澳門茶餐廳 (Closed)

好多時去到TST 都會黎呢度食野! 上星期去過, 排左一陣就有位, 不過又係100% 要撘枱 ,仲要撘得好逼, 我見D 圓枱細細張要坐7-8個人...好恐怖....叫左果蠔仔粥, 燒魷魚鬚同牛柳粒牛柳粒~ 好正, 下次一定再叫蠔仔粥~ 夠2個人食燒魷魚鬚~ 好味, 唔係太多粉! 正~題外話: 因為坐得近門口...佢地所為既新鮮葡達, 其實有可能只係經理見到去唔晒, 叫D 侍應拎去SALES ... 未必係熱辣辣架

我在平日先敢去那店吃飯，因為真的很逼，如果你在卡位還好，但如果坐在店中間位置真的”逼得太緊”，食好好味，由其是咖哩羊肉，真係好香，加豬仔包一流．．，咖啡又好香濃，如果你唔怕”逼得太緊”真的可以一試

見多人食米下試囉. 嗌左個咖哩牛腩飯, 佢話係招牌.我同friend 都覺得太辣!! 翠華ge 好好多!!!!

尋日同屋企人去左食呢間野。叫左葡國雞飯，澳門海鮮炒鴛鴦麵，焗豬扒飯同豬扒包。首先點解覺得比預期中差因為本身自己已經食得好咸，但以上咁多樣野我都覺得扁咸搞到好口乾。第二佢明明話炒鴛鴦麵，但黎到只得1種麵，問佢又問非所答。第三叫左兩個飯，但d飯極乾同埋唔夠熱第四對豬扒包有d失望。覺得連大快活既都好食過佢。之前聽人講好好食。冇錯豬扒係大塊，但完全冇乜特別。雖然野食麻麻但服務都唔錯總括我覺得下次係食茶餐廳都會食普通茶餐廳都唔會食佢，因為價錢唔係平，加上唔係特別好食。

師傅記得幾年前黎過呢度食野之後, 已經好耐冇再光顧, 記得當時食物美味非常, 未知今次有否當年水準? 由於當年師傅仍然未寫食評, 所以尋晚特登黎呢度食晚飯, 順手寫番個食評先!差唔多八點半, 兩個人去到已經唔使等位, 好快就可以入座! 商量一陣後決定叫一個澳門炒米粉, 萄式乾煎免治牛肉飯同埋泰式炸蝦餅!澳門炒米粉最快送上, 賣相都幾吸引, 澳門炒米粉有蝦仁, 火腿絲, 雞肉等連米粉一齊炒, 味道可口, 感覺有點兒似西炒飯, 不過米粉唔夠乾身, 濕左少少, 呢個要扣一扣分; 泰式炸蝦餅一碟有五件, 蝦餅口感一般, 炸得唔夠脆, 但就頗油, 好普通下; 萄式乾煎免治牛肉飯係同飯分開上, 乾煎免治牛肉有一隻荷包蛋同一塊餐肉, 而免治牛肉連埋薯仔一齊乾煎, 免治牛肉都幾入味同埋幾鬆身, 不過就幾油下, 而加埋薯仔就特別覺得乾, 再連埋飯一齊食就乾上加乾, 一般!總括黎講呢幾道菜真係好普通下, 未知係味師傅唔識叫定還是本身係咁樣喇, 感覺就不及當年水準, 師傳覺得呢間食店仲差過港式茶餐廳, 莫非澳門貨不及本地貨? 但價錢唔平架, 一碟炒米都要$45, 一碟飯又要$45而蝦餅就$28, 好味就冇所

2人去食dinner叫左咖哩雞, 豬排包咖哩有點失準, 太辣,無乜咖哩味, d雞係雞背, 雖然大舊, 但無乜肉, 食完個口好唔舒服。豬排包依然唔錯!但服務麻麻

琴日同朋友下午去左澳門茶餐廳食lunch，有意外驚喜。柱侯牛腩麵：好好食，牛腩整得好入味，又唔韌，賣相幾靚。豬扒豬仔包：豬扒入味夠淋，豬仔包軟硬適中，好咬口。乳鴿：雖然細隻，但味夠好食。誠意推介，食物一流。

不論食物份量.價錢.環境都好差服務態度更加係極差囉!!!!超失望呀!!!!!!夜晚同朋友兩個人去尖沙嘴食dinner見幾有特色咁於是就試下啦入去個陣時明明都唔太多人都唔知d waiter係度做乜野行行企企咁想嗌野可以嗌左幾分鐘先有人過黎.我地叫左一碗咖哩牛腩米線同埋菠蘿雞肉焗飯首先係碗咖哩牛腩米線啦個湯底真係見到都好炆似係清湯加幾滴咖哩汁咁樣.{心諗：唔駛咁孤寒下嘛？}淡而無味!!!而d米粉又得個幾啖.然後再加幾舊牛腩同埋2舊仔唔知有無煮過既薯仔都係.非.常.硬*食完碗米粉大概等左成十幾分鐘到於是叫左個waiter過黎想話跟一跟個焗飯會唔會寫留左單啦又係嗌左勁耐先有個人應下我地.呢樣都算啦.個waiter黎到我就同佢講叫佢跟一跟個飯啦點知佢係勁輕佻勁無禮貌咁話：「姐姐仔,飯唔駛焗呀？你等夠廿分鐘未先而家？」我就同佢講話碗米粉都食完成十幾分鐘啦.個waiter就勁寸咁話：「唔係牙?呢碗野我兩分鐘都出到俾你啦下話…」哇！乜野服務態度先而家？係咪蝦我地兩個女仔唔敢鬧番佢先？未聽過唔等夠廿分鐘就唔可以跟下d野食囉.呢d咁既服務態度真係好唔得之後個焗飯黎左.味道都還可以.自問

