抹茶館 (Closed)

銅鑼灣開左好多綠茶既甜品店, 呢間抹茶館既環境好過其他系銅鑼灣既綠茶鋪頭, 起碼地方大, 多位坐, 坐得舒服唔逼. 食物方面, 叫左兩樣熱野, 有黑蒜油豚骨拉麵同炸豬扒飯. 拉麵份量少但味道都ok, 湯底唔夠濃. 炸豬扒值得推介, 大件多汁, 肉質嫩, 炸得岩岩好. 甜品方面, 綠茶巴菲無得頂!! 朱古力香蕉綠茶巴菲, 好長既一杯, 本身朱古力同香蕉已經好夾, 最主要系想試佢既綠茶, 果然無令我失望. 甜度岩岩好, 無via tokyo既偏苦, 食左一啖之後就愛上左! 抵食!!

演唱會之後，迫到上巴士過海，已經剛好12點，可惜我家灰姑娘仲未想回家，車站對住有間地庫抹茶甜品店，肥髀想試，我怕已經打烊！落到地庫一問，男店員話即落單都可以，不過最遲只可以食到0030（即大約半小時）我哋即刻坐低，快速各叫一款甜品！店內裝修簡約和式，淺木傢具，光猛乾淨，雖然地庫但唔覺焗促！我哋坐卡位幾舒服！抹茶大福卷拌抹茶雪榚（$49）賣相好靚，同參考圖片無出入，大福卷煙韌，中間餡料甜糯，加上甘甘地抹茶粉好味！雪榚好濃好滑，加上旁邊甜紅豆、煙韌白玉子、較硬身栗子！更加帶出抹茶甘味！配埋一杯清茶！就係完美配搭！抹茶沙冰（中）（$44）肥髀在第一杯上枱一試，已經問我點解唔似沙冰帶粒粒，之後佢話唔想飲，我試一啖果然無起沙，可能今次佢失手，或本身佢嘅沙冰就係咁滑！我叫肥髀自己問店員，店員都好積極處理，即做第二杯，仲特別叫廚房唔好打咁滑！第二杯好粗粒，抹茶味好濃，粒粒脆脆!我同肥髀，都好努力食！真係好唔好意思，要店員重做，我唔想阻人收工，唸住叫佢哋用外賣杯裝住走，點知店員話佢哋無做外賣，只有堂食！咁肥髀就只好密密食！辛苦了廚房嘅店員！喜歡日本抹茶一定要去試下！

今日又去銅鑼灣行街喇，去左成日去既Maccha House！Maccha House星期六日會多啲人，但都係等左十至十五分鐘左右就有位！Maccha House必嗌係佢既綠茶飲品，咁我今次就簡左紅豆丸子忌廉綠茶飲品，主食就嗌左滑蛋豬扒飯套餐。嘢食都唔算等左好耐，大約十分鐘就到，滑蛋豬扒飯嗰賣相都幾好，金黃既雞蛋，厚炸豬扒，仲有嗰salad,整體都幾好食但口味算普通，唔值七十幾蚊。但值得一讚係佢個湯，嗰湯係胡椒湯加一啲梛菜同粉絲，辣得黎又 清清地，幾好飲！我覺得今餐既重點推介係紅豆忌廉綠茶飲品。首先，個cream真係好smooth好香奶味，紅豆都大大粒好甜，綠茶牛奶又唔會太淡夠哂茶味，再加上有咬口既丸子真係絕配！Maccha House真係我既最愛，我一定會再黎！

下午經過銅鑼灣，想找個地方hea吓，傾吓計。頭痛緊咁旺嘅銅鑼灣究竟會有邊樹有位又唔迫又唔太嘈又唔趕人走。路過軒尼詩道大街的抹茶館，意外竟立即有枱。後來，謎底終於解開。我哋坐咗足足三四個字竟然一個侍應都冇出現過，甚至連最基本的水和餐牌也欠奉。我們點了甜品，綠茶蛋撻不過不失，隨上的綠茶軟雪糕很幼滑。抹茶紅豆銅鑼燒，餅皮有點乾，但內裏的芝麻布甸味道不會太甜，很香，很幼滑，挺有特色。配合茶味較濃但味道清新的綠茶雪糕、忌廉、還有當中造型特別的粟子，整個混合來吃，甜度適中，食材軟硬度有層次，不失為下午茶甜品之選。

