澳門路環茶餐廳 (Closed)

lunch時,客人不多,叫了焗青咖哩魚柳'螺絲粉.預左要等,因為係焗野,如果佢好快上到,咁都係一早整定啦...等左20分鐘..終於有喇.....分左d比朋友,此時才發現'點係飯底ga??????本係唔'好'飯,所以立刻停人叫人跟進...waitress都say晒sorry,知道錯不在她們,而是廚房....我問,如果要焗過咪再要等好耐??可知今天的lunch time只得半小時,不可再等多20分鐘了,便改了午餐a...中途waitress都為表歉意,會送餐湯給我,可是當時不知怎的為肚火,拒絕了...3-4鐘後午餐a送上..好快!!!司華力腸豬排薯菜 - 司華力腸係半條份量,不特别,但好吃喎!!豬排不算薄,肥瘦剛好,算是淋了...汁亦不錯,像是燒汁,不過確實名字不知道,因為只是胡亂叫一個餐罷了...薯菜是薯仔切角沒有沾粉炸起的.不錯哦!!還有ok多的椰菜,很淋身!!overall除左比錯野,都總算是好的.食物及服務都好好!!係我自己衰,發了少少脾氣罷了...p.s. 朋友吃了我給她們的青咖哩都算很好或者可再來吧!!

晚上係旺角行左陣，同朋友覺得肚餓見呢間店鋪都好似OK，就入去食啦！本身坐左近門口位，但有個待應就話「坐入面D涼D架！」就安排左我地去一個最入面既卡位但坐低就有D無奈，因為有兩隻小昆蟲不停係度飛黎飛去涼又唔係話特別涼加上部電視畫面就係好白好光加無聲音不過都算啦朋友吃鐵板餐，我吃炒烏冬鐵板餐既扒類就真係認真麻麻，朋友總結成盤最好吃就係D伴碟我既炒烏冬就OK，但海鮮炒烏冬既海鮮真係好少餐湯都係麻麻唯一可以讚下就係D野食都仲好熱既～最尾就$107 賣左單啦總括而言真係有D唔係咁好食加個位好奇怪 坐得唔舒服啦不過有個待應真係好好人，仲好熱心咁同我地講BYEBYE 哈哈: )

係呀!食呢間野係07年秋季度..相隔咁耐!都要摷返出黎講!因為黑店d殺氣太強!加上最近中意黎呢度寫文寫上隱!!首先!去到間野門口有乜乜炒拉麵!差唔多成張大紙牌都寫住同類!好吸引就即入!入到去個位唔太清楚睇電視..諗住調位!都廢是要佢拎水..自己拎住..佢都要阻止我話個邊一樣睇唔到.我無奈只好坐返低..查實個度角度一定好好多先至少..!可惡呀!到問佢門口見到個d炒拉麵餐既野.佢毫不覺唔好意思話全部都無!叫過第2樣啦.二人套餐抵食!我先唔會咁易應承!結果諗左陣叫左兩個餐..TMD的!佢拎支叉比我係掉到哼哼聲..好無禮貌!好啦!d野食黎!我碟牛柳飯..牛柳唔熱..d飯又係..整體太耐唔記得細緻形容..總之就係唔ok!埋單正如前面d人所講~佢自創0寫9入!唔係!應該係豈譜算式..茶樓個隻計法咁款!主角都係條忽忽地既老板娘啦!好開心比左我係呢個網留既食評中最低分數一個..前無古店後無來者

這些日子，常到這區作site visit，午餐順理成章在這兒解決掉。跟隨客戶到這兒吃頓廉價午餐，茶記風格，我們五個大男人，說話聲大大，侍應們都不太敢要我們食完便走。他們都點湯飯，便跟隨，點了客「皮蛋芫茜魚柳魚湯泡飯」，配熱檸檬茶，才$31，hea 足九個字。皮蛋芫茜配魚柳，加上魚湯，只要魚湯唔係稀釋的，魚柳唔腥，我絕對無怨言。這兒就做得到。於旺區而言，雖然坐位擠迫，但絕對係低消費午餐。

食物水準已經不好，服務重要勁差事源我和朋友二人叫左一個set dinner加兩款小菜，set dinner只包一杯飲品，所以我地未額外order多一杯飲品，但待應以為兩杯野飲都跟餐，所以賬單上價錢mark小了數元，我和朋友亦沒有留意.....到結賬時，哪收銀見到賬單便質問我們是不是只叫了一個set dinner!!?然後態度勁差咁話番第二杯野飲應計正價，感覺就像話我們欺騙他數元;但明明是他們待應於賬單上寫錯價錢!我以後都唔會幫襯!!

