澳門茶餐廳 (Closed)

星期六和家人去尖沙咀Shopping, 去澳門茶餐廳Tea，叫左一個： 牛腩茄通...........................牛腩普普通通,同快餐店差唔多. 牛腩只有好少, 兩隻王子鴿.......................竟然唔熱，唔脆，濕淋淋，太過份la!西多。。。。 可以试，附加糖浆，有心。兩個葡撻…….. 少許燶，夠香，可惜唔夠熱。鴛鴦-----無奶味、無茶味，無咖啡味，但是有热水味。Honestly Speaking，我認為服務員禮貌可以，不是太沒有禮貌。

星期日去咗尖沙咀lee間茶餐廳食lunch，叫咗1杯凍飲、1個炒粉面、1個豬扒飽 同 2個葡撻。落完order之後，待應仲同我地覆1次單，轉個頭，我地叫ge葡撻隨之送上，但其他所有ge嘢，就等咗好耐都未到…大約等咗20分鐘，我地就向待應追單，點知佢第一句就同我地講：啲嘢唔同部門，又忙，你等吓啦...點點點點...我地咪話囉：個個部門都忙﹖成4個字，連杯凍飲都嚟唔到窩！唔係呀嘛，個待應跟先話幫我地追單，但語氣就認真麻麻 (其實都真係火火哋 )，當時另一個待應見唔係好妥，就過嚟做和事老話：果個待應啱啱比經理鬧完，心情唔好，依家追緊單，啲嘢好快嚟…(心情唔好就咁對啲客？哦，原來香港好客之道係咁ge )。隔咗陣，一開始幫我地落單果個待應走嚟同我地講，張單無入到，唔好意思，我地話：吓？張單無入到？點知待應答我地：係呀，我都唔知呀…然後就走咗去…(真係扯晒火啦 )，跟住我地叫番佢埋嚟，我就話喇：唔該，你幫我地落單，仲覆埋單比我地，你唔知，咁邊個知呀？你講完堆嘢就咁走咗去，咁依家張單即係點呀？跟住待應仲駁番我地：係我落單，不過我真係唔知呀…(佢駁咀駁得的確妙…我真係比佢激死咗 +.+”)。經過一輪〝

本來諗住約個Friend去食壽司.點知間店11:30就Last order.朋友仔成11:00先見人,唯有轉地方囉!朋友唔想行太遠,我地就隨意揀左呢度.葡撻:還是咁美味(真係值得一試)咖o也鮮油焗朱仔飽:新嘗試,但幾特別.而且味道都唔錯,焗到個朱仔飽脆卜卜,不過記住趁熱食,凍左個飽又變硬.白汁芝士焗飯:個size比較細,價$又有D貴,覺得唔係咁值囉!個汁又麻麻,冇乜芝士既香味,個炒飯底no good,應該炒左好耐.太乾又太硬.檸檬利賓納:接近沒冰的凍飲,而且實在係太甜....

我見唔洗等位先至嚟食~坐在單邊二人位好好多!!店內有好多遊客,有中,日,西人.............等等~乳鴿外皮脆,肉質嫩滑,加上少少鹽,味道更好,慢慢食好滋味,咬下乳鴿d軟骨都不錯,仲有兩件炸薯角伴碟,好脆好香口~咖哩牛腩當薯仔變成薯蓉就會.........形成好多汁餸飯呀,而且汁較粉,好好味~咖哩汁沒有辣味+椰汁味,但充滿咖哩香和薯蓉汁,牛腩好林又唔韌~馬介休炒通菜通菜好爽脆,唔會好咸.金桔7喜勁重金桔味,啱晒我~食飽飽左去行街街~

以前真係幾好食. 不過呢間唔知係唔係習慣左做遊客生意, 價錢貴不特只, 又冇set, D野十分普通, 又唔係好食過人, 對客又串又冇禮貌！ 叫左個豬排包, 個豬排又乾又「鞋」. 連自己的招牌菜色都如此, 對呢間舖真係冇咩希望可言。反而中環近「老蘭」翠華的豬排包就好味得多了！十分奇怪, 銅鑼灣的澳門茶餐廳就冇呢個問題, 相信係呢間店舖的主管管理不善。以後都不去呢間澳門茶餐廳！

呢一個月以來都食左好多好味的食物, 好多都想同大家分享, 包括澳門茶餐廳的葡撻之前食葡撻都會去 KENTUCKY食, 味道都好好, 不過今次經過澳門茶餐廳, 心想, 澳門的葡撻應該幾好味個WOR!買左一個食, 六蚊, 熱辣辣, 因為葡撻放在個保溫櫃入面!比起KENTUCKY, 佢呢個無咁滑, 但係味道就佢香啲! 蛋又滑啲!不過個皮無KENTUCKY 咁脆, 但係都幾好食可以話係食得過的葡撻

以前很喜歡去澳門茶餐廳食野, 係因為佢d野味道及價錢都ok. 前幾日見佢無人排隧我便來懷念一下它.我叫了1. xx雞煲- 煲就大不過入面無多過6件既雞, 真係超過分, 都成六七十蚊入面竟然咩都無.2. 蚝仔粥- 粥好稀及又係d料唔知去曬邊lor. 同我以前食既係2件唔同既野.3. 炒通菜- 我本想叫油菜(通菜)佢說無wor, 反面叫我食炒通菜就有. wow 大老, 分明是困水啦. 我唔食炒(平十幾廿蚊)係就說無, 分明是要人比多d錢先做啦.甘為何唔再提供油菜米一了百了.我終於明白為何依家無人再排隊了, 我估我以後都唔會再去.

