澳門路環茶餐廳 (Closed)

帶位姐姐有禮貌服務員專業有禮餐廳的整體環境不錯幾好，值得一試下次一定會再黎食下其他野

晚上兩女子到此晚飯，九時多都有八成滿座。點了個二人餐，有4 碟菜. 再包兩杯飲品(特色飲品要加5 元)。份量頗多，我們盡全力都只完成七成，食物一般，但又不是非常正宗那種0 服務都很好，有禮貌。 另一讚是洗手間很乾淨。

同事想搵新野食,所以試呢間, 貪大家都未黎過。食物其實一般, 服務都無乜特別, 只係我又好奇想知下人地點評呢間餐廳，結果俾我發現.....06年8月11日同07年7月7日既食評寫法好似架, 都係「今天星期幾」, 同樣又寫「好"低"」再比較06年8月11日同07年7月4日，同樣都出現「金色物體」...呢幾個食評除左文字相通，最大共通點係, 都係俾"笑臉", 感覺上係出自同一個人/同一班人既手筆呢篇唔算係食評，只係我睇左大家既評語後，真係覺得，做食肆都要有點良心，唔好呃呃氹 氹 自說自話, 認真改善食物同服務質素好過啦！

食物普通環境黑暗服務態度勁差仲理直氣壯咁呃錢以後都唔會再幫襯!!!

同親戚黎食過幾次，味道認真唔錯！先講椒鹽牛仔骨，香口，味道適中，掂！ 咕嚕肉，十個好，夾起黎真係好香，又唔太甜，咬落有肉汁，掂掂掂！香茅金蒜牛油蝦，夠特別。仲有個唔知咩海鮮雜蔬，有多樣菜，都幾新鮮，個湯就一絕！好濃海鮮味！

今天星期五，約左朋友一齊去旺角食飯，行到女人街；有個很有禮貌的侍應生，在門口介紹我地食葡國菜。入到裡面很多電視機；很特別；每枱卡位都有一部電視機。裡面個部長帶左個卡位我地坐，還介紹我地食葡國菜。1.)葡燒豬頸肉：豬頸肉很軟滑，蜜汁燒出來味道很香。2.)馬介休炒通菜：我地問部長，什麼叫馬介休，哦！原來係葡國咸魚，很特別，味道很香通菜很軟滑。3.)砵仔海鮮焗飯：炒飯底OK，有二隻大虾很爽很新鮮，有青口、石班、蜆肉、墨魚仔、虾仁、好多料，值得一試低食，味道OK。4.)葡式燒豬仔肶：一個字((正))，用蜜汁燒出豬仔肶香味，豬仔肶很新鮮。5.)飲品種類很多，很特別，有椰果、紅毛丹、茘枝肉、龍眼肉、籚薈等等.................總括來講值得大家去試。

星期三晚上約咗班朋友一齊去旺角行街，行到9：00大家肚餓，本來想去食日本菜、但行到女人街有個女人好有禮貌介紹我哋食葡國菜。入到裡面好特別；因為四面到係電視機。有一個金色部長，介紹咗兩個二人套餐，好多食物有炸蟹拑、乳鴿、炒菜、猪仔肶、百香菓炸軟雞件、炒飯、焗伊麵，味道很香，好好味道，還有特別飲品；種類很多，侍應生服務太道很有禮貌。總括一個字((好)))

看完煙花與友人旺角的澳門茶餐廳吃晚飯要等位的....等左15min到我叫了個招牌咖哩牛腩, 馳名的豬扒包和凍檸樂食物很快便到了, 還挺香的豬扒包皮脆脆的, 內有洋蔥和香香的豬扒, 但我覺得味道一般, 吃完沒有特別深刻的印象, 但這豬扒包味道還算不錯的:]而咖哩牛腩, 不愧為招牌~ 咖哩味香,牛腩味很濃, 薯仔夠滑吃完後很滿意侍應的態度挺好的~下次有機會也會再去:]

尋日同男友加表弟3人一齊去食Dinner .我之前已經食過一次啦..不過係年幾前啦.佢\\\地2個就第一次去食..我之前果次食已經覺得好好..以128蚊既價錢黎講算多選擇架啦.加埋一都係收$140 ..仲想點啊.我睇過之前好多食評話d侍應態度好差.又成日漏單..咦.我地尋日所見又唔係想像中甘既情況哦..上菜超快,d人又有禮貌.全場食客都好似好滿意甘..我地就更加唔使講啦.所以話呢..如果以二百蚊既價錢黎定呢餐係抵食啦..比咩一生x食.郎X.松X果d好得多啦..

