澳門路環茶餐廳 (Closed)

食物- 叫左3送2飯,d送中中等等ok,個飯ge飯底唔錯,但d送冇味-.-......服務- 侍應正常,老板娘煩到嘔,不停hard sell d野飲,仲要話:"$14唔係好貴姐下話?" 真係心中爆粗.....其實最過份係要加一-.-環境- 普普通通,有TV睇,但整體感覺怪怪地.所以Overall覺得麻麻地,唔推介~

行過旺角,見女人街裏的食肆食過的來來去去都係一兩間.....行過此間見門口個姐姐話d dinner set抵食,而門口似係食d較有特色的葡餐,入到去點知.......賣的只是普通茶餐廳的貨色....就算了,成四十蚊一個set質素跟一般茶餐廳無異,可以講係略貴.....味道也是一般,平平無奇,都算了.....拿張單出cashier埋單,居然夠膽死學人收加一!!!只係遞下菜service就收加一,今時今日的食市重可以生存??就係果句,無下次!!!

行旺角, 行到倦了, 見到lee間都有人食, 咪入去law...叫咗個雞扖天使麵, 一個係咖哩羊肉意粉.....雖知道係一間普通餐廳, 但都係俾人食ka ma. 唉...入咗去喇, 叫埋,煮埋喇, 無辨法啦...食完之後, 埋單時才發現要加一喎, 有冇搞錯呀!!千萬不要去呀!!

小辣妹我本身是開飯網開業以來忠實粉絲,通常出去搵食之先都到此取經,往往發現大家推介的餐廳都名不虛傳,吃後心滿意足!唯個人比較自私懶惰,加上打字又慢,固只取經而不貢獻...終於遇到惡報,竟不幸光顧以上餐廳,唉! 從今以後,定必精忠報網,多多寫評!言歸正傳,昨晚我等潮人血併完旺角新開Quicksilver後,本身甚少於朗豪坊以外的旺角食肆吃飯的我們,醒起此網網友推介"西門町"本欲一試,但由通菜街的頭行到近尾段都找不到,又餓又累,見此餐廳外觀以為質素跟一般"澳門茶餐廳"相約，便姑且一試...環境: 1)　冷氣弱，又焗２）每桌迷你電視又跳線又舊,無好過有３）全店充斥ｍｋ仔女大聲說話，好煩，又雜食物：（二人套餐好似佰四蚊，但由於唔食，寧願散叫所謂招牌菜，無叫飲品．）１）招牌ｂｂ鴨　（＄２８）－　超迷你，根本無肉，燒到柴皮一樣乾晒２）馬介休炒通菜　（＄４８）－　我知炒菜係油，但真係油到浸晒Ｄ菜，無辦法食到，我地問老板娘（應該係）可否加錢換返碟焗時蔬，佢就係成間鋪面前同我講解”炒菜梗係油架啦”的道理足有五分鐘之久，我話唔換就算啦我地俾錢叫得唔得呀？最後以加十五蚊既價錢換碟焗時蔬俾我地，不過我未食已經

今天，星期三我同兩個朋友一齊去食飯，行到女人街看到一間類似澳門茶餐廳物體，然後走入去食飯，裹面裝修好靚。侍應招呼好好，有一位金色物體走近我們將枱，介紹左一個二人套餐，食物很大碟,味到很好，價錢不算太貴。三個人到係一佰七拾元低食。

先講環境,普通茶餐廳格局,冷氣唔夠,又焗,如果多人食煙仲死,d位又背脊頂背脊,唔好坐。再講服務,完本都無咩好講,但係食緊野果時聽到有個侍應同另一枱客講"你地仲要坐幾耐,走未呀?"之後同門口d人講有枱埋左單,等一陣有位嘞!嘩,明趕客喎,咁都得!?最後講食物,當晚叫左咖哩雞飯同沙爹串燒炒飯,d咖哩汁好浠,唔香,無咖哩味,得個辣字,仲衰過快餐店d咖哩汁,個沙爹串燒炒飯仲衰,等成平個鐘先上,d炒飯勁咸,d串燒肉又勁咸,仲炸到乾爭爭(豬牛雞各一件,串牛衰到咬唔開嘅),咁嘅服務質素,咁嘅食物水準,埋單要自己走出櫃面俾錢都仲要收加一,我一定唔會再嚟食野...>_<

4月29號晚,同朋友二人途經女人街,看見門口廣告o既咖哩蟹,於是便入去試試,唉!!!!!原來今晚無得供應,連假日都無,價錢又同餐牌唔同(廣告$88,餐牌$128),真差勁!算數,叫第二樣,問個女仔有乜好介紹,佢就介紹大蝦同銀鱈魚,好彩無叫銀鱈魚咋,貴夾唔得...真後悔1)咖啡羊肉+豬仔包兩個(一都唔羶,失望)2)芝士忌廉焗大蝦(好像被騙了...)3)蜜糖咸豬手(似炸雞多,吉之島果都好食過佢)4)蘋果蘆薈飲品(ok)二人共消費: $188

成條女人街有唔少食肆，但係大多都係日本菜或者茶餐廳，想突圍而出都要搞d特別野。平時都好少食澳門菜，呢間野d裝修好似抄四姨太間澳門茶餐廳，連係卡位裝餐具都抄埋。阿姐極力推介$148二人餐，有一隻葡式乳鴿(同一般乳鴿冇分別)、葡式燒烤拼盤(好肥膩)、鰻魚炒飯(而家有鰻加咩?)、馬拉盞炒椰菜(個人認為都係配通菜較夾)，當然仲有兩杯餐飲啦，但係要飲凍檸賓就要加成$5，真係搶錢。全個餐廳冇一個角落睇唔到電視，連卡位都有私家電視，唔怪得收咁貴。埋單時先知要加一，兩個每人都要成$80幾，仲諗住茶餐廳唔會咁貴添!

