馬六

Open Now

Now Closed

巴東牛肉 88份量幾多，而且牛肉好入味，鍾意牛肉嘅口感，有少少嚼勁。旁邊都有🥜脆花生，同埋脆魚伴仔碟，做法傳統。馬拉盞通菜 38鹹香，通菜炒得夠鮮嫩，唔會覺得老，食起身鹹鹹哋，😙更加有濃厚香料的味道，非常吸引。串燒大蝦(3串) 46🦐蝦都幾大隻，而且好爽口，底下仲有少少沙嗲醬汁比你點，非常細心。芒果冰 18清新冰涼，🥭芒果味出，夏日好解渴。菜上得都幾快，服務態度好，👍職員數量都幾夠，dinner time幾旺人，價格親民，值得一試。

與同事外賣APP叫咗幾樣嘢食如果想食雞胸可以喺Remarks打「要雞胸」啱曬最鍾意食雞胸嘅人油飯就不過不失另外個喇沙湯都幾好味 少少辣仲有個咖央 外賣食都好好食 堂食一定好好食

呢間餐廳黎左好多次，地理位置方便，價錢又合理呢個鴨一啲騷味都冇，而且煮到好淋，肉質幾滑，份量又大！再加埋油飯、魚仔、青瓜等配料，都幾好味😋係一碟絕對回購既菜式！巴東牛肉份量都唔細，牛肉都煮得幾入味，但椰漿份量相對較少，只有本身既汁味，相對差咁啲。用既係椰漿飯，煮得粒粒分明，份量夠大碗，可惜椰漿味偏淡。可能因為我係一個重度椰漿控，所以覺得呢碟菜式既椰漿味偏淡🤔鹹蛋黃炸魚皮味道唔錯，好香鹹蛋黃味，只係唔係新鮮炸岀黎，係凍既，所以溫度不足扣左好多分😪班蘭糕一般，冇乜班蘭味，而且似啫喱，落左比較多粉，唔推薦🙆🏻‍♀️之前叫開喇沙麵、海南雞、肉骨茶，都唔錯，下次黎可能叫番以前叫開個啲😜

叫咗個燒雞配雞油飯，等咗大概10分鐘就有得食，燒雞個皮脆脆地，肉身好滑，勁好食！不過個人覺得如果可以再切細舊啲就更加好，因為佢係將成塊雞扒切成三舊，結果都係要自己切開，就冇咁方便。油飯味道都唔錯，唔會係嗰啲食完成口油。另外因為食午餐，所以唔使加錢就有得飲熱拉茶，熱辣辣，又唔會太甜，我覺得好好味！雖然坐得有啲迫，但係環境都算乾淨企理，最好就係唔需要等位，服務員態度都好好。不過俾錢就要現金或者八達通，好彩早兩日入咗錢喺八達通度

我曾經到店舖光顧及兩次叫送遞的飲食體驗,肉骨茶味道很不錯,沒過份的藥材味,有肉骨及其他食材煲出的鮮甜味,味道恰好,海南雞肉嫩滑,唯欠雞不太濃郁的雞味,相反茶燻鴨的香草味及肉味很好,鴨比雞更討好,蘿蔔餅不過不失,咖喱角有豐富的咖喱醬夾雜薯蓉及雞肉,味道很好,咸蛋黃魚皮很好吃,咸蛋黃雞翼如果是雞中翼,會令食客更滿足,單骨雞翼沒有肉食,喇沙湯底很淡,不夠濃味,有點失望,雞油飯很美味及入味,整體來說都令人感到非常滿意.

今日同老公去做嘢，係附近搵野食…呢頭唔熟路，好似冇乜地方食😮‍💨食物大蝦喇沙摻摻個份量有好多！食完勁飽！啲魚旦魚條好彈牙個喇沙好多味，辣到係咁流鼻水🤣豆卜又滲晒啲湯！娘惹茶薰鴨配雞油飯勁大舊鴨胸！啖啖肉加上脆卜卜花生🥜再加青瓜片，勁清新，又冇咁膩新加坡咸蛋黃魚皮呢個真心好食😋要加$28都要食😆啲咸蛋黃流沙沾滿成塊魚皮❤️脆卜卜！叫左2份，留一份俾哥哥放學食😆因為佢上次話好掛住chok chok 聲魚皮但唔係道道地方都有得買🥥椰汁冰、美祿恐龍🦖個椰汁冰真心好飲❤️好有椰奶味！飲完透心涼美祿恐龍🦖就好濃嘅朱古力味😋服務可能因為係老人區，個個職員都好有禮貌，同細心解釋。一入去嘟安心岀行，但有啲老人家唔識，就等佢哋坐定之後拎表同筆俾佢哋填。另外有啲老人家要lunch 驚teatime少，落單姐姐就解釋下午茶平啲 ，但份量同午餐一樣多。👍🏻其他因為唔熟路，所以搵OpenRice ，先發現個muen 唔update🙈

