麥文記麵家

Open Now

Now Closed

Our favorite wonton noodles in Hong Kong! 😋I always take my friends here when they visit, and they absolutely adore it as well. The prawn wontons are a standout—fresh, bouncy, and encased in an incredibly thin skin that melts in your mouth. However, be mindful that the portions are quite small; you might want to order two bowls to satisfy your appetite!Please note, this charming eatery only accepts cash, so ensure you bring enough with you!

店鋪雖然種類不多，但每款都用心製作。淨雲吞裡的蝦肉不僅新鮮彈牙，而且大粒有口感，絕對是皮薄餡靚。油菜一如既往地出色，新鮮嫩滑， 不會有渣。至於豬手撈麵，豬手的香氣濃郁卻不會過鹹，麵條彈牙，帶有淡淡的鹼水香味。麥文記作為老字號，一直堅持自家的風格，八大粒的雲吞總是擠在一個小碗裡，讓人倍感實惠。店內的裝修風格與食物質素一樣，十年如一日。 當然不要期待會有舒適的座位 和熱情的招待。下次再去佐敦時，我一定不只吃牛奶公司了！

這間雲吞麵店的雲吞麵鮮美無比，雲吞皮薄餡多，湯頭清爽，令人回味。炸醬麵的醬料濃郁，搭配彈牙的麵條，口感一流。至於豬手，肉質軟嫩，調味均勻，香氣四溢。店內環境簡約舒適，服務熱情，實在是享受美味的好地方！無論是單點還是與朋友分享，都很值得推薦。

去佐敦諗吓究竟食麥文記定麥奀記好最後入咗前者。全場爆滿個個都係食豬手麵同埋雲吞麵，咁我得一個人就照嚟一碗雲吞撈麵等左一陣絕對值得，大大碗雲吞好大粒面又夠大碗下次再食豬手面

左右开工🥢大捞特捞虾子捞面 经过一番操作，柔润的蚝油滋润了每根面条，🍜面条吃起来QQ弹弹又带点紧实生脆的口感，嚼起来还有点嘎吱作响，虾籽更是让面条鲜上家鲜🦐全虾云吞 感人的大虾仁充实着吹弹可破的小皮🥟，每一颗都是吃得到的鲜甜虽然有点腻，但确实挺鲜

第一次去食呢間出名嘅雲吞麵，上香雲吞麵，好食雲吞蝦有蛋牙，口感爽口新鮮，生麵我都係爽口彈牙，唔會煮得好琳呀另外蟹籽撈麵蟹籽超好食好香，撈麵成個麵都係蟹子粉味，好好食，門口比較多人，可能要排隊！我見隔籬枱好多都叫咗豬手撈麵，我已經叫咗兩個麵，所以冇叫，下次再食佢個豬手撈！嘢食比較平，係支撈麵都係$54 ，令我嗌個信湯雲吞麵$45！另加嘢飲都係$60幾蚊抵食🥰叫咗個菜心，一定要落蠔油係粉麵舖嘅必叫之選！

原本想帶哥哥去食耀記，平靚正吖嘛！不過見條街靜靜地，所以走咗去麥文記望望。平都要排吓隊，今日公衆假期竟然直入?! 雲吞麵不二之選，再私心叫碟韭菜花。哥哥問點解碗麵咁細碗，就同佢上一堂細蓉教學！「蓉」是指芙蓉麵(蛋麵)，用鴨蛋做最香軟彈牙。除細蓉外，還有中蓉和大蓉。細蓉：1個1両重的麵餅＋4顆雲吞。中蓉：1.5個麵餅配＋6顆餛飩大蓉：2個麵餅配＋8顆餛飩名家就係名家，高水準，小朋友覺得麵難咬。菜花好明顯係揀過，條條都咁細嫰，加上少許豬油就滑上加滑，不過蠔油要加$1就有D搞笑！但哥哥話呢款蠔油係佢食過當中最好味，最衰睇唔到咩牌子。是日消費：雲吞麵x 2 $90 韭菜花$26 蠔油$1共 $117

今日係2024年7月1號星期一公眾假期，下午茶時段去佐敦附近試下啲名物，就搵咗佐敦麥文記食馳名已久的雲吞麵，最初去到門口有位食客行響我面前坐咗唯一淨低嘅卡位，我只好轉頭再去幫襯；最終可以坐到卡位，可惜隔離有條柱霸咗半邊枱面，感覺十分迫喼，店員問我食乜當然係食最馳名的雲吞麵，以防中伏叫咗碗最基本嘅雲吞麵即是細蓉，嚟到真係發現碗麵非常細，冇香味，一啲都唔香，一啲都唔似傳統雲吞麵嘅雲吞香味，湯底更加唔使講，冇味冇雲吞麵嘅香味，湯頭好淺色，冇蝦味及冇蝦子味，雖然粒雲吞好足料，不過粒雲吞只有淡淡嘅蝦子味，蝦冇鮮味，麵雖然唔錯，但係咁細碗，湯底又唔夠味，雲吞又冇乜味，個面點好食都夠唔返，仲要收45蚊一碗！大概25年前曾經食過，當時嘅雲吞麵湯底依然好濃味，而家食返全部走曬樣👎！決定唔再幫襯，以後唔再幫襯👎👎👎👎👎出面應該仲有好嘅雲吞麵舖。。。。。。

