慢

Open Now

Now Closed

我試左個「滑蛋叉燒飯」，係「慢」度外賣自取。首先，佢哋嘅主打外賣服務，冇得堂食，我用某外賣App提前訂購就可以拎食。食物方面，雞扒唔會太乾，加埋燒汁同滑蛋，配搭啱啱好，唔會令飯變得太油膩。可以揀沙律或者菜飯作底，相對其他多汁嘅碟頭飯，算係健康啲嘅選擇。不過，就我個人經驗嚟講，叉燒比較瘦，比較適合追求健康嘅人，未必係最好食嘅選擇。整體而言，「慢」嘅「滑蛋叉燒飯」係一份方便快捷又味道不錯嘅外賣選擇，適合中環打工仔午餐嘅選擇。如果你著重方便快捷同埋健康，不妨一試「慢」嘅這道滑蛋叉燒飯！

今次試咗"慢 Maan6"嘅煙三文魚牛油果慢煮雞胸沙律，加埋一杯奶茶。整體經驗感覺ok，但冇乜特別驚喜。首先講沙律，材料相當新鮮，煙三文魚同牛油果嘅搭配係幾得意，不過雞胸肉就有啲失色，唔係好嫩滑，口感稍為乾身咗啲。整體味道配搭得唔錯，但如果雞胸肉可以再嫩滑啲就更好。奶茶方面，感覺略為太甜，飲落冇咗香港奶茶嗰種濃濃嘅茶味，稍為欠缺深度。雖然唔係話難飲，不過同一般嘅奶茶比較，覺得有啲失色。總結嚟講，"慢 Maan6"嘅外賣體驗仲屬普通水平，未至於太差，但亦未至於好值得特地再買。如果你對雞胸肉要求高或者唔太鍾意甜奶茶，可以考慮其他選擇。

第一次試這間原先滿有祈待, 因為慢煮不是很多餐廳會做, 但結果令人很失望.首先一讚是職員態度很好, 有禮貌及等候時間不算長, 可以接受, 因為我是即場買的, 所以行過隔離買柸飲品後不夠便可取外賣了.我簡了慢煮雞胸配菜飯青醬.  菜飯不是很香但好食, 青醬很好味, 比較欣賞, 但雞胸不似預期.個人應為是煮得太久了, 雞胸本身沒有脂肪, 如果太熟會變得很"鞋"口, 不好食.  感覺上似食緊"湯渣", 份量是很多的, 亦很厚身, 但實在太過難食, 所以沒有食晒便算了.

聲明：個餐係用網上外賣平台叫既外賣自取，提早左15 分鐘落單，質素可能受影響。地址寫皇后大道中，實際係位於利源東街中間，要搵左一陣先搵到鋪頭實際既位置。勁量雞胸沙律菜飯。正價$72，雞胸份量好足夠，有成400g。好適合健身人士食用。但雞胸頗鞋口，冇慢煮既感覺，大約係大快活個種級數，食到尾會有d 頂唔順。沙律菜方面比得好足，大約有半碗左右。飯係菜飯，係網上外賣平台入面冇得轉白飯。大約有300g 飯。如果你對蛋白質既量有要求，好推薦哩間餐廳。

🍽️ Restaurant: Maan6 (Central)📍 Location: G/F, 20 Li Yuen Street East, Central📝 Review: The first dish I ordered was the Honey BBQ Pork with Scrambled Eggs priced at $58. While the presentation was enticing and the combination seemed promising, I found the sauce to be a bit salty. Additionally, after consuming it, I felt a bit thirsty throughout the day. Considering this, I cannot wholeheartedly recommend this particular dish for those seeking a strictly healthy option.🥗 On my second visit, I opt

圖片為「慢煮牛柳漢堡」宣傳圖 vs 實物我係有叫走蕃茄嘅，唔係佢無比。之但係個牛柳就好似比多啦A夢嘅縮小電筒照過一樣，總共有3-4塊咁大把。$56比D咁嘅野我，呵呵。