🥰自選套餐真的太抵食！今天下午和friend來到這一家馬來餐廳，被他們的肉骨茶吸引了🤤。我試了正宗巴生肉骨茶，🐤配雞油飯。肉骨茶的分量很足，有很多塊豬排骨，加上濃郁的中藥湯味，🐷非常入味，而且調的味道正宗，有香料的味道，吃起來更加可口。🥢小吃方面，我們試了一下他的古法雞翼，吃起來香脆，😍肉質鮮嫩，很好吃。他的桔仔話梅水🍊都很不錯，酸酸甜甜，非常開胃，🧡而且有新鮮的橘子，喝起來口感更加清新~

收工趕住去上堂，嚟到石塘咀附近唔知食乜好，就決定試下呢間新加坡菜餐廳。諗左好耐，最後決定叫個自選套餐，有主菜、小食同飲品，價錢亦唔算好貴。馬六無骨海南雞飯海南雞既肉質好嫩滑，一啲碎骨都無。三種調味料各有特色，我就鐘意一次過點哂三款醬汁食。米飯色澤金黃，仲有啖啖油香。新加坡咸蛋黃魚皮原來係炸好左既魚皮再淋上好多咸蛋黃醬。個賣相真係極邪惡，但就好香脆。美祿哥斯拉食新加坡菜當然要飲美祿喇！美祿上鋪滿美祿穀物脆片，既美味亦十分有咬口。

.📍馬六 📍香港西環石塘咀皇后大道西513號尼斯花園地下B舖懶人自己一個去餐廳永遠只會點套餐😂海南雞飯(92hkd)雞湯不會過咸，微咸微咸的感覺，喝完不會很口渴，雞是無骨的，做的很嫩滑，即使沒加錢upgrade雞髀也很嫩，配上我最喜歡的辣醬，輕輕鬆鬆又KO了整份雞😂飯吃起來很香，莫名有種椰香的味道，令飯好似多了一種層次🥰咸蛋黃魚皮(配餐)魚皮本人超級脆，外面裹了一層厚厚的咸蛋黃醬，可以吃到咸蛋黃獨有的沙沙口感🥰不會過咸，每一口都是大滿足🙈好邪惡，只好邊吃邊和自己講明天再減肥吧😂喜歡咸蛋黃的人絕對不可以錯過😂凍美祿哥斯奶(+8hkd)平常美祿恐龍大家都很常喝，但美祿哥斯奶有我超喜歡的美祿波波😍又可以喝又可以吃，大滿足，而且美祿粉也加得很大氣，味道很濃😍#foodiblum東南亞

今晚同朋友嚟到西營盤呢邊打卡，見到呢間馬來西亞店，新淨得來，菜式吸引❤想轉下口味，所以過嚟試吓啦🥰檳城蝦麵🦐除咗有大大隻蝦仁之外，仲有豬腩肉，豆卜，同埋流心蛋，食落去好豐富，湯底都好鮮甜！咖喱角香脆，層層酥皮嘅感覺，真係好吸引~蝶豆花飲品好打卡，又有🥥椰子香味，斑斕椰子冰天然嘅深藍色，同樣好驚喜🥰我哋試咗蛋黃多士同埋榴槤多士，兩個口味都新奇，好少見🤓而且多士兩邊都烘過，所以好香脆，夾埋香甜嘅餡料一齊食，非常滿足👍

