馬仔粉麵

Open Now

Now Closed

人在龍城，在某間專賣日本水果的店子買野，近lunch hour就來街市吃個麵知道馬仔的凍milk tea好得，專程來一試，一坐下就要一份腿蛋麵，再多一杯凍奶茶出前一丁的出品，忘了點炒蛋，還好味道不錯，麵不稔，夠咬口；凍奶茶，茶味足，但不失奶味，非常香濃，真係夠得　十一蚊一杯的凍奶茶，的確有抵飲既地方雖然服務不叫非常好，但亦稱職，感覺唔錯

午間, 本想努力一下, 但樓下發電機房一星期發功一兩次, 永無寧日, 又嘈又臭人都滾, 進度幾近為零, 逼著出外, 近近地去龍城.走過陳南記, 店仍因水務處搞事而無法開鋪, 幾次路經, 工人都悠悠閒閒, 實在難解是在進行什麼大工程需半年多.不知不覺已到街市, 於是上去. 原本打算食腸粉, 不過德記打烊, 就食隔鄰的水餃.半年多來, 此為自己第二次食水餃, 上一次在七喜.一碗淨水餃五隻, 包得紮實亦靚, 摺疊處都不硬.咬一口, 香菇放得較坊間的多, 香味更豐, 可是筍及木耳就不太夠, 口感略遜, 衡量之下, 香味是重要點. 當然有店做到香味口感俱佳, 要數的, 就是附近的陳南記.陳南記未必是最好的水餃, 卻為個人吃過最好的.常言斷人衣食, 如殺人父母, 水務處你…

今年最熱的下午,我走到九龍城街市三樓覓食;本來打算吃德記腸粉,但似乎已經收工了,退而求其次吃馬仔水餃吧。向木無表情的阿姐order後,望著老闆在對面檯包水餃、雲吞,也望著旁邊樂園忙過不停的泡製凍奶茶、紅豆冰,真有趣。水餃皮頗薄,令水餃看來有點通透感覺;蝦肉、香菇、筍絲等餡料吃起來很爽口,味道也剛好,幾條翠綠西生菜灼得剛熟,兩樣配合得不錯,雖然上湯味道很一般,不過水準已經很不錯,下次再試其他。醫了五臟廟,在樓下街市買滿了2個環保袋的餸菜/生果,超痛快!

唔知點解呢排胃口大開, 一個人食lunch, 食完樂園的沙爹牛米(一星期去了3 次, 阿叔已經認得我了!), 竟然仲食得落一碗淨水餃.水餃(見圖) 賣相唔錯, 而且大大隻. 蝦肉鮮甜, 食落都幾爽, 不過如果再多d 木耳絲/筍絲會更爽更好食. 整體0黎講都唔錯, $14 一碗非常抵食, 不過"慕名而來" 的話... 唔使喇!(Service 5 分係俾樂園阿叔的!)

雲吞之二奶- 水餃,前文說到九龍城的馬仔,係小弟其中之一最愛.周日同場好鄰居文叔例牌休息.馬仔便借來樂園的一角,順便供應奶茶咖啡之類.還有一些餐蛋麵等,不過,在馬仔,當然要吃其水餃才算合乎規矩.其熱奶茶沖得香滑,奶茶味合乎比例,真不比樂園差.水餃麵多年來只賣$14.三隻水餃大大隻,其爽實口感,外型如金魚的散尾,味道,質感,同外表,在同區之中算是表表者.唯一能比得上,仍是陳南記.麵身鹼水味仍重,再來也是來個淨水餃,再在樂園點個炸豬扒,如果未夠喉,對面德記的即拉腸粉呢?

我唔係想話馬仔粉麵,係想講夜晚打邊爐個時!成日去運動場打波都見到幾好生意,於是有日去左試下啦!唔叫佢都唔識幫我搵位,之後一坐低已經見佢黑哂面,叫野食想問下個唔知男定女既人(可能係太子女定仔啦)野,佢好似啞左咁既完全唔出聲,手指指,仲要一路食住煙!之後叫左3碟野先,佢個樣勁不滿,其實因為個度無乜野好食,加埋都唔知有無20樣野!叫碟鵝腸都要$50!!!痴線!!$50我去X哥啦!!叫左碟牛肉$80墨魚丸好似$25鯇魚片$25雞件$25碟牛肉有肉味但(un),同出去幾十蚊任食差唔多,可能好小小既,不過完全唔值!雞件成點加埋D肉都唔知有無一隻雞翼咁多唔係雞全翼呀!全部骨黎,頸都比埋我!墨魚丸唔係手打既,可能去街市買既,衰過去百佳買香港仔魚丸。鯇魚片千萬唔好煮咁耐,唔係實搵唔番!個湯底算最好,都夠味!我完全唔知點解九龍城咁多間出名既火鍋店,佢竟然都有咁好生意,如果佢開係大角咀都唔應該有生意!!!!總括黎講,無禮貌,唔好食,無環竟,少選擇,仲要個個係度食煙!最重要係無禮貌,真係唔丘無生意咁!

今次跟女友上嚟探阿文叔之餘，亦順道揾吓馬仔...記得自己對上一次响呢度食麵，已好似頗耐之前嘅事..今次忽然想食碗水餃撈...麵幾爽，鹼味不重，又夠大碟；水餃大大隻，有蝦之餘亦有少少肥豬肉，不過木耳絲落得唔夠，冇咗嗰種爽口嘅質感，可惜...只係賣十八大洋，比出面平一大截，仲想點?

前文講到自己係龍城"樂園"熟客,好多時,胃口好果陣,通常會叫埋隔離檔"馬仔"的水餃.散尾水餃,好少機會吃到,馬仔的水餃,大大隻,材料足,盛惠$14全個龍城土瓜灣,最好吃的水餃.馬仔無出其右.如果要講對手,深水步的劉森記,可爭一日之長短.

琴晚七個人打邊爐，冇平時食果啲咁多嘢食揀，而且都幾貴，普通丸類都$20碟，鵝腸、脆肉鯇等等$50，朋友話必食0既手切牛肉就唔知幾多錢，枱枱都會叫，但都係鍾意食肥牛肉多啲。食飽仲叫隔離泰苑小食啲甜品，椰汁糕好味道。

一直以來，都有一個誤會。誤會橫街鋪頭仔會有高人，誤會大牌檔實係好食，誤會街市熟食檔必然有料到。其實，好多都係比人講到響朵的。好似呢間麵檔，煮出黎的雲吞麵，雲吞係自已包的，但太實，湯似有還無，整體比我的感覺，就好似$10碗果隻。完全係雪藏食物的水準。好在，心血來朝飲個凍檸啡，好耐都無飲過。

水餃麵～誠意推薦!! 只係14 蚊一碗!