Makirrito (Closed)

咖哩炸雞炸蝦定食 ＄72感覺係劣米質素配汁既頹飯，d 米飯望落係珍珠米既大細，但米粒完全無光澤感，食落好糊口，個咖哩汁亦無層次，得死實咖哩味普通味噌沙律菜有菜有青瓜絲感覺都幾好，不過d 青瓜應該刨左好耐，無晒水份罷盤好似亂咁罷厚粉炸蝦超乾雞塊同張相落差太大食店位於 Treat Food Court

喺太古城, 同個細路 行下街冇嘢做不如食個tea, 不過又怕肥所以叫啲清淡啲嘅....去咗佢哋嘅food court, 搵到呢間唔知乜嘢 Makirrito.....佢哋個tea做特價 48 日本牛肉烏冬order 咗坐喺度等大概五分鐘....我個order tag就開始又響又震...即刻拖住個細路拿拿聲去攞...侍應 都算係咁畀個大tray我一拎起兩碗唔使咁 (扭舊)攞咗返嚟梗係畀個細路食先啦.... 細佬 係咁叫yummy..開頭聽 細路仔嗌正 諗住 一定中伏..... 因為細路仔淨係鍾意食 麥記... 啲taste唔會好得去邊 我食後感覺完全唔同曬.....牛肉可以,湯底清淡, 烏冬咬 落有質感, 四十幾蚊嘢 ，抵食! 如果佢叫我畀多20小弟都願意後尾我都再encore一條友食咗兩碗添

呢間日本嘢開係一個叫treats嘅food court，而個food court喺係太古城，勁多人返工嘅地方。華禦結同呢間嘢一樣好受打工仔歡迎。有時lunch time都只係想食下手卷，飯團，因爲細食又唔想食太貴嘛。我覺得佢啲壽司，飯團味道其實同華御結差唔多，價錢都一模一樣。不過，呢間啲選擇多好多，唔似得華御結剩係得飯團。佢有手卷，飯團，壽司小拼盤，有時重有啲細嘅壽司飯買。太古lunch hour真係好多人，呢間快靚正我覺得好好。

嗰塊吉列豬扒，炸豬肉紙咁，我完全睇唔到塊豬扒係邊，仲薄過打邊爐豬肉片，超級乾連沙律醬都冇，完全冇味道嘅，咁佢就唔好叫豬扒啦，叫吉列豬肉紙湯烏冬比較適合，完全圖文不符

呢個係一個set黎既包壽司，烏冬同泡芙晚市都只係$5x其實唔算貴，而且每樣東西都十分好食，尤其係泡芙而且food court裝修過～～所以環境唔錯依家太古原來都有咁好既地方，可以放工同朋友吹下水食下飯咁樣啦

係太古城行左好耐都諗唔到食咩，終於經過呢個food court門口就入去睇睇。入面裝修唔錯，好日式而且又有點餐apps，都幾方便，因為可以先搵位，坐低再用apps當睇menu睇晒咁多間店有咩食。終於揀左呢間日式食店，因為見到有火炙壽司餐，幾吸引又唔駛食咁飽。上：什錦魚生飯配烏冬下：火炙壽司餐配溏沁蛋朋友既魚生飯不錯，魚生都新鮮不過朋友話反而烏冬仲好食我既火炙壽司都不錯，跟餐仲可以加錢配龍蝦湯，湯好濃味我地都加錢配炸軟殻蟹手卷呢個熱辣辣唔油，好好味，略嫌紫菜淋左Food court既質素黎講還好，唔想食咁飽都可以試下呢間

