麥文記麵家

Open Now

Now Closed

一直都知道麥文記雲吞麵店，但一直都未有機會食，今日終於都可以如願以償啦開頭我都認為價錢是比一般雲吞面鋪稍貴一點點，而且當雲吞麵來到的時候，看見份量是那麼細碗真是嚇了一跳然後得啖笑但當一口食落去的時候完全地覺得一分錢一分貨，真是物有所值。雲吞蝦好彈牙，味道恰到好處，而且我最愛食鹼水蛋麵，呢度的麵煮到啱啱好，保持彈牙，不會煮到太淋，好似食河粉甘友人的水餃河比較大碗，水餃都足料味佳，食完一碗都覺得唔太夠總括來說呢度的粉麵質素高，一定會再來食如果分量再大一點就更好

收到是雲吞麵控的朋友「碧咸」來電，興高采烈地告訴我：「我嗰日喺佐郭咁啱經過試咗間雲吞麵店，好好味，快D一齊去試下！」老店的格局，但乾淨亦很光猛，雖是歴史悠久，但應該是曾經翻新。其實最愛這些老店，因為很多時候隱世美食都是在這裡找到，不過又怕環境太糟，所以見這麵檔乾乾淨淨很滿意。意外地，侍應也很有禮貌，不會像某些老店對客人態度無禮。已是八時許，店內仍然坐滿，客如輪轉，可見很多人也是慕名而來。牆上也寫着「麥文記麵家 只此一家 別無其他分店」，保證不會吃到冒牌貨。二話不說，每人叫了一碗雲吞麵。🍜🍜麵：自家製麵條很有咬勁，爽口彈牙，沒有鹼味。雲吞：每一粒雲吞都是人手即時包，雲吞非常足料和正宗，大啖蝦肉。上湯：鮮甜呈金黃色，味道似是有用豬骨和其他材料烹煮的。食法：我朋友用調羹裝醋、豉油、辣椒醬來食。我自己只喜歡用醋，可以中和鹼水味和幫助消化。份量細細碗，所以追加了一碗share，回味無窮。另外想要碟菜，見選擇除了有一般的芥蘭，還有菜花。反正平時少見，便試試。很爽口，推介試試。喜歡雲吞麵的您想必試過很多地方但一直尋找。雖然它沒有令我十分驚喜，但絕對是好味道。另外我見其他食客有點撈麵，豬手，相信也

次次黎都係食雲吞麵, 今次試下個水餃撈麵, 如果叫湯麵個份量太少喇, 食正餐一定要食撈麵(其實都唔夠飽)。婉湯係有大地魚既味,味道同之前一樣,幾好,但有無味精我唔知。水餃都好食,但雲吞始終係出色啲,老字號黎講佢都算長期保持到水準ps: 記住食水餃或雲吞都要點辣椒醬,應該係余均益辣椒醬,唔係其他雜廠掛

下晝三點幾去到 冇咩人叫咗一碗牛腩麵同雲吞麵再加一碟芥蘭走蠔油 阿姐都會好細心咁講可以落什麼醬油 因為蠔油要加一蚊菜有：菜心、芥蘭同埋韭菜花 芥蘭淥得好林 不過比較多油 應該叫埋走油會好點雲吞裏面啲蝦都好大隻 好爽口 其實又冇咩特別嘅不過面嘅份量都好少我見平時啲男人都係嗌兩碗 因為真係好少面牛腩相對都唔少 煮得都幾林 有肉亦都有筋有牛腩汁嘅話個湯就會濃味一點麵質好 都係比較爽口 可以林一點 不過見仁見智性價比 比中環個d 一定抵食點😆

同屋企人成日黎食，因為呢度見面整得好彈牙，一啲鹼水味都無，配埋足料炸醬味道一流所以我哋好捧場咁一人各自嗌咗一碟炸醬麵仲嗌咗招牌雲吞，一碗三個人share咩都夠晒佢啲皮一啲都唔會話太淋，加埋中了鮮蝦餡,好新鮮好彈牙,平得來高質素，必食推介！而家食嘢要健康當然要嗌菜，芥蘭非常新鮮一啲都唔老而且一啲都唔油好清好健康😎仲有嗌咗韭菜，一啲渣都冇，好多地方都冇整得咁靚嘅韭菜哩度蠔油特別鮮味，同外面嘅一啲都唔一樣，推介大家一定要試！

馳名鮮蝦雲吞麵$34-麥文記佐敦唔係只得澳牛!! 位於澳牛隔黎就有呢間擁有40多年歷史嘅麵店! 雲吞用料十足, 皮薄,唔會有厚實質感, 內裡包著原隻鮮蝦, 新鮮彈牙, 每隻人手包製! 生麵充滿鴨蛋香, 爽口彈牙且唔會有梘水味, 但份量慷慨d會更好!🤔rating:7/10

麥文記雲吞麵、我都應該食了大約10年、每次在佐敦我亦會去、10年都一樣味道不變、在九龍區可算是數一數二好味的雲吞麵店、鮮蝦十分新鮮爽口、麵質亦十分彈牙、湯底亦做得十分出色、我每次去都一定會全碗連湯清晒、另外我多數會叫芥蘭、芥蘭很粗身、十分爽口、其實要保持水準保持那麼多年、是一件很困難的是、始終手作的東西是有很多變數的、員工的變動很多時會令一間餐廳的味道完全改變、所以我看得出這間餐廳下了很多苦心來經營、希望你還會有另外的10年20年或更長的時間、可以讓更多人品嚐到香港傳統的味道。

