Mama Mia! Pizzeria (Moved) New Location

見openrice咁多好評，特登黎試，點知食到一肚氣。order左四塊唔同味既slice,全部都唔熱，攤左好耐咁。D料又薄it it,又乾又硬，請自己睇下D相。仲衰過超級市場D急凍pizza。都唔知自己食左D咩落肚。😡係我食過最難食既pizza。😠😠😠連最基本既焗返熱塊pizza先上比客都做唔到，仲要係張poster度寫住即點即做，有無搞錯？成餐最好味係罐可樂。我唔明點解有人話好食。打算黎食既我真係唔推薦

呢間pizza 我一直有幫襯，味道好好，亦推介俾朋友，但今次...叫咗外賣，準時出貨唔駛等，但一打開......兩個pizza 都燶哂，完全唔係平日個質素。即打去跟進，態度唔講喇，完全無諗過要送返俾我，叫我行九條街返去換，算啦。又燶又乾...

放工去咗舊同學喺九龍城嘅屋企睇波⚽️，由於趕時間就拿拿臨買外賣上去食。佢嗰度附近有間薄餅店「Mama Mia! Pizzeria」，唔係連鎖店嚟㗎喎，就一於試吓。店舖主色係鮮黃色💛，好易吸引途人嘅目光。即使佢專做外賣，但都有提供少量座位可以堂食。餐廳中間有個櫥窗展示咗唔同口味Pizza嘅模樣，感覺好過睇字。呢度主打薄餅，除咗有指定款式之外，仲可以自行選擇配料同芝士，製作獨一無二嘅口味👍。另外，餐廳仲有賣沙律、意粉同小食。價錢中矩中舉，比連鎖店稍貴。我哋三個人叫咗一個薄餅、一碟意粉同一份雞翼，份量啱啱好👌。MAMA MIA!薄餅($138/9吋)，🍕薄餅可以揀9吋或者12吋，我揀嘅呢款係餐廳招牌，亦係比較傳統嘅口味。因為食材用上莎樂美腸、意大利辣肉腸、香腸、牛臉肉同蕃茄醬🍅。Pizza餡料幾多，芝士亦唔少，餅底就幾有口感。蒜油大蝦意粉($98)，🍝蒜油意粉蒜香味強，每條麵都好有光澤。麵條偏粗身，質感幾煙韌。不過蝦肉就麻麻地，整體一般啦。余均益辣味雞翼($78)，嘩好特別喎，寫明用上香港品牌余均益辣椒醬🌶。雞翼其實係水牛城整法，外皮沾上辣椒醬，微微辣幾惹味，而且仲好正宗配埋藍芝士醬添。總括嚟

自從有地鐵去到九龍城去九龍城食野就方便左好多 畢竟九龍城有大量美食🥳今日去九龍城見到呢間「Mama Mia! Pizzeria」好新派Pizza種類好多 仲有得自選配料決定買回家同家人一共享用😋😋羅勒青醬雞肉薄餅  9吋 $118 / 12吋 $138青醬系列一向我都好喜歡😍但食青醬Pizza 就未試過 我決定買呢佢試試佢食落去有香蒜味同濃濃芝士芝士採用左水牛芝士同Feta Cheese再加上雞肉同松子 口味豐富脆口Pizza 仲會配埋青醬 比你點住食👏🏻清新可口👍🏻👍🏻蒜油大蝦意粉 $98意粉即場煮 拎回家都仲熱辣辣😝有四隻虎蝦再加上蒜片辣椒、羅勒同橄欖油香蒜味同羅勒味濃郁 帶點微辣 幾惹味😋燒烤醬雞翼 $68一共有5隻雞翼 雞翼全部係烤過的再淋上滿滿既燒烤醬汁最後加埋香草 味道充滿層次好入味  正阿🤤🤤📍地址: 九龍城獅子石道44A號地舖📍

Takeaway lunch with the KlnCity gang. Ordered 2 large pizzas to share: 4 cheese and pepperoni. Still piping hot. We reheated on the frying pan anyway. In general, crust was crispy, biscuit-like. I liked. Came with 2 servings of garlic Mayo. Not really necessary as the pizzas tasted good on their own. But I dipped with the broccoli that we made ourselves. Good.Pepperoni one was too spicy for me.4 cheese was scrumptious and rich. In summary, thrilled to have a serious pizza joint in the area. Will

