M3 Italian (Closed)

今次黎到呢間M3 Italian餐廳，就梗係黎食意大利菜喇，位於大圍市中心，行出地鐵就係好方便，雖然唔算得上美食地帶，但呢間質素都算okay。係人都知意大利菜要食好耐，但呢間加入左港式元素，好快出餐，慳時間得黎，又可以食到Italian風味。磨菇湯好足料，飲落夠曬creamy，仲有唔少磨菇粒，啖啖都有磨菇既香味，幾開胃，唔錯。黎到豬胺main dish，7成熟，食落夠曬嫩口，食落有少蘇味，但整體都係中上質素，而且熟得夠曬均勻，成個都係少少pink。薄餅夠曬脆身，個薄係脆薄底黎，食落好似食餅咁，好開胃，芝士都夠曬足。鵝肝係本人最愛，夠曬大件，而且好夠油脂感，入口即溶既感覺，仲有脆餅送，口感好豐富，食完好有滿足感。

weekend都有lunch set, 而且價錢唔貴所以試下 。點咗個美國肉眼牛扒配薯蓉， 牛扒好似茶餐廳嗰啲牛扒比較薄身，所以冇得 幾多成熟。 牛扒唔差嘅，不過牛扒邊嘅部位有啲overcooked， 我比較鍾意厚身啖啖肉牛扒。 呢個肉眼唔多肥膏。佢嘅presentation 唔美觀, 一大pat薯蓉撻咗喺塊好大嘅牛扒旁邊，牛扒下面仲有幾塊椰菜 。薯蓉冇乜味， 係開得好稀嘅薯蓉， 食唔到薯仔味。反而個餐湯carrot soup 唔錯幾好食。 加咗兩個炸物，炸芝士蝦球同埋炸魷魚圈，good good. 下次可以試試地方寬敞，張枱好大，服務好， 內部裝修有格調 。雖然食物唔係頂級， 可能因為係lunch set嘅緣故。我會再回頭。

呢日黎到m3嘆下西餐，環境都幾好，感覺好chill 同都坐得幾舒服～我地都諗住食豪dd 因為都真係好耐冇食過好野～～ 我地叫左個2人餐慢慢嘆！二人餐入面有餐湯，前菜，main course同埋甜品，食落勁滿足！前菜有鵝肝同埋parma ham! 鵝肝夠哂大件同啖啖肉！配埋法包食真係一流！法包夠脆鵝肝夠油！配埋一齊中和哂個油膩感！Parma ham同哈蜜瓜呢個永恆既配搭又係一絕！parmaham 既咸再配上水果既甜，令到呢個味道岩岩好，唔會太咸亦唔會太甜，食落仲有parma ham既餘香！勁正！Pizza我就揀左要four cheese pizza,食落真係好正！勁香芝士味，夠哂cheesy! 成個芝士配搭勁好，面頭仲有一d 大塊既食落勁有咬口！之後黎到重頭戲我地叫左豬鞍～佢既生熟程度岩岩好！ 唔會太熟好似趙泥膠咁，入面夠哂嫩同juicy! 配埋個醬辣辣地勁正.... 薯條又夠脆！一流！最後係甜品，waffle 配雪糕！真係好好味，好滿足！

大圍要搵間食西餐又可以飲酒既餐廳真係唔容易，今日去左呢間係內街既西餐廳入到餐廳，原來地方都幾大，環境都幾舒服，放左好多酒樽做佈置，7點幾左右都有唔少食客餐牌方面，當然唔少得酒😂，有好多款式，真係花多眼亂，仲有好多餸酒既小食，當然唔少得牛扒，意粉，燴飯，薄餅呢d食物我同朋友就叫左炸魷魚圈：份量夠多，炸得夠脆香辣蒜片大蝦意大利粉：意粉有咬口，煙煙韌韌，橄欖油掛左係意粉上，配菜有大蝦，味道幾好炭燒美國黑毛安格斯肉眼扒：擺款幾靚，叫左五成熟，外皮煎封左，入面d肉仲好嫩，加埋配菜既薯條，夠晒份量

呢間大圍西餐好出名，經常都有好多人排隊，今日同朋友敘舊，就揀呢間餐廳坐得舒舒服服傾吓計😎我哋算係少少豪食😜叫左個安格斯牛扒，5成熟，入面鮮嫰多汁剛剛好，唔錯唔錯😚蒜片大蝦意粉：呢個有啲辣度🌶️，調味好適中，意粉🍝煮得軟硬適中,大蝦🍤都有5-6隻，好足料😍炸魷魚🦑圈：香口勁脆身，魷魚係索索聲，好新鮮，配埋他他醬食，我堅食唔停😛無講笑嫁，你哋睇個樣就知啦😊因為聽日要返工，無叫到酒飲🍷，下次再試過😎

