媽咪雞蛋仔 (Moved) New Location

我很愛食雞蛋仔我認為出色的雞蛋仔應該係外脆、內軟而豐厚這間媽咪雞蛋仔我想也有很多人去試過了吧這天有事要到紅磡，我跟表妹還特地從火車站走過來買雞蛋仔食太久沒食，很想念跟以住一樣，排隊拿號碼牌，拿後便在店外等叫號新鮮的雞蛋仔內脆外軟原因是剛弄好馬上用風機吃乾表面我們都最愛原味可以開動囉我很討厭食到沒有內涵的雞蛋仔這間表面香脆，每粒雞蛋仔都足料下蛋漿，粒粒飽滿相當推薦！步行回紅磡站的途中邊行邊吃不消一會還未到火車站已經把整底雞蛋仔吃完

自從北角雞蛋仔加價加到$15,加上只有北角那間分間才好食,尋尋覓覓終於找到它。這間店我想是家庭形式的, 到了門口已經有很多人在排隊,我是第8個,要了個原味,約15mins後,熱lala的雞蛋仔出爐喇, 睇下相,一半脆,一半軟綿綿ga,蛋味十足,唔似出面個d好薄,無味,承惠hkd12, 不過地方不多就腳,在時新hamburg後少少,推介!

第1次食個陣已經就愛上左朱古力味真係好好味!!未見到間舖頭, 離遠已經聞到d好香既雞蛋仔味, 一開始以為自己聞錯, 點知原來間舖頭就係附近!!食過幾次都覺得好驚喜好好味 已經上哂癮色香味俱全先講色, 粒粒朱古力雞蛋仔賣相好好, 完全唔似個d出邊d雞蛋仔加色素, 應該係真係好多朱古力濃縮出黎香 唔洗多講, 真係離遠已經聞到好香 ^v^味道十級好味, 每一粒雞蛋仔都一定有至少一粒細細粒既朱古力, 而且入邊好足料, 絕對唔係空心!!

這店很聞名於是來試試叫了一個"朱古力雞蛋仔"聞起來很香朱古力味先吃一口不錯, 不過朱古力味不是很濃但原來我是錯了它的朱古力下得不平均在後面吃的雞蛋仔都有很很很濃的朱古力味還吧雞蛋仔的蛋味都蓋過了而且朱古力太甜頭幾口也OK的很濃的時候真的是太甜了我吃得甜的但也覺得太甜不過想試的也可以來吃一下都幾特別

20-12-2012(四)是日和同事放工後，去了紅磡一帶 happy hour 。吃過「時新」的漢堡包後，向前步行多三十步，便到達「媽咪雞蛋仔」。媽咪雞蛋仔是黃埔街的著名人氣店，幸好當天只有五、六個人在門外等候，只等了約 8 分鐘便可拿取。如果是假日來，一定沒那麼快，因為人龍長到嚇怕人！我吃過較多人談過的店舖雞蛋仔，如：荃灣「古法烘培」、筲箕灣「低調高手大街小食」、紅磡「紅磡雞蛋仔」、太安樓「鴻記」、北角「利強記」等， 我始終還是覺得「媽咪雞蛋仔」的雞蛋仔是最好吃的！門面。付錢後，店舖職員會給一個號碼牌給你，等候叫取。找好吃的雞蛋仔真的不容易，眾所周知：好吃的雞蛋仔，應該要做到外脆內軟而豐厚，有口感，蛋味濃厚，媽咪絕做得到！每一底的媽咪雞蛋仔都是即買即做，每粒雞蛋仔都漲卜卜，相當飽滿！咬下去外層鬆脆，內裏則軟綿綿，就算冷卻後也仍然鬆脆，口感能保持。媽咪雞蛋仔能做到這麼出色，除了它在使用蛋、麵粉與及糖調製的份量得宜之外；還有的是，店鋪職員在掌握烹調的時間也剛好，值得一讚！That's why I love mammy！

上次去睇演唱會, 經過見到呢間店有好多人排隊, 問同事之下先知道原來係大名鼎鼎既媽咪雞蛋仔. 同事亦有推介: 朱古力味. 今次難得經過, 多人排隊都一於要試試!拎到熱辣辣既雞蛋仔, 試上一口, 可以用一試難忘形容. 唔上外脆內軟, 朱古力味飛撲埋黎. 食落仲見到有溶左既朱古力, 被脆軟分明既雞蛋仔夾住, 邊位更加係bob bob脆! $15 食到咁既質素真係幾無敵.寫下寫下, 好想返去食多一次...