九龍城即將變天，終於有港鐵站直達，幾日後去九龍城食野或者買外賣番屋企好又方便快捷左。獅子石道新開Pizza 小店Mamamia Pizza 肯定係不能錯過，外藉廚師坐陣每日鮮製Pizza, 件件麵團都搓過拋過，無論係味道定品質肯定有QC 過。Mamamia Pizza最不能錯過肯定係鎮店之寶Mamamia Pizza吧， 薄餅配料超夠豐富剩係腸已經有兩款，沙樂美腸意大利辣肉腸香腸，加埋牛臉肉同勁大量Mozzarella Cheese, 夠多夠拉絲，又有腸的咸香。餅底外香脆內煙韌，有麥香，唔會肥淋淋，好食。除咗pizza， 仲有各類主食pastor同小食，蒜油大蝦意粉，大蝦很鮮甜，蒜汁煮得入味，意粉彈牙又爽，最喜歡其香濃的蒜香，讓人食過返尋味。燒烤醬雞翼 仲有燒烤醬雞翼 ，的確好吃到吮手指，燒烤汁酸甜開胃卻不會太over, 雞翼肉白多汁唔乾柴，perfect!

有次同朋友係九龍城聚會叫到會，叫左D pizza 勁好食，今次來到九龍城特登來呢間pizza 店食晚餐。Pizza 店偏外國style, 細細間位置不多，但基於呢度多數都係叫外賣多，所以好好彩有位坐。收銀姐姐好nice, 幫我們好快落左order，亦都比下意見我們邊個比較popular, 好讓我們選擇。我們選擇了一個義大利🇮🇹辣肉醬薄餅，係偏spicy的，再來一客蒜油大蝦意粉同一份燒烤醬雞翼，未幾好快有得食。所有都係新鮮出爐熱辣辣架，點解咁鍾意個pizza , 因為外面脆脆的，而且好有口感，pizza 仲要有厚厚的芝士，濃郁好味，同平時食開既相比係更好味的。蒜油大蝦意粉就有兩隻大蝦，仲有其他少量蔬菜，份量不算多，但勝在味道也不錯，兩個女仔share 都夠食的。需燒烤醬雞翼就好好味啦，香噴噴的燒烤味，雞翼是烤出來的，好似食緊bbq 雞翼咁，好有風味。呢度野飲自助機可以選擇，如果想要唔凍既可以問收銀姐姐，佢都會幫到手，整體來講感覺不錯，下次會再幫襯。

今日想吃pizza，朋友介紹左九龍城新開的一間鋪頭，店鋪不大，我決定打包帶走，pizza係即叫即焗，需要等候15分鐘左右，而且博餅盒有透氣小洞，帶返屋企都唔會因為水蒸氣嘅問題影響薄餅嘅香脆口感。我嗌左招牌MAMA MIA Pizza！有3種不同嘅香腸，莎樂美腸，香腸，意大利辣香腸，用番茄醬，芝士，牛肉塊一起焗，味道不錯。還有份香蒜醬醬料，用來薄餅邊沾來吃，酸酸哋，幾好味。嗌份蒜油大蝦意粉，意粉煙煙韌韌，好彈牙，大蝦都有好多隻，醬料香香辣辣，啱我口味。小食嗌燒烤醬雞翼，燒烤醬好正，外皮吸收左醬料嘅味，好好吃，雞肉嫩滑，好鐘意。

今日屋企唔煮飯就嚟左呢間新開嘅pizza專門店買外賣返屋企食~一入到鋪頭就見到好多pizza display係到🙉 鋪頭亦有少量座位可以堂食MAMA MIA!招牌薄餅 9’ $138我地就叫左個招牌pizza~ 係蕃茄醬做base 配料有Salami腸 意大利辣肉腸 香腸同埋牛臉肉~薄餅厚身又啖啖肉😋加埋滿滿既cheese 仲配蒜蓉香草醬 平時食pizza既時候好少會點醬 原來點左醬之後會好juicy! 食到薄餅邊唔會太dry 💕所以食落有驚喜 蒜油大蝦意粉 $98虎蝦爽口彈牙 意粉亦煮得岩岩好 食落好仲有好香羅勒味 蒜香味亦都好出😋燒烤醬雞翼 $68一份有5隻雞翼 每隻雞翼都沾滿左燒烤醬汁好惹味🤩食落口亦都唔會太乾身

