有得餃

Open Now

Now Closed

今次試兩樣嘢:秘制醬汁撈麵配甘筍雲耳豬肉餃 - 個秘制汁冇得輸，辣辣地，超好味。芝士比薩炸餃 - 見佢咁得意，叫來試，估唔到幾好食喎! 本身好怕試炸物，因大部份都炸得好油。但呢個炸得唔油膩，正!

叫個淨餃子無跟湯，加湯要另加兩文，點計㗎條數。小食又貴得離譜，絕對不會有第二次！如果知道係咁連第一次都唔想試咁都唔係淨係彈嘅，食物方面.....味道都OK!炸餃都ok不過老實說餃子好多選擇

去左試好出名嘅餃子店，價錢都唔平，$44先得8隻餃子，其實而家元朗d野食仲貴過銅鑼灣。芫茜木耳餃子祕製醬汁撈麵 $46因為淨餃好貴，所以叫左個撈麵，佢話係祕製醬汁，但其實只係鎮江醋/豉油/糖/生蒜/芫茜等材料，確實無乜驚喜，一個非常之普通嘅醬汁。講返餃子，好重芫茜味，木耳好少幾乎搵唔到，豬肉份量一般，餃子大細唔算大隻，味道幾乎無味，唔知係咪比個醬汁搶哂d味，一碗麵得4粒唔夠皮。麵底超多，飽到嘔。萵筍豬肉餃子湯麵$48呢個湯底係好重胡椒味，仲好似好重味精⋯⋯唔知係咪錯覺啦。萵筍餃子個味道比芫茜餃香甜，豬肉又多d, 幾好食，夠多汁香滑。呢間係黃店，點解無黑社會去淋油嘅？其實我本人唔會因為黃店/藍店而幫襯，我只幫襯好食有用心嘅食店。呢間餃子嘅價錢同份量，我未必會考慮再幫襯，碗麵餃子得4粒太少，淨食8粒又唔夠飽，如果有8粒餃+麵底會開心d。

記得中學時會同啲朋友去戲棚行下食下野， 其中一間係好中意食既 就係餃子舖 佢地既辣汁令我好懷念🤤 唸起都流曬口水🤣但之後唔知點解無左呢間攤檔 再後來得知佢地有時會有參加啲美食車。到最後竟然係元朗開左間舖頭😍野生冬菇有機白菜豬肉餃 $42一開頭以為好似平時既餃子舖頭咁 份量會好多😂 所以我地淨係叫左各一碗 點知食完都覺得飽既😂餃子非常新鮮而且皮薄餡多🥰野味韭菜豬肉餃 $42都係一樣 非常新鮮 餡料唔會太濃味！ 個辣汁比起我之前食好似無咁惹味 但都唔錯 個汁仍然會有芫茜同蒜！好正！ 岩曬重口味既我🙈手拍青瓜 $29係麻醬配甜酸汁既青瓜 個人覺得呢個就一般 不過一碟二十九蚊都唔算貴 份量都唔小👍🏻

有得餃幾年前我已開始幫襯，記得當年最出名嘅就係五色餃。舊年佢搬咗去對面街新鋪，地方大咗，客人都多咗，唔單止等位耐，如果撞正佢哋啲餃賣哂包唔切，聽講仲會突然之間拉閘唔做生意😱，所以幫唔幫襯到，其實都要講彩數😂。雖然主打餃子，但呢度最多人讚好嘅居然係佢哋個秘製醬汁撈麵，以醋同醬油為主嘅醬汁，裡面加咗非常多嘅蒜，芫茜同蔥，撈埋粗麵條一齊食，非常惹味👍，不過食完個口會幾臭😆。餃子方面，蒸餃款式比較大路，size 偏大，餡料豐富，味道不錯，不過餃皮偏厚；炸餃款式則較新穎，例如我哋 order 嘅芝士比薩炸餃，餡料味道就同 pizza 一樣，好有趣。至於另一個小食香脆芝士煙肉薄餐就脆卜卜好香口。呢度同隔離嘅醋頭家有做聯營，幫襯完去隔離買飲品有九折優惠，大家合作，齊齊撐起黃色經濟圈💪。

