麻辣娘子 (形薈) (Closed)

又就到大家最愛嘅weekend啦🥰1. 娘子香辣鍋 $194呢個鍋可以揀啲餸 小編揀咗安格斯牛肉 雞肉 娃娃菜同豆皮 個調味係幾有古早味嘅椒辣 下面佢仲有一個蠟燭仔keep住個火保溫 所以食落仲暖暖地 個人覺得叫得呢啲鍋一定要叫啲索湯掛汁嘅嘢 所以豆皮同娃娃菜真係特別正2. 娘子小炒皇 $98呢個炒到超靚超香 一上枱已經超香 啲韭菜味撲鼻而來 入面有好多料 有魷魚鬚 蝦乾 大量腰果 同小小肉塊 都幾大碟 個蝦乾超有xo 醬風味 最鍾意佢啲腰果 炒到好惹味 一粒一粒咁食唔停3. 口水雞 $68呢個價錢都幾抵食因為都幾大兜 個辣汁整到好香 啲花生辣椒蔥花粒嘅比例幾好 香口得黎又有啲麻辣嘅後勁 個雞都幾滑 撈飯食一流4.芒芒水果炭燒烏龍茶 $32幾fresh 幾解渴 入面仲有好多水果肉 解辣一流5. 芝士奶蓋伯爵茶 $26奶蓋唔算好濃 但係都有淡淡嘅芝士香 下面嘅茶味相對比較濃 紅茶味好出 一樣好解渴Overall推介指數：4.5/5環境都坐得幾舒服 嘢食水準又唔錯 辣度亦都可以調校 所以小編呢啲唔係好食得辣嘅人都可以試下

麻辣娘子娘子最愛酸菜魚 (BB辣)酸菜魚份量超大 4個人食都非常足夠魚片滑溜溜 唔算多骨 啖啖肉因為屋企人有人唔食辣 所以叫左BB辣就算唔夠辣 味道都相當唔錯 湯底濃郁惹味蝦仁雞粒黃金炒飯Very unexpected‼️非常之獨特既口味 值得一試印象中好似未食過落左鹹蛋既炒飯炒飯夠乾身 有鹹蛋黃香同沙沙既口感蝦仁亦落得夠多 全家對呢碟炒飯都非常滿意紅糖茲粑食川菜冇理由唔叫一碟紅糖茲粑麻薯既外皮炸得十分香脆 內裏煙煙韌韌點左紅糖更能夠滿足食甜品嘅慾望黑糖珍珠鮮奶食辣野梗係要叫返杯珍珠奶茶解辣叫咗少甜(70%) 甜度啱啱好 整體中規中矩

再次來到筲箕灣，再次來到新地標『形薈』，今次為『娘子』而來，可惜我係女仔來㗎。記得10年前喺四川成都大排檔第一次品嚐到小龍蝦，從此結下不解之緣，之後每每返到大陸，就算日頭未必食到，但宵夜仲會有尋『蝦』之旅……只不過1年半以來與之絕緣，今日呢個『麻辣十三香小龍蝦』令我尋回當日之味道，成都的味道，小龍蝦個頭唔少，新鮮甜美，配菜及醬汁好夾好惹味，雖然係BB辣，對於非四川人的我來講都有DD辣，好吸引。如果你係雲貴川啲人，當然可以叫到大辣，可以照顧到不同人仕之口味，一定係成功之道。『蒜泥白肉』喺今日嘅前菜，亦係送飯之菜，好多時喺底嘅係芽菜，今次係D似涼皮的粉條，索晒D汁，真係好味。『芝士奶蓋炭燒烏龍茶』和『芝士奶蓋茉香綠茶』係今日的飲品，芝士味極香濃，飲到最後仲有濃濃的香味。由於點咗小龍蝦，因此嗌咗『絲苗白飯』做主食，其實識食嘅人都知白飯亦係解辣極品，又飽肚又可以撈埋龍蝦汁，美味無比。『紅糖糍粑』好早上檯，但我哋都係最後至食，好柔軟又Q彈的口感，令人心滿意足。