由於老闆唔係度，我呢排都比較得閒，成個禮拜都可以食到早餐。而今日等份野，所以仲可以入去慢慢歎。行過見到呢間，所以入左去試。叫左個早餐B - 蕃茄薯仔羅宋湯螺絲粉配牛油火腿豬仔飽跟熱飲(揀左熱朱古力)，只係$16- 幾抵。個螺絲粉味精重左D，牛油火腿豬仔飽，賣相唔錯，但係味道就一般啦，因為，O岩O岩趁熱食果陣，外層都脆脆地既，但食另一半果陣，已經係唔脆，面且飽入面唔係鬆軟的，牛油味都唔重。杯熱朱古力就OK。入面每個卡檯都有一部細細既LCD 電視仔，仲有得較台同埋音量，咁樣就唔洗爭。而且，仲有報紙雜誌提供，幾好！但入面好多人食煙。

点解个网无左大埔间澳门路环茶餐厅的评语(点解删左)？大埔个间开业己经带大约8年，D野好个这间好多！！我是大埔人，成日都会到此正店。可能因为D野好食，就俾人炒左个名？！讲返旺角这间(翻版店)，此店真系好钟意抄人，想抄澳门茶餐厅的出品，可惜是差很远很远。门口贴上大量(线稿)作宣传，与同街食店所用手法一致，都是抄别人的方法。环境太黑，加上D电视机，入左去好似去左酒吧！！(唔该俾两打啤酒！！哈哈)其实是不经意地在女人街发现此店，开初真的是以为是大埔那间的分店，食完得真系先知俾骗！D野食好大碟，我一个男人加女友食一碟反加饮品加两个小菜加猪 扒包食唔晒D野非常浪费。本来想打包回家，可惜D野真系唔系太好食，根本唔想食第二次。炒饭 - 太湿太咸，D饭黏在一起！！马介休炒什菜- 马介休唔知游左去边？葡国鸡 - 定系咖哩鸡？？香味Bye Bye！！！猪 扒包- 哗！！！个包好大呀！！定系块猪 扒细呢？最后点解茶餐厅都要加一？无服务都要加一????差差差！

前晚同亞暖去食，可能撞正心情好啦! 又覺得d野食同服務都唔係講到咁差!最驚喜係d湯好大碗，食物亦熱辣辣! 不過要加一呢下野係怪d!埋單都幾貴!每檯都有一個小電視，可以轉台較聲音大小，好得意!

晚餐C, 紅湯, 紅湯碗大湯小. 主菜甚麼燒汁銀雪魚飯, D 飯成pet 野咁, 太多汁水呢呢. 果子蜜冇味.

前言: 前幾日同男朋友去旺角，由於lunch 既時間我地唔肚餓，所以我地肚餓既時間已經係下午茶時段喇~去左呢間‧‧‧我叫左沙爹牛肉+脆皮腸+烏冬= 我覺得好唔掂囉! 所謂既"沙爹牛肉"得三、四小片，同埋係冇任何沙爹汁嫁囉! 試問沙爹牛肉冇沙爹味既，又如何叫做"沙爹牛肉"呢?? 另外脆皮腸係炸既! 炸到我係食唔到有任何味+ 賣相差不特止，個皮仲要係超"un" 嫁囉! 咁乜野叫脆皮??男朋友叫左漢堡扒出前一丁餐= 出前一丁唔得，好似煮得耐過頭咁，有少許發漲囉~ 另個，個漢堡扒係好薄既，又冇乜味‧‧‧差! 差! 差!另外，我覺得呢間舖頭好Cheap 囉~我見我食0個個烏冬冇乜味，咁我又見唔到張檯度有辣椒醬喎，咁我咪叫個侍應拎辣椒醬比我囉~ 點知佢係用辣椒醬倒落個碟仔度比我嫁囉~ 一般既大小餐廳都會成枝辣椒醬又或者係成兜辣椒油比個客任落嫁嘛! 但佢地就就好似要限住我要落幾多咁囉~ 我覺得佢地咁樣咁Cheap 呀!!Cheap ! Cheap ! Cheap !

首先一入到去未坐低就比個經理好大力地撞左一野，仲要一句sorry都冇~~成間野都勁重煙味，好難頂！同男朋友叫左兩個tea~勁吹脹~我杯鴛鴦有頭髮，有一份豬扒包冇豬扒(咁都得？)4樣野要換2樣，冇野呀話？明知去餐廳食野最忌就係退野返廚房......但真係頂唔順~~~~成個場得一個侍應，做到踢晒腳之餘又唔好老皮，叫佢地換野仲勁懷疑我地玩野咁樣，依家邊個做錯野呀大佬？食食下又有小昆蟲黎倒亂......雖然D 野食都OK，但咁既服務+質素，下次真係請我都唔黎食！

今日同朋友去旺角食飯，行到累就隨便入了這間餐\廳。裡面的環境就有點煙霧彌漫我們叫左一個set dinner，個特色的時日例湯係羅宋湯，真係好鬼\"咸\"。最慘就係個\"吉列雞扒配蜜汁燒BB骨\"，這個主菜食落口，真係凍凍地! 而且食物的size都比較小!食的時候，我看到有很多\"蚊滋\"飛來飛去，食都唔係食得唔安落!另外，餐\廳的環境都比較嘈，就算張有部LCD俾你任轉，都沒有用! 因為嘈到只係看畫面。