係鰂魚涌工作嘅我都成日去太古城搵食， Food Court必選神地啦， 係 Log-on隔離嗰個TREATS都係我開飯聖地， 通常嚟呢個都係食銷魂飯 ( 叉燒飯加煎蛋) 同意粉， 今次就食日本菜睇吓有無驚喜啦。吉列炸蝦定食 $48, 吉列炸蝦粉漿啱啱好， 蝦嘅 size都唔細㗎， 仲有少少前菜同半隻溏心蛋， $48都算 ok, 不過我嫌飯唔夠熱囉。另外仲可以加$12 龍蝦湯(唔記得影相) ， 龍蝦湯夠濃， 係我嘅最愛， 不過一定要熱先好飲。 以 Food Court嚟講真係 ok㗎。

又去到太古城個新FOODCOURT, 今次試下佢個即整手卷先....雖然係話即整, 但係佢都係用膠盒黎裝住,攪到D 紫菜林哂....雖然係加洲卷...但入面其實冇乜料...失望..試完個前菜, 就試下佢個牛肉飯,我見到其他人果碟又有煎蛋, 又有牛肉又有飯咁, 我又跟住嗌啦, 30幾蚊, 好似仲平過吉_家咁, 再加12蚊有兩塊牛肉薯餅..真心抵一出到黎, 冇煎蛋....係咪我嗌錯左飯呢?食落去, 牛肉唔韌, 又入味, 係好似乾左小小, 不過對比吉_家,真心唔差一開頭以為12蚊兩塊O既薯餅會好差, 食落又唔係喎, 又香又脆, 熱辣辣, 同SO_O 十幾蚊一塊果D 差唔多! 抵食!

Makirrito係treats呢個foodcourt入面其中一間鋪頭 有賣一啲壽司同埋便當 見烏冬好似唔係好大碗 我早餐好遲食就叫左一個.38蚊一碗本身我都唔係好高expectation 點知呢碗烏冬除左麵嘅量唔多 overall值得推介.先講烏冬本身 佢係方型果種 質感偏硬中意有咬口的話一定讚口不絕 湯係甜豉油湯 烏冬都算係幾入味.牛肉係韓式果種甜味 但唔係好似平時一般肥牛咁多脂肪 正合我意 切到好薄好薄 有好多塊 唔會唔夠喉 加埋啲木魚仲正

今日行過見賣相幾好，就試下啦!購票后，就在counter旁等取飯時，有其他客人回來投訴說飯不熱，職員則說他們叫了number取,但等十幾分鐘才來。那我一於試下，就即取即在職員面前試吃，看看是否真的，當我見我那碟沒有煙的鳗魚飯，就馬上試食，入口質地雖然好，但真是可惜是凍的!他們願意換给我，在我面前取出飯煲換過，我取回旁邊的座位，期待係熱DD嘅飯，可惜都是凍的，雖D餸及汁係正！但……我沒法再比機會呢個檔口，連飯煲內的🍚都沒有保暖，真出奇……😐

Treats其實開左幾個月，但一直都好多人，一直都冇機會試今次再去睇下多唔多人，點知一去到就有位坐冇咩胃口，就叫左個平平地既鰻魚便當試下看似好細，好少飯原來都係食唔晒鰻魚冇骨夠熱

What happens when you smash a burrito and a maki into one? It becomes a makirroto. I don't know who made this up but that's what the staff told me when I looked at the menu.Cityplaza has a new food court called Treats with a majority of the stands owned by Maxim. As it was new and I was curious, I had dinner here. The Makirrito stand sells various Japanese style bento boxes along with something they call a Makirrito. You can order a pre-designed one or you can create your own. I was way too lazy

太古城中心大裝修後有個超大既food court 呢間既手卷有現盛既亦都有即點即整既tailor made手卷今次趕時間 試住個現盛既先！可以坐係food court慢慢嘆刺身手卷 $38份量都幾大件 感覺都唔錯不過感覺其實唔太似手卷 比較似大既卷物多d魚生都幾新鮮 不過吞拿魚比較多筋 難於咬開內裡既醬汁都幾好味仲夾左唔少蔬菜 感覺清新另外仲有少量蟹肉 又幾豐富架喎飽肚感還可以啦整體唔錯 可以一試如果可以提供埋紙巾就更加好喇