麻辣娘子 (形薈) (Closed)

形薈開咗好多間店，淨係食過薩莉亞。今次揀咗呢間川菜食，唔係好大期望， 所以有驚喜。今日星期六去到已經接近七點，全場爆滿。 我帶住八十歲嘅媽媽去食， 入面有位著西裝但係冇名牌嘅肥肥哋男士，唔知係唔係經理呢？ 佢即刻攞咗張凳比我媽媽坐住等，好好人。一間餐廳只要唔太難食，服務好，一定會有回頭客。我哋叫咗辣子雞，毛血旺，川椒皮蛋，最後再加多一碟避風塘炒麵。另外可以喺佢哋門口買嘢飲，第一杯正價第二杯半價， 我哋叫咗兩杯水果茶，合共47蚊。辣子雞（中辣）唔辣，雞件太大舊，唔係太夠味。川式皮蛋，好味，皮蛋好靚。毛血旺，正宗四川毛血旺， 有魷魚、萵筍、大豆芽、午餐肉、牛柏葉、雲耳、鴨血。 適合香港人嘅口味，我覺得可以重味啲。最後叫咗碟避風塘炒麵， 味道幾好，可惜炒得濕咗少少，如果炒得乾身啲會更加好。本來仲想叫多個紅糖糍粑，但因我哋實在太飽，留番下次。

呢間野服務認真麻麻地，一入到去坐低左成5分鐘，如果唔係主動問佢拎餐牌，我諗坐多10分鐘都無人理我地，都算，啲野食先係重點；個拍蒜青瓜（例牌）細到，呢個size  都要$38，好貴。  對比起個口水雞連碗飯（午市）$56，呢個份量嘅青瓜太貴了。 而且係app落單時張相非常誤導，睇落係大份好多。個口水雞似老干媽醬味，質素一般啦，都唔知話勉強合格定勉強唔合格好。唯一合理既係加$5要杯豆漿都算係大杯既。整體而言，如果5分滿分，最多只可以俾1.5分，應該都唔會再返去食。去附近其他食肆食啦。

經過形薈商場，發現開左一間主打食麻辣川菜的新餐廳。見佢地lunch餐牌都幾多選舉，價錢亦都合理，一試無妨！大熱天唔想食飯，所以揀左四川冒菜粉配紅薯粉，湯底是開胃的酸菜魚湯底。配料方面，每款價錢都喺加8-12蚊不等，有菜有肉任君選擇，點了最愛的萵筍同埋鴨血兩款餸。.餐廳可以用QR code落單，但系統有問題落左單都無記錄，最後都喺要搵侍應人手落單。跟餐可以加錢配台式飲品，揀左芝士奶蓋綠茶。.估唔到飲品咁大杯而且味道都唔錯，芝士奶蓋夠濃夠香，茶底清清地消暑解渴，拍得住街邊舖頭30幾40蚊一杯的質素，所以加12蚊就有一杯來講真喺幾抵飲！薯粉同配菜都好足料，份量又多，一大碗一個人都食唔哂。.萵筍新鮮爽脆，鴨血無腥味。酸菜魚湯底的酸味喺比較重，椒麻同埋辣味唔出，對於我呢啲食開少辣既人來講會比較適合，但大辣人士可能就覺得唔夠過癮。餐廳座位舒適，食物份量多而且價錢合理，下次會再試下其他食物。

1）菜還沒有完全吃完，服務員就開始上來清桌子，我們明確說先不要收，結果後面還有服務員不停來問吃完了嗎能不能收走，太生氣了，完全不尊重食客，作為餐廳，食客走了再收餐是最基本的。2）打著川菜招牌，菜其實已經經過改良，適合香港口味但是並不地道，希望吃地道川菜還是不要去了，會失望的。酸菜魚不如味。拍黃瓜完全沒味，皮蛋也不地道，辣椒醬不好吃。3）結帳時千萬要留意帳單，以免算錯，我們的就比實際應受的多了。切記小心。