5月15個晚一家人諗住開開心心食餐飯 點知俾人搵苯!!!!話說我地叫左一個咖哩粉絲蝦煲 大家估下內容除左粉絲同蝦仲有D咩???答案係3粒蒜頭!!!兜野鬼咁大兜但係隻蝦得半隻, 仲要係霉蝦!!!成煲都係粉絲咁我諗都值10蚊ge!!!之後我地叫左部長過離問下 佢話:"話明係粉絲蝦煲, 咁你仲想有d咩?"嘩 咁串做咩喎?我地好有禮貌咁同佢講野, 都係想佢地改善下姐!!!D野唔好食係其次 但係連部長都唔知咩係禮貌就真係好過份囉!!!!!我一定唔會再去ga la!!!!!

我去澳門茶餐廳, 只得一個目的, 就係食個好好味0既葡撻七蚊一個, 比肯德基瑪加烈更好食, 因為蛋黃更滑, 奶黃更香濃! 而個邊皮唔會太燶, 食落無0咁硬! 下午茶時候我最鍾意就係食一個再飲多杯凍檸茶, 一過口癮!

去開尖沙咀買野﹐媽咪又未黎過呢間﹐所以一行3個人就坐低開餐! 打開個MENU 樣樣野都想食﹐結果叫左好多: 豬扒包 X 2 - ORDER時仲有2分鐘先夠6點﹐WAITER 話可以叫下午茶套餐﹐包野飲! 妙齡乳鴿 X 2 - 果然係 "妙齡"﹐非常細﹐但係炸得吾錯﹐上台仲脆! 咖哩牛腩跟飯 - 稍嫌太辣﹐而且有D油﹐麻麻地 馬介優炒通菜 - 通菜新鮮+嫩﹐不會太鹹﹐好味! 鮮茄牛腩通粉 - $30一碗有D貴﹐但係個鮮茄湯底非常好味﹐食得出係用心製作 葡式燒雞 - 呢個真係有D搵笨﹐$68半只雞﹐ 隔離放左D西蘭花同薯角﹐視覺上以為好大碟﹐事實上雞就得少少﹐一食就知係冰雞 3個人賣單$331﹐茶餐廳黎講都算貴﹐但係勝在D野幾大碟﹐最後咖哩牛腩同燒雞都要打包! 見到對面街開左"澳門冰室" 同 "澳門坊"﹐都係食澳門野﹐下次吾使去澳門都可以食到地道既澳門葡國菜!

焼鶏同咖厘炒蟹都好好味架！個撻都ＯＫ、其他一般、算唔錯啦、茶餐廳痲。

諗住呢間餐廳都幾多人讚,加上講時間,就入左去試....點知係極失望lo~叫左個葡國鴛鴦蝦炒飯,$49,味道普通,好似西炒飯咁,咁既質素其他餐廳都肯定食到,仲要勁細碟喎!!!又叫左個澳門焗豬扒飯,$52,d飯少到咩咁,味道ok,但唔會係好想再食o個種~其實由一入去打開menu,已經覺得d野食勁貴,but估唔到貴得黎又唔值呢個價!

昨日經過尖沙咀，見到澳門茶餐廳都幾出名下，之前試過一次，又去試多次喇。係門口望一望個餐牌，普普通通一碟飯都要成五十蚊，好彩重有午餐，但都要成３６蚊，重要加３蚊凍飲添！入去到，叫左個A餐黑椒肉眼朱扒配意粉，加杯凍奶茶。之後等左陣，果度都好多部電視，但唔係播TVB而係播卡拉OK ~.~之後碟意粉黎左，個賣相都算吸引，食左一啖朱扒，一般一般，但ｄ黑椒汁好辣。ｄ意粉都好一般，同出面二十幾蚊茶餐廳一樣，唔見得特別好食。杯凍奶茶黎左，好難飲，無乜味道！總括黎講，其實出面一碟二十幾蚊的午飯，但埋單要成三十九蚊！應該唔會再幫親啦~

昨日經過尖沙咀，見到澳門茶餐廳都幾出名下，之前試過一次，又去試多次喇。係門口望一望個餐牌，普普通通一碟飯都要成五十蚊，好彩重有午餐，但都要成３６蚊，重要加３蚊凍飲添！入去到，叫左個A餐黑椒肉眼朱扒配意粉，加杯凍奶茶。之後等左陣，果度都好多部電視，但唔係播TVB而係播卡拉OK ~.~之後碟意粉黎左，個賣相都算吸引，食左一啖朱扒，一般一般，但ｄ黑椒汁好辣。ｄ意粉都好一般，同出面二十幾蚊茶餐廳一樣，唔見得特別好食。杯凍奶茶黎左，好難飲，無乜味道！總括黎講，其實出面一碟二十幾蚊的午飯，但埋單要成三十九蚊！應該唔會再幫親啦~

坐低睇睇餐牌,星期日無下午茶餐(可能平日都無),唯有散叫. 不想吃得太飽,最後決定每人先來一隻葡撻...叫得做"澳門"茶餐廳,葡撻應該有一定水準; 果然無令人失望, 酥皮夠鬆脆,蛋漿夠滑且濃郁,好食! 最欣賞還是撻面"燶"的範圍剛剛好,葡撻個面要有點燶先至靚呀! 可能有人會嫌葡撻太油,今次這個"油的程度"我覺得OK.熱辣辣豬仔包外脆內軟,薄薄的豬扒煎得好香,帶少許燶,味道不錯.食完一件仲想再食,不過距離晚飯時間不遠矣,唯有放棄.