同朋友去一心慕名黎到抹茶館，結果非常失望！先講環境：0分！！！完美死角，位於地牢，完完全全收唔到電話，真係半格都冇。除非你想避世, 避高利，避男女朋友，或者你蟬修...如果唔係真係食到火都黎。食食下電話響，但係一接電話又收唔到，完全聽唔到對方講咩。要特登出去行上半樓梯先收到，結果我企係樓梯中間講電話，十分尷尬。食物方面...抹茶天突葛粉條我承認係比佢張相呃左。一心貪玩覺得唧一磚啫喱好似好爽...結果黎到一整即刻冇晒胃口。一唧出黎賣相極差，好似一pat pat 墨綠色💩咁.....不過，客觀講句，如果衝破到心理關口，沾埋黑糖漿，都ok好食既。味道似涼粉個啲。抹茶雪紡蛋糕一個字，伏。同上面個個相反，賣相好華麗好靚好吸引。但蛋糕好dry, 佢冇呃你，真係一個淨雪紡蛋糕上面有綠茶cream. 啲cream好甜好膩。最失敗係啲nuts!! 一陣油益味，益到已經食唔出係核桃定堅果仁....Er..如果你餓左好多日佢既份量就係優點。 $68比足半磅蛋糕你。真係好大個，兩個女仔食半個都好艱難，加上佢好難食。

今天是第二次來到這館，服務員冷冷的服務態度，嚐了「吉列蝦咖哩井」配「粟子奶抹茶」，厚厚的吉列配上鮮蝦，加上難吃的咖哩味，雜菜有點怪怪，飲品只有甜味，吃了一半已不想再飲，價錢不平宜，換來這些。唉﹗

最愛甜品，特別是抺茶，知道有間叫＂抺茶館＂既餐廳，晚飯便過去試試甜品，餐牌款式好多，樣樣都好似好好味，最後簡左抺茶白玉芭菲同抺茶軟雪糕最中。試食時間，先黎軟雪糕最中，老實講，真係冇咩特別，軟雪糕冇咩抺茶味，雪糕亦唔太軟滑，等左一陣個皮面已經唔脆，食到有d論盡😅跟住到芭菲，好大杯！不過又係好睇唔好食，半杯都係硊脆麥片，麥片上下係忌廉，淨係頂層係軟雪糕，兩粒丸子，兩片蜜柑，一舊紅豆容，最底層係抺茶啫喱狀物體，食左成杯忌廉麥片之後底層都食唔出咩味😅😅結論：好睇唔好食，以為係招牌既抺茶雪糕真係幾失望！

小妹是一名綠茶控，昨晚11時在銅鑼灣想念綠茶雪糕的味道，找到了Sogo旁的抹茶館，到了門口卻臨崖勒馬，免得增磅，於是約了朋友今天去試。位子蠻舒服的，雖然有些配搭有點奇怪（例如甜品set出現蛋撻、相同價錢的雪糕不可以轉味道等）但選擇也算多。好不容易選了杯飲品，想不到荒謬的事情這才開始。飲品內的冰塊多得飲管不能完全插入杯中，攪動亦有困難，我沒好氣的叫來了侍應生 ﹣ 我：這杯飲品的冰塊會不會太多了？我連管都插不進呢。侍：小姐，我們的standard是8粒冰。我真心呆了，已經沒有興趣跟他討論一杯凍奶茶size凍飲standard是8粒冰合不合理（冰是四方的，體積跟杯中白色球狀的白玉相約）﹣ 反正這不是一個侍應能決定的。不過，作為一個公關，除非有很動聽的原因，例如冰是由甚麼特別成份所製等，否則出售一杯凍奶茶size、售價50元，卻加入8粒約2cm x 2cm x 2cm 的冰塊的凍飲，「公布」出來是個餐廳crisis，起碼不可以理直氣壯的跟客人說吧？我著他給我拿個杯子倒冰，因為我真的插不進管子。誰知，一數之下杯中起碼有12顆冰，還有幾顆是特別小的，我猜是有心在「8粒standard」之後再加的吧