因為平時d 雞蛋仔既朱古力只係好似朱古力蛋糕仔咁, 普通之餘, 個人唔覺好味, 以為哩間都一樣, 所以第一次幫襯只係食返原味。之後見好似朱古力味好多人叫, 就想試下, 一試之後就成為左一位回頭客了。哩度既朱古力味雞蛋仔係用一粒粒朱古力混入蛋漿中的, 加熱後就溶溶地咁, 好好味!!!! 同埋蛋漿都唔係揸流灘家, 一味都唔會好似尖咀某d 只賣幾蚊既店舖咁激淡, 鍾意朱古力既朋友一定要試下。BTW, 夾餅都唔錯的!

去開poly聽講座~一場黎到就咁走~唔係好甘心~食左個canteen 難食既焗豬扒飯~之後更想搵d小食補償自己~之後聽講座個時~就用openrice search 到媽咪雞蛋仔~咁o岩佢就係我要去搭車既巴士站對面~就順便買黎等車個時食~見到之前既食家話粒粒朱古力雞蛋仔好足料就決定買黎試~我本身住荃灣~荃灣d朱古力雞蛋仔公價要$17~見到呢度只係賣$14就覺得好抵~去到只係有一個客等緊~總算唔駛排隊~俾完$~就俾左個8號籌我慢慢等~整雞蛋仔個個即刻開第二個爐整=v=夠哂新鮮~終於等到個粒粒朱古力雞蛋仔~新鮮整出黎~個邊好脆~好香~俾個橫切面睇下~XD真係好足料~食家們無介紹錯~XD

個口有d痕，想揾d小食食吓，媽咪雞蛋仔永遠o係我個list上面。其實都唔係第一次光顧此店，但第一次寫它的食評，好歹也應該上傳幾張照片吧店主很細心，準備了搓手液。大家用手攞食物之前記得洗手喔～可能今天下雨，所以很少人排隊，我第三個。還是跟之前一樣，原味雞蛋仔是我的摯愛一食落去，嗯？！好似差咗既？比起數星期前而已。拎上手整個餅還是暖暖的，但今日凍得特別快，而且蛋漿明顯少了。記得數星期前食，整顆都是滿滿的蛋漿，今天只剩一半。老實說＄13一底並不便宜，但比起價錢，更在意味道同quality。這個笑臉是給多次光顧滿意的份上，希望下次吃完可以給一個真正的happy face

去POLY聽TALK, 梗係唔少得試下附近既野食架啦~SEARCH下就搵到呢間雞蛋仔舖.落到橋, 唔知原來係U TURN反方向既位置. 好在有GOOGLE MAP~去到, 見到都有D人係度等緊. 入去叫左個朱古力味, 盛惠15蚊, 算唔算貴? 試過先知！未黎之前係POLY食左個米線, 好在肚仲有位裝雞蛋仔! 因為其實食成個都幾漏!叫NUMBER既係個小朋友, 好幫得手WOR~~係有牌俾你拎住等架，好有模式～一拎, 熱LAＬＡ～香噴噴～聞落去好濃既朱古力味！一ＭＩ，　就見到裡面既朱古力漿，用料足先有咁既效果！食落去，　感受到熱ＬＡＬＡ既朱古力味係口度。其實起初我以為真係會一粒粒既朱古力碎係入面，但原來唔係。　兩者其實各有各好，如果有一粒粒好似麥提莎既質感既雞蛋仔我都想試下。講番正題，佢內面做得唔錯，又有朱古力味又有蛋味。但外面我覺得唔夠脆。　可能裡面多左Ｄ野令到雞蛋仔有小小濕，好快ＬＵＭ左。但整體係正既～一個人食ＳＡＩ佢真係好飽！

我好鍾意食雞蛋仔~!試過咁多檔, 完全唔知名既又有(旺角/銅鑼灣既遊客生意=-=")到大家成日講既出名店都有~媽咻雞蛋仔的確係我食過最好食的~特別係岩岩搵風扇吹完~仲係脆卜卜既時候!上次我有個從外國朋友番黎既朋友要搭車走了~我O係紅磡專登跑去媽咪雞蛋仔度買黎俾佢做"香港手信"XD我趕時間的~人多~等左15分鐘~(雖然佢口講等5-10分鐘)拎到手食落口同兩年前既感覺唔同左~除左脆D, 冇左O個種好香好香既感覺~可能我食既係原味? 所以冇咁大分別? 但我下次會去試其他味道~!都希望佢能夠保持番個質素~人人慕名而來~價錢貴左唔緊要, 但我想要番食落口O個種與眾不同的感覺