環境正常，有d窄，一入門口，左邊就是廚房。都好易煮，主要是雲吞夠大粒，好食。我朋友食得出好重胡椒味，但我覺得一般啦，不太重。淨雲吞6粒，好似廿幾，三十幾。佢d野都是用碗裝，如果下午茶就ok，當晚餐就吾太飽，我見有人叫撈麵，撈麵但底就多少少

已經食過幾次麥文記, 今次比較上一次黎, 發現好多野都加左$2-3價, 加幅都幾大不過就算加左價, 座位坐得幾唔舒服, 仍然覺得呢到好食尤其豬手河, 雲吞撈豬手南乳味夠重, 好入味豬手夠大件, 煮得夠稔又多肉, 唔會只得骨豬手最基本要清既豬毛都清得好乾淨如果叫雲吞麵, 可能會覺得比較細碗, 如果想飽肚, 可以揀撈麵, 而且附送一碗湯個麵好爽口, 無鹼水味建議加$1蠔油, 如果唔係就咁食撈麵其實無乜味唔好吝嗇個$1, 蠔油真係好香

如果你是大胃王，你最好點撈面。雲吞麵細細碗，下午茶就差不多。幼麵感覺上沒有以前的爽。云吞只包鲜虾，沒有太多其他配料，寡了！値得一赞反而是湯底。韭菜心只此一家，一個字，嫩！蠔油另加一蚊，太小气吧！

己有數年沒有品嘗過麥文記雲吞麵。剛巧星期四晚路過時發現無需等位便入內再 試一碗雲吞麵。嘩! 3月1日起加價要$34元一碗了。都冇所謂哪，40年前已初嘗和欣賞麥文記的麵：幼身、帶深黃色及彈口。但當雲吞麵送到台上時發覺原來中伏了。碗內的麵身比以前粗了1倍、顏色帶白、麵身軟而不彈口。和在街市買的幼麵冇多大分別。唉唆唆 點解香港的食市攪成咁樣 越攪越差 自挖墳墓。美食天堂遲早玩完。

好耐冇食過麥文記的麵條了，難得經過就叫左一碗雲吞麵（$34）同芥蘭（$22）食下。有時打邊爐都鍾意買呢度的生雲吞（$24半打）外賣，雲吞新鮮蝦肉又夠彈牙。堂食質素當然一樣，要讚佢的麵條真係好有鴨蛋香，一丁點梘水味都冇，讚！至於芥蘭，好翠綠，唔需要加$1要碟蠔油都夠味。一碗細蓉，一碟油菜，構成簡單的美味。雖然係老店，但侍應服務都幾有禮貌，佐敦除了著名的澳洲牛奶公司之外，麥文記亦係另一種美味，推介雲吞麵！

平日日間經過油麻地、佐敦這一帶，好像有好多食肆都想一試，例如是扒房，又或者其他麵店，茶餐廳等等。怎料到一天大約10時來到，由於友人不吃甜吃，結果吾等惟有去吃雲吞麵作甜點😆吧。麥文記，好像印象中評語比麥奀記更好，結果進來麥文記。雲吞麵的確是小小的一碗，就像是家中用來吃飯的飯碗一樣小，將四粒雲吞放在底下面，再用匙羹頂著，面頭放麵才是正宗的雲吞麵。這樣，麵條不會浸得軟林林，不用將全部麵條浸在湯下面，還有一點兒彈牙爽口的感覺，這兒的麵條，遠比起昨天吃過的劉森記，彈牙得多。麵條彈牙，湯底香濃而有點兒蝦味，但是吃完後牙齒還是有點「鞋」的感覺，不知是味精問題還是防腐質。經已肚餓得沒有特別留意雲吞的豬肉、及蝦肉的比例，但是感覺味道相當之香，蝦不算太大，剛好一口一粒雲吞。

居港多年，一直未能品嘗真正傳統廣東粉麵，最近終於能一嘗馳名的雲吞麵、牛腩麵及蠔油菜心。而雲吞麵更最為突出，雲吞麵湯底有清香蝦味；傳統一口雲吞有新鮮蝦及大地魚的味道；麵更是真正的銀絲細麵，爽口而有濃香蛋味，絕對有別於其他粉麵店。牛腩麵湯底濃厚而有淡淡的陳皮味道，非常出色；牛腩鬆軟而不散，可見烹調時間恰到好處 ；而麵亦是銀絲細麵。蠔油菜心的蠔油味道偏咸而少許甜味，沾醬少許便可。而服務方面，的確，服務員豪邁，快人快語，正式的港式服務，而可能這更是真正的本土情懷。

記得第一次識嚟呢到食麵係我細過時媽媽帶來，果時都唔知亦唔記得幾錢碗了，只知好好味，因為媽媽知我鍾意食湯麵，所以成日帶我去食，話呢到麵叫鐵絲麵，大個先知姐係竹昇手壓，食落會爽口彈牙，同無簡水味，但大過有經濟能力都成日會去食，點知越食就越貴，而且麵質好似有變了，果次去食食唔到爽口彈牙般，仲有點過林，而牛腩味都算好香，但有痴牙同好鞋感覺，唔算好嫩，最慘係碟油菜韭菜花好老勁多渣，同侍應講咗一輪先換過碟芥蘭，唉～好失望