澳門茶餐廳 (Closed)

Thxdtsdd 及女友在看蝙蝠俠之前來到澳門茶餐廳吃午餐, 由於是平日, 加上未夠 12:00nn, 客人不多, 是我來這食店最少客人的一次, 更第一次可以揀位坐! 先來一個豬扒包, 豬扒都幾香脆, 不過瘦左少少, 有點鞋. 麵包也有點硬, 整體不過不失!之後吃葡撻, 外皮幾鬆化香口, d 蛋都幾甜美, 唔錯!海鮮雜錦炒鴛鴦粉, 鴛鴦粉即係米粉 + 幼河粉, 海鮮主要是蝦, 青口, 魷魚等, 炒得都 唔錯, 幾好食!凍咖啡, 比預計香濃, 而且都幾滑, 正! 我們還喝了一杯凍檸賓, 食物都幾好食, 服務就普普通通啦, 埋單 118. 相片可參考:http://hk.myblog.yahoo.com/thxdtsdd/article?new=1&mid=1417

今日出遊完畢, 特登行過一個街口黎到呢間 - 幾年前曾經令我"急趕而來, 失望而回"的澳門茶餐廳...以為見佢仲向度, 又靚裝+plasma+menu, 就點左兩大招牌菜: 葡國牛腩飯＆澳門朱扒飯，有人叫咸檸雪碧，有人叫澳門特式咖啡．．．（現只講這幾款，不想令自己咁難過）待應又好得意喎，一叫澳門朱扒飯，佢就話”要等十五分鐘”！好似想我地只係叫一ｄ唔需要時間烹調的菜？我話無問題．．．如是者，葡國牛腩飯第一時間黎到，一食～好咸＃＃再食～都係好咸＃＃＃（基本上我地之前呢兩日大食開濃味食物，無理由咁）澳門朱扒飯，一黎到熱辣辣，睇到好想食，但一食就無味，汁都係咸．．．飯．．．ｗｈｙ？另咸檸雪碧同澳門特式咖啡（好得意喎，無ｌａｌａ有個小杏仁餅送比你，待應又無講點解）～唔好以為佢冰凍鉄外表好酷，其實佢超甜～我都嗜甜，好少飲得咁慢．．．友人們同我一樣，都唔想浪費食物，都照食如儀．好在食物都唔大份量，不幸中之大幸．六合彩唔中，估唔到只叫其中的招牌菜都落得如此下場．在食的中途時見隔離２少年都係食朱扒包＋１中年男士食葡ｔａｒｔ，唔通呢ｄ先可以食到澳門最好的味道？

難得一早有幾個朋友一齊食早餐, 通常早餐黎黎去去都係得幾款種類, 今次比我見到呢度有個餐係"蕃茄薯仔牛腩通粉+牛油火腿豬仔飽+餐飲"都幾ok雖然好似都幾大份, 不過唔想次次都係食火腿絲通粉豬仔飽都幾軟熟, 而通粉個湯都幾濃郁, 不過就甜左少少, 咁o岩我果碗既牛腩係得2-3粒, 但其他蔬菜都算多既, 一個女仔真係食唔哂, 份量都幾大唔知係咪尋日人多喇, 上菜就真係好慢, 唔似一般茶餐廳咁2分鐘內上檯

好少黎,因為真係太多人. 經過見到有位,入黎食下. 雞蛋火腿包 ~ 新鮮熱辣, 好味.咖哩豬扒飯~ 好香濃咖哩,薯仔蚊得好淋,而豬扒都好多塊,唔會醃到淋pat pat,有咬口.馬介又炒通菜 ~ 惹味唔太油. 雖然好多人,又要撘枱,不過d阿姐好有禮貌,服務好又快.

補回月初的食評：週日陪雲爸雲媽睇老知青演唱會，吃了晚飯才過去。叫了忘記是牛是羊的咖哩腩煲、海鮮炒河、薯蓉湯各一及兩葡撻。煲很辣，應相當冶味，粗食的雲爸卻無好評。肥炒河一般。薯蓉湯大跌眼鏡，拿去風乾後應有兩茶匙鹽吧。葡撻正常。茶記水準（油多味鹹），高檔收費，故不足以換取一個笑臉。

落左尖沙咀做野,順道去左澳門茶餐廳食lunch.叫左個焗豬扒意粉,一杯凍杏霜,$64. 貴都事少,呢個價錢既野應該食得入口啦掛? 點知唔係!個焗豬扒意粉得好少茄汁,變左食齋意粉. 都算啦- 但係d意粉腍之之喎! Ok 又算啦- 咁d豬扒呢? 點解好似紙咁薄? 又唔脆,d肉又梅?真係好難食...我生平第一次好掛住大家樂既一哥豬扒飯....

