媽咪雞蛋仔 (Closed)

媽咪雞蛋仔，成日聽人講就聽得多!! 但其實我冇試下佢有幾好食，所以個日出開，然後經過見到，就決定一定要買黎食!!因為嗰陣時我真係好肚餓🥺所以好想食好多野，仲要見到佢餐牌有咁多口味選擇🥲吸引到呢~ 然後一路揀嘅時候，一路聞到雞蛋仔嘅香味😂😂好肚餓!!我最後揀左朱古力味🥹🥰因為我個人好中意食朱古力～特別係唔同朱古力嘅食物😆😄佢啲雞蛋仔真係即叫即整😘一攞出嚟，超級熱辣辣😆😆然後佢每一粒都好多朱古力🥺充滿朱古力味～真係好好食～又唔會太甜，唔會食到好漏!! 推介

Sogo 近排大減價，放假走咗去執平貨，臨走經過媽咪雞蛋仔，聞到陣陣蛋香味，吸引我想食返底。望住個餐牌，有好多款創意味道揀，平時我都喜歡食朱古力和飲咖啡，就揀咗咖啡朱古力味雞蛋仔。雞蛋仔係即叫即整，用咗好靚嘅有孔外賣袋，就算放耐一陣都唔會林。雞蛋仔食落咖啡味好重好香，雞蛋仔都係外脆內軟，口感甚佳，雞蛋仔裏面都有朱古力粒，熱辣辣食仲有流心效果添！買雞蛋仔或格仔餅。即可減4蚊購買飲品，揀咗鮮榨檸檬水，健康又清新，味道唔會好酸。

疫情唔可以係街食嘢，外賣雞蛋仔最怕焗到「淋」曬，好彩媽咪雞蛋仔有個超美的手抽透氣紙袋載住，就算隔咗一段時間，雞蛋仔依然保持外脆內軟，超美味! 媽咪雞蛋仔有多款口味，今次點了超邪惡的抹茶朱古力口味，選用日本丸久小山圓的抹茶的抹茶朱古力雞蛋仔，遠遠已經聞到抹茶清香，一口咬下溢出流心朱古力，甜而不膩，再加配一杯熱檸檬蘆薈蜜，清甜滋潤，食到停唔到口呢~忍唔住，順便單點了一客抹茶金莎醬的格仔餅同好友齊分享，見到鬆軟的格仔餅內滿滿的金莎醬，配合粒粒的意大利榛子粒，與帶來意想不到的口感。

放假同阿女去銅鑼灣行街食嘢，行過希雲街見到媽咪雞蛋仔，我哋係雞蛋仔迷，立刻上前買返底食，店內雞蛋仔有多款創新味道，用料新鮮，即叫即制。伯爵茶朱古力雞蛋仔：選用英國百年Twinings伯爵茶茶葉製作，伯爵茶味道芳香濃郁 ，雞蛋仔中加入大量粒粒朱古力，香甜朱古力中散發出濃郁雞蛋香，外脆內軟又有朱加力碎增加口感，超正！即時購買還有優惠。熱抹茶牛乳：抹茶的味道總令人難以抗拒，把濃厚抹茶配上熱牛乳，郁醇香滑，美味可口！

放工突然想食雞蛋仔, 專程行去希雲街「媽咪雞蛋仔」買黎食。呢間連鎖式專賣雞蛋仔、格仔餅嘅外賣小店遍佈全港九新界, 人氣爆燈! 所有雞蛋仔即叫即整, 熱辣辣送到手中。多款口味雞蛋仔供應, 追加飲品照價減$4揀咗一款期間限定嘅紫薯口味雞蛋仔 HK$38雞蛋仔烘得微脆脤卜卜, 每粒雞蛋仔都有唔少綿密甜甜地嘅紫薯餡料, 口感滿足又飽肚。熱抹茶牛乳 HK$26牛乳香滑, 抹茶味濃郁冇澀味, 熱飲暖胃, 冬天飲更加good fit。雞蛋仔口味選擇多, 食多幾round都唔會厭~~~

係雞蛋仔入面加左唔同既原素，多左唔同口味，唔似原味咁單調，真係好好好推介朱古力！好好食！甜甜地口感都豐富！店員都好，整體全部都好好，衛生方面比其他地方都做得好好！

媽咪雞蛋仔真係由紅磡開始食，越食越多地方有得食，而且味道越來越多，連包裝都高級埋！以前無咁多味既時候，朱古力同芝麻味係我的至愛，依家竟然出埋伯爵茶朱古力味😍😍😍一上手暖笠笠🥰一咬落去，外脆內軟，而且好香伯爵茶味同埋朱古力的甜品❤️真係好好食！令人忍唔住一粒接住一粒咁食。食到一半先醒起叫左杯熱咖啡😂飲埋咖啡，奶味濃厚，配埋雞蛋仔食真係一絕！👍食完雞蛋仔同飲埋咖啡都已經好飽，見到佢仲有格仔餅，已經諗好左下次食金莎醬格仔餅！相信都好好味🤤🤤🤤🤤但今次真係太飽🤭

媽咪雞蛋仔分店愈開愈多，單係雞蛋仔超過20款口味有鹹有甜！仲有格仔餅🧇 今日出去銅鑼灣買野就被吸引了！即叫即整，要比啲時間耐心等候睇餐牌既時候已經心大心細最後決定嗌一款雞蛋仔同一杯野飲雙重芝士雞蛋仔 $45外皮烘烤超讚，雞蛋仔成功做到外脆內軟(•̀ᴗ•́)و邊位之間整得超脆蛋味幾夠，紮實一粒唔係空心但唔會太過厚蛋漿，雙重芝士有鹹香既味道 ，帶有少少甜味，幾正喔~(˶‾᷄ꈊ‾᷅˵)~手抽紙袋底部有洞洞既設計，令即製雞蛋仔唔會焗住變淋之餘仲疏到氣，保持香脆，幾貼心凍檸檬蘆薈 $18 （跟餐價）味道酸酸甜甜 配埋雞蛋仔清新解膩🍋