麥文記一直係香港名牌，好多年之前已經食過。細細個食嘅時候，覺得細蓉鮮蝦甜美，幼麵非常之彈牙。初頭唔知，仲以為上左一碗淨麵。其實雲吞就喺下邊，聽到個故事先覺得呢樣嘢真係好特別。而家去到依然排隊，好多旅客慕名而來。入邊座位其實好迫㗎，所以唔好諗住拎住好多行李都走嚟食呀。簡直就係肥啲都坐唔落呀。通常兩個人，兩碗細蓉一定唔夠，最緊要加多碟油菜啦。咁就可以感受得到，舊式香港嘅風味。所以呢間舖頭都係一直站穩隻腳好多人幫襯。

上司想食牛腩麵，帶我去一間名為「麥文記」的傳統麵店，本身對這平民化的菜式都沒有太大的期望，就是食碗麵填飽肚。去到門口，才發現這不是普通的麵檔，門口貼滿米芝蓮，應該不錯👍叫了牛腩麵、淨雲吞同蠔油菜心，非常經典的叫法。但當見到賣相就知道不一樣🤭一看便知是很入味的牛腩，放入口是很香的牛味，再配細滑的麵條，整個配搭簡直是完美💖雲吞簡直好好味，大大粒，啖啖肉，媲美其它老字號。隨即上網看看資料，原來這間麵店都有79年歷史，用足材料製作雲吞，麵都是自家製作！價錢雖比普通麵店貴少少，但質素上是更好，兩個人吃了2個牛腩撈、淨雲吞和菜心都是$180左右，值得再食😉

好味指數😋😋😋😋回頭指數 ⭐️⭐️⭐️⭐️開心指數🤗🤗🤗同朋友食飯，大家好多時都諗到國際美食，或者打卡靚餐廳，基本上好少會諗到去要人肉排隊，食完要即走嘅地方食嘢。3個朋友約食飯，大家諗緊想食咩，完全估唔到一個20出頭嘅朋友竟然話想食雲吞麵，跟住佢決定食呢間，我其實唔係冇食過，不過完全諗唔到上一次食係幾時，冇去係因為我個人唔太鍾意要快D 食完就走人，唔想食得咁有壓力～🍴上湯雲吞麵（$45）麵唔大碗，雲吞放響底，上面係麵。麵的確非常彈牙，完全冇鹼水味，雲吞大大粒，入面有一隻大蝦，蝦肉爽口，個雲吞皮好滑，湯底鮮甜，好味！🍴鮮蝦水餃（$50）因為我想試，所以叫咗一碗凈水餃 share，水餃湯底同雲吞麵一樣，水餃皮都係好滑，餡料比例唔錯，幾好食！其實食完個胃有D 空虛，如果只食一碗麵就會更空虛～ 另外，的確係要人肉排隊，我哋3個人，其中一個朋友遲到，我哋已經等到差唔多先排隊，輪到我哋時，朋友都未到，當然佢俾嘅就照入座，店內環境係擠迫，店家俾咗卡位我哋，我同另一朋友打對面坐，冇耐已經聽到有店員對話，大概係兩個人坐咗4人檯咁，佢哋冇打擾我哋，不過就係我之前所講，坐得唔太舒服，食完好走嘅感覺唔太係我想要嘅進食

看推薦刷到好多次，一直想來吃，於是決定和喜歡的人來嚐一嚐。價格特別親民，兩個人都點了一份。雲吞真的是每日現包的，而且每個雲吞裡都包滿大顆的蝦肉。吃起來鮮嫩多汁，很彈很紮實。面也特別清爽，因為湯極其鮮甜，令面條緊緊鎖住其湯汁，每吃上一口，都特別滿足。如果每天早上都能來上一碗，是何等幸福的一件事呢～可惜家離這兒有些遠，但是這家店會讓我想要再次光顧，看似普通的雲吞麵卻是老闆對美食的熱情和要求，對老顧客的濃厚情誼，滿滿的人情味！

12点早五分鐘入去大把位，12点後就要排隊了，前後左右全是講普通話，没有本地人食客，觉得不妙，雲吞夠大蝦也大但食落似雪蝦，麵就普通不夠爽，份量夠，对面位内地妹子一碗也吃不完，剩下粒雲吞就數了45元走了。水餃内面蝦太少，半隻或四分一隻，豬肉不夠新鲜但夠多，筍太少。油菜26元稍貴，蚝油加一蚊。

呢間舖頭成日都排隊，今日特登過嚟試吓，呢個佐敦有四五間超級老字號嘅雲吞麵舖頭，競爭非常之大。究竟佢可唔可以脫穎而出呢？我排咗5分鐘隊，佢啲人仲多過澳牛，入去坐低個位，係好窄啊，仲要搭枱！我哋點咗雲吞撈麵同埋炸醬麵，雲吞撈麵，呢個碟就好細，但係可以裝咗六粒雲吞，我都覺得幾驚喜，雲吞都係正常大細啦，我覺得都有誠意嘅！雲吞味道正常。至於炸醬麵呢個炸醬都係幾好食嘅，只不過呢個麵就太過少啦，所以係一定食唔飽嘅！

同朋友去佐敦行街，行到去白加士街，成街都係餐廳。但係今日想食得簡單啲，就去咗麥文記食雲吞麵。另一個原因當然係門口有米芝蓮推介。- 雲吞麵 ($40)最傳統既雲吞麵，一定要食。隻隻雲吞都有大大粒蝦，爽口彈牙，同平時食既，真係有分別。(麵係上面，雲吞放底，影相先至撈起)湯底都好好飲，味道香濃，配雲吞麵一流。- 南乳豬手麵 ($58)南乳味好重，豬手有4大舊，軟淋淋，又夠入味。一定要食撈麵，先可以食曬南乳汁既味，超正。- 菜芯 + 蠔油 ($26 + $1)蠔油分上，要加$1，不過值得加，鮮味十足。菜芯唔老，配蠔油，好好食。最後可以睇下張單，估下啲縮寫代表乜野。