抹茶館 (Closed)

今次黎呢到冇叫到主食，淨係食左甜品。因為黎之前已經飽飽到，本身諗住食淨係雪糕，但睇左menu之後覺得呢個好吸引好抵食，所以飽到照叫左個蛋糕。鮮果蛋糕（$72）黎到之後見到個蛋糕都唔細，一個蛋糕大約3-4人份量（雖然大食嘅我同我男朋友最後都食得晒哈哈）。出面係cream同生果，果醬同兩球雪糕，一球抹茶，一球雲尼拿。入面係抹茶蛋糕，岩晒我呢啲中意食抹茶嘅人。蛋糕都好軟綿綿，其他都冇咩特別，不過勝在抵食。如果有人生日又唔想額外買蛋糕嘅話，呢個都係一個唔錯的選擇。

今日俾人捉咗去食抺茶甜品，老實講 抺茶甜品唔係我杯茶。好彩呢間有飯食叫咗個「吉列豬扒滑蛋丼」（$74）同「忌廉牛奶抺茶」（$34）吉列豬扒炸得香脆，肉質算軟滑，有肉汁唔油膩。滑蛋有蛋香，伴飯食令個飯冇咁乾～好味。配上沙律菜更加冇咁油膩～不錯！忌廉牛奶抹茶，加上忌廉牛奶，易入口～有奶香味～冇茶苦味，相對抹茶味比較弱。抹茶迷可能唔喜歡～

蝴蝶結姐姐的嗜吃症太嚴重啦！因為想吃甜品，步子就走了去抹茶館扯擋不住想吃芭菲的誘惑(>﹏<)，遞上餐牌，千挑細選，點了<綠茶雪糕香蕉芭菲>妳看，選擇真的很多呢，有一些還是期間限定的看！這個綠茶雪糕香蕉芭菲的層次感很好呢，由下往上分別是朱古力醬、海綿蛋糕(蠻香軟的)、粟米脆脆、忌廉、抹茶啫哩(吃進口軟軟彈彈的，抹茶味算重)、抹茶軟雪糕和一支蛋卷整體都搭配得蠻好的。抹茶雪糕的味道濃郁，口感幼滑，所有配料不會太甜，適合喜歡不會太甜的朋友而且價錢較親民，HKD54就吃到啦！嚐到啦，心裡嘴裡都好滿足呢！抹茶館地址: 銅鑼灣sogo百貨旁營業時間: 11:00-23:00

其實我一直都麻麻地抹茶既食物！不過朋友想食就入去試下啦！竟然仲有午餐添！！！叫左個照燒雞肉伴溫泉蛋飯！燒雞肉整得好脆，好爽口，加堆小小沙律醬，真係好match!!加埋溫泉蛋撈飯，更加知味！！！

抹茶提拉米蘇(hk$49)細細個既木盒裝上tiramisu, 再灑上抹茶粉, 配上口感濕潤的蛋糕底， 每一啖都食到好濃既抹茶、芝士味，而最後飲杯苿莉花茶減低肥膩感！鴛鴦雪糕抹茶雪紡蛋糕(hk$69)當蛋糕送到黎，我同男友真係嚇襯，足足有半磅咁大，開頭只以為好似食TEA SET個D CAKE既SIZE！賣相幾靚同MENU相中一樣，口感軟綿，但蛋糕好dry, 雪紡蛋糕內裡乜都無，只係表面擦上綠茶cream，抹茶味唔濃，相反抺茶雪糕比較好食，而另一球雪糕係牛奶味！最後有D失望，食唔曬想帶走，佢地竟然無外賣盒提供！！ 傳統抹茶 (hk$19) 白玉煙韌，抹茶苦澀但回甘唔重！

鐘意食抹茶既產品,所以今次特意黎到抹茶館食個飯後甜品叫左個抹茶軟心朱古力芭菲芭菲由好多層去組成首先頂層有好香抹茶味既雪糕同抹茶餅組成而中間個層就有粟米片,為左唔令佢淨係得粟米片咁dry佢仲特意加左少少cream落去,令整個甜品增加濕潤感最底層有啫喱,不過啫喱,冇咩味,我就覺較為普通我最鐘意中間個層,連埋個雪糕一齊食,好脆好好咬口,正!甜品份量幾大,建議兩人share另外仲叫左個蕨餅黑蜜窩夫新地呢個窩夫咪睇佢細細個咁,其實入面好多料架!上面有一個雲呢拿雪糕,雪糕上淋左少少黑蜜,甜甜地,成為全個甜品既重點側邊既蕨餅煙煙韌韌咁,同樣有少少黑蜜味,唔錯而佢地下面就有抹茶雪糕,雖然抹茶館出名食抹茶產品但同黑蜜雪糕比反而有啲比下去,抹茶淡淡地,唔會搶左其他配料既味再下面就有紅豆容同甜甜地既粟米片,而為左唔比食哂啲雪糕,而令粟米片乾爭爭佢下面有少少cream,食到最尾窩夫仲脆脆地

