馬拉Go (Closed)

見紅磡土瓜灣果頭開左新商場啟岸巷子，仲有條日式美食街好多燈籠好有feel😚一樓有間新開既馬拉餐廳，個2人set都幾抵食，就試下先🙌🏻👫🏻滋味2人套餐 $248(小食拼盤、櫻花蝦時菜、主食x2、飲品x2)🍱小食拼盤、櫻花蝦時菜拼盤有南乳雞翼、鳳尾蝦網米春卷同炸雞粒各2件，雞翼同鳳尾蝦🍤都炸得好香脆，雞翼大大隻幾juicy，如果鳳尾蝦有個醬點下更加好啦😛🍜檳城蝦麵(滲滲)配料有蝦肉🦐、蜆、蛋🥚、豆卜等，湯底微辣有好濃蝦味❤️不知不覺飲左好多湯😋豆卜吸哂味最正，麵係滲滲(油麵+米粉)，配埋芽菜一齊食口感好豐富，呢個唔錯唔錯🐥怡保芽菜雞配飯配一碗雞湯，雞去左骨，肉質夠哂嫩滑，點埋黑醬油/薑蓉/辣椒醬正❣️另外特別要講佢個雞湯，平時通常係d好淡既清雞湯，但呢度個雞湯好夠味同好清甜😋真心好飲! 如果個飯係油飯而唔係白飯就更好啦👏🏻☕自家製樽仔奶茶/咖啡茶味好出，微甜，2款都幾唔錯👍🏻🍃班蘭椰絲卷 $48第一次食呢款甜品，外皮係煙煙靱靱既班蘭皮，裡面包住椰絲，幾特別😽Overall餐廳唔大，見都幾多人叫🐼外賣，見到外賣app叫外賣原來更加平🤣食物食得出幾用心製作，另外下次要試下佢地個肉骨茶好似幾正咁，建

朋友新屋入伙，去左參觀之後一齊落樓食飯，我地揀左馬拉菜！揀左個２個餐！先黎個肉骨茶 - 真材實料，入面有一字骨、蒜、冬菇、淮山等～另外雖有藥材成份，不過味道偏甜好飲，熱辣辣飲就最岩，好正！另外點左個怡寶芽菜雞配飯 - 芽菜肥嘟嘟好可愛，而雞肉份量多又啖啖肉，食落仲好嫩滑！必食~個餐仲有小食拼盤、櫻花蝦時菜~小食拼盤有好多小食， eg. 雞翼、炸蝦餅、墨魚蛋等!雞翼外脆內嫩，而蝦餅好彈牙，真心唔錯!櫻花蝦白菜好fresh 好健康，食完一條又一條～最後仲有2杯飲品, 我地揀左咖啡同奶茶~味道都唔錯丫！

咖沙湯底味道一般, 感覺比toastbox 過差一點, 唔駛同Ramphal Noddle 或者果子比較。但價錢不比後兩者名店便宜。雞飯如expected 分量小，唔係唔好食, 但火候是過了火，肉同皮都好林，土瓜灣紅磡附近太多好食海南雞(勇X, 可可X), 依個質數冇得鬥, 但佢賣價錢仲貴過人。唯一好的是個雞湯，還可以。

係土瓜灣剪完頭髮行過啟岸見到呢間新開嘅餐廳，主打馬拉菜，睇完餐牌d野都幾岩食，就係到食埋晚餐😆🌟 亞參酸辣叻沙 用左大量魚蓉做成嘅湯底，加入帶有酸味嘅亞參，酸酸辣辣嘅魚湯，飲落特別開胃，湯底只係帶點微酸，比較容易入口，唔似馬來西亞嘅叻沙咁重口味，比較岩香港人口😝配菜有石斑、魚旦、蝦、蛋、芽菜、菠蘿，相當豐富🤩🤩🌟紅咖喱牛肋條紅咖喱味道香濃，牛肋條亦煮得好淋好入味，仲有薯仔做配菜，個餐本身跟左白飯，但又想試下馬來西亞烤餅，所以加左份烤餅配咖喱一齊食，烤餅好酥脆🤤🌟雞肉班蘭串 & 南乳雞翼雞肉用腐皮包住一齊炸，外脆內軟，仲有斑蘭嘅香味😚南乳雞翼炸到好香脆，好juicy好入味😋🌟咖央多士超愛馬拉嘅咖央多士，面包用左麥脆包，係專程係馬拉訂貨，唔怪得特別香脆，味道咁正宗，多士夾住斑蘭醬同牛油，味道甜甜地好好味☺️☺️🌟 自家製樽仔奶茶跟餐半價，奶茶係自家製，茶底香濃，有d似泰奶嘅味道😋🌟 話梅柚子梳打柚子梳打加埋話梅又幾好飲，飲落咸咸地甜甜地餐廳座位雖然唔多，但老闆好親切，每枱用餐完都送上馬拉糕比客人😍😍