今日嚟咗筲箕灣覓食，見到形薈呢間川菜館，裝潢別具特色，混搭傳統同現代嘅元素，別樹一幟，於是入咗去食dinner 😆娘子最愛酸菜魚 ($248)- 酸菜魚份量超多，啱晒幾個人share；魚肉相對少骨，食落幾方方便啲，魚肉嫩滑雪白，小辣唔算好辣，但都突顯到魚肉嘅鮮味，而且酸菜都惹味，令成道菜風味十足- 配料都份外豐富，有動L動L嘅寬粉、爽口嘅芽菜，口感層次一流🥰霸王辣子雞 ($118)- 辣子雞香辣惹火，辣椒🌶️佈滿成個碟，辣度BB辣都唔錯，好香口- 雞炸到好香脆，外脆內嫩，每啖都好享受😎紅糖糍粑 ($48)- 紅糖糍粑外酥內軟，紅糖撒咗係糍粑上面，望到流晒口水，而且甜度得宜，配埋紅糖醬，每啖都好滋味😊芝士奶蓋炭燒烏龍茶 ($36)- 烏龍茶香醇，炭燒味道幾有特色，而且叫咗25%糖度啱啱好，同埋好鍾意鹹香濃郁嘅芝士奶蓋😍整體來講食物質素幾好，而且最值得讚係上菜速度都幾快😎

好想食川菜🤣🤣所以就同朋友試下呢間，放工去食，夜晚八點幾，唔太多人，所以唔使等位🙌🏻我哋叫左四樣嘢，涼拌萵筍，味道ok，如果份量多返少少就Perfect啦！脆皮小豆腐，呢個外面好鬆脆，裏面好嫩滑，食到停唔到口😜黑金流沙包，係好流沙㗎，不過我覺得稍為略甜，同埋個包係熱啲嘅話會再加分。香辣鍋我哋加左四個配料，鮮魷，嫩牛肉，肥腸同蓮藕片，我哋揀咗中辣，一上枱已經有陣陣嘅麻辣香味，仲有我最鍾意嘅孜然啊，超正🤤而且份量都唔少，我哋係食唔晒㗎😅下次可以試大辣🌶️應該會仲爽😮‍💨我哋仲叫咗兩杯手作水果茶，足料嘅👍🏻有好多水果，我哋重清晒啲水果🍎🍋🍍🫐🍊好滿足

上次試過麻辣娘子嘅酸菜魚，等我今次試吓娘子香辣鍋先，配菜方面我就揀咗滑肉片、包心菜、牛柏葉同埋金菇，滑肉片其實即係腩肉，腩肉唔會乾，而且肥瘦適中，推介！其餘三種配菜都好適合乾鍋，非常索汁，餐廳會用蠟燭一直熱住個鍋，保持溫度之餘，可以keep住香氣。見到隔離枱食緊迷你鮮奶饅頭，搞到我都想試吓，好耐都冇食過炸饅頭點煉奶喇，外皮炸到好脆卜卜，讚！小菜方面，我就揀咗川汁皮蛋同埋涼拌土豆絲，皮蛋係黃金糖心皮蛋，賣相好吸睛，我揀咗BB辣都唔會話好辣。而涼拌土豆絲雖然賣相簡單，但係非常爽口惹味，平時鍾意食土豆絲嘅朋友就唔好錯過啦！飲品方面，我同朋友分別就叫咗芝士奶蓋炭燒烏龍奶茶同埋芝士奶蓋黑糖珍珠炭燒烏龍茶，黑糖珍珠煲到好入味，份量適中，唔會未飲晒杯茶就已經冇晒珍珠，配合芝士奶蓋非常出色！呢間餐廳喺將軍澳都有分店，唔係住港島區嘅朋友，不妨去將軍澳區試吓呢間出色川菜啦！

週日也有午市套餐，跟飯，份量夠，也可以加錢要飲品，有芝士奶蓋、黑糖珍珠等選擇，整體性價比不錯👍🏻環境裝修也挺有特色，愛吃麻辣的朋友一定要到訪😍川式口水雞 HKD56 - 夠滑，帶點麻辣的香氣，推介👍🏻農村回鍋肉 HKD56 - 蔬菜炒的夠香口酸菜魚 HKD66 - 超愛這個，想再去吃他的酸菜湯麵加魚片😍鮮菠蘿咕嚕黑豚肉 HKD56 - 忘了拍，不過覺得菠蘿號新鮮夠甜蒜泥白肉 HKD28 - 愛吃蒜頭的朋友一定要點！

今日返工返得攰攰地，要食餐好嚟安慰自已！所以揀近近地，在屋企附近形薈商場睇吓有咩食？見到麻辣娘子，好想試吓呢間餐廳呀！但又好怕辣，1516之間，那來一股勇氣，就衝去試😉⭐️娘子雞煲⭐️（半隻雞）$188裏面已經有肥腸，魷魚鬚，仲追加左⭐️手切安格斯牛⭐️$68個雞煲既份量好夠食，服務員知道我地唔食得辣，幫我地叫BB辣👍🏻👍🏻仲有大大舊肥腸😋😋勁多魷魚鬚，個牛既口感，好香牛味（係新鮮），咬落無筋，啖啖肉❤️❤️⭐️蒜泥白肉⭐️$48蒜頭多到呢….口臭唔好問我點解？😉😉⭐️黑金流沙飽⭐️$28唔知點解會叫流沙飽😵‍💫😵‍💫唔夾今晚個雞煲🤣🤣但唔好睇小呢個流沙飽，好食到飛起🥳🥳🥳熱辣辣，裏面既流沙，流哂出嚟….食辣野一定要有嘢飲配搭⭐️芝士奶蓋炭燒烏龍茶⭐️$26⭐️十勝紅豆伯爵奶茶⭐️$26食完呢餐飯..力量返哂嚟？我成日都講，食餐好就等於心情好❤️❤️