疫情期間無得去旅行✈️，就去呢間餐廳食馬來西亞菜啦，hehe😚。下午茶套餐附送餐飲🥤，不另收費，特色飲品加$8。order 左2份套餐。巴東牛肉🐂椰漿飯🍚綠色造型頗鮮艷😆，份量足夠。牛肉🐂鮮嫩，牛肉汁ok，味道濃郁; 但椰漿椰子🥥味可以濃一點會較惹味。溫泉蛋🥚配班蘭多士🥪，多士香脆，班蘭好足料，配埋溫泉蛋🥚好特別。各加$$8 order 左2杯飲品🥤，美祿哥斯拉，和凍椰子斑斕冰。美祿哥斯拉佈滿Coco balls，外型cute cute🥰，美祿味道香濃。但凍椰子椰子🥥斑斕冰椰子味就略嫌不足，希望店主改善下喔😘餐廳環境唔錯，乾淨舒適，職員頗有禮貌，食物質素都唔錯，要俾個like 👍🏻 會再幫襯😃

已經幫襯過無數次....無骨海南雞飯🐔🍚係我必然之選!😍😍😍今次選擇外賣... 感覺外賣同堂食嘅份量差不多! 我揀左無骨海南雞飯拼喇沙!除咗雞翼部份有骨之外... 呢度嘅海南雞肉質嫩滑... 一啲都唔嚡! 海南雞配埋黑醬油、薑茸、辣椒醬... 真係一流! 而且雞油飯又好香... 好perfect!👍👍👍配嘅嗰碗喇沙好地道... 有半熟蛋... 豆卜... 魚片etc... 味道香濃... 食過翻尋味!😋😋😋

今日同女朋友係西環搵食經過呢間馬來西亞菜就被吸引左入去決定試一試餐牌好多選擇，除左散叫亦有抵食既套餐種類很多，有小食，喇沙米線和飯馬六無骨海南雞飯拼新加坡喇沙一個盤裝住我2個願望海南雞無骨，皮滑肉嫩，熟度剛好點上3種醬汁，各有不同風格口感好豐富油飯好香口，同雞味道好夾！喇沙湯底濃厚，好惹味檳城傳統老鼠粉呢個菜好特別，好有特色老鼠粉唔容搵得到地方有得食口感好好，成碗同配料撈均之後好香食到停唔到，推薦！咖吔多士(斑蘭)非常邪惡，有一塊厚切牛油加上滿滿既斑蘭醬好滿足

好鐘意食喇沙, 海南雞, 油飯呢啲東南亞新加坡菜, 但有水準既真係唔多!🤔 喺西環有間 "馬六" 就非常唔錯! 環境好闊落, 服務都好好, 不論小食, 主菜, 飲品都好多款式, 但最緊要係正宗同好好食!😋🍜新加坡魚丸魚條喇沙滲滲-- 味道少少辣, 配料好多, 湯底好香濃, 正!🍚馬來燒雞配雞油飯-- 燒雞非常超級厚肉, 皮脆肉滑, 超好味! 雞油飯唔油, 好想食多碗🐟新加坡咸蛋黃魚皮-- 魚皮非常薄, 好脆口, 咸蛋黃味好濃, 魚皮完全沾上, 非常推薦!🍞榴蓮多士-- 半小片牛油 + 榴蓮醬, 做飯後甜品一流!🧃香茅橙-- 特別既香茅味 + 橙味, 好 refreshing!

意志消沉時，一碗好食既喇沙可以燃燒起你既tamashi。當生活苦悶，連街邊刺鼻既拜神味都可以令你覺得香時，突然覺得要食返d有味道，具刺激性既野。本來想食隔離壽司，但見佢未開，就黎食呢間好耐無黎既馬六。呢個舖位易手多次，上次黎仲食到肚痾（唔記得係上一手定馬六）好彩今次無事。店內好多人叫左海南雞飯，應該唔錯。但目前唔想食飯，所以叫左碗海南雞喇沙+凍馬來拉茶喇沙一上黎就聞到好香，有時生活就需要呢d物質上既小刺激，同時提醒自己要面對現實。好多時我地面對既緊張壓力抑鬱孤寂，都係自己既想像，而食物既香氣正正如當頭棒喝，敲醒你呢點。所以食完係勁精神！好講返碗野，海南雞非常嫩，令我下次想食海南雞飯。喇沙湯底非常香，濃郁既椰汁味，食落又唔會太辣，恰到好處。麵我叫左「掺掺」，即係幼麵加油麵，食落口感都唔錯。奶茶非常香滑，同港式奶茶好唔同。食喇沙呢類食物一定要配凍飲，凍奶茶係好好既選擇。無事我返出去做野先。