馬仔粉麵

Open Now

Now Closed

從來不知道原來九龍城街市內有如此GOOD的邊爐星期日晚,我地去到7點左右我以為會無咩人,因為星期一D人都要返工但去到已經無咩台7點乍WO~~~~~好彩仲有位,不過15分鐘後已經要等位了一坐低就叫左個沙嗲湯底先其他火鍋配料全部可以雙併都只係$35雖然份量係有DD少不過少人打邊爐既我地非常適合街市內的另一邊係泰國菜好多人都將佢地crossover我地就cross左芒果沙冰同炸蝦餅(球)味道一流炸蝦餅有少少有,但好味沙冰有濃郁芒果味,絕無渣流灘沙嗲湯底非常濃郁真係配咩料都食到湯既味同肥牛魚皮餃超夾不過手切肥牛就"痴"刀有D就碎濕濕有D就大大塊睇黎師父要換過把刀枝竹亦很OK.....煙煙韌韌出面好少食到菜--係可以自己出去攞個籃夾的我出左去夾,仲揀左兩種菜不過原來可以夾好多的我只夾了剛好滿下次要夾多DD了~最特別係除了烏冬出前一丁仲有生麵同河粉打邊爐比較少見不過最後的雲吞拼水餃就一般最可惜沒有我最愛的栗米~~~~愛打邊爐者,必去~~~

近年上九龍城熟食中心，也是拜會樂園，想起很久沒有吃過馬仔的水餃，在這個早上，便來一吃。以前同區還有"陳南記"，其水餃做得很好，可惜結業了好幾年，在這區想吃一碗水餃，始終想到馬仔。皮滑，材料足，但蝦肉有點點霉，不夠新鮮，湯身鮮甜。當年賣＄14一碗，現今百物騰貴，加多幾塊錢，人之常情。差點忘記馬仔的晚上，還有火鍋，在千禧年的春天，我記得我是來過，至於與甚麼人來，已經記不起了。

依間"馬仔"火鍋都想試下既~不過又未至於好期待要去~依日好在早去早有位唔駛坐搭檯位置~同埋最估唔到食店既用料咁靚~真係好喜出望外既感覺!!火鍋醬料既辣椒~唔夠可以問阿姐再攞..態度都好慷慨我地揀"沙嗲+蕃茄"湯底~火鍋用既銻煲細細個..好得意呢"沙嗲湯底"超正+超濃郁..味道好夠香(推介)火鍋料唔太多選擇~我地點個雙拼"鱔魚+脆鯇腩"份量好足~用料非常新鮮..脆鯇腩有魚鮮味"鱔魚"真係要激讚..魚味好濃~肉質嫩中有咬口魚皮層帶煙韌~但又有溶化甘味既感覺..正"牛肉(例牌)"(足夠一人份量)色澤好靚而且有雪花~好有牛油香..肉質好正好味雙拼"豬粉腸+雲吞"雲吞用熟蝦~雖然唔彈牙..但好有味又少豬肉"粉腸"好軟腍~入口甘香又夠粉"蓎萵"..新鮮脆嫩又夠濃菜味整體食物用料上乘~份量足而且好新鮮~服務都好好呢

前一天晚上才吃過火鍋，今天又再吃，鬆弛跟我對火鍋真是百吃不厭。九龍城很多火鍋店我們都試過，有名的、貴價的、少人去的去過，有一家在wish list裡但一直被埋在谷底的，突然就在這晚「叮」一聲自己彈出來。晚上的九龍城街市只有兩家熟食檔，一家是賣泰國菜，另一家就是吃火鍋，午市的時候會賣粉麵。天氣雖然漸漸轉涼，不過來吃火鍋的人不算多。這裡的桌椅是兩家共用的，所以坐下的時候阿姐也提醒可以點泰菜那邊的食物。聽說這裡的沙嗲湯底不錯，所以雙併了一個蕃茄湯底，反正鴛鴦鍋不用加錢。火鍋配料選擇不多，不過相同價錢的可以雙併，不另收費，既然如此，當然要大併特併。點了一碟小的手切牛($120)、鵝腸併鯇魚腩($65)、韮菜餃併魚餃($35)和一籃生菜($20)。其實菜我也想雙併的，不過只有生菜和唐萵，而我是不吃唐萵的。火鍋用的銻煲很新淨，閃閃光亮的好像新的一樣，這種煲很少見，聽說傳熱比較快。沙嗲湯底單看賣相己經覺得相當濃郁，差不多有方榮記的水準，而且就算後來加了一次水仍然不覺得淡。蕃茄湯那邊就沒什麼特別，蕃茄一看就知道是便宜貨色，是一直煲到火鍋吃完也不會爛的品種。本來鬆弛看到牛肉大和小只相差$30，覺得叫個大

