孖沙茶餐廳 (Closed)

傳說中的叉燒煎蛋飯人稱三眼仔飯🤔今日終於抽時間過黎試下但食落都係得個樣呃下like豉油普普通通叉燒乾身唔好食唯一真係三隻蛋煎得幾好蛋黃好流心feel撈飯食係幾好既不過我屋企自己都好易整到🤷🏻‍♂️試完就算喇

上次去到上環，又過咗午餐時間又去到下午茶時間，但係又唔係好想食下午茶咗細碟，想食一碟飯，唔知食咩好，跟住行咗入呢間鋪，呢間鋪個格局係一啲好普通香港港式嘅茶餐廳，而且食嘅嘢都係好草根，例如叉燒煎蛋飯配豉油汁，但係佢個叉燒非常之林，肉同肥肉嘅比例非常之好，二佢個精粹在於佢個豉油汁，個市好香好甜，而且啲豉油係夠你撈晒成碟飯。呢間鋪頭其他食物我武士道，淨係飲咗杯凍奶茶同埋一碟叉燒煎蛋飯，杯凍奶茶普通，同一般茶餐廳差唔多冇話特別話特別香。如果叉燒煎蛋飯係真係值得大家試一試，雖然叉燒煎蛋飯好頹，但係久唔久試吓呢啲頹飯都會遇到驚喜。當然港式嘅茶餐廳唯一一個缺點就係裝修格局環境都比較草根，難聽D講女士多數睇到可能唔開胃直頭係地盤麻甩佬feel但係大家唔好介意,真係可以去試一試

每次午飯時間經過孖沙均見人龍，大概是因為孖沙的價廉物美和懷舊特色，以及招牌煎蛋叉燒飯吸引了大批在附近寫字樓工作的上班族，成為上環人氣食堂之一。今天特意提早於午飯時間前到達，客人未算多。餐廳提供簡單的常餐和粉麵飯，牆上貼滿了雜誌報導。來到點這個黯然銷魂叉燒煎蛋飯是常識吧可選太陽蛋或熟蛋，太陽蛋叉燒飯又俗稱三眼仔飯，多可愛的名字!下單後不消數分鐘食物便送上，廚房師傅效率驚人，是熟能生巧、日子有功，亦是平日應付洶湧午市人潮所訓練出來的速度。三隻太陽蛋牢牢地互相依靠，外圍邊緣焦脆，內裡蛋白只是在剛好凝固狀態，橙黃色蛋黃圓潤光滑， 令人有股衝動鑿破它!生蛋黃加甜豉油拌白飯，是港版的日式生蛋醬油拌飯（卵かけご飯），簡單的美味白飯軟硬度適中，拌以蛋黃漿及微甜豉油吃很不錯，唯一敗筆是乾瘦無味的叉燒，份量雖多但欠叉燒的豐腴肥美。紅豆冰加 $7，椰汁味道較弱，甜度低，屬可接受範圍內。在我將近吃畢時午飯人潮湧至，留意到幾乎每檯都有一半以上食客點三眼仔呢樓面與廚房的辦事效率非常高，食客用餐後也馬上付款讓位，這大概是繁忙的香港都市文化吧。

It was about 13:00 on a Monday, I had to wait in line about 10-15 minutes before I was able to be seated.There are no English menus, but I was able to order by showing pictures. One of the waitresses did speak English well. They were out of char siu so I got the eggs, spam, and rice.It arrived about 5 minutes later.Eggs, spam, and rice: Wow, the eggs are absolutely perfect. The yolks have just set and the whites are still clear on top, but once you start to cut and mix it all in, the steaming ho

Lunch time 想留系公司食飯休息下， 久名孖沙三眼仔飯，就一於去買個外賣啦！一去到果然人龍小店，排晒隊，但咁岩得我一個叫外賣，我叫左佢地最出名既煎蛋叉燒飯！ 一開頭阿姐問有冇打黎叫外賣，我話冇。咁我預左都要等架喇，點知等左三個字，個阿姐問我係咪叫左煎蛋叉燒飯，咁佢就去枱底拎左一盒畀我，結果係唔夠熱既，我等左咁耐都唔似係新鮮整出黎既講返盒飯先，係唔夠熱既，賣相可以但係d 叉燒....十萬個唔掂！ 之前已經有同事講過話佢d 叉燒好乾好鞋，係我唔岩諗住試一次，我錯呀！ 真係好好好唔掂，我唔知自己食緊咩，又乾又肥又硬，仲要有燒味既味，有d 似食緊臘肉咁，超唔掂，集郵女王勸大家真係唔好食叉燒，叫餐肉可能好好多，因為佢d 蛋同汁係冇咩問題既...