叫咗個三文魚西蘭花藜麥沙律，不過有另類蛋白質，可能其他人覺得冇問題，不過我見到就食唔落喇，菜蟲洗菜見得多，不過係自己嘅食物入面就真係少見… 仲要係喺沙律，點食？之後我就病咗… 仲睇咗兩次醫生🤮

中環打工仔得個零鐘食飯食快飯通常都會多汁撈住食呢間位於利源東街嘅慢maan6就唔使等位（因為無堂食 只做午市外賣收工）可預早whatsapp去到就有得拎呢日試左個慢煮滑蛋雞扒飯 唔會一大Pat汁頹飯咁雞扒都唔會好乾好柴燒汁+滑蛋啱啱夠伴住飯食仲可以揀沙律菜底/菜飯底相對其他多汁嘅碟頭飯係健康啲加錢跟餐嘅蘋果醋 係預先包裝好的個人覺得可以溝返淡少少呢個總好過飲手搖/檸水/奶茶吧呢次個滑蛋老左啲 的確有進步空間嘅

68蚊甘大件三文魚，夾起嚟食時，幾驚會比風吹走。味道就評價唔到喇，因為唔知自己有食到野落肚，飽亦一定唔會㗎喇。要食得健康又要差不多價位嘅，中環其實唔小選擇，呢間就唔會有下次。

今日外賣自取煙三文魚慢煮雞胸牛油果沙律，$70。有半份雞胸，半份牛油果，幾片大片的煙三文魚再加沙律菜。材料新鮮，雞胸肉係嫩的。自己去超市單買材料亦可能貴過去買這盒沙律今日不太肚餓，份量就剛剛好，但肚餓點的日子可能會份量大點的試藜麥沙律。沙律油是分開的，落多落少就隨自己喜歡。另加一支果醋。清新好飲。下次會想試慢煮牛柳藜麥沙律。另外，打電話落單，職員都好有禮貌。感覺良好！11:30pm左右取餐，未到繁忙時間，取餐速度亦ok.

見到賣相已經唔開胃食完一啖。。。只能講同賣相成正比 😓😓啲飯濕濕地啲茄汁係冇茄汁味睇顏汁都知一啲都唔濃啲豬軟骨唔入味 豬唔入味佢本身隻味會好怪不建議大家order，好伏。。。😫

呢個飯真心勁量，勁多飯，勁多菜，勁多肉，真係會超級飽但係點解只係會適合某部份人呢，係因為個飯係冇咩汁，所以適合一啲唔係好食醬既人去食，頂多係菜飯係有菜味，而沙律全部都係冇醬，只係得菜，所以唔食醬既人會非常適合但係想同店家反映既係：我地有人叫左個樽仔奶茶，飲第一口既時候係酸既，佢以為係因為食其他野而搞到個口酸左，之後再飲就發覺唔係自己問題，所以希望店家可以check check 係邊到有問題，可以改善一下

一盒飯知道老細你做生意幾無誠意無良心，你專做外賣，見到慢煮牛柳沙律菜飯，以為牛肉會煮得好淋意思，又講牛柳會俾正常大份啲打開個飯盒，成個午餐俾你影響心情！原來個牛柳係黑椒煎，咬落去牛肉又硬又乾，飯更乾，無味，飯無汁，沙律無汁。點食呢？你知唔知你賣緊$86一盒飯，係咪應該有返啲水準先夠膽開呢個價錢？做人做生意都唔好咁無良，仲話低卡路里，乜味都冇梗係低啦！老細你睇到呢個留言唔該你餐廳反省下！一係改量呢個飯，一係再鍛練下廚藝！

中環$60一個沙律無話特別平/貴，呢個份量都幾少。藜麥沙律多數都係青瓜，成個沙律都係青瓜。蛋沙律&薯角都偏少。三文魚有2塊，都ok。成個沙律味道無特別出色，因為沙律無乜烹調技巧😂

連續食咗幾日沙律，好大份，好多選擇。so far 藜麥同雜菜底都試過，藜麥沙律會有好多青瓜絲。主食試咗牛肉、煙三文魚同牛油果，味道唔錯。至於伴菜都試過好多種，最鍾意食開心果，因為份量好多，而且唔洗自己剝殼。