打邊爐材料選擇唔多，但最好係可以雙拚同價，可以食多幾款野。牛肉：牛味香又肉嫩。墨魚丸：雖然唔算彈牙但墨魚味鮮甜。鯇魚腩：魚腩厚身肉滑新鮮，唔腥又唔多骨。水餃：餡料豐富又爽口，好新鮮。鯪魚肉：一般般，無咩特別。環境雖然唔靚，但有著大排檔無拘束既感覺，而且店員姐姐好nice，令人食得好暢快。

想打邊爐我每次都去東榮，不過今次老婆話之前同同事黎食過話幾好，於是我地兩個又黎試下。老婆放工近拿位先，其實原來係可以訂位。兩個人叫左個沙嗲湯底，個鍋原來用銻煲幾得意，跟住叫左肥牛、牛拍業、鵝腸、魚卜拼粉腸、雞件水餃同烏冬。食物每樣都ok幾新鮮，牛肉味濃唔奀、雞件亦唔差，聽講係好多人叫既，其餘一般。雖然係街市樓上但坐得唔迫，樓底高又唔嘈，埋單三舊幾，唔算貴但亦唔係話好平，食材質素當然唔及東榮，但相對價錢又平過佢，都算幾抵。

私之女人愛來樂園吃其碟頭飯,實情小弟覺得自己煑得比樂園更好,所以樂園實在不是小弟的那杯茶.最近又有機會重臨樂園,看到煮出來的東西,實在有點不敢恭維,之前都仲有間德記可以叫吓,但佢又冇再做,唔....試吓馬仔啦,唻咗咁多次都冇試過.睇吓個menu,價錢唔貴,但先叫一碗水餃麵試吓先.....送到嚟先比錢.嗰size就咁上下啦,味道,好老實,只能夠話係冇驚喜.佢唔會好似出面大一大隻蝦咁比你(如果你係喜歡大蝦既話),但我食廣東水餃其實係更著重佢啲其他配料,木耳和荀係可以令一隻水餃有畫龍點睛既感覺.所以,冇蝦?唔緊要,最緊要有適當份量既木耳同荀.好可惜,佢做得唔足,而整個水餃既味道亦可以話係偏淡.麵就普通啦,冇乜好講.食完一個麵,當然唔夠啦,好,試試佢既牛腩麵,走湯.好老實講,一間麵檔,啲乜丸物丸都係交嚟多.要試就要試佢地啲雲吞,水餃,牛腩,豬手.走湯係因為想試吓原汁牛腩既味道.送到嚟,再送上十六個大洋. 一試....唔....其實可能係個廚師比較鍾意淡味既食物.唔係話唔好,佢用既牛腩係有牛肉味,唔係雪到死實實嗰種,但我只可以講我比較喜歡濃味多啲,而呢度就比較淡啲口味.雖然佢唔係好出色(成日都以

