麥奀雲吞麵世家 (白加士街)

Open Now

Now Closed

見佐敦白加士街麥文大排長龍，即管行過隔離兩鋪~麥奀試吓。麵上檯，擺法正常。先試湯，扎實大地魚味，清，無雜味，濃淡亦剛好。夾起麵入口，爽口，軟硬岩好，一定唔係手工竹昇麵質感，但亦比一般工場貨高質好多。食得出係新鮮麵嚟。爬開麵見雲吞響底，細粒全蝦雲吞係麥奀特色。入口咬開，皮滑，蝦肉的確十分彈牙爽口，味亦夠，但口底胡椒粉味重，似乎佢可能落多咗少少。最後一試韭黃，生熟剛好亦重味，再一次係新鮮嘅感覺。嚴測簡評：整體穩陣, 亦看得出細微位既功架。加上呢碗45蚊碗細蓉有比正宗細蓉略多既份量，其實響而家呢個市道可以話係抵食。