上幾次一個人去經驗都ok, 便想帶家人來, 點知撞了板。人多了,自然想點多些有特色的食物, 怎料餐牌上的項目很多都沒有,只餘下一般茶餐廳會做的「貨色」。所以今次教訓是不用刻意來這裏吃。是日點了:豬排包,莆撻, 湅啡,黑椒牛仔骨,咖哩牛腩面,馬介休炒菜等等...因為其他都點不下手,所以吃完便去別家吃second round

聽聞這家店不錯,有日一個人行街到這裏便光顧了。點了咖哩牛腩面,湅啡及莆達, 雖然價格比一般茶餐廳貴,但很好吃, 即使坐得不太舒服, 侍應態度麻麻也算了。女子一名吃得飽飽

食過幾次澳門茶餐廳，試過的菜式已經唔記得，因為實在唔係太好味，惟一最深印象係佢杯凍啡，沖得好飲過好多茶餐廳，起碼唔會酸同澀。最特別係佢會用金屬杯裝，飲起黎感覺好似凍D爽D，而且啡面仲灑左D咖啡粉，睇落好似高級左，咁當然整體上佢絕對比唔上STAR嘜的咖啡，但係以中高檔茶餐廳黎講，佢杯凍啡絕對值得一試。

一細碗發水通粉加一細塊煎豬扖, 冇飲品跟, 盛惠$30, 又貴又唔好食!

下午茶時間.喺呢度度過!叫左豬扒包,葡撻兩件同埋牛柳粒,飲左兩杯凍檸茶!豬扒包幾好食,塊豬扒炸得好,肉汁唔會流哂,唔會靭,葡撻新鮮出爐熱辣辣.唔好食都幾難!牛柳粒好林,正,味道都好好,凍檸茶唔太差!overall,味道都好好!當然招呼唔算太週到!

今早路過見唔算多人就入食個早餐。叫個豬扒飽配炒旦同奶茶($23)。豬扒飽個飽夠脆，塊豬扒都唔錯，新鮮熱辣，杯奶茶好有水準，茶同奶份量配合適中，本來係唔錯但service就唔得，叫都唔應，本來想俾個笑面都慳番。

尋日兩三點左右同女朋友去呢間野食飯。叫左碟撈麵，同一碟D午餐醬燒牛肉茄子XXXX飯，味道超好，值得推薦。但我想講既係個經理。我同個阿姐叫話要個撈麵同D午餐，佢落完我有睇過張單，寫住CT加四個圓圈加埋一齊既圖案，睇唔明就算啦。點知之後黎左個C餐〈YYYY排骨炒麵〉，我同送野黎個男仔講話我要D餐，係送錯左，之後我諗佢同經理講…有個阿叔，應該係經理，跟住大大聲話，我諗係同個阿姐講：「邊個寫架？」「無覆單既咩」「落左囉喎〈我落D餐喎〉，覆左單碟飯黎埋黎左先出聲〈唔黎點知錯喔〉，碟麵炒好灘凍左邊有人要呀〈關我鬼事，依家係你整錯〉，叫佢食啦〈強…〉。」跟住個阿姐黎問我係咪叫C餐，我話我叫D餐，佢就話幫我換過碟。值得一讚！如果個經理上述既說話夠膽同我講，睇下我產唔產到佢上天堂！=_="呢間D野好好食，醬燒牛肉茄子XXXX飯汁多肉嫩，可以再食！如果個阿叔經理可以史去第二度，就一定值笑。

深夜十二點到訪,仲未關門,就入去食啦,因為想食吓葡撻!點知...已經賣哂,都唔會怪佢,因為自己真係夜!於是就叫個豬扒包食,豬扒普通貨仔,個包都ok既,但係唔係咁脆,仲靭左少少!再想叫個咖喱薯仔雞翼,但係又無..滴哂汗,中左口孖寶!咁叫個公司通啦!問題係..d生菜係好生!!仲生左锈!其實應該六一六佢先得!去唔去食,你自己諗啦!

喺澳門唔食,返嚟香港先食,但呢間冇位,去咗對面上樓嗰間.店舖細好多,野食也少好多,得幾款餐揀.要咗咖哩牛腩配豬仔飽.豬仔飽超硬,硬豬竟食損咗個咀.咖哩牛腩普通到唔普通,同間間茶餐廳,快餐店差唔多.