黎開筲箕灣做野，難得一個人，可以食辣野，本來諗住行去食阿一酸辣豬扒因為仲早，行入形薈諗住嘆吓冷氣先😂點知誤打誤撞見到呢間川菜，比酸菜魚嗰張相吸引咗QR code 自助落單午市飯餐都有酸菜魚，但係要配飯⋯為咗滿足本來想食酸辣粉嘅慾望，就叫冒菜粉，自己加配菜，好似車仔麵咁我要左香辣大辣，點都係要魚片、牛肉、娃娃菜、木耳魚片真係好滑呀，不過有一兩條骨下次真係要來食佢個酸菜魚大辣唔係好辣，平時喺Sam gor我食開中辣，呢度個大辣應該仲無咁辣添但係好麻好香再叫咗呢個泡椒豬手，豬手超級爽，滿口骨膠原，但係就唔夠辣好食跟餐 $12 要咗杯黑糖珍珠奶茶，勁大杯珍珠幾好咬口

呢次黎到麻辣娘子位於筲箕灣嘅分店 店舖位置容易搵 餐廳入面感覺開揚 價格合理 整體體驗唔錯😛😛來得食川菜一定會叫辣野 而餐廳有唔同嘅辣度提供 走辣或者BB辣絕對冇問題👍🏻娘子最愛酸菜魚 $248酸菜魚係川菜必食之選 菜脯同酸菜嘅比例啱啱好 魚肉非常滑 只有少量魚刺 就算唔叫豪華版份量都足夠一家四口食 乾扁四季豆 $68四季豆炒字焦邊的 配上蝦乾提鮮 香味超正 大大碟嘅四季豆份量可以當主菜 涼拌土豆絲 $38土豆絲切至幼身 加上少許辣醬 作為開胃小菜冇得頂！黑糖珍珠鮮奶 $32店舖提供不同種類嘅阿里山飲品 既有芝士奶蓋 更有黑糖珍珠 選取正常甜度都唔會過甜 而且珍珠煮到剛剛好 好有咬口👍🏻👍🏻

筲箕灣形薈最近愈開愈多餐廳，作為住係港島東既我地早排就去左個邊覓食☺️見到呢間麻辣娘子既中式裝修幾靚，d辣味仲要係門口都聞到😂就決定今晚去食個辣雞煲💃🏻💃🏻🥘娘子辣雞煲(半隻) $188🥘 (9.5/10) 雞煲我哋兩個人揀咗BB辣加麻，分量都唔少，兩個人食岩岩好。除咗雞之外，個煲仲包咗肥腸同魷魚鬚。味道方面，無論係雞，肥腸定魷魚鬚都好出色。雞肉事前炒得好好，將多餘嘅雞油都逼咗出黎，食落肉質滑嫩而不油膩😋 肥腸洗得好乾淨，吸曬啲雞煲嘅汁，好麻好惹味☺️魷魚鬚就好爽脆，豐富咗成個雞煲嘅口感👍🏻 如果大家都鍾意食麻嘅話，超級建議大家選擇加麻，真係惹味好多☺️🧄蒜泥白肉 $48🧄 (8/10)佢連小食都有得揀辣度，都幾貼心☺️～白肉切得夠薄，加埋啲醬汁好入味，同埋佢嘅蒜泥都放得算多，蒜香味都突出。完全係唔會令人失望嘅小菜🙆🏼‍♀️🥔涼拌土豆絲 $38🥔 (8.5/10)涼拌土豆絲嘅分量適中，作為開胃小菜黎講岩岩好，土豆絲好爽脆，撈埋啲辣椒醬食既惹味又開胃😋🧋手作鮮果抹香綠茶 $30🧋 (9/10)🧋十勝紅豆伯爵奶茶 $32🧋(8.5/10)飲品方面，餐廳同左隔離嘅手搖飲品舖阿里山合作，所以有好多選擇🐥