難得女朋友話想飲下酒chill下，所以我特登喺九龍城買咗Pizza🍕返屋企。.🍝蒜油大蝦意粉$98每條意粉都沾滿蒜油汁，香氣十足。大蝦份量唔少又大隻，爽彈鮮味。.🍗燒烤醬雞翼$68雞中翼大隻厚肉，沾滿鹹鹹甜甜嘅燒烤醬。.🍕牛肝菌薄餅$118蘑菇、牛肝菌、冬菇，三款菌類烘站後各有獨特香氣。蘑菇、冬菇口感爽脆。芝士🧀味道帶鹹香但唔會掩蓋菇類嘅味道。.整體味道比想像中吸引，而且仲唔油膩偏健康。😆🤤🥰😋

今日去左九龍城做野見到一間pizza好似新開 睇落唔錯仲有個下午茶餐好平 幾吸引不過去個時已經過左鐘 唯有下次先再試買左個9吋pamaham pizza 一個意粉同雞翼番屋企食因為番到去都晏左d所以凍左d 用焗爐再reheat番少少reheat完都好好食有平時pizza hut個d唔同呢個係比較軟身少少 麵粉味比較出pamaham 份量都唔少 加埋rocket 一齊食食左2件都唔會太漏太飽 正蒜油大蝦意粉大蝦都幾好隻 仲有好幾隻加埋用左唔少磨姑 同蒜油一齊煮得好香 都唔差bbq雞翼屋企人鐘意食雞翼叫左呢個bbq 醬好惹味 煮得好入味食唔停口好多小店都幾有心做 比心機發掘下 有機會有驚喜

九龍城除左泰國菜，其實仲有其他選擇！今晚就試左一間新開嘅Pizza 店。 店舖地方雖然細小，但聰明地用黃色門面，好搶眼，離遠就見到。今晚外賣自取 , 12吋意大利辣肉腸pizza。可能係時間尚早嘅關係 （下午5點幾），客人唔多，由落order 到取餐，等候時間只係大概20分鐘左右。Pizza嘅賣相好靚，外表滿分！芝士味好濃好香！ 不過，個人就略嫌個批底唔係好夠脆，淋身左少少。整體而言，係好食嘅，會再幫襯。下次會試吓其他款式嘅pizza同小食。

九龍城開左間pizza好好味因為附近冇乜地方賣Pizza而我自己又好鐘意食！見到新開即刻快去試🏃‍♀️店舖只有少量坐位我就叫外賣返去食！Four Cheese pizza 9吋 $118一直係我最愛嘅口味好香濃，又可以拉絲！9吋夠2-3個人食啦燒烤醬雞翼 $68有超多燒烤醬,不過唔會好咸而且咁樣焗雞翼保持濕潤肉嫩卡邦尼意粉$88鍾意食芝士嘅一定會揀卡邦尼意粉🍝一啖食落口都系滿滿既蛋黃同芝士味，意粉又彈牙！

由星期一忙到星期五，終於放工，攰到唔想郁，唔想煮，只想攤喺度，上網煲下劇，做個廢人😁喺我躺平之前，阿妹打電話嚟話要食pizza,仲要指定嚟呢間，用咗好sharp嘅黄色做主調嘅店舖，離遠都望到好易認👍小舖向街嘅方向，有一個自助點餐機，介面簡單易用好方便，落單後大約15分鐘就可以拎到😘喺香港樣樣都要快，呢個等候時間好合適呢😄牛肝菌薄餅加配黑松露醬呢個用Rose Mary、牛肝菌、蘑菇、水牛芝士、黑松露醬製作的pizza,未食已被佢香味吸引，餅底鬆軟，覺得比連鎖店更勝一籌👍蒜油大蝦意粉蝦肉結實，意大利粉充滿蒜香橄欖油，有光澤而不油膩😋余均益辣雞翼余均益辣椒醬出名夠辣，用嚟炮製雞翼好惹味，越食越辣，越辣越想食，下次要買2份至夠🤣

Feel like craving for a pizza take away evening tonight . Living in neighborhood of Kowloon City , to be honest there aren’t many pizza options. Luckily , we drove pass and found this new place, Mama Mia! Pizza. MAMA MIA! Pizza $138Tomatoes Sauce, Salami, Pepperoni, Beef Cheek Beef cheek is a bonus to the pizza. such an superb recipe. Beef cheek is so tender with a deep and rich taste of beef. Lovely pizza. Garlic Prawns Spaghetti (Mild Spicy) $98There is a touch of chili taste to it , which mak