很多年沒光顧，早幾個月來過。之前逛了一整天的街，還要在門口等了好十多分鐘，排在前頭的都是遊客。一行四人，幸好有卡座。咖喱牛腩，香濃不太辣，牛腩腍而入味，伴豬仔包吃很不錯；乳鴿嫩滑惹味，得抗拒龍華的友人大讚；燒排骨比想像中小了點，但汁料酸酸甜甜的很醒胃，而且沒有又乾又韌；焗豬扒飯就較遜色，味道不夠濃，飯也太乾身，友人頻說比不上一哥那些；還有馬拉盞通菜都不錯，夠鑊氣。飲品就一般。發現對面樓上有家澳門茶室，員工說是同老闆的，但對面供應小吃居多。看相片-http://home-and-garden.webshots.com/album/558930216xNqVFD

今日8點去澳門茶餐廳食個早餐..落單伙計同收銀態度差到..落張單叫左個伙計成十幾次先落到收銀就係禁話我唔岩..『等下都唔得..會死咩』今時今日咁既服務態度.........真失敗

看完煙花與友人到尖沙咀樂道的澳門茶餐廳吃晚飯要等位的....等左15min到我叫了個招牌咖哩牛腩麵, 馳名的豬扒包和凍檸樂食物很快便到了, 還挺香的豬扒包皮脆脆的, 內有洋蔥和香香的豬扒, 但我覺得味道一般, 吃完沒有特別深刻的印象, 但這豬扒包味道還算不錯的:]而咖哩牛腩麵, 不愧為招牌~ 咖哩味香, 牛腩味很濃, 薯仔夠滑, 麵也爽口~ 吃完後很滿意可惜的是胃沒有空位吃葡tart哦T_T....反而覺得吃得太多了(汗")因為平時在家吃飯我吃得很少喔..呵而友人叫的墨魚丸麵看落也挺好吃~ 墨丸挺彈牙的(吃了一粒~呵)~侍應的態度挺好的~下次有機會也會再去:]

我同男朋友星期六2 june 2007 11時多到澳門茶餐廳諗住食個早餐, 去到有招呼都算, 自己去諗個menu就叫野食.叫左個通粉同一個飯, 之後有個waitress走過黎同我地講冇通粉, 咁我話轉麵, 佢又話冇麵, 之後咁我地cancel左就走啦. 點知比個manager 叫Sunny0既呀叔大罵話我冇比錢, 我話我cancel左啦, 佢就話我叫左冇食都要比. 我地同佢解釋係你地冇通粉我地轉麵又冇先cancel張單. 佢就好大聲咁話,"呀小姐, 我點知你仲咩突然改變胃口要食麵, 野就落左, 你比錢先啦." 我男朋友已經講0左好多次唔係我地問題佢都要我地比錢. 我地連水都冇飲過, 佢仲叫我地寫衰佢...我地同佢講話係佢同事cfm話ok我地先走, 佢搵返0個個同事問完就怒視我地用手勢趕我地走...乜宜家0的所謂出名0既茶餐廳service可以差到咁0家咩..

一個遲來的午餐,下午兩點幾, 想不到昵間餐廳都仲有人等位。我地都等左一陣才有位,一看menu, 覺得有d 貴, 由於之前同友人瘋狂掃貨, 身上已沒太多銀兩,所以我們點了魚蛋米!!魚蛋都幾彈牙, 魚片又夠入味, 係個湯底比較淡。份量都唔算少, 在尖沙咀呢區都可以接受!!係環境比較迫, 又有d 污糟, 不過以茶餐廳嚟講都算ok!!

4/16/2007 7:00pm第一日返新工, 好早走得, 見好耐未到過此處, 就一試.炒蘿蔔糕($4x): 可能因為要耐炒既關係,蘿蔔糕質感不能太林,比較實,一大條咁, 蘿蔔味不足. 加上青椒絲, 洋蔥等等, 幾油...豬扒包($17): 唸住佢"馳名". 食落又唔係o個回事.麵包烘得太脆,似食薯片多d, 豬扒也無juicy既感覺.鮮茄牛肉粒鍋巴($28): 屬小吃.鮮茄味好假, 牛肉粒又醉濕濕..唔得.鍋巴都係炸過, 好熱氣.炒通菜($45): 好一般, 無特別.葡撻($7): 未食過咁貴既一個葡撻. 一口咬下, 皮太厚,不太鬆化. 蛋漿不夠, 但味道還可.唔值咁貴.p.s 呢d質數,大把餐廳好過佢.

唔講咁多! 真接講重點!點咗一個細的唔知咩海鮮湯。嚟到後毎waitress 細細聲話:"哎呀! 嚟咗個大既!" 佢以為我聽唔到! 跟住佢去部電腦到改單! 後尾又有另一個waitress 攞咗張單去加個"大" 字。我無當出聲。心想好吃的就算啦吧! 不過... 後尾去到收銀個到我都心裡有數. 我話我要check 單! 個收銀完好不友善地比張單我對! 我話我要細的海鮮湯。佢話張單係咁寫! 我話我叫咗個細既張單點寫我點知呢!! 後尾佢叫落單個個waitress 埋嚟! 佢話我. 你都食咗個大咖啦. 你唔想比錢呀! 我話我叫咗個細既! 我話. 我點知你個個係大定細咖呢. 你放低咗我就食咖啦! 佢仲話我你都食咗啦. 我話總之我叫咗個細既! 後尾佢勁惡咁話ok 啦. ! 咁咪係我份人工都扣囉. ! 吓! 佢咁樣算欺騙嗎?service 可以的話我一定比負分。