呢排成日落雨 搞到特別想食辣野上網見呢間都好似新新地一於試下佢川汁皮蛋係金黃色嗰種皮蛋平時黑色皮蛋食落有少少乸脷呢種溫和好多 蛋黃食落香啲加埋四川辣醬 好開胃脆皮小豆腐豆腐超滑 外層夠酥脆娘子香辣鍋所有材料都係自選 逐樣揀我地揀左嫩牛肉 肥腸 土豆 四季豆 鮮魷 芋絲麻同辣都係可以自己揀 想食咩程度都可以自己決定牛肉好滑 魷魚好爽口土豆真係必點 好吸味紅糖糍粑外層好脆 入面好煙韌 糯米嘅香味 再加上紅糖碎 加唔加糖漿都一樣咁好食芒芒水果炭燒烏龍茶門口有個茶檔 堂食都可以叫嚟飲芒果味唔係太濃 但茶底唔錯 揀微糖我覺得啱啱好特別想讚下呢度啲員工呢餐飯我朋友跌左兩次筷子🤦🏻‍♀️兩次都喺我地開聲問之前已經主動拎過對俾我地 反應勁快👍🏻

好想吃辣 上網找了一下附近的店找到這家在形薈的麻辣娘子店內采用手機自助下單 很方便可以下單時自選辣度麻度每桌都有的小吃 麻辣花生好香口 味道不算太辣 涼拌土豆絲選了小辣 加麻  味道剛剛好 作為涼拌前菜很開胃脆皮小豆腐一口一粒椒鹽豆腐 外脆內軟 娘子最愛水煮魚 (小辣)魚片很嫩滑 份量都很多底層有寬粉 比一般外面的更厚更粗 吃起來非常煙韌還有芽菜 雲耳 萵苣 吸滿酸辣湯汁 非常入味芒芒水果炭燒烏龍茶

香港有唔少食川菜嘅地方，但係食物有質素而環境又企理舒服嘅就相當難搵。咁啱黎到筲箕灣新開嘅商場覓食見到呢間環境好闊落嘅餐廳就即刻試下！枱同枱之間有足夠嘅空間，店舖佈局同擺設充滿左中國風餐廳除左特色川菜之外仲有台式飲品提供，食辣野配埋一杯凍飲係標準配搭，我地叫左一個涼菜，熱菜，雞煲同兩杯台式飲品拍蒜青瓜呢個涼拌係每次食川菜必叫，青瓜好新鮮，食落相當爽脆，作為前菜好開胃鮮菠蘿咕嚕黑豚肉咕嚕肉嘅份量好多，黑豚肉外面炸得香脆裏面又可以保持肉汁，個汁酸酸甜甜令到成道到菜食落唔會膩奇味雞煲（肥腸，鮮魚鬚）一上枱已經比雞煲陣味吸引住，即刻夾一舊試下，啲汁超級惹味，我唔太食得辣所以叫左bb辣，辣度完全可以接受，食完一舊接住一舊。佢嘅肥腸處理得好好，一啲異味都冇，而鮮魚鬚都好爽口，同個汁好夾我地食左冇耐就加左土豆落個雞煲度，點知店員提醒我地其實係食完雞煲加左湯先落其他料，好彩店員都好好咁即刻幫我地加返湯，等我地可以慢慢煮個土豆手作鮮果炭燒烏龍茶（左）芝士奶蓋黑糖珍珠鮮奶 （右）手作鮮果炭燒烏龍茶（左）佢落左好多奇亞籽，飲落好有口感，而且水果味唔會搶左茶嘅味，配搭得好好芝士奶蓋黑糖珍珠鮮奶 （右）奶蓋有芝士

环境：在筲箕灣中心新的形薈商場，算是筲箕灣新地標飲食餐廳商場。新開噶餐廳。其實麻辣酸辣系列的餐廳已經飽和，呢個麻辣娘子因為特別噶裝潢就吸引不少人想試一試。服务：點單不需要人手。侍應生會體貼教導，但因為餐廳座位在玻璃窗扶手電梯側邊。來來去去都好不方便。有道菜等左好耐無上，一個男侍應生自己走過來問候話會幫我地跟進，呢點都可以加分。侍應都要講用心，人哋有留意下我地張臺。|泡椒炒牛肉^色香味俱全，辣椒多過餸系列。其實靚噶泡椒，一上來會聞到酸辣的香味，未食已經咽口水。但因為太多泡椒，我地都無辦法入口。牛肉嫩口粉嫩，味道足夠。|蒜泥白肉^唔知系未碟問題，成份份量太少。蒜蓉太少，醬汁過於太鹹。另外，飲料方面因為佢店內有手作珍珠奶茶以及特色奶茶之類，所以未見主動提供茶水客人，差少少感覺。在筲箕灣呢邊定位相對中上。但菜式菜品對比將軍澳分店就差了不少分。中規中矩。買單連珍珠奶茶普通街邊果款包裝。。。都收埋加一