雖不算是綠茶控，不過朋友想試抹茶館，我都會奉陪到底。位於銅鑼灣SOGO 隔離的抹茶館，地段十分方便。它位於地下室的位置，其實現在很少餐廳設於地下。不過一直走下去時，牆壁側旁的花花圖案、木色設計及燈線柔和充足，真的令我們覺得很舒服，不覺得地下室是那麼可怕。傳統抹茶日本的茶道十分出名，而且是專業的。想自製傳統抹茶既話，可以點這份，而且只需$19，體驗一下亦無妨。碗中有綠茶粉、一壺熱水及2粒小丸子。我渾勁的揮動著，希望可以弄到泡泡，不過實在太難，可能我不知道技巧如何。雖不成功，但這個體驗也不錯。茶道既精髓是不可能那麼輕易領略得到。牛肉滑蛋黑七味烏冬這份烏冬份量頗多的，2位女生share 來吃也夠。七味粉帶出微微辛辣，把烏冬變得有特式，不再單靠湯底的味道。滑蛋牛肉都十分軟滑，整體也很配合，都是滑滑的。我和友人也覺得比想像的好味道。抹茶軟心朱古力芭菲6層芭菲，顏色分佈得十分好。隨了有抹茶雪糕外，還有抹茶朱古力磚、忌廉、殻類早餐及啫哩，好豐富。綠茶雪糕味道不錯，但不算濃味，反而朱古力磚有極濃的抹茶味道，因為是沾上了綠茶粉。我覺得忌廉較多，但整體不錯，而且份量也足夠，不會過甜。蕨餅黑蜜窩夫新地窩夫挺

左邊既係抹茶軟心朱古力芭菲($59)粒朱古力超級好食，表面充滿好多既綠茶粉，口感有小小似brownie，但只有兩粒炸！右邊既係抹茶白玉芭菲($54)粒白玉完全無味，比較下i cremeria 好味好多！整體黎講兩個甜品都好多cream，食到好濟，我同個女仔朋友只食到3分2，男仔就食得晒，不過紅豆配綠茶真係一流，超濃超香～如果下次再食我一定會簡返抹茶軟心朱古力芭菲！

上個星期六約左朋友係銅鑼灣傾計，又知朋友中意食抹茶，所以就揀左抹茶館。朋友話佢之前食過銅鑼燒覺得好食就推介比我啦...其實我都好中意食抹茶，但係e個抹茶紅豆銅鑼燒令我好失望。整體黎講，佢太甜太膩，冇咩綠茶味! 粒栗子好硬! 連cream同兩塊餅都係得個甜字!!亳無層次可言，唯獨紅豆蓉可接受，但係冇左好味嘅抹茶雪糕就有d哂啦!btw佢個地下唔知點解好滑，我差d sin親，真係好失望.....

食完晚餐唸住去食返個甜品，行行下見到間專食綠茶既，身為綠茶控既我又有乜理由會放過呢。呢間野鋪面好令，唔洗排隊，入到去就成間茶餐廳禁既樣，除左叫野同埋單既一刻之外無店員會理你。叫左個招牌綠茶朱古力芭菲食下，杯野就係用3粒朱古力塊，忌廉，朱古力醬，脆片，椰果，綠茶雪榚做成。我只可以話杯野得個甜字，完全無各位所期待既綠茶香味，果幾粒朱古力塊仲要非常之硬，完全係格格不入，杯野入面係得個綠茶雪榚算係ok食得下。要評語既我只可以話，無下次

本人向來都是抹茶控，今天路經銅鑼灣，看見了抹茶館，便被吸引了。銅鑼灣分店是在地庫下面，看過菜單後，點了個<<抹茶軟雪糕白玉餡蜜>>。店員說要等十五分鐘左右。約十五分鐘左右，終於來了。單看賣相了得，熱茶配抹茶，很寫意。可是吃下去，抹茶雪糕味不太濃，相反太淡，份量小，而且易溶。而雪糕以白玉，栗子，櫻桃，紅豆，JELLY等作為配襯。白玉彈牙，紅豆層次分明。但眼看是抹茶JELLY是吃不出是什麼味。栗子，櫻桃，甜甜的，可以接受。要說的是，不知為何店裡有很多小蚊滋飛來飛來。