難得到上環辦事、上Openrice Search下有乜好嘢？終於揀咗呢間開咗30幾年嘅「孖沙茶餐廳」！👇🏻😜男人的浪漫係「豆腐火腩飯」我呢個蛋精女人嘅浪漫係「三眼太陽蛋叉燒飯」👍🏻😍😍午餐(一人前）：熱奶茶-有茶香三眼太陽蛋义燒飯-賣相絕對吸睛！肯定相機食先呃 like! 👍🏻😜好有蛋香味、叉燒和飯加上甜醬油絕配！雖然有人投訴飯比較硬、但正合我意、只不過我近年食慣東北大米、覺得欠缺米香！😅呢餐埋單$40絕對可以接受！不能過多要求、滿足！👍🏻😘😘😘

上環一到左lunch時間，間間食肆都很好生意，今次介紹的是一間天天都排長龍的三眼仔叉燒煎蛋飯（$37）。店舖很細，只有8至10張枱，每張枱都坐到迫迫夾夾，一張小的圓枱都能坐六個人，搭枱的人都是差不多衫碰到衫咁坐，雖然每次到了一點的時間，人龍已經差不多有15至20人在排隊，但是轉流也很快， 15分鐘內已經可以到店舖裏用餐了。初初以為這間鋪頭是普通的茶餐廳，經同事介紹這間的暗然銷魂飯很正，幾乎每一台客人都仲有兩至三人都是叫這個叉燒煎蛋飯。所以一場黎到，都真的要試試這個招牌飯。飯鋪上了半肥瘦的叉燒再蓋上三隻半熟的太陽蛋，上面頭淋上了甜甜的豉油，當飯和太陽蛋攪拌後，而汁留在叉燒上，成個飯感覺很 juicy，叉燒的咬口很軟熟和很滑，再配埋杯熱咖啡，食完這個平價快餐真的飽飽了！

係中上環返工，食Lunch係個好頭痛既問題，一黎人又多，二黎食餐晏仔分分鐘都成百蚊，日日咁食銀包都幾傷下架。最近發現有間小店日日都排哂長龍，今日跟風走去排下，原來依到出名食「三眼仔」。即係三大隻太陽蛋＋叉燒/餐肉/火腿飯。賣相好吸引，唔係太捨得整爛個太陽蛋，但係蛋黃汁配埋豉油先係精華所在，飯又夠大碟，都只係需要HKD33，真心好抵食。不過食唔食到都要有返少少運氣，因為製作需要時間，有時太多人叫會截單架～～～所以想食要早少少去啦而且小店已有一段歷史了，都好有舊香港既風味。間唔中要去支持下！

假日同友人途經孖沙街，順便係孖沙茶餐廳食lunch，出名三眼仔飯。 本身想食叉燒煎蛋，但當日叉燒賣晒，冇所謂啦，要餐蛋飯。 仲要好多選擇呢。 熱咖啡，茶記咖啡的味道，正。 餐蛋飯，$38。 餐蛋飯，又名三眼仔飯，因為有三隻蛋，太吸引了~~仲要有兩片餐肉，正!雖然係頹飯，但餐蛋係王道，必好食呀，特別係好多蛋汁加上豉油撈飯更加好味，餐肉都幾香口，不過有少許膿呀。 間中食都幾正。上環禧利街23號地下

相信，冇乜邊個係中、上環上班的人，沒有聽過《孖沙茶餐廳》呢一個大名。曾在上環工作的我，都不知來了多少次。大汗搭細汗，排大隊為個三蛋飯，當時，我同我的同事，男男女女，半點也不介意。離開了該工作崗位多年了，也離開了中、上環區，想去《孖沙茶餐廳》，必定要特登去。於是，在一個剛好要到該區工作的日子，加上我近日突然想念此餐廳，一個人來，開心吃午餐。 遲來了，到達的時間已經過了一點，所以不需要等位。不需要在外日晒雨淋雖是開心，但當我知道叉燒已經賣晒的時候，心中有少少咽哽。此時，店員推介太陽蛋火腿片飯，我的愉快心情立即恢復了。好多人形容這個可愛的太陽三蛋飯為三眼仔飯，但我就不喜歡這樣形容了，因為這一個三眼太陽蛋飯推出的時代，應該未有那可愛的三眼仔宇宙人，說有三隻眼，除了中國神話的二郎神，龍珠內的天津飯，我想比喻的，是3x3 Eyes 裡的 "佩爾巴莉"，是一個永恆的女神。回正題說飯，是一個很《孖沙》招牌的太陽蛋飯，沒有了叉燒就少了可口的蜜味，但換了火腿之後，換來了不一樣的甜美味道，半熟的蛋黃配合埋帶甜味的醬油，大家加點幻想吧，這是何等的美味啊。 遲了吃午餐的我，一碟飯又點會夠。所以，我叫多一隻傳奇的

