Madison's Restaurant & Bar (Closed)

餐廳環境尚算闊落, sofa 夠大張幾好坐, 舒服o既感覺油然而生... 我地一行四人剛好可以order個四人午餐只須要$4xx, 再加$50可以任飲coffee or tea, 加$100呢可以任飲sparkling wine... 講到啲食物, 頭盤有三文魚, 芒果龍蝦同填鴨卷, 味道尚可; 個牛油果合桃沙律外表好像沒什麼特別, 但味道很不錯; 去到個主菜, 簡直普通到唔普通, 即係芝士漢堡加薯條, 但味道都還可以o既...唉, 之但係甜品就....有人將之形容為好似咬緊個橡膠朱古力咁.

last week睇左U-Style Magazine的介紹，和朋友和兩個女仲有朋友的仔仔去Madison\'s食Sunday Brunch. Sunday Brunch 好多酒店係有，但係貴，隋時超過$300一個人，星期日和朋友聚吓唶，Casual 一點得了.. 其實好似記得之前飲食男女都介紹過Madison\'s Sunday Brunch ，有kids corner有小丑和細蚊仔玩，大人就舒服咁食好野‧做左媽咪之後先發覺歡迎小朋友的餐\廳唔多，因為他們最喜歡攪亂地方有坐唔定，所以對這餐\廳未食都先加分。 頭盤是自動程上的精緻拼盤，有6款包括鵝肝醬多士、龍蝦香芒沙律、鮮蚝杯、煎鴨肝等，Yummy! menu上寫住可以柯打多一round咁緊係要叫啦. 主菜7選一，我地三個大人叫龍蝦及煙三文魚Eggs Benedict、扒羊排和海鮮香草奄列，Yummy! (如果羊排和龍蝦份量大d更perfect!) 至於甜品自助餐\，完全拍住5星級酒店的水準，仲有Haagen-Dazs 雪糕任畢，正! 最後飽到唔郁得.. 大人$188 細蚊仔$88 fit晒budget ，另加$100任飲Sparkl

搵阿狗幫手打電話訂位食個high tea, 見佢事後悶悶不樂, 至知道佢同個非華語伙記溝通有困難. 佢雞腸真係生銹啦, 平日叫阿狗學田生話齋, 英文好相識滿天下, 呢次真係要好好修練佢英文oral 喇. 不過, 對於某個非華語伙記於電話中態度, 欠缺耐性, 聽唔到高水平英文就二話不說, 立即擲去比本地伙記聽. 個人對此覺得有點遺憾. 所以, 當日特登再次測試, 先用廣東話同非華語伙記order 食物, 果然佢表面親切笑容立時消失, 其後當然改用英文啦, 但唔通去到中環唔用英文會有咁樣對待?講番當日下午進場, 感覺係一間標準西餐廳. 無乜特別, 若非呢度話佢係澳洲菜, 就真係永世都搵唔到呢間有乜澳洲味. 可取之處仍然係食物, 下午茶糕點算可以. Tiramisu 表現可人, 而仍然搵到用方糖落咖啡地方少之又少, 狗女認為咖啡較中環其他coffee shop 好.

早餐點都要有D 野落肚：是日為Fresh Fruit Platter w/ Cottage Cheese。落完order，位小姐入o左staff area 之後就無出過o黎（店面只得我一人！）；佢下一次出o黎，就係捧著那Fresh Fruit Platter 而來。 莫非閣下就是Madison's 鼎鼎大名既大廚？Fresh Fruit Platter 如果無Fresh Fruit 都幾大鑊...雖然未算得上係靚仔貨色，但佢個Cottage Cheese 搞到成pat Cream Rice 咁都幾大鑊。如果Madison's 既生意真係咁好，佢唔洗無端端做埋早市；如果Madison's 既食物真係咁好，佢唔會早市既客都係小貓三四隻。唔怪得知附近間松屋都要做promotion。

Good Texture, cheap price, great portion, good sauce.

前幾天在元綠吃宵夜吃到一肚氣回家，跟着又因為某些事，心情壞透。幸得A君越洋來電開解。翌日，為了討好自己，決定要吃餐好。此店自由金鐘遷到現址後都未有光顧過。新店面積大了，但環境氣氛依然亮麗舒適。點了個午餐，頭盤是燒大蝦凱撒沙津，大蝦十分新鮮，蝦頭的膏豐富非常，味道又出奇地與沙津汁和芝士十分配合。主菜是紐西蘭牛肉，要了medium rare，剛好，有水準。餐間再要了兩杯白酒。此店的服務十分體貼，午餐後，什麼不快的事情都一掃而空，而且還心情靚靚。原來一頓愉快的午餐和一個細心的男友一樣，識得在您情緒低落時氹番您開心。

一年有個日子總要找處地方食番餐，是日來這裡，不為其他，純粹因為在附近開會，又約左太座食飯，就近近地，選了這裡。星期一的晚上，人都不多。這裡的裝修不錯，幾有格調，檯擺得不算密，無論來飲酒傾野或食飯都很適合。埋邊是餐廳，而出面有兩個酒吧，可以等客人飲杯野才就坐吃飯，如果有埋間雪茄房，就有齊正統的餐廳規格。套餐是焗釀龍蝦意大利飯及烤羊架，見幾合心水又都要了套餐。先叫點酒，在酒牌上喜見我的心水選擇「Lucien Albrecht 2003」的riesling，富果香味又清新，配海鮮相當不錯。可惜太座還是喜歡她的羊架，所以每人都只叫了杯裝，而她的是St Helena的Melot，貪其易入口，聞落亦有果香。先來的麵包籃有麵包棒、麥包及法包三款。雖然不是熱辣辣的，但吃落都幾新鮮，而伴吃的有一小碟煙三文魚。麵包籃之後是生牛肉黑松露菌沙律，生牛肉呈淺粉紅色，腍腍的，肉質及口感只一般。二百幾蚊一個套餐，沙律內的黑松露菌當然只得幾片，味道確實是濃烈又夠味的，配上淡淡的油醋汁及沙律菜，也不錯；沙律之後便是周打海鮮湯，口感濃濃的，味道還不錯，配料幾豐富，真的有不少的蟹肉、蜆肉、帶子在內，吃了不少麵包的太座，再渴