這夜與老友在九龍區搵食，佢話有次上九龍城街市買泰菜見對面打邊爐食材不錯，就同佢來一試﹗地點在九龍城街市三樓熟食中心，應有不少朋友食過對面的一檔泰國野，我記得也有介紹過﹗店名叫馬仔，聽說之前是在熟食中心做粉麵的，之後再做埋火鍋﹗呢期開始熱，一來即時來支藍妹先﹗唔貴喎﹗$20﹗這間馬仔全部啤酒都係廿蚊支，心水清的都知全場叫藍妹啦﹗見檔野門口都係話自己用特色 "銻煲" ，有幾特色大家一睇就知，就係不規則歪歪曲曲的﹗其實用銻煲有幾好我就真係唔多知，只知方榮記都係用緊呢隻煲打邊爐﹗要了鴛鴦湯底，三十蚊吧﹗炸魚皮大大碟，又係$30﹗打邊爐必吃，既快脆又香脆﹗呢度就在街市當然用番街市貨了吧﹗所有食物價錢也不貴，黑柏葉又係三十蚊碟﹗那種韌韌的口感我很鍾意﹗食物大路﹗無話咩特色野，鍾意吃咩就叫咩﹗魚皮餃拼魚片頭夠哂大隻抵食﹗想講魚片頭雖不是即炸貨，不過魚味相當香濃﹗手切牛百二蚊，好鬼大碟，差0的食唔哂﹗手切貨，件件厚切起雙飛，肉質同油脂分佈平均，豐腴香甜﹗輕灼入口，看不出的鬆軟，有少少渣不過肉味很濃，我同老友都話正﹗新鮮很不錯呢﹗手切牛值得推介﹗飲啤酒我同友人都係鍾意飲兩溝，這是男人的世界﹗黑啤溝藍妹是

吃過樂園，順道也繼續掃場，目標是馬仔，聽說此處的麵及水餃都很不錯，另在餐牌內見到有豬手，也很久沒有吃過，一於又點來吃一吃，另也想試此處的牛腩，所以最後點了一個豬手撈麵及一個水餃牛腩湯河，務求點兩碗粉麵，就可試到最多的東西。等了不久就有得吃了，先來的是豬手撈，另跟來一碗湯，那碗湯喝起來有點雲吞麵湯的味道，但就調得過鹹了，大地魚的香味也不太強，個人認為何洪記的要好得多了，然後也將視線轉移到豬手麵，未咬豬手，就已經見到豬手上竟有豬毛，不是只有零星的數條，而是非常之多，見狀噁心，而且其豬皮也不可說是炆得很軟腍，吃起來南乳味又一點也不足，真的勉強只可以說是不難吃。吃一口麵又如何，麵下了點醬油，但吃起來的味道就完全被麵的鹼水味所掩蓋，不要說笑，鹼水味真的很重，真的很久沒有吃過咁重鹼水味的麵了，真的是一種令人難受的感覺。接下來談另外的水餃牛腩湯河，什麼也不用說，先喝一口湯，湯底帶了點腩汁，但喝起來只有一丁點滷水腩汁的味道，可幸河粉厚薄適中，吃起來不油膩又非常滑溜，不錯，至少比剛才的麵好得多了。至於配料方面又如何，水餃的皮非常之滑溜，而且也很薄，水餃內有豬肉有荀有蝦，蝦肉尚算爽口，但豬肉及荀的口感有點

有人推介我馬仔打邊爐勁得, 我和老公立即去試下, 先讚下服務好好, 真是估不到的, 再說食物如肥牛$120呢個價錢算幾好食, 炸魚皮夠脆, 丸一般, 鵝腸不夠肥, 水餃自己做算吾錯了,大致上水準OK, 但地方啱些三五男子多些!

星期天，例行到龍城街市買菜做飯。剛啱到了吃午飯時候，跟太太走上三樓，到馬仔那裏吃碗麵....週日文叔是不開爐的，檔位就讓給馬仔做些簡單的奶茶三文治及餐蛋麵，好讓那些專程走來捧樂園場的，不至於空着肚子走吧當然，兩者的水準自然是有一段距離的。要吃，還是平日來吧....作為老顧客，吃的當然是馬仔最耍家的粉麵。貪心一點，叫了碟牛根水餃雙併撈。份量好像比從前的少，不打緊，好吃便是。先呷一口湯，沒有很濃的大地魚及蝦殼香，只有些微辣，感覺怪怪的。蠔油沒有下得過份的多，麵本身全靠腩汁調味，吾之大欲也可是先嘗牛根，色澤是夠了，淰亦是夠淰了，但可是一點味道也沒有心有不甘，喝了一口水後再來一件吃吃，是依然故我的淡味不吃一輪，怎麼水準下降得如此厲害 ?水餃看上去包得漲卜卜的，帶動了食慾。吃一口，木耳絲及筍絲下得不多，蝦亦不算鮮，是極普通的貨色。跟劉森記的，可謂相差十萬八千里遠....連麵條也吃出鹼味來。吃至尾段，實在忍不住，吐了出來....究竟發生了甚麼事 ?臨行前，看到"三劍俠"之一的德記連招牌也沒有了是否亦已解甲歸田 ? 若是如此，以往先到樂園叫碗沙爹牛米後再到德記來碟腸粉的情境，一切俱往矣.....回憶

