孖沙茶餐廳 (Closed)

原本去出席一個活動，忽然公司急召要回程，失望之餘便立刻往附近找地方醫肚，没想過前面便是出名叉燒煎三蛋飯的茶餐廳。定好食物後，興致被女店員劃破 …… 所有飯已賣完，唯有茶餐、全日套餐出售。説起全日套餐的價錢是幾特别，不減反加，即是在中午12時後點全日套餐，每份要加$3變成$29，不過凍飲只加$1又真是從來没遇過。全餐不點牛油多士是可以點多一款炒意粉的配料，那不外乎是加多隻雞翼/午餐肉/火腿。幸而我是點牛油多士，多士烘脆又不會乾口，吃過也知是新鮮貨，最正是塗牛油而非瑪芝蓮。沙爹牛肉炒意似乎是用沙茶醬加黄薑粉來炒，吃落並非太油，意粉偏向腍身，沙爹牛肉仍吃到肉質。雞翼炒意粉的意粉及調味是與上一碟是一樣的，兩隻雞翼炸成皮香肉滑，最正是全熟卻不會嚡囗。味道 3.5環境 3服務 3衛生 3.5抵食 4

聽說孖沙很出名，是那個三眼仔太陽蛋叉燒飯，很想去食下，不過，兼職地方的午膳時間是下午兩點開始三點結束，如此遲的午膳時間食一大個飯，肯肯定會飯氣攻心，工作時必定打瞌睡，因此放棄，改食雞蛋芝士三文治算。兩點後的食店還是很多人，附近的打工仔絡繹不絕，食完就走，翻桌時間很快。也因為座位不多，搭檯是常態。就像我隔離的也是食三眼仔太陽蛋飯，看見就想食。顧客多但店員經驗老到態度友善，安排食客進座從容不迫，她瞟一眼，兩三句說話，我便坐下，叫分蛋治，加杯茶走。蛋治烘底是店員提議，麵包鬆脆，雞蛋香滑，一定有兩隻雞蛋，芝士在底，被溫度熱至半溶。簡單蛋治缺毫不hea 做，不錯。

小妹自問是一名徹頭徹尾的「蛋痴」，久聞禧利街「孖沙茶餐廳」三眼仔太陽蛋飯的大名。惜，一直未有機會拜訪。 這天，又踏上叮叮車半日遊，在西港城站下車，先去會一會「三眼仔」。 甫坐下，一問，始知太陽蛋可選配叉燒、腸仔、餐肉或火腿等，小妹毫不考慮地，要了火腿煎蛋飯$31，配凍檸茶(+$6)。 凍檸茶，對板之作，茶香檸香，盡在一口之中。碎冰，更加值得一讚。 煎蛋飯，幾乎是每一張枱必點的食物。稍等片刻，阿姐送上即叫即煎的火腿煎蛋飯。只是一膠碟上，三隻連成一體的煎蛋，如三個太陽般，重重地覆蓋在白飯上，且淋上量的豉油。兩片火腿，則藏在煎蛋下，實而不華。 先吃一口混入豉油的白飯，飯粒偏向乾硬，咬口嚼勁十足，拌入鹹鮮帶甜的豉油，小妹挺喜歡的。 太陽蛋，蛋白邊呈焦脆狀的，既脆又香。蛋香細滑，半熟的蛋黃，咬下去一瀉而下，滋味非常。

今日。第一次去試。就諗住叫佢地出名既蛋飯。因為第一次食唔太知有咩。就問佢有無叉蛋飯。呀姐一個無字回答。咁我唔知佢話無咩。我再追問。佢態度勁差咁話。都話無蛋囉。 咁我就睇下餐單。睇下有咩食。 點知佢無啦啦媽差我。話。咁你要定唔要呀。 都話等下囉。你又睇餐單。咁姐係要定唔要。 咁我又再問。姐係點。 佢之後勁燥咁話我。都唔知你要定唔要。幫你落左單。 又話要又話唔要。 發大黎講。 我即場燥左。 走左。。。呢間野態度好有問題。禮貌係零。

食過孖沙無數次，但三眼仔飯係第一次。雖然係普通到極點嘅腸蛋飯。但d蛋真係煎得好靚好靚，加埋平民嘅價錢（中上環區），冇得輸。黎呢度食晏預左好迫好迫，食飯時間8個人坐張圓檯，完全冇多餘活動空間，連碟飯都要打直擺。雖然服務態度唔係滿分，但為左有限地方有限時間，做多d生意，少不免要指揮下d食客。

話說是日午餐，一心要吃到傳說中的三眼仔飯，怕遲到叉燒會賣光，小人十一時多已從辦公室出發買飯盒去也。飯盒一開，面上滿滿的三隻太陽蛋已令人食指大動。弄穿蛋黃，讓蛋液流下硬身的飯粒，再混著甜豉油，簡直是天衣無縫的配搭！很喜歡偏瘦的叉燒；因為若然用的是肥叉，便會太膩了。欣賞至尊頹飯，但膽固醇超標，絕對不宜多吃。😥

夏日炎炎到上環懷舊一番，門面非常舊式傳統的茶餐廳，室內只有風扇，帶港女黎肯定死得，但從老板娘的笑容談話間，feel到這家族經營的老式餐廳，尚有點街坊情說回主菜，知道該店最出名叉燒煎蛋飯，但個人口味問題，點了火腿煎蛋飯(太陽蛋)+凍奶茶$31，頹唔頹飯見人見至，但賣相一定殺食，不要有什麼期望，只是一般的腿蛋飯，但太陽蛋煎得咁靚，師傅確有手藝，黃金金的蛋黃汁送飯一流，而且價錢相當便宜呢，環境擠迫一點，但午餐來個便宜快食也不錯

今日黎左好出名三蛋飯既孖沙食lunch, 好可惜今日叉燒已經賣晒, 無得食傳說中既叉燒蛋飯. 最後同情人叫左一個餐肉煎蛋飯, 上枱個下一樣咁震撼, 三蛋果然明不虛傳, 三隻都係太陽蛋, 加埋煎香左既餐肉真係好香. 食法就係將三蛋撈埋d 豉油飯食, 真係好香, 不過就好有罪惡感.另外就叫左一個比較健康既鮮茄豬扒飯, 豬扒就有少少乾身, 所以就一般, 但個鮮茄汁都做得唔錯.下次一定要食下個叉燒蛋飯!!!