今日約咗兩位朋友到大圍午餐 好開心呢度有一間坐得幾舒服嘅餐廳 可以慢慢食慢慢講佢哋個lunch Menu 都會不定期改 咁你每次嚟嘅時候都可以試吓啲新嘢冇咁悶黑松露野菌芝士薄餅 鍾意佢哋呢度嘅餅底好薄識落好鬆脆 而且菇菌好香 適合中唔想食太多肉嘅人美國特選肉眼牛扒 食落無渣 肉味香濃 而且薯蓉 整得好creamy 肉加薯蓉通吃口感濃郁頂級安格斯牛肉芝士漢堡 牛漢堡入口豐盛 牛漢堡扒充滿肉汁 麵包烤得鬆軟不會過硬 有酸瓜汁在旁 俾你鍾意加或者唔多 幾體貼

難得系男朋友口中聽到話邊間餐廳好食🧐已經聽過佢講過好幾次M3🥸咁就一於同佢去試下啦🥳佢話要食牛burger，食親都係牛burger🐂🍔咁我都跟住佢都叫左個burger😜-安格斯牛肉漢堡 $118-個burger就冇得嗌牛既成數既，但係食落去都唔會over cook，都係好juicy😋好有牛味而中間夾左塊菠蘿，酸酸甜甜，食落無咁dry，咬落去每一啖都好豐富，好滿足☺️醬就有酸青瓜，好貼心係onside既，咁就可以自己控制個份量啦😝-環境好闊落坐得幾舒服，可以同朋友傾下計嘆個下午茶☕️如果想同朋友仔一齊share食🍔，落Order嗰陣時可以同waiter講幫手切一半，咁就容易d分享啦😆

今日去到大圍覓食，行經一間意大利🇮🇹西餐廳，於是行去，餐廳設計都主要用木色調，牆壁就石灰水色，一行入有個調酒的酒吧位，有提供happy hour, 客人可以選擇有高枱坐，或一般既餐枱。晚上有不同人數的套餐供選擇，套餐食物非常豐富，我地兩人叫左一個小食和兩個主食。1. 炭燒美國肉眼扒（12oz)$268，配上熱辣辣薯條🍟和黑椒汁，order 左5成熟，外層燒到金黃微脆，切開肉眼扒，見到紅嫩牛肉，充滿肉汁。2. 黑松露野菌意大飯配法國香煎鵝肝$188，好香濃的黑松露味，配上野菌更有咬口，厚厚且手掌大的鵝肝煎得外層香脆可口， 咬一啖內里滑溜，流出鵝肝的油香，食完非常滿足，意大飯味濃米心軟硬適中，飯入面亦有幼嫩青綠的鮮竹荀，超正。3. 酥炸芝士蝦球$98，必叫小食，且好有驚喜， 一粒粒金黃色蝦球波波，點上特制醬，外層非常香脆，蝦肉彈牙，內里充斥住流心熔岩芝士，可以拉絲，食時要小心，免得燙到個餵食咀仔。

由於好耐都冇得出去食晚飯，今日去開大圍一於就出去食返餐好既，由大圍地鐵站一出就好多餐廳，行左一圈後就搵到間意式餐廳就入去食返餐好既。酥炸芝士蝦球：一個個蝦球炸得唔油膩但好爽脆，內裡有拉絲芝士又玩得又好食，加上奶油醬汁一陣就食晒👍。黑松露野菌意大利飯配法國煎餓肝：大大塊餓肝係面加上黑松露意大利飯賣相非常靚，餓肝煎得剛好，黑松露加上意大利飯上味道好夾而且比例剛好，值得推介。炭燒美國肉眼扒：5成炭燒肉眼扒燒食剛好，外表見到有燒紋，內裡鬆軟。

超過一年沒有與這個閨蜜相見了,疫情稍有緩和我便馬上在她家附近吃晚飯。-M3 Italian 之前在沙田圍站，食物質素尚可，環境不錯。但自從M3搬了大圍後，我一次也未吃過。所以今次約會便選擇它。一推門就見到又高又大的紅酒櫃，牆壁掛上了不同風格的畫。抬頭望，吊燈是以用鹿角來做，挺特別。晚飯時間人比較多所以缺少空間感。-HK$268 傳統西班牙燒乳豬～乳豬皮燒至脆薄像薯片，吃起來「卜卜」聲，好香口。乳豬不是太油膩，肉身充滿咀嚼感。乳豬旁伴有細緻的薯蓉加上爽脆的法式邊豆，非常有滿足感。-HK$148帕爾馬火腿薄餅～薄餅烤至透身，所以餅底非常爽身。帕爾火腿帶點鹹香加上大量火箭菜一起吃，沒有油膩感。-+HK$78可以升級三選二之湯/飲品/甜品～我們選擇湯及甜品。湯我們選擇了黑松露野菌忌廉湯～侍應將湯放上枱的時候已經聞到濃烈的黑松露味道，呷一口，松露的芳香在口腔中跳躍。熱情果芝士慕絲～朋友說這個熱情果夠香夠濃郁有沒有搶走芝士的味道慕絲非常軟滑不是太甜。巴代洛娃蛋白餅～以酥脆蛋白餅配上微酸的藍莓、士多啤梨及奇異果伴來吃，一點也不覺得太甜。

