麥奀雲吞麵世家 (樂道)

Open Now

Now Closed

相信有唔少人同我一樣，有海港城嘅食飯券，行到呢一間雲吞麵嘅時候都見到有唔少食客，而且雲吞味好香，因為有coupon所以會入去食。 一碗雲吞麵大約五十幾蚊左右，自己一個食嘅話要加兩款餸先湊夠100蚊 ,可以用券。我叫咗個雲吞麵，加水餃，加牛腩。其實面嘅份量唔多，加嘅牛腩有三嚿，雲吞加埋水餃應該有五六嚿。 其實真係幾好食，平時我唔食鹼水雲吞麵，我都覺得呢碗好好食，同埋個牛腩都煮得好入味，好腍。 問題就係個份量太細，講緊$100一碗粉，如果喺出面嘅話應該飽到嘔，而且會有嘢飲。 性價比唔高。依加我係岩岩好，大約 7成飽 , 講緊我係已經加左 2個餸 如果冇券，應該唔會再食下一次。

一直聽到呢個熟悉的名字，好像很多本地/ 國外的人都會慕名而來，今日LUNCH和同事一起過來試試，在外門等了一會就進去，如果你喜歡湯麵，一定要去這家餐廳！他們的麵條煮得彈牙，湯頭鮮美。簡單的配料卻能展現出最正宗的味道。店內環境舒適，碗麵的確精緻，絕對是一個值得一試的地方。

🍜 嚟嘅時候肚子咕嚕咕嚕叫，一坐到位就點咗個招牌雲吞麵。啱啱好，湯頭熱辣辣嘅上嚟，先嚟個深呼吸，個香味已經十足喇！湯頭我話嘛，清甜得嚟微微嘅鮮味，啖啖都係滋味。麵條走住有勁，掂掂哋，好彈牙，真係一絲不苟嘅工夫。啲雲吞唔大隻，但係每粒都包住爽脆嘅鮮蝦，咬落去彈性十足，個人覺得好正！🦐😋 至於旁邊埋單嗰碟鮮嫩嘅芥蘭，又係重口味嘅好拍檔，啲葉脆卜卜，啲莖又軟熟得嚟唔失綠色，好夾雲吞麵喎。唔多唔少，食嗰刻真係淋到嗲，啲味道，啲色澤，啲口感，嗮樣嘢湊埋一齊，真係值得讚個口好！🍽 然後豬手麵呢，就稍嫌平平，響味上比不上雲吞麵，來的重口味一些，俾我話，就畀雲吞麵嗱嗱聲蓋過去喇。不過，我諗，對於價錢同份量呢方面，你要心裏有個準備，真心是細細碗，味道雖好，但食完咪又餓，買兩碗可能先至掂！總之，嚟嘅時候肚餓，走嗰時候心滿意足。雲吞麵真係好食到擰！但梗係一次過搞掂兩碗啦，齋嗰一碗誠實講，吾夠分量架喎。👍

個人對食物、環境、價錢都冇咩意見。因為一位員工落單時既態度惡劣，只當中伏食一次。本身有日本同事黎想試下雲吞麵，於是黎左食。點知個伙記既語氣好似阻佢收工咁。多謝依位員工，俾我同事知道香港人既工作壓力。4百幾蚊4位，唔期望有尊貴待遇。但都唔期待俾人當殺父仇人咁。 好彩事後有其他餐廳展現到香港人好客既一面。如果店家見到，希望伙記果日如果心情有問題就俾佢休息一下。飲食業請人難，用咁既人我都明。如果你係想去試下雲吞麵既人，我個人建議你食過第二間。

分量比預期少，味道一般，其實是比以前差好遠。留意付款小心。我用手機八達通，要掃他的付款QRcode, 我支付了，但店員半秒已說我沒有支付，還說我沒有正確掃QR,要求我再支付。語氣怎樣不用說。我明明見到我八達通已經扣錢，他堅持說沒收到。我差點再支付，我費事為咗幾十蚊企喺嗰度，最後比我見到佢嘅裝置，已收取費用！電子支付有時間銀碼，我還是要大聲話，我有記錄支付時間，要大番佢！但係佢個QR Code 沒有商戶名，支付記錄只顯示「taxi/small medium sized mechant), 所以佢可以係咁話我冇付款！