假期的最後一日, 無特別節目同 MR SNAIL 去了銅鑼灣食 lunch今次試了一間專食綠茶甜品的餐廳甜品以外, 都有熱食主要以丼, 拉麵, 烏冬為主MR SNAIL 就點了炸雞丼我先飲湯, 嘩, 一飲就覺得好味精炸雞的薑味好重, 甜甜地同韓式的味道好唔同味道正常, 不過份量偏小泡菜牛肉烏冬 (另跟一隻溫泉蛋)鍋下面有火的, 烏冬一直都 keep 住熱辣辣, 讚!!泡菜湯底好濃, 不過依然係好味精牛肉一上枱已經有點過老烏冬似係 cheap cheap 貨色, 無煙韌的感覺抹茶銅鑼燒一場來到, 點都要試下呢度的抹茶甜品抹茶雪糕有點苦銅鑼燒就一般整體唔太甜但無想像中咁好味埋單二百鬆 D以呢個價錢來講, 食物質素又算 OK 的不過試過一次就夠了, 無返兜意欲

這間抹茶館一直也想試。本人是嗜好綠茶的，又喜歡吃甜食，故今天午餐特地到銅鑼灣分店試一試。這間也要等一陣間位，坐下後看看餐牌，有一半是甜品的，看到相片也頗吸引，但這是午飯，先叫個拉麵，再叫個甜品吃吧。這個黑麻油叉燒拉麵已是特盛款式，但這個份量就只係比其他店的拉麵多少少，又比豚王的份量少一點。如非特盛應再少一點，女士可能OK，男士就應該不夠飽。味道不錯，雞蛋是日本蛋，蛋味香濃，做流心蛋一流，叉燒有3件(不知道非特盛是多少件?) 但略肥一點。但這裡不是主力賣拉麵的，對於拉麵的粗幼度，掛不掛湯，用什麼湯料淆的什麼湯底，也不會講究，故就是OK吧。這個甜品就是主菜吧~ 這個銅鑼燒賣相不錯，但吃下去銅鑼燒就像是放了很久似的，不熱，不軟，很乾，很硬。綠茶雪榚就好吃，蜜柑無什麼特別，紅豆就略甜一點，但配合銅鑼燒一起吃就可減低甜味。最後cream旁邊那個mousse，應是雲呢拿味，配合銅鑼燒一起吃都可以，但空口吃就膩一點。總括銅鑼燒的甜品應不會再試，下次可再試試芭菲類或軟雪榚類的甜品，希望更好一點。

這段時間，火紅火紅的，抹茶可算是其中之一。前一間餐廳水準差、服務差，一氣之下，走了去試抹茶館。試完，心情開心返晒！XD由於上一間餐廳，無食過任何嘢的我，黎到抹茶館，總不能只食甜品，所以也叫了熱食。黑麻油濃厚豬骨拉麵這是無心之選下叫的！一上枱！香氣十足！看看，黑麻油的份量可不少！當然，不是飲這一匙，要先溝均勻才飲個湯。以為咁多麻油個湯一定好油！但出意料之外，湯比我想像中無咁油，還比想像中清一點。而且個豬骨幾濃，好好飲呢個湯！面質軟硬適中！是我的菜啦！XD叉燒是偏瘦的，可能是我比較喜歡偏瘦的叉燒。加上個湯會有麻油香，所以叉燒瘦點我反而覺得好事！印像中七十幾一碗，仲要有埋半隻蛋，想不到整體感覺十分良好！抹茶軟雪糕配紅豆這裡的抹茶甜品好多，主角的抹茶款式也多的是！這次就點抹茶軟雪糕吧！精緻地附上了清一清味覺的淡綠茶，也是不錯。除了抹茶軟雪糕、還有蜜柑、紅豆溶及底層的抹茶果凍。附上杰杰的抹茶醬，增加抹茶濃香及風味！雖然，紅豆溶偏甜，但抹茶軟雪糕配以抹茶醬就十分好味！比坊間的抹茶制品，這一間濃郁得多！而且無怪怪的苦味呢~~就連底層的啫喱也十分好味！最後飲返杯抹茶凍飲！PERFECT！