今次飯局由朋友發起，地點是九龍城市政大廈的馬仔粉麵。大伙兒特意約到粉麵檔？究竟有甚麼特別？位於這個市政大廈三樓的熟食檔，共有三個店鋪，一是奶茶檔，晚上已收爐；另一個則是泰國菜；而我們今次選的是這個粉麵檔，而到了晚上卻會搖身一變成了火鍋店。先說環境，就是大牌檔格局，燈光昏黃，桌椅簡陋，人多時有「搭檯」現象。不過今次我們一行十二人，坐滿由三張摺檯搭成的大檯。另外，由於是密閉式設計，人多時份外嘈雜。食物方便，這裡有一般火鍋店俱有的款式，湯底則是清湯沙爹或是皮蛋芫茜之流。大伙兒飯局有個好處，就是可隨意點菜，不會有不合口味、吃剩等問題。我們叫了很多食物，在此略作介紹：生蠔：簡簡單單，新鮮肥美。 手切肥牛：火鍋必吃，但質素中規中矩，不算非常突出。 脆肉鯇：首選推介，十分新鮮，連平日不甚吃魚的朋友也讚口不絕。 鮮魚片：與脆肉鯇一樣新鮮好味。 豬皮：夠爽，有「咬口」，不會霉霉爛爛。 鵝腸：夠乾淨，無異味，亦夠彈牙。 丸類：普通貨色，不過不失。 蔬菜：份量不多，尚算新鮮。 其他食物也是一般火鍋店貨色，可以接受哩。論及價錢，以大牌檔而言，這裡不算太實惠，食物平均也要二十多元一碟，如選擇生蠔肥牛等更貴。如去

又再次吃粉麵作午餐。身在龍城，能試過的都已試了。是日來一個"翻兜"，到馬仔裏吃一碗河粉....這裏的水餃一向包得大大隻，筍絲及冬菇絲齊備，但就是欠了木耳絲，總覺還差了一些東西似的；蝦挺新鮮爽口，也很夠份量。可惜只得兩只，不太夠喉....豬手是明符其實的"手"，並沒有甚麼腳的部位滲入其中。皮挺爽，很有咬口，肉也挺入味的。吃豬手的最大樂趣就是可以邊吃邊啃骨。兩大件豬手，真的啃得不亦樂乎....一大碗河粉，吃得飽飽的，朕滿足矣.....

在龍城街市上的馬仔,其水餃做得很好,一直是我心頭好,除早年曾在晚市打過邊爐外,馬仔的粉麵來講,真係獨孤一味吃水餃,其他的未試過.早上來除了同樂園文叔打個招呼,例牌凍奶茶,雪菜米之外,今次就刺激少少,用牛腩撈作早餐,而且更要求:{落重豬油!}晨早流流就那麼高潮.因為小弟的作息時間,同正常人有點相反.早餐的份量,隨時比我晚上吃的更為豐富.小弟已不止一次說,吃撈麵不下豬油,實在太不像話.現今很多舊式麵店也會有豬油供應,但礙於現代人怕死,所以也不敢大大聲.我每次吃撈麵,一向奉行多油政策,趁現今仍視膽固醇無物,盡情地吃.牛腩是柱候系,味道不及漢發或長發,嫌有點淡,沒有前兩者做得香濃.本身牛腩炆得算稔熟.蛋麵條爽口有彈性,鹼水味不重,馬仔的豬油同牛腩一樣,不夠香.最香的,是另上的大地魚湯.味香得撲鼻.今次之後,下次都係吃回水餃.

淨水餃一碗四大粒，粒粒豐滿扎實，蝦肉新鮮，木耳筍絲爽口，水餃皮又薄又滑，咬起來好有口感層次感。清湯中還有生菜數片，吃起來更覺清新，確實不錯。龍城市政還剩泰菜未試，就留作再來的原因罷。