有個似老闆娘款0既女人...肥肥地長頭髮..態度勁差..0係門口度派二人餐menu...又話咩都有...但入到去點菜時先話冇所有要炒0既餸...二人餐包括四樣嘢..有炒菜炒飯..又話可以揀一款小菜...全部都冇..四樣得一樣跟menu...都唔知點揀..又唔想被逼食d set dinner...0甘我地話等一陣...點知過咗唔夠幾分鐘,個女人已經走0黎兩次...企係度問我地揀得未.....我地話佢0甘多嘢冇..好難揀..佢勁唔耐煩..係0甘要我地要個d我地唔想要0既餐..之後冇耐又0黎問我地得未...話佢要叫人整...我話要再諗下先..佢竟然企0係度唔走...叉晒腰...都唔知咩服務...0係水都冇柸0既情況下...我地決定起身走!唔食!0個時先8點...全條女人街都係食店..我先唔要花錢受氣!

今朝係屋企出黎一支公食早餐.唔使諗啦,實係佢.一落到去,好多人....要搭台.算啦,一個人冇乜所謂.落單,諗都唔使諗(牛扒多士+腸仔)多汁,涷奶茶.唔使5分鐘到.牛扒大大件(成人掌手咁大).幾淋,d汁夠味,3分鐘後多士到,多士係o岩o岩焗好.夠熱.點埋汁仲好食.美中不足係以前有薯條跟,唔知點解依家變左埋單$20+$2涷飲,勁飽肚.

前幾晚肚仔餓，又懶煮、又懶出街搵嘢食。於是就想起叫外賣啦。上OPENRICE搵一搵屋企附近有邊間茶餐廳有好介紹。於是發現咗 澳門路環茶餐廳。 前幾日係第一次試。叫咗兩個晚餐，係"馬拉棧通菜牛肉"同"咕嚕肉"。兩個小菜都幾好味同有wok氣汁都撈埋。唔錯。今晚再翻兜"馬拉棧通菜牛肉"，加另一個小炒"椒鹽骨"。都好好味。兩個小炒加兩杯凍飲，都係$80。都幾抵食。如果有例湯送就更理想啦！以後又多間外賣可以選擇啦

今天星期2，約左一班朋友到旺角行街,到9點到大家肚我；行到女人街看到一簡澳門茶餐廳，裡面的侍應生好有禮貌招呼我們，還介紹咗二個套餐給我們，很低食好大碟,每枱有部電視機,很特別,食品很好味，飲品很多種類。招牌BB鴿很新鮮,味道很好馬拉盞炒通茶,味道好似去馬來西亞食差不多草莓炸軟雞件,很新奇,雞件香趣軟滑,草莓汁很好味道帶子粒炒飯,飯低很香很軟滑百香菓紅毛丹,很特別。整個套餐到係$118元,低食,好正。

我同男友去都有不愉快經歷，原本我地ｏ係出面等卡位，講明左要坐卡位，好啦，到佢地通知我地有卡位果陣，又叫我地唔好坐，要俾食開果４個人坐先，話叫我地坐住先，好快會有再轉俾我地都算啦，到叫野食果陣，個老闆娘（收銀果個）推薦話有ｄ二人餐，但我地對佢既二人餐無興趣，唔o岩食，所以叫佢落單時叫左個兩個SET就算，跟住佢竟然唔係俾ｄ餐具我，係離張檯４寸掟隻匙羹俾我.. 唔叫你個二人餐遮，駛唔駛咁既態度？而且到食完之後佢地都無再轉再卡位俾我地講真，其他人既態度都尚可接受，但個老闆娘真係好差旺角咁多野食，我地以後都一定唔會再去呢間。

呢間0野, 我係一定唔會再去下一次!!!!呢個老闆娘簡直不知所謂...罪行有3:1. 餐牌與實物不乎. ("澳門特色餐湯" = "羅未湯or 白湯")2. 未飲完0野就趕人走3. 加一收費刻意收多, 呃人錢...我同我女朋友行到肚餓, 入左女人街搵餐廳食dinner...咁入左呢間0野.....見個價錢都唔算好貴就入左去....入到去, 見到每個卡位都有一部細小0既獨立電視...滿心觀喜....但唔好因為咁而覺得呢問0野好....我地每人都叫左個set dinner...佢個餐牌係寫左有"澳門特色餐湯"我地一心可以0係香港試下澳0野....個waiter 就話..."係羅宋湯同白湯"我當堂呆左.....乜原來"羅宋湯or 白湯" 係"澳門特色餐湯"...?!?!?!之後我都算喇...之後就食飯啦....我同我女朋友都叫左凍lemon tea...但係冇lemon 味.......呢d 都仲係小問題....我地食完飯, 諗住坐陣傾下偈, 飲埋杯"冇lemon 味0既凍lemon tea"點知, 個老闆娘(即是黑店首領) 就叫我地去另外一張table 坐, 因為話有人想坐卡位(我同我女友當