我一直以為抺茶館只有甜點，一落到去聞到有熟食味，先知有魚生飯同烏冬等主食。所以今次主力食甜品。以抺茶為主題的甜品款式超多，多到你會有選擇困難！最後因為我見到隔離枱叫左個抺茶雪紡蛋糕，隔離飯香，所以我都叫一個。呢個抺茶雪紡蛋糕非常巴閉，有六吋咁大。兩個人係差啲食唔哂。雪紡蛋糕非常軟綿，空氣感高，爽口有彈性，口感好好。而且抺茶味濃，加埋入面甜甜地既cream，味道更加細緻同綿滑。由於雪紡蛋糕牛油成份較少，所以加左cream都唔會覺得太heavy，更有錦上添花既感覺。雖然佢唔漏，但實在太大，我覺得3-4人食會比較合適。雪紡蛋糕上既兩球雪糕分別係抺茶味同牛奶味。打得唔夠滑，中間有水份結了冰的感覺，味道一般，抺茶味不及雪紡蛋糕濃厚。不過我覺得呢度呢待應態度唔多好，好大聲叫唔該都聽唔到。之後叫佢地俾兩杯水，等左好耐先有，隻杯仲要唔多乾淨，不過佢地叫極都聽唔到冇得換過杯。(有收加一服務費，但說好的服務呢)下次會試下魚生飯同烏冬，仲有抺茶飲品都好想試。

之前試將軍澳那間。質素比銅鑼灣好。。這間店同是点了黑蜜抹茶和朱古力抹茶。。兩杯抹茶雖然還是很濃。但入口實在甜度太高。喜歡抹茶的我。也很矛盾地才可以完成。。 反而推薦這間店的黑蜜葛粉條。過程很有新鮮感，粉條綠茶味很濃，加上黑蜜的味道剛剛好。而且不太甜，很不錯提外話。這間店的樓面實在不足夠，服務員太小，有点不明白，店子明明有枱，服務員也不安排入座，幾個服務員只顧收銀，傳菜，有4至5張已清潔完的枱也不安排入座。要客人苦等。。😬

滿心歡喜來到抹茶館位於銅鑼灣澳門逸園中心地庫的全新分店, 想不到換來人生第一次於滿佈糞便氣味的環境下吃東西, 實在是一件非常難受的事。最過份的, 是店方完全沒有向顧客交待發生甚麼事, 還推說是街上傳來的氣味, 直至換了位、多點了食品後、發覺氣味再次來臨時, 再三詢問下, 那個經理才承認是廁所爆了, 當然明白這是控制不到的事情, 但是向客人交待清楚 (例如在點餐前) 卻是店方控制得到, 現在店方選擇不這樣做, 完全妄顧食客的衛生和感受, 實在過份。這個抹茶雪芳蛋糕 ($65, 另加一) 本身的味道不錯, 質感軟綿, 甜度適中; 抹茶雪糕的茶味尚算香濃和幻滑, 只是那球雲呢拿雪糕過於冰感, 味道也怪怪的。可是, 在這樣的環境下用餐, 那有食慾可言? 最後這個本來美味的蛋糕也吃了不到一半便吃不下, 想把吃剩的帶走, 店方卻說沒有外賣盒供應, 非常無奈。

因為係銅鑼灣番工,食飯時間就去試一試,,,剛好有lunch set..60蚊左右有野飲同飯..如果要轉menu內飲品就半價..於是試左黑麻油濃豬骨拉麵及焦糖綠茶..拉麵份量不算太多..如果男士食應該唔會太飽!味道正常~當然不能與拉麵店相比啦!飲品甜度正常,,綠茶味亦夠濃~忌廉超滿(好開心..嘿)地方唔算太大~不過總算坐得舒服!上菜速度正常~唔洗等好耐!不過以一個午餐黎講都幾貴...下次都係考慮只食甜品喇~~