下午茶抵食同好食今日去尖沙咀行，4點鐘搵野食，好耐以前已經試過，但覺得吾好食，但條街搵間感覺衛生D有吾覺得，咁就入去啦防疫方面-安心出行同掃描做足夠，-個個包括廚師都戴實口罩，OK啦- 隔板又有叫了一個雲吞麵下午茶同一個淨雲吞淨雲吞（$45）-有7粒細細粒，皮都幾薄幾滑，湯有幾條韮皇，飲完一個鐘都吾覺得口乾雲吞麵下午茶（$49）-雲吞有4粒-麵底無鹼水味，但吾覺得爽油菜- 當然系好細碟啦，但又幾爽幾滑。蠔油又幾好味五花茶- 凍的，好夠味加吾甜，睇個人喜歡，如果喜歡甜就吾得

今日到訪麥奀記。同樣是尖沙咀的麥奀記，發現這一家的定價比海港城平，而且還有$48套餐，包五花茶、油菜和雲吞麵，其實都幾抵食。雲吞麵份量唔多，雲吞有四顆，個子比較小巧，但味道比海港城鮮味，滿有蝦味；而竹昇麵幾爽口彈牙，無太強烈的梘水味，加上美味辣醬，少少刺激唔太辣，十分滋味。油菜嫩綠，油份唔多，健康又清脆。五花茶是正常水平，甜味比較淡，清清地。而淨水餃雲吞一次試吓雲吞和水餃，雲吞比水餃小巧；餡料以蝦肉為主，味道鮮美，但沒有大地魚的香，口感清爽；水餃和雲吞的餡大致相同，不同的是水餃多了木耳，既有雲吞的鮮，口感比雲吞更爽口，但由於兩款都是「奀」的size, 所以吃淨食，是一定唔飽的，作為輕午餐，還是不錯。

去超級市場買些日常用品，途經尖沙咀一小巷，偶遇一間雲吞麵老字號，入坐後卻無心嚮往雲吞麵，決定改吃柱侯牛筋腩麵精選套餐，麵嫩且滑，牛腩及牛筋不冧也不韌，咬下沒黐牙，兩者也有嚼感。這個全日精選套餐真好，雲吞麵一碗配一碟時菜及一杯清熱五花茶，只收港幣48元，而牛筋腩麵精選套餐卻收港幣52元，在尖沙咀區來說這算是合理收費。嘆完麵後行去斜對面商場的超市逛逛入貨，然後再續今晚的約會。

雲吞麵係幾好食，不過真係太細碗，食幾啖就冇咗。我諗我一個人可以食多到兩碗😋😋男仔應該要加多隻糭😅😅✨✨可能細細碗矜貴啲，所以就覺得會更加好味同珍惜😂😂✨✨

呢個我估應該係for人哋食宵夜， 雖然個價錢唔係平， 都挨近60蚊， 但其實所有食物嘅份量都非常細， 女仔都未必夠食， 啲牛腩煮得唔算好冧， 啲幼麵嘅口感好好， 佢嗰碟菜真係得兩條菜， 但呢個餐最吸引嘅地方就係乜都可以食少少， 真係食兩啖麵， 咬兩啖菜， 飲兩啖涼茶， 係非常之迷你嘅餐。 老實講質素我覺得唔係太過吸引， 不過係勝在餐廳嘅裝修同埋擺設係好精緻， 風味古雅， 係坐得好舒服。 食物嘅擺碟同埋色澤都係靚嘅， 雖然個牛腩有啲硬。

光顧了許多次，每次都覺得好好味，質素有保證，雲吞內的蝦，爽口新鮮 ，麵和湯都好夠味，值得一讚的是五花茶，有意外驚喜，味道香濃，又不會太甜，青菜我選擇了放牛腩汁，味道恰到好處，不會太鹹。餐廳環境舒服，不會太擠逼，枱和枱之間有足夠距離，服務員服務窩心，整體感覺良好，會再光顧。