馬拉Go 地址：土瓜灣馬頭圍道63號啟岸巷子1樓8號舖第一次去土瓜灣，估唔到土瓜灣都有間平靚正新開嘅馬拉野🤩~福建蝦湯麵(滲滲)🍜$88聞起有好香嘅蝦味，一飲啖湯真係好飲到出唔到聲😍，湯底香濃鮮甜，啖啖都飲得出濃濃蝦湯味，再配上BB級嘅辣道😚，真係好鮮味爽口，好飲到我成碗湯都飲曬去，再加上配料有少少芽菜、蝦肉同蜆肉等，食落幾有質感好野味😜，口感不錯，正。肉骨茶🥘$88作為餐廳自家秘方嘅肉骨茶，味道真係好濃郁🥰，肉骨茶啖啖都帶有藥材香味偏甜，成碗湯飲完都唔會口渴🤤。肉骨茶配料真係好十足，有一字骨、冬菇、淮山等等等，全部都好入味好稔，不錯。🤩小食拼盤🍱$88呢個拼盤分量十足，一個價錢已經食到雞翼🐥、手打炸蝦餅🦐、墨魚蛋等，好岩有選擇困難嘅我。唔好睇佢好似好平常咁，其實佢樣樣野都好好好好食，當然我最難忘係雞翼和炸蝦餅。第一次覺得南乳雞翼咁正👍🏻👍🏻👍🏻👍🏻，南乳雞翼好香南乳味而且炸到外脆內嫩滑，啖啖都好香口，正🤤！蝦餅真係好好正，蝦餅炸到外脆，入面充滿好好好多彈牙手打蝦肉，仲要食得出好重鮮蝦味，正🤤👍🏻！斑斕卷🍡$48斑斕卷用料好豐富好厚實，啖啖都有好重斑斕椰絲味😚，好有層次感而且又唔會太甜

本身我都鍾意食馬拉野，間中都會去食下蘇媽，今日同老婆阿仔經過啟岸巷子一樓，發現依間馬拉GO，首先係俾佢有特色嘅裝橫吸引咗，打咭一流，再望下Menu見有我鍾意食嘅喇沙面同咖央多，即刻入去試一試。我同老婆叫左 亞參喇沙摻摻同橫城蝦麵，兩碗麵嘅擺盤好靚，睇得出好有心機，唔係流水式作業，麵條係用油麵同米粉混合，配上濃郁既湯底同新鮮食材，味道係正嘅🤤，食完一啖即係想追下一啖我地再加咗南乳雞翼，唔係間間馬拉野都可以有得order，食碗湯麵再加個脆口小食，係滿足嘅其實食完麵同雞翼已經飽飽dee，是關份量都好足料下，同埋湯底正所以都飲左好多，但都忍唔住最後叫埋咖央西多當甜品🤣，又係掂👍🏻小店新開張，做每樣食物都係用心做，識食客人點會食唔出，我地慢慢飲埋杯，影下相打下咭，見店鋪都愈黎愈多人就埋單走人，一定再幫襯😁

早2晚同朋友喺紅磡上完堂揾食，發現啟岸一樓開咗間馬拉小店，應該係啱啱開張，門口仲有幾個花籃，見佢企企理理就入去試吓。我哋叫咗蝦麵，海南雞飯，仲有小食。味道唔錯，份量又足，男仔食都夠飽，雞飯個湯仲好濃郁，真係想飲多碗呀!我哋用餐期間都不斷有客入嚟。我同朋友已經約定下星期放學要再嚟試埋其他野。特別要提吓店內有塊特色牆好靚