點了一碟叉燒煎蛋飯，叉燒偏瘦，豉油汁得不夠味，有點兒奇怪呀。完全零特別。sorry！味道非常一般。反而眼見其他食客叫的碟頭飯還美味！不過價錢是抵的，但不太值得試。

我愛頹飯 頹飯愛我，鼓油同蛋係精髓所在❤️拮穿蛋黃個下真係好high架😍，可惜有一隻爛咗😭 至愛嘅蛋汁撈飯固然冇得輸，叉燒份量都幾多下，不過感覺上其他茶餐廳都做到，有啲睇頭咁囉😂第一次飲，陣杏仁味接受到喎😃 甜甜地，以後飲野又多個選擇喇😙留意返每人最低消費為$20😇

卧薪嘗膽黎到挑戰呢個罪惡感爆燈的"三眼仔"飯 - 呢度既招牌三蛋叉燒飯茶餐廳裡幾乎9成人都係點呢個飯, 而且叉燒好快會賣晒!我地坐低只係叫左一個三蛋叉燒已經賣晒了, 另一個轉了做餐肉鼓油撈蛋 / 叉燒 /餐肉再加白飯好難唔好食~~ 簡直頹飯之最!蛋汁飯食好滑口, 而且份量夠大, 一定食得飽 ,都只係$29!不過有膽固醇問題的人真係唔好亂試我覺得正常人一年食一次OK

平時我都好懶，唔係好中意周圍塭食，食黎食去都果幾味，今日係中環唔想再食大家樂吉野家麥當勞南記，又熱又落雨徒步行去上環...為左呢個三眼仔，見到三隻太陽蛋煎埋一齊，好想大叫!!! 痴線，out哂全日涉蛋量x100000唔理，out咪out，照食！ 果種滿足既感覺... 唔識點形容...感動到好似想喊出黎... 嗚，原來特登去塭好西，然後食得到既感覺係甘滿足其實想食叉燒蛋，黯然銷魂飯，但係甘岩無叉燒所以先嗌腸仔，燶左啲，算，我為既係蛋，果份滿足下次一定要食叉燒蛋盛惠$31

中午過去，大概12:40到吧，排了好多人了。好在我一個人等了一會就到我了。點了豬排飯和凍檸茶。豬排飯挺好的。黑椒味蠻重，肉質也不會老，就這種薄切的豬排而言能保持這樣的肉質算是成功的。檸茶也好。用的碎冰。不過感覺衛生不是很好。

孖沙嘅三眼仔飯岀曬名，下午大排長龍，晏啲去都未必到中午早左去，前面只有3個人在前面等候，等約5分鐘就可入座了 (需要齊人才會被安排座位) 點了一個叉孖沙嘅三眼仔飯岀曬名，下午大排長龍，晏啲去都未必食到點了一客叉燒煎蛋飯$31，一杯凍華田$6及一個火腿煎蛋飯$31. 叉燒煎蛋飯$31: 唔洗1分鐘就上桌，但有一隻蛋已穿了。叉燒比較乾身，不是油光蜜紅的肥美叉燒，加著澎湃的蛋黃漿同吃就剛好了。火腿煎蛋飯$31: 飯堆得似山，上面放著三隻燶邊太陽蛋，旁邊放著三塊火腿，上桌前再邪惡的淋上深黑色的甜豉油。輕輕把蛋黃刺穿，澄黃的蛋黃漿漸滲到飯裏面，混著深黑的豉油，令本來雪白的米飯變成啡黃因有3隻蛋的關係，蛋黃漿能包裹著每粒米飯，令人心動。孖沙的米飯做得偏硬，不知是否為了平衡3隻蛋黃的濕潤感而突登做乾一些的呢？ 吃下，蛋黃的脂香濃氣，豉汁的甜味，蛋白邊位有焦邊吃下的香脆可口，最後是火腿片輕盈不嗆的咸香，可是說是超級的心靈雞湯！ Wow factor: 8/10孖沙茶餐廳 (上環)上環禧利街23號地下

孖沙名物，义燒煎蛋飯，又名三眼仔。說穿了就係麻甩飯XD，究竟呢個麻甩飯有咩禁吸引？！話說呢日特登早餐都唔食，一心要食到三眼仔飯。因為同事話要食到义燒，最好12點前去到，如果賣哂就得返餐肉架喇！我好準時11:30已經去到，安全有义燒食，心裡暗喜！伙記會問你要熟蛋定太陽蛋，一心想食三眼仔既朋友記得要叫太陽蛋喇！呢頭比完錢，呢頭外賣已經光速出現係眼前！雖然外賣既賣相冇禁靚仔，不過味道係唔會變。太陽蛋义燒甜豉油呢個三重奏無得輸，蛋汁撈飯非常creamy，甜豉油不會太咸，义燒略嫌有啲瘦同咸，但加埋一齊食真係停唔到口食哂成盒飯！簡直係減肥天敵，女士們都係間中食下好了(-_-)係上環揾個三十蚊食飽飽既地方真係唔多，三眼仔飯性價比高，其實唔難明白佢點解會禁受歡迎！