HK$58，兩個前菜：煎法國鵝肝HK$128，法式牛肉他他HK$148🥳 佢仲做緊優惠，食滿200蚊就可以加10蚊一隻蠔🦪當日我一個人自私食🤫 所以就叫咗兩隻🦪🦪試下啦‼️鵝肝煎得好食👍生熟度恰當，入口即溶‼️以前菜嘅份量嚟講都算大塊😃🐂牛他他已經撈埋醬汁➕酸瓜，配toast咗嘅麵包🍴🥣餐湯飲得出係用新鮮蘑菇碎➕忌廉製成，啖啖都有磨菇🍄10蚊隻生蠔好抵‼️‼️新鮮即開即上枱嘅，因為掂一掂🦪肉佢都仲識旭🤩肥美🍴其實可以最多叫12隻，店員話如果食滿400蚊就可以最多叫24隻😆

今日有時間，決定去食得舒服啲，過了大圍搵食店，這家食過不錯，午安剛好有位。頂級安格斯牛肉漢堡配炸薯條頂級安格斯牛肉漢堡扒厚身，牛肉味濃，肥瘦肉均勻，肉質幼嫩，滿口肉脂香，夾著原片香甜菠蘿、半溶芝士、爽口紫洋蔥、新鮮沙律菜，漢堡鬆軟，口感豐富，伴有香脆厚薯條，醒胃酸瓜，漢堡有份量，夠晒飽肚。卡邦尼意大利粉卡邦尼汁有濃郁芝士味，醬汁好creamy，掛滿彈牙意大利粉，幼滑，煙肉碎粒添滋味。座位寬敞，場內可以飲酒，夜晚同朋友飲番杯都唔錯～

今晚我地一家四口就去左食晚餐，我地叫左一個闊條麵餐，再加沙律同野飲，就已經食到勁飽🥣菠菜忌廉湯，好香菠菜味，夠晒幼滑🥗煙三文魚凱撒沙律配溫泉蛋，比相像中大份，生菜都幾新鮮，煙三文魚好靚甘捲成3朵花，麵包粒夠脆，芝士又香🍝黑松露野菌闊條麵配帶子，日本北海道帶子大大粒好鮮甜，黑松露好香但又唔會濃到蓋過曬其他味！有好多菇，成個闊條麵滿滿忌廉汁好好味🍹士多啤梨mojito，冰涼清爽，淡淡薄荷味，又有士多啤梨既香甜🍮熱情果芝士慕絲，賣相好靚。老公同兩個仔都勁鐘意食，酸酸地又唔會太甜，食落好清新4個人食到飽一飽賣單唔洗$500，而且員工仲好有善，服務好好！如果下次可以同老公2人世界甘黎食既話呢，就仲好啦😂

Parma ham哈密瓜，餐廳會預先包住，食落方便啲！香煎鵝肝，超邪惡！配上藍妹醬，中和返。黑松露湯，好香嘅黑松露味，好creamy，有少少野菌咬口！香辣蒜片大蝦意粉同炭燒肉眼扒，呢度嘅主食都幾出色！2人餐仲有甜品拼盤！

呢日中午同屋企人嚟開大圍 就係附近找下有咩好食見呢間餐廳的評價不俗 於是一試餐廳的環境都闊落 坐得唔錯Set lunch 有配湯/沙律 同 餐飲我哋果日選左湯 是南瓜湯 但只得紅蘿蔔味 而且調味唔係好夠 唔推薦如果你哋去食可能叫沙律會開心啲我哋分別叫左：頂級安格斯牛肉漢堡 $92呢個漢堡味道唔錯 漢堡扒有肉汁 調味足夠薯條非常好食 啱啱上果時好熱好香烤美國特選穀飼肉眼配黑椒汁 $108塊扒肉質都嫩 有肉汁 都好食 黑椒汁正常薯蓉應該係用粉開的 一般般提一提就是呢到扒係冇得指定幾成熟蘆筍帶子意大利飯 ～$90一開始食個飯我個人覺得冇咩味 食到下面可能係底底啲飯有多啲啲汁 所以好少少但係友人就覺得淡淡地都ok最差的係帶子好似冇煎過咁碟飯有2粒帶子 一上我見到個色水已經心知不妙同友人一人一口一粒食左 先發現係中間係生的佢生的程度並唔係話煎到佢好嫩滑咁而係真係好似刺身果種生法 總括來說 呢間有好有唔好 不過下次如果再入大圍就應該會選其他餐廳

M3係大圍一向都係數一數二嘅西餐廳，食物質素高而且價錢合理，上星期同朋友都係附近放工，所以就一行三人去了M3食晚飯。去到一嚟就見到做緊生蠔promotion，只係$10一隻，朋友就大愛生蠔，見咁抵所以就先叫了做前菜Set dinner餐湯分別要了雜菜湯同野菌忌廉湯M3沙律見到呢個賣相我地已經被吸引住，係意想不到咁大碟，而且用料豐富，煙三文魚、雞胸肉同parma ham都各兩份，加上長長嘅芝士片鋪面，以及沙律醬、橄欖油同黑醋做醬汁，成個沙律簡直係物超所值，絕對值得叫！黑松露野菌意大利粉配日本北海道帶子特別喜歡呢碟意粉煮得軟硬適中，唔會太冧冇口感，而且醬汁啱啱好掛係每條麵上，唔會太多汁而變得好膩，黑松露味又相當香濃，加上帶子煎得香嫩唔會過老，整體都不錯。西班牙黑毛有骨豬鞍扒豬鞍扒我地叫了全熟，但竟然食落一啲都唔覺得老，內裏依然保留住肉汁而且肉質嫩滑，亦好有豬肉香味，證明食材選料不錯。另外豬鞍扒嘅份量頗大，絕對夠兩三個人share。最後甜品方面我地叫左雜果蛋白脆餅，蛋白餠食落輕脆，我地亦特別喜歡個忌廉唔會過甜但依然好有奶香味，又唔會好杰令口感變膩。