嚐過美味無比的港式漢堡，下一站同樣是本地特色--雞蛋仔，由於時間尚早的關係，我們有幸成為今天首名客人，嘻嘻！稍等一會，粒粒朱古力雞蛋仔便到手，由於剛從倒模中取出，夠晒火燙熱辣辣。雞蛋仔呈淺啡色，果然粒粒飽滿，撕一夥出來拍照，單憑手感已知它很脆身，放入口中細味那份滋味，層次豐富。表面是非常香脆外殼，洋溢著淡淡的蛋香，內裏軟軟綿綿的，質感猶如剛出爐的蛋糕，並且充滿濃郁朱古力。由於朱古力經已完全溶化，反而沒有粒粒的口感。位於中心的蛋漿盛得很滿，所以夥夥充實不空洞，反而外圍部份粒粒只有半滿效果。原來一排雞蛋仔也頗漏，兩個人分享就剛剛好了。期待，期待下一次再跟你吃遍全香港！

雞蛋仔要算是香港最出名的地道小吃之一.這個小吃亦是我童年回憶之一. 想起來細細個次次經過街邊小販檔都嚷著要媽媽買來吃, 直到現在大部份都巳入鋪了.最有名的當然算是北角那家了, 數年前經某著名食家介紹過後, 天天人龍不斷.當年亦在好奇之下排過隊幫襯, 不過味道其實沒想像中好吃.今天經友人介紹下, 來到了紅磡這家也是雞蛋仔的專門店, 聽說近期好評不斷, 又來試試看.這裡的雞蛋仔除了原味之外, 還有2款新口味, 包括朱古力及白芝麻味.除了雞蛋仔之外, 也有他的好拍檔 - 格仔餅賣的. 來到人也不少, 買完就要乖乖的等媽咪做雞蛋仔了~原味雞蛋仔 (HKD$13)剛做起一底雞蛋仔熱騰騰, 色澤看起來金黃色十分吸引, '媽咪'烘的手法也十分純熟, 沒有出現烘得太久的黑焦. 咬下去外皮十分薄且脆, 蛋香味十足, 中間呈軟心狀, 內裡軟棉棉跟外層的脆卜卜相映成趣, 個人覺得比北角的更好吃.朱古力雞蛋仔 (HKD$15)朱古力味的色水呈深啡色, 巳知朱古力下得不少. 聞起來有陣陣朱古力香, 令我這個朱古力迷食指大動!!! 外皮薄脆不在話下, 內裡更是有不少朱古力漿, 味道又香又濃郁, 完全是真材實料絕不

一向聽呢間雞蛋仔既評語唔錯就一於黎試下叫左個粒粒朱古力雞蛋仔$15蚊其實偏貴...不過同2個fd share都OK佢整既時候..心諗:唔係呀嘛!咁普通既d料好啦...耐心等候一陣...過多幾分鐘就有得食...同d fd一咬個陣~~~~~~~OMG...朱古力軟心...好好味道呀真係會係心太軟咁bill d朱古力出黎真係1試難忘..咁熱既天氣下等都係值得..不過由於我地幾個已經食飽飽先黎買~所以食到最後都覺得好好好流....其實見佢都有賣自家製lemon juice同lemon tea相信都會幾消滯~下次經過紅磡1定會再試!

難得黎到紅磡，當然要食傳說中既粒粒朱古力雞蛋仔！（￣︶￣）成日話食朱古力會開心啲，所以就黎媽咪到體會下究竟係咪真咖先。舖頭唔大，小小一間明顯走溫馨路線，好有家庭feel 只有兩個員工，一個係入邊整雞蛋仔，一個就係出面收錢除左雞蛋仔，仲有檸檬汁、檸檬茶賣，夏日炎炎，有消暑飲品賣係正常的。(・∀・)不過$13 一杯有啲貴，所以無買到(・ˍ・) 門口仲有一張貼紙，證明呢間舖係openrice已經有100+好評ヽ( ^∀^)ﾉ現時的媽咪已經近200好評了，要繼續努力啦。買左一底粒粒朱古力雞蛋仔，$15一底，都唔平咖。舖入面播緊大長今，負責招呼客人的嬸嬸收完錢之後就交低個牌話5分鐘，然後又入返去睇電視 係烈日當空下等，真係有種好似就溶既感覺 -__-不過如果係好味，等係值得既。尋日去好似唔係好多人，但買既人都好有耐心係到等，等左我諗都有10分鐘，熱辣辣既雞蛋仔終於得啦！果然粒粒都金黃飽滿，仲有好多朱古力添呀 (≧▽≦)外表脆卜卜，正！同朋友開心share會好啲，自己一個食會好漏，因為都幾甜！平時mk個啲朱古力雞蛋仔得啡色，但一啲朱古力味都冇。但偏偏呢啲昆水雞蛋仔都唔平得去邊 （－.－）呢到啲雞