難得早放飯，諗都唔諗就去孖沙，只係有條龍仔係門外，真係好彩! 點知一坐底點3眼仔，居然無蛋要等30分鐘! 世上有沒有比這更無奈的時刻!唔理啦，老虎蟹都等! 結果都只係等左20分鐘，個天都對我唔錯。 講返個飯，白飯太陽蛋加醬油已然是我的至愛，加埋叉燒係中間，個種幸福感，你明唔明! 開動左都唔知有無10分鐘，伙記又大叫蛋飯得返一份，眼見外邊條龍愈來愈長，蛋飯買少見少，眼見一班望穿秋水既打工仔，唔知邊個好彩食到最後個碟蛋飯? 吃一次飯可見人生，幸或不幸早註定， 下次早放飯還是會來碰運氣!

做完運動2點幾, 係上環搵野食, 上OR睇完, 咦呢間未試過喎~咁就上GOOGLE MAP搵路啦~ 有少少難搵, 但食晏人潮已過啦, 咁就可以一試好多人都話干炒意好食, 咁就食名物啦呢樣野係唔會列入下午茶的名單, 所以就唯有單點食物: 干炒豬扒意 (已叫佢少油, 但我估佢係唔會理我)飲品: 自己帶既水味道: 即叫即炒, 但真係油左少少, 豬扒有少少肥膏, 但自行咬走無問題, 豬扒唔似係雪貨服務: 茶餐廳既水平, 熟客可能會好少少

▶️這店位於上環區，逢工作天的中午都大排長龍，只因三個字: 「平靚正」。▶️除了每天提供了2款指定套餐外，也可自行按喜好選擇不同的炒粉麵飯。🐽干炒豬扒意粉配飲品 $41這天我就點了乾炒豬扒意粉，這店最大特色是所有炒粉麵飯都是即叫即炒，所以鑊氣十足! 不像一些餐廳是預先炒好的例牌嘢，我坐近廚房位置清楚聽到爐頭的炒鑊聲此起彼落，好似睇緊4D電影夠曬震撼!乾炒豬扒意粉整體上味道不錯，豬扒淋身入味，意粉彈牙有咬口，芽菜及蔥作伴，加埋辣椒醬來吃更加是美味非常。▶️雖然這餐廳十分擠迫，但是有這麼美味的食物及價錢相宜，我覺得是值得推介的。

茶餐廳- 香港獨有的特色餐廳。能夠屹立不倒的，味道應該不錯。今天我來了這家舊式茶餐廳，試試是否憑實力留低。位於上環港鐵站附近的孖沙茶餐廳佔盡地利優勢。整條街有多間食肆，但各具特色。這家茶餐廳我經常經過，但幫襯還是第一次。早餐選擇頗多，除了經常吃到的通粉、一丁和三文治外，我被炒意粉吸引著，一大清早就吃這樣heavy的食物，很多人可能覺得over了。但不點這個餐，你可能會後悔，因為真的太好味了！炒意粉有幾種餸給你自己選擇，但我點的是沙嗲牛肉意粉。先上菜的是熱奶茶和牛油多士，這裡大部分的早餐都是多士來的，所以不用另外加錢叫熨底，由於是即叫即做，所以多士非常脆，好味，大讚過了一會，美味的炒意粉便送到枱上，份量不算大碟，但以早餐來說我覺得很足夠，單看賣相已經好吸引，吃一口，沙嗲味香，意粉煙韌，牛肉亦唔老配搭得很好，所以全碟吃光。不過奶茶卻沒有喝完便要走，不是因為不好喝，而是店內冷氣欠俸，有點熱，太趕時間了，所以喝了一半便要走了。提提趕時間的人，還是點凍飲會好一點。

上環有一間唔太起眼，但好有歷史既舊式茶餐廳，區內返工既人肯定識，因為每日lunch hour都大排長龍，堂食外賣都要等。人多但勝在turnover夠快，都唔會等太耐。咁食咩既呢？其實都同普通茶記一樣，食碟頭飯為主，但黃金地段賣$40碟都算良心食肆。而最出名既，一定係「三眼仔」- 三隻太陽蛋既叉蛋飯！蛋完美的太陽蛋，生熟剛好，蛋黃豐盈，而個邊仍脆口。叉燒一般。好既叉蛋飯，叉燒應該要半肥瘦，要燒得夠香，個邊脆脆地。呢度做唔到，勉強合格而已。飯最大既敗筆就係個飯。可能午市出唔切飯煲唔切飯，d飯質地太硬，差過以前讀書時非繁忙時間食。總評：大不如前，絕對有更好的，只勝在太陽蛋、風味、價錢