媽咪雞蛋仔水準一如既往都係咁好💯有咸有甜口味眾多，最近仲出左萬聖節限定🎃雞蛋仔配m&m花生朱古力豆同Skittles彩虹糖，價錢$35/底，不過今日想食咸，所以都係下次先試🤣肉鬆白芝麻雞蛋仔｜$41等左約5分鐘就有，完整一底雞蛋仔放入紙抽袋內，有好多細細個洞疏氣，唔會焗住變腍👍🏻我幾鍾意佢地整既口感😋偏厚實唔係一半空心個款，紮實得黎又有點Q度，而且粒粒相連的地方都好脆🥰白芝麻好香，不過再多點肉鬆就更好凍檸檬蘆薈｜$22除左雞蛋仔，佢地都有飲品🥤跟餐價會更平，唔甜岩香港人口味，正常味道

媽咪雞蛋仔真係百食不厭😆😆佢地既雞蛋仔有超過20款口味，有鹹有甜！另外仲提供格仔餅同飲品～前排經過又忍唔住買黎食❤️❤️🍵抹茶朱古力雞蛋仔 $36✨雞蛋仔即叫即整，落單後要等5-10分鐘左右～～拎上手時熱辣辣🔥，聞落仲好香添🤤🤤每粒外型飽滿、脹卜卜！外層口感香脆，內裡鬆軟！！食落抹茶味好濃，仲有香甜朱古力餡，好好味👍🏻👍🏻🍹鮮榨檸檬茶 $22✨味道酸酸甜甜，仲飲到啲果肉！好解渴～～另外仲有其他飲品可以揀，下次要試埋呢🤟🏻🤟🏻

平日去都有好多人買，真係非常受歡迎！而家雞蛋仔有非常多口味，樣樣都好吸引。揀咗伯爵茶朱古力雞蛋仔、另外飲品揀咗熱蜂蜜生薑。鍾意佢而家雞蛋仔嘅包裝有個紙嘅手抽袋仔，方便拎，而且紙袋仔仲有好多窿窿比雞蛋仔可以唞氣，唔會焗腍。雞蛋仔非常香脆，入邊軟綿綿，伯爵茶味濃郁。入邊朱古力仲溶溶地，味道香濃又唔會太甜，茶味香、好味道！蜂蜜生薑甜甜地帶有濃濃薑味又夠滋潤。雞蛋仔咁多款口味，下次嚟又可以試吓其他口味！！

經典又創新的雞蛋仔ꕀꕀ⇢ 媽咪雞蛋仔ꔐ咖啡朱古力雞蛋仔（$36）雞蛋仔即叫即製ꕀ等了約5-10分鐘上手還是熱辣辣帶濃烈咖啡香ꕀ 很喜歡咖啡帶點苦澀裡面是半溶化的朱古力粒粒內餡熱辣辣雞蛋仔就是忍不住一口接一口ꔐ鮮榨檸檬茶（+$13）檸檬茶是鮮榨ꕀ還看到檸檬果肉酸甜控制得好好ꕀ超級fresh¨̮ ᴴᴬᵛᴱ ᴬ ᴳᴼᴼᴰ ᵀᴵᴹᴱ દ ᵕ̈ ૩餐廳除了有雞蛋仔還有夾餅ꕀ而且口味也很多雞蛋仔包裝設計很好手袋形狀方便攜帶而且下面是圓形通風設計令雞蛋仔不易變淋

行過想食！超多口味！抹茶、芝士、朱古力……實在係好難揀呀～隻隻味都想食～最後都係揀左自己最鍾意嘅伯爵茶雞蛋仔🤤🤤伯爵茶嘅香味真係好濃郁～岩岩整好食落去新鮮滾熱辣，外皮脆而內餡軟熟，真係唔錯！

今日黎媽咪雞蛋仔食返餐雞蛋仔先，上次試過雞蛋仔同格仔餅，我唔太鍾意軟綿綿既格仔餅。今次都係食雞蛋仔。今次揀左原味雞蛋仔$20同清香檸檬雞蛋仔$31試吓先。落單後要等5分鐘，即刻整俾你。雞蛋仔用通風紙袋放好，都幾美觀。原味雞蛋仔 $20原味雞蛋仔果然係外脆內軟，不過入面唔係想像中咁多料，不過當然都唔少。Given個價錢，個人覺得質素只係算合格。清香檸檬雞蛋仔 $31個人覺得呢個清香檸檬雞蛋仔好食好多，因為甜甜地，好好味。不過質感就較為無咁脆口，唔知點解。似乎非原味口味好食d，不過價錢真係非常貴。呢度當然主打雞蛋仔，有甜有鹹，味道都好多選擇。另外仲有8款格仔餅同野飲。

Mami is one of the best places to get egg puffs in Hong Kong. It offers many innovative flavors including earl grey, matcha, chocolate and even salted egg yolk. I ordered chocolate this time. Really loved the bitterness and molten effect of the chocolate. It’s also surprisingly not too sweet! The egg puffs are crispy on the outside and soft on the inside. Their waffles are also amazing with Nutella and peanuts!