香港餃子店何其多，此元朗食街麵檔反而以撈麵汁和小食取勝🎊📝點了炆腩肉撈麵$49和餃子4隻秘製醬汁撈麵$44麵底統一為上海粗麵，飽肚沾醬多🍜📌炆腩肉撈麵和餃子撈麵的醬汁完全不同🐖炆腩肉用腩肉汁，濃油赤醬，放條青菜晾住醬汁，色香味之餘均衡飲食🌿炆肉形似東坡肉，火喉始終不及大排檔，風味比不上盤菜，但水準及格以上👍人多晚飯推薦成碟上，唯一挑剔的是醬汁勾芡較濃稠難入口，而且整體快攤凍🐷此店豬肉確是出色，不論原件抑或餃子餡料都溢滿油脂香，餃子全靠油香出色💪👉秘製醬汁方面，眼見有薑、蒜、乾蔥、芫茜，加餃子用黑醋，微辣（似wasabi)但不會感染其他食材，超級好味，大推😋🐒食街後記：此麵檔位處元朗食街，疫情下人流依然暢旺，而且尚有分店，必有過人之處

#中意嘅請分享請點讚🍻----------💛#黃店💛12/6 FB出Post支持罷工💛與醋頭家一齊義賣，捐款比立場----------🐮金菇肥牛炸餃 $47/6隻餃子炸到金黃色，皮薄好脆口，入面嘅金菇肥牛好多汁夠味，不過金菇肥牛切到太碎，冇乜口感。除左炸餃，佢地仲有水餃、撈麵、粗麵、湯等。----------🔎有得餃🚩元朗建業街47號地下

自從721之後一直都對元朗國都好有陰影，唔敢入去食嘢😖 之前有嘢做要入就索性食埋嘢先走😌 見到呢間黃店貼滿文宣覺得好堅所以就入去食吓喇☺ 呢間嘢應該係由一家人打理🤣 服務速度真係唔可以要求咁多😂 不過衛生環境都希望可以改善吓🤔—————————————————🍅野味溫室蕃茄豬肉餃 $42(8隻) / 跟餐 $44 (麵+4隻)隻隻都好足料好大隻，以為係連湯上，但原來係淨餃🤣 唔加麵食好似有啲dry🤨 蕃茄係甜甜的，多汁，豬肉醃過，整體嚟講都唔咸；重點係個醬汁！係秘製！！一試難忘🤣 酸酸甜甜咁，配餃子食好開胃👍🏻 佢仲會有辣汁提供 加埋辣係更刺激🤪 我諗啲客嚟食都係為咗個汁🤭 麵就無咩特別啦，可以揀湯/撈上，個人認為撈會好食啲😬—————————————————❌不設加一服務費🕰星期二至日 12:00 - 15:00; 19:00 - 23:00 **星期一全日休息**🔄Encore 指數 7/10 (食物質素唔錯，尤其個辣汁😜 扣分在衛生環境差😂)

搬鋪後差了☹。。。。。細鋪搬大鋪後 第1次去無左份親切感 。。。。。。。入到去坐底左 張（木台）執左無抹（木台）面痴立立而且仲有上手食完醬汁系到。。。。。。。。。。。。。。。。坐系通道兩旁 職員來來回回行過背隻系甘撞到 起碼撞到4，5次。。。。。。。。。。。。。。。。野食價錢好似同以前差不多不過細份左 又食吾飽。。。。。。。。。。。。味道都無以前甘出色吾覺得系好好味今次食完 吾會想下次再突登過黎食。。。。。。。。。。。。。。

Recently Yuen Long has had several new dumpling places opening. Dont mind at all as I am a bit of a fan.Ordered the Chinese soup with chicken feet.Quite flavourful but personally I like the herbal taste stronger. Chicken feet super tender.The guy working there asked if we liked coriander and suggested the tossed noodles.The sauce is really garlicky and quite tasty and is full of coriander. Sauce coats the noodles really well.One disappointing thing is you cant get half and half for the dumpling

雖然話係元朗國但其實都有唔少黃店，仲要谷埋係隔離左右，一去到就周圍都係！好幾間店外都貼咗張黃色經濟圈文宣，話你知排得太耐可以去幫襯下其他～本身想食水門雞飯但原來冇得坐，就行過幾條街食餃子～🔸蒜香萵荀豬肉餃 $44🔹野生冬菇有機白菜豬肉餃 $42🔸手拍青瓜 $29落單後店員就畀咗份醬汁我地，落單時可選辣唔辣，好重醋味。因為口水雞賣晒轉咗手拍青瓜，酸酸辣辣幾開胃，未等齊就忍唔到手狂夾～第一碗黎嘅係蒜香萵荀豬肉餃，餃子皮望落好厚但咬開都好薄，一咬已經好大陣蒜味，萵荀做餃子嘅口感幾特別，食落索索聲咁，豬肉多啲或者再整脹卜卜啲就好，整體個味都不俗。第二碗......等到天荒地老，好似催咗三四次先有，催到我都唔好意思了。白菜餃個名好長但就係簡單嘅味道，有期待一下個湯底但結果冇，全都係蒸餃～同埋我又嗌唔中人地啲招牌野😑見到隔離枱食緊秘製醬汁撈麵好吸引，因為未試呢個麵所以都可以有下次😂/有得餃元朗建業街47號地下