光顧這餐廳的原因:1) 見到門口有報紙介紹(應該係饍稿)2) 好耐無食葡國菜, 好想食燒馬介休3) 門口的侍應/知客熱情招待正題:一入到去, 個肥老娘係都想我叫套餐, 但係我覺得多野得濟, 所以就決定散叫, 我就問個老娘有無燒馬介休, 佢好似覺得好奇怪, 可能佢心諗: 燒馬介休你玩咩? 咁我就知道出事喇, 葡國餐廳唔識燒馬介休就一定係渾水摸魚。咁我就叫左馬介休炒飯同燒豬髀, 個老娘就推薦我食燒羊鞍, 我就聽佢講要羊鞍唔要豬髀, 點知佢就搏大霧兩樣都落晒單(好彩即時check番單發現), 最後都取消左, 這個老娘俾我既感覺好似想"禁"住黎搶, 跟住又好頻密咁行埋黎吹我地叫野飲(佢既態度好似恐嚇), 最後都無show佢, 淨係叫左兩樣野。馬介休炒飯: 炒飯痴埋一舊, 同落多左水煲飯無分別, 仲有d飯係凍既; 黑水欖一點香味也沒有, 都唔知係咪翻用? 食左唔夠1/5燒羊鞍: 燶到成舊炭咁, $58得果4件仔返到黎睇番openrice這餐廳之前的評價, 話老娘成日收多錢, 點知一計, 原來佢都收多我錢; 食埋d垃圾餐仲要俾$96已經好谷氣, 點知佢要加一($105.6), 跟住佢收左我$107

星期六下午口痕痕, 行入女人街睇吓有乜嘢好食, 發現呢間茶餐廳, 都好多人, 就走入去試吓叫了個螺絲粉餐和午餐, 平心而論, 以約50元價錢, 可以食到咁多同幾好味例牌餐, 真係唔錯羅宋湯幾好, 唔係淨得紅色果d, 而最驚喜係個跟餐多士, 又熱又脆, 我個焗天使麵都唔差.除了環境較為混亂外, 整體上都好滿意

真係極道垃圾，係我食過最差既餐廳....一開始入到去，連水都無杯，d 野食就係荼餐廳價錢既...諗住試下之後，惡夢就開始。先係d 伙記，個個呆呆地，好似係澳門鄉下出黎咁，走黎問我係咪點菜，我話係，之後佢就走左....呆晒....最後原來只有個老闆娘先可以落單....個伙記只係得閒黎滯黎問我.....我地點左個美國蝦肉眼扒同葡國羊脾，點知個老闆娘一定要我選羊安，話多肉d ，跟住就話要多$10就走左，我想選過都唔得！最後我女朋友話無所謂我先算數...d 野食黎，係第二個伙記，但都係從鄉下出黎，隨便放個鐵板係枱邊，落咪汁就走，都唔知d 野食係咪我地既...之後就到食物，個蝦d 肉好晦、個牛扒好冧一d 口感都無，最差係個羊安、$58 得4 塊，塊塊4x 4 cm ，質素極差，無味不得止，又勁晦....食到極唔滿意....個老闆娘重要問d 野好唔好食...。好心啦，你俾d 咩料人食，又點會好食....好唔開心咁埋單，$126 只係一個鐵板晚餐加個4塊既羊安就$126 ，就算去花園都一定好食好多好多....我女朋友話，咁貴、茶餐廳都要加1? 個老闆娘態度極差，大大聲聲話：唔係荼餐廳要加1 ，係好多

食物極遲上,等左不下45分鐘，鐵板上塊豬扒勁咸，d野一d都唔好食，比較可取o既係d特飲同埋羅宋湯肥女人好似"唔憂做"咁~對d客呼呼喝喝~明明係佢聽錯又話我o地講錯~個個侍應都好似遊魂~唔知自己做緊乜~應該係比個肥女人鬧到魂飛魄散~唔該佢快d執笠!!

五點幾肚餓同男友入女人街嘆番個tea先未坐低先係收銀位度羅2本雜誌埋位睇無乜人,搵左卡位坐見到有個細電視係度,幾新鮮但唔識開黎睇就放棄啦,橫掂有個大電視係度都有好多野簡我就食西多士+奄列,凍檸茶- $20都唔錯,幾好味呀!男友就食沙爹金菇炒牛河,凍啡少甜$28我食左d,熱到辣咀..覺得幾好味,幾suprise會有咁既味道可能無乜人既關係坐左好耐,係度睇雜誌傾計都無趕客..但個肥老闆娘真係幾差呀d態度話說後面卡位兩個人部細電視開得幾大聲,咁個老闆娘同我地落緊單,就係我地面前自言自語咁鬧後面既2個人痴線同我地落完單,就走去後面同佢地好大聲咁講,開咁大聲會整爆個喇叭架,跟住就熄細d聲..叫客人細聲d,ok,但都唔係咁既態度呀嘛!?