去珠寶商會晚宴前梗係要打打底啦！預計有排都未有得開飯，亦都唔方有啖好食。昨晚灌酒太多仍有點宿醉，要立即來罐回魂曲解解酒，最敝唔夠凍亦無冰供應啊！早午餐一剔過慳水慳力慳返餐。早前巧遇位未見過既馬尾美女侍應，大家有幾次四目交投，搞到我有點害羞添。新來的？兼職的？池記永續排神州客長龍，潮發永續塞滿神州民，最後走到奀仔雲吞檔，大把位唔洗等隨便坐！空氣清新寬敞，乾淨光猛寧靜，客路企理斯文。長途跋涉花足個幾鐘，終於可以坐低嘆杯熱茶。崩杯就不要給食客用吧，危險及不美觀且影響形象。貫徹始終只供應浙醋、豉油、辣椒醬，由細到大都無辣椒油呢！唯一改變的係除雲吞麵外，添加牛腩、豬雜、粥品、等等比大眾食家享用啊！叔叔唔比餐牌我既？諗住我記得所有菜色那麼利害？原來餐牌藏於檯側暗架。被安排到貼牆迷你座位，我這麼標準的健美身形都要有半個身離開張檯，會否太迫太細呢？放碟撈麵、清湯、油菜、熱茶、豉油碟已霸佔四份三張檯，我一個人坐都覺得辛苦呀﹗原來只有銀絲麵及河粉供應，其他一應沒有。飲品都只得豆漿或汽水，不需要複雜一切從簡。沒幾個食客，食得安寧嘆世界，只要不是坐貼牆位就十分舒適。其實我可以食兩個撈麵，都係費事食太飽啦！吉日

作爲一個土生土長既香港人，雖然聼過【麥奀雲吞麵世家】，但一次都無去食過。【麥奀雲吞麵世家】除左係老字號之外，仲要恭喜佢入圍Yahoo! 熱搜餐廳大賞。我地分別叫左京都炸醬撈麵、牛腩雲吞麵、牛筋雲吞同一杯五花茶。京都炸醬撈麵：微辣醬搭配超入味肉絲，好惹味！麵條爽口、而且無鹼水味！仲有搭配清湯一碗！牛腩雲吞麵：牛腩軟嫩入味，雲吞皮薄内餡爽口，麵條就算係湯入面都係好爽口！牛筋雲吞：雲吞皮薄内餡爽口、牛筋爽口但非常入味！不過覺得鹹左少少！五花茶：唔會太甜，清涼降火！味道服務都真係唔錯，只係價錢會比其他麵舖貴D!

朋友去咗雙魚星號玩，落船之後就喺海運呢要搵嘢食，環顧周圍餐廳價格似乎也很貴，後選了麥奀，也聽過他是馳名的雲吞麵老店，喜歡懷舊的我便坐下來點菜，首先最本人認為最好味就是花菇，花菇炆得入味而且也夠大粒很有囗感，其次是豬潤河，豬潤生熟程度亦剛好，湯底很清，除河粉會附上醬油，重口味人士如我便要加一點醬油才夠味！另外亦點了京川炸醬撈面再加牛筋，牛筋太淋，而炸醬也很普通，這一碟比較平平無奇！隨着撈面附上清湯一碗然後到招牌雲吞！細細粒！冇乜味！失望最後到這碟蜆芥鯪魚球！炸得很脆！但也沒甚麼驚喜！二人吃了五樣嘢！聽來很多，但因為每碟也很精緻，所以只是剛剛夠飽！埋單也要三百多元！所以説是貴價平民餐吧！

就如圖所見一碗細蓉少了一份地道食完只有一個結論都係樓下嗰間好味d！份量少，要飽就難d一口雲吞唔係特別大粒但勝在皮薄啖啖肉麵質爽口無鹼味配上湯，不錯唯獨係價錢偏貴，令人卻步