自己一直以來都係大圍住，火車站對面積富街都唔少餐廳，我自己就幾鍾意去呢間餐廳食飯。今日一坐低嘅時候，由於午餐食得太飽，所以冇好似上次咁樣揀Set dinner，呢度嘅晚餐，可以照完主菜之後，加$78 ，有餐湯、甜品、飲品三樣嘢揀兩樣嘢。但係我今日就選擇咗happy hour，叫咗一個前菜法式他他牛肉同埋一杯frozen飲品Yellow，買單計都係$240左右。餐廳嘅環境都好優美，我六點幾嚟到嘅時候，都唔太需要等位，而且餐廳嘅佈置都好Decent，仲有花飾擺設。一嚟嘅時候，先係飲品Yellow，這是一般飲品混合左Rum、乳酪、同埋芒果醬，再用碎冰打碎，令到飲品有碎冰感。乳酪仲可以一啖淡咁食，芒果味唔算特別甜，Rum酒飲落嘅時候亦都唔會有太大感覺，但食完呢餐飯之後，大概隔咗半個鐘，就開始有少少暈暈地。法式他他牛肉，佢個整法都幾特別，都幾超出我意料之外，以前喺法國食開係會混合左一啲嘅千島醬，但佢呢度就係混合左蔥蒜味同沙律醬，坦白講各有喜好，但我自己覺得，呢一種食法都幾特別，尤其是配埋蒜蓉包一齊食，都幾唔錯。特別係佢嘅牛肉，都幾香牛味。

晚市開返冇耐，都冇乜同屋企人食吓飯，今次就帶吓大胃之母見吓世面，嚟大圍大胃成日經過好想食但又冇食過嘅意大利餐廳，共進晚餐一嚟就見到生蠔menu，大胃忍唔住喇，食咗個宮城蠔，雖然唔大粒，但鮮甜十足夜晚黑大胃唔想飲嘢，只想飲吓酒呢杯cocktail飲得非常愉快，又大杯又靚又好飲試一間西餐嘅水準，非食卡邦尼不可，睇佢煙肉好有料到，醬料稠結度適中撈起嗰時香氣撲鼻，意粉軟硬剛好，五星級呀Pizza厚批重點係塊包，而薄批重點就喺啲餡度芝士唔一定拉晒絲先好㗎，味道夠rich先係精粹冇諗過佢兜薯條多成咁，黑松露醬食晒成兜薯條都仲未點完唔怪晚市門庭若市，嚟食一餐就知點解

今日放假拍住拖過左黎大圍車公廟轉風車，順便搵食，醒起同事提起過既M3係幾有情調既西餐廳，店舖招牌相當搶眼，大大個紅綠色霓虹燈，好易搵到，就決定入去試下啦，環境好唔錯，餐廳仲提供多元化美食包括意粉，扒類，生蠔應有盡有。 午市套餐包沙律或餐湯（各點了1️⃣份）及普通飲品，特別飲品需要另加錢，沙律好新鮮入面有平時少見既椰果，增加口感，餐湯都好多蔬菜粒，同埋微辣。 🔻夏威夷式海鮮芝士薄餅餅底係薄身，上面有好多餡料，包括蜆，八爪魚，魷魚，蝦仁，切粒3️⃣色椒，菠蘿，大量溶化左既芝士，顏色配搭鮮豔，賣相一流，食落好脆。 🔻烤美國特選穀飼肉眼牛扒配黑椒汁 （可選配意粉／飯／薯蓉）餐廳安排既熟度，塊扒都幾大塊，牛肉味濃郁，肥瘦適中，而且唔韌，薯蓉好軟滑。 每食完一樣，侍應收碟都好快手，唔驚張枱會放唔落，佢仲有happy hour，下次可以搵住附近既朋友再食過👍

喺大圍站附近搵嘢食，想食西餐，上網Google一下，就搵到呢間口碑幾好嘅西餐廳，咁就行過去試吓😊叫咗$128嘅Lunch Set 「烤美國特選穀飼肉眼牛扒配黑椒汁同意粉（叫咗少意粉因為唔係好肚餓）」，午餐包餐湯，呢日係「雜菜湯」，另加$15要咗杯 Grapefruit Juice 😋「雜菜湯」先上，濃郁兼非常熱辣辣，幾好飲😋。跟住嚟牛扒，嘩！四方形嘅碟真係超級大，牛扒意粉放喺裏邊好有氣勢🥰，牛扒非常大塊，肉質軟熟幾好味，牛扒下邊仲有三條秋葵；意粉份量非常之多😆，呢餐食得超級飽😊

It is probably the worst italian restaurant I have ever visited. We ordered parma ham pizza and it looked so bad and was tasteless. Pizzas are supposed to be doughy but i felt like i was eating biscuits. Worst is the dessert i ordered the mango sorbet and i was served mousse. I asked the staff and they insist it is sorbet and it is homemade by them. Seriously i think as a proper restaurant you should at least understand what sorbet is before you make it your menu itemI will never come again!!!!!