琴晚同朋友如果唔係太餓，如果唔係見個阿姐幾好人，抱住不妨一試的心態，我o地都唔會踏入呢間餐廳。一入到去一個好惡o既肥女人，唔俾我地坐門口o既空，係都要我o地坐正廚房位，重要搭。d冷氣又凍到死。佢(肥)不斷推介我o地食個二人餐。到隔離台卡位o既客人埋單，我o既話轉，佢又唔理我o地。轉後，佢重不斷推介我o地食個二人餐。到我o地落單，佢又寫兩下，就走去收銀，我見到其他員工想幫佢，但佢係衝過去，唔使其他人收。成個落單過程差唔多十幾分鐘。唔知佢係咪見我o地係女仔，叫我地坐一邊，話繁忙時間叫我o地留返d位。ok~一開始我都照做。但愈來愈不順氣，佢唔會叫d情侶(一男一女)咁樣做啵，而且根本有位剩，都坐唔滿。等左好耐，約二十分鐘，我個朋友o既食物終於黎啦！但佢就只係俾左一碟飯我，又再等左二十分鐘到，我碟小炒先到。佢重係我開始食個陣「攝」左張「留位」o既紙係度，唔知想點。o個時都重有位剩，我又唔係好信有人會特地打電話黎booklaw.食物一般~過得去啦~只係食緊個陣，見個肥女人向隔離張大o既男仔推介唔知咩餐，重成個人扒係度。同埋進食期間，不斷聽佢好大聲咁鬧其他人，以及d餐具跌落地聲。好有黑店feel.奉

服務態度差到極GE一間餐廳!侍應又好似根本唔知自己係到做緊咩咁!有一次我同一個FD去呢到DINNER叫左2個SET DINNER都係A餐茨菜點知個侍應拎錯左隔離個女仔個餐比我佢放低果時仲要問我係咪叫左A餐茨菜我就話係啦點知食到咁上下..個侍應就拎左2個餐泥原來果個先係我GE SET DINNER之後佢就同隔離個女仔講話拎錯左個餐比我我當時都好唔好意思..最後我就一路食一路比果個女仔望住我..過左一陣.個老闆娘就走埋泥話我食錯左人地個餐要改番價錢..我好唔服氣..我就佢佢講"係個侍應自己拎錯餐比我wo.."之後佢就話"咁你又食"我好無奈..明明個侍應自己都話果個係A餐.我又唔係係果到做點知呀.最尾我就同個老闆娘講"係你個伙記自己講錯.仲要咁遲先發現"跟住佢就好大聲咁對住個侍應講"聽唔聽到呀!人地話你遲鈍呀!"我心諗我又幾時又有講過遲鈍呢2個字..最尾我個餐就冇啦啦36變左55..仲要食得好唔開心雖然話做客唔係大晒.但係佢地拎d野食過泥果陣對下張單都得掛?我又唔識睇呢個係咩餐.佢話係咩我緊係信ga啦呢次係我咁耐以泥食得最難頂ge餐廳.以後一定唔會再去!

早兩日行過見個派傳單阿姐幾好人, 野又啱食就入左去, 點知入到去冇哂set dinner, 我叫鐡板餐,但個老闆娘逼我地叫扒食, 話唔好咁煩食扒有湯有餐飲(其實鐡板餐斬有仲平日d) ... 之後個鐡板炒面黎左但係好恐怖, 塊板邊有pat溶左既藍色膠發出陣酸臭味...到我朋友個"美國肉眼扒", 個waiter淋pepper source淋到成檯都係,d source沿住塊扒落佢仲要淋, 一邊淋一邊搵紙巾索, 呆哂...至於塊扒就唔係肉眼扒之餘又唔新鮮,大X 樂仲好過佢~唉~ 食食下個kitchen的餐具倒瀉哂, 個老闆娘超大聲咁咆哮嚇呆全部食客...到俾錢果時個老闆娘督完計算機都計多我地十幾蚊...出門口後我同個朋友都覺得自己入左黑店...

以前黎食過, D野都OK, 今次咪同班FRIEND 黎食下野....點知....D 野食差過以前好多...可以話難食...D 野食又咸...都唔知想點...D人SERVICE 又差到嘔...做客人做到我地都幾辛苦...唯有下次唔黎啦...我想勸下呢度D員工,睇多D ANDY LAU 既廣告, 學下咩叫SERVICE。

有個收銀肥女人態度極差D野食好一般唯一好處就係多位坐