抹茶館我諗中意抹茶既人都去過 佢既menu有8成都係抹茶既甜品或者飲品 抹茶控一定好滿足今次叫左一個銅鑼燒 有兩球雪糕 仲有紅豆 白玉 同1粒栗子 仲有啲綠茶醬 綠茶同紅豆係絕配就係人都知架啦 白玉喺個銅鑼燒入面就加左啲唔同既口感 煙煙韌韌咁 唔錯 而我唯一覺得有啲不足既係個銅鑼燒煎得有少少太乾仲有叫左一個抹茶提拉米蘇 佢唔係淨係面頭有一層抹茶粉 我諗佢入面既蛋糕都係用左綠茶浸 咁成個提拉米蘇都有綠茶味啦 而我好中意佢跟住個提拉米蘇既嗰一小杯綠茶 佢好清好香 仲可以解下食完提拉米蘇既膩最後仲叫左一個傳統綠茶 佢比左綠茶粉仲埋一壼仔熱水 要自己用個掃打(?)到起泡 不過我打唔到好似幅咁fail左...不過佢啲甜品係幾唔錯既 試得過架

今日就去咗銅鑼灣行街，行到好攰 ，但係啱啱先食完午餐，想坐下但係又唔想食咁多嘢，於是上open rice睇吓有乜嘢甜品可以食。咁岩就見到抹茶屋，於是就行過去睇下佢有乜嘢名堂，結果係門口見到去好有日式嘅風味， 好簡樸，仲見到原來依間野係來自日本京都四條通，對於一個思鄉懷情嘅我，實在忍唔住行樓梯落去抺茶屋嘅地庫食一個正宗日本綠茶甜品。 原來一落到去就俾人用日文做招待，坐下有人給兩杯水，只聽到原來這裏的老闆是日本人，因為他的原來是用日文職員溝通的。在這裏餐牌原來除了一些綠茶的甜品愛原來還有一些熱食，例如拉麵等等。 那些相片非常吸引，但是我卻很飽所以我依然集中在這些綠茶甜品中，而meau有綠茶雪糕，綠茶白玉，還有一個自製的綠茶麵條，我想這些是啫喱粉制成的。在我好奇心的指示下，我最終叫了綠茶白玉自製綠茶麵條 ，在這個甜品送來的時候她還附了一杯綠茶及一張教我們如何製成綠茶冷麵的圖片。總括而言這間甜品店十分合乎我的口味，我相信這能滿足身為綠茶控的你。門面亦相當有日式的風味，感覺相當不錯。  評分7/10

昨天和朋友在銅鑼灣發現了這家隱蔽的抹茶店，不由得想要進去試一試。這家店名叫抹茶館，其菜式故以抹茶為主。菜單的前面大部分都是甜品，如抹茶牛奶、抹茶銅鑼燒等等；後面也有各式麺和飯，當然麺和飯不是抹茶的了。我一直喜歡銅鑼燒，但沒有嘗過抹茶銅鑼燒，點單後一嘗發現味道十分好，但如果銅鑼燒裡面的奶油改用冰淇淋口感會更好。另外朋友又點了一份辣牛肉飯，裡面配上溫泉蛋，味道也出奇地好，但價格卻有些貴。

抹茶, 彷彿有種魔力, 令人抗拒不到, 特別在甜點方面, 相信很多食物也有抹茶(綠茶)口味, 抹茶館正正是打正旗鼓, 以各種抹茶的甜點俘虜茶迷, 失禮地說, 我還是頭一次光顧的, 本想找個coffee shop坐坐, 但weekend人也太多吧! 就改去呢到, 貪佢冇咁多人店員給我們遞上餐牌, 及兩杯水, 當我想要一杯熱水的時候, 佢地既回覆: 我地冇熱水, 只有室溫水提供....可惜臉口有點黑黑的不打緊, 翻翻餐牌後, 多數是甜點, 也有飲品的, 當中我看中呢兩個, 提拉米蘇更是皇牌, 咁就真係要試下係咪咁好食啦抹茶提拉米蘇用小木盒盛載著, 旁邊附有一杯茶(是沒有添飲的), 我先嘗一口, 嘩....面頭的抹茶粉太多吧! 喉嚨差點咳出來, 芝士比例多過海綿蛋糕, 整體是濕度過高, 幸好撈勻一起食, 茶味是回甘的, 要不然這卻是很失望的成品提拉米蘇要做得好食, 其實是很考功夫的, 自己平時也動手整過, 頭幾次, 真是失敗收場, 加上要配合抹茶, 相信還有更多的進步空間另一道甜點, 反而是有驚喜, 可能係冇期望之下啦, 旁邊的威化餅乾蓋是超脆, 抹茶雪糕微甜帶甘, 而且不會太快溶掉, 加上