是日一行4人黎元朗搵食，朋友推介呢間餃子，所以就算食到好飽都忍唔住入去食少少野試下，果然冇令人失望。去到岩岩好開鋪，所以要等一陣先入得，都等左約10分鐘。睇左陣餐牌點左頂級蟹粉豬肉餃(8隻)，醉雞翼同埋手拍青瓜黎share。先講果青瓜，好夠爽，本來食得好飽，但酸酸地好醒胃，幫手打一打開果胃，有啲麻醬芝麻都幾吊到果味。然後果醉雞翼，真係好濃紹興酒味，雞翼都好夠凍，但可能我麻麻地醉雞，覺得唔岩自己口味。講明餃子出名，當然叫左碗餃黎食啦！叫左頂級蟹粉豬肉餃(8隻)，未食已經見到碗湯有啲蟹油飄係面，嘩一咬落去就係成啖蟹味，超濃蟹味超好食，中意食蟹既人一定唔可以錯過。整體黎講，食物質素高，啲餃子超足料，小食都好有誠意，如果唔係食飽左一定會食餃子加撈麵，下次再黎食，服務都唔錯。

星期六周圍都太多人，又有兩個小朋友，故想外賣回家食，晚上7點15分點了四個水餃外賣，當時大約10人等緊外賣，有心理準備可能等一會才有。但等了半小時後，發覺比我較遲叫外賣的已有，於是問落單阿姐追一追，回覆非常無禮，只說整緊等等，再等多10分鐘，基本上已無人再等外賣，我再一次問落單阿姐，回覆都係同一句話整緊等等，我話可唔可以幫我跟下張單，之後直情無回應。我嬲到同佢講話如果未整我唔要了，阿姐仍然無反應。及後有個光頭負責人問我單號碼，我講完後佢都係話廚房出乜佢地控制唔到，我無奈等到8點再追問，有另一個阿姐話去廚房睇睇，回覆我話我要既水餃整爛左，要再整過，我話不如你有乜可比我先拿走，佢只係話水餸係即包叫我等多一陣就得，最後結果等了一個鐘頭到8:15先比到4個外賣水餸我，如果連小小服務態度都做得唔好，我以後也不再幫襯了。

元朗舊Ｂ過啲有條街，經常都好旺，有少量酒吧配合大排檔等在兩街營業到晚上12時，聽講有間鋪好多人去食餃子，即管去挑戰下。店舖門口貼很多明星照片，但乾淨的門面令人感覺店剛開張不久，兩者有點新舊對比的不和諧感，見店名點其菜，收費宜人，餃子亦是大部份主賣餃子的食店會賣的多樣肉素混合餃，店內牆上貼滿不同小食及麵食的照片，下單之際，雜亂感覺令人以為進了一麵食店。。。最後點了冬菇白菜豬肉餃，豆苗餃及口水雞，入口後明白到為什麼食客不絕，餃子皮簿餡靚，大小適中，豆苗餃是時令提供，不在餐單上，單以餃子質素確是不錯，但因為醬油調配比例失當，如果配合醬料反而味道奇怪，口水雞味道雖然不差，但可以改名為麻醬混雞，食落除了凍食外，完全沒有口水雞的靈魂，如追求一般口水雞不建議點選。

夜晚返到元朗都冇太多選擇，但難得見到有得餃出面冇人排隊就買埋隔離醋頭家既飲品入去叫左秘製醬汁撈麵加四隻韮菜餃子（少辣），望落冇汁但一撈就發現下面有好多。原來個醬汁就係平時店內比客人用黎點餃子既醬，酸辣既味道夠哂開胃，而家有好多蒜頭同葱，雖然會口臭但非常惹味。而且麵條比較粗身，可以掛到啲醬上去所以每啖都好夠味。餃子都算幾大隻，皮夠薄而且冇穿到，一咬開就好香韮菜味，仲要有好多肉汁，果然不愧係主打餃子既鋪頭，點埋啲醬汁更加係有畫龍點睛既效果。如果可以加錢配其他餡既餃子就開好啦，見到佢地有好多款而且每款都好吸引。