因為前幾日家中宴客，同事們為了慰勞我，請我食了餐豪的。幾年前係PP時去過一次，搬了之後第一次o黎，格局我覺得同以前差唔多，不過感覺上呢間warm D。我o地大家都叫了2 個course的set lunch，因為大家都係女仔，所以冇揀頭盤，全部揀了主菜加甜品。是日主菜係牛柳同龍蝦天使麵，不想食天使麵，所以罕有地點了牛柳，點了3成熟，但出來的效果似5成熟，肉質好嫩、肉汁亦豐富。配菜亦不錯，最特別是有一大件的酥皮包配碟，酥皮鬆化、不過味道好淡，烘得的，不過我致鍾意。另外，龍蝦天使麵亦不欺場，大大隻的開邊龍蝦，試了少少天使麵，茄汁味濃，而麵身亦爽口。甜品係chocolate truffle還配上一細球的chocolate chip雪榚，先食雪榚，濃濃的朱古力味加上脆脆的chip簡直人間極品，一細球真是不夠喉。之後再食蛋榚，發覺朱古力濃度不及雪榚，可能如果太濃的話，會比較溜。食完甜品之非常滿足，而且有人請，就更加開心。哈哈哈

都係一個lunch meeting, 我好鐘意佢哋o既service, 好nice, 食左一個set lunch, 湯:味道鮮甜o既豪,加上好creamy o既湯...味道唔錯.主菜:煎三文魚拌咖哩薯仔, 個魚味道都唔錯, 如果煎得唔係咁熟仲好味, 薯仔好入味冇要個甜品, 因為太飽...一個set lunch 兩個courses 好似$178 ...都會去再食..

上星期同老闆有個好重要的lunch meeting係度開. 唔想煩就叫左個set lunch. 頭盤係水牛cheese蛋佢green salad. 表現OK. main 係鱸魚配焗薯. 薯仔做得幾出色. 但係鱸魚就over-cooked 左少少. 有d鞋口. dessert係new york cheesecake, 夠濃香. 個dessert 好過個main 囉. 熱咖啡夠香濃. 飲完成個晏晝眼光光.環境其實同其他在中區的餐廳look & feel 差唔多. 可能lunch hour 啦. 幾多人. 不過呢個meeting 係好重要的. 所以book 檯時要求一個最寧靜的角落. madison 都安排到俾我地.

I went there two weeks ago after seeing the positive comments in this column. I don't think it's a good restaurant with superb environment. It's just an ordinary place, crowded with foreigners and people working in central, quite noisy indeed. The food is fine, however. We each paid $300+ for this dinner, quite expensive.

同朋友去食dinner，一去到，嘩~!!環境靚到不得了，d seats全部都勁grand勁正，而且人唔多，氣氛好好。一開頭好似Cova咁，成籃Bread俾客人選，我要左隻stick幾好食。之後又有antipasti上，係一件細細件o既鵝肝醬toast，味道絕對係terrific~!! Main course我地要左Crispy Salmon同French Roasted Chicken，前者好香好好味，後者就咸少少。最後我地再要一客Chocolate Sensation，幾rich ga，有chocolate stick, chocolate mousse & warm chocolate pudding cake，賣相仲超靚~!! 味道都滿意~ ^^間餐廳太舒服啦，我地坐到唔捨得走tim...大家一定要睇o下相：http://community.webshots.com/album/194004245OYuQlw

上個星期家姐想食brunch, 諗起madison's o既music brunch menu 好似幾吸引, 就打電話去問佢地幾點開. 接電話個男仔話10:00. 我覺得有d奇怪, 因為通常西餐廳o既sunday brunch都係around正午先開始供應. 我再同佢double confirm, 佢話係10:00. 星期日, 9點幾起左身, 滋滋油油10:45黎到madison's, 諗住慢慢享受個brunch, 點知...大門緊鎖, brunch? 閉門羮就有得我地食!事後send左個email問佢地點解會咁. 佢地第二日就reply我. 佢地話個接線生係新人, 唔知佢地o既opening hours. 實則sunday brunch係11:30開始供應. 我欣賞佢地回email回得咁快, 但係一個接線生唔知自己間餐廳開幾點, 好似唔係好講得通播!

家姐今日請我黎Madison's食下午茶. 我地叫侍應推介甜品, 佢建議我地食南瓜芝士撻. 橫掂我同家姐都好耐無食過芝士蛋糕, 就費事諗, 一人叫左一件.dish decoration做得好靚. 碟邊有mango sauce mixed w/ caramel, 仲有一粒粒o既山核桃(pecan). 芝士蛋糕唔係好食到南瓜味, 不過好軟滑, 有水準! 蛋糕o既芝士味唔濃, 所以食完唔覺漏. 雖然蛋糕無餅底(呢下有d失望), 但係裡面有d山核桃碎, 增加口感. 我同家姐都食得好開心!而且侍應服務態度殷勤, 座位又勁舒服, 似張皇帝椅! 所以有下次!

They have moved to Bank of America Tower in Central.