媽咪雞蛋仔 (Closed)

It has always been my favourite 雞蛋仔 but they are not as good as before recently. Apart from the long wait, it is not crispy as before yet the taste is still ok. I think they have to keep up with their standard while their queue gets longer and longer.

媽咪雞蛋仔Mummy Pancake係米芝蓮雞蛋仔店，係尖沙咀經過突登買左個粒粒朱古力味價錢：24hkd 普遍偏貴味道：4/5 朱古力味濃，甜度偏甜囗感：3/5 偏林質感，吾係硬脆質感推薦度: 3/5 未試過可以試下但吾食太甜可以試其他鹹味或佢的期間限定

上次食過好好味，今次再嚟幫襯，可能係新年假期關係，今次唔使大排長龍了。上次試過「紫薯番薯雞蛋仔」 ，非常好味，今次就試吓佢個「有機栗子雞蛋仔」。「有機栗子雞蛋仔」真材實料，裏面真係有一粒粒栗子肉。至於有機定無機，就真係食唔出😆。不過味道方面，就比較淡。吃慣濃味嘅朋友（正如我同行嘅朋友），就可能嫌佢無味。雖然今次有點點失望，不過仲有好多隻味想試，下次會再嚟。都係嗰句啦，雞蛋仔要趁熱食，凍左就唔好食㗎啦。

媽咪雞蛋仔的故事由黃埔街開始, 這些年, 已經變成十家分店的品牌, 而尖沙咀分店, 就連續三年入圍米芝蓮街頭小食. 當利強記雞蛋仔在18年版的米芝蓮已經跌出榜外, 媽咪雞蛋仔就是唯一在榜上的雞蛋仔了.這裡可說是長期長龍店, 排隊的, 大部份是自由行. 做法是先落單, 付款, 然後店方才即場製作, 加上等候的單很多, 基本上最快也要等十五至二十分鐘. 雞蛋仔共有十款味道, 也是這裡的特色, 連肉鬆芝麻味道也有, 我們就選擇了抹茶朱古力雞蛋仔.抹茶朱古力雞蛋仔 $25: 7.5分, 雞蛋仔的其中一大重點, 是外層要脆卜卜, 但這裡的就不夠香脆, 偏諗身, 明顯是吹風時間不足夠, 急急交給客人, 縮短了製作時間. 畢竟這裡跟利強記, 供應十款味道, 店方不可能流水式的製作, 一定要等有單才開始, 如果吹風時間再加長的話, 等待時間就會再長.還好的是質感煙韌, 濕潤度合宜, 抹茶味跟朱古力味的平衡做得挺好, 很甜美.連續三年入圍米芝蓮街頭小食的媽咪雞蛋仔尖沙咀分店, 賣點是有十款味道供應, 如抹茶朱古力就很甜美, 但也因如此, 為了縮短製作時間, 外層不夠香脆, 明顯是吹風時間不足夠, 加上長

媽咪雞蛋仔大家都食過啦，而家越開越多分店，間間都好多人；尤其是尖沙咀呢間簡直成為遊客必到景點，動輒要等十幾分鐘。大年初二黎到食佢，每樣野都加左$5。雖然我都明白過時過節要人開工皮費真係重左，不過以一底廿零蚊既雞蛋仔黎講都算加得多，隔離茶餐廳都只係加一啫。講返底綠茶朱古力雞蛋仔，都係一貫媽咪既水準，綠茶係外皮，入面有多少溶左既朱古力。不過綠茶味唔濃，朱古力又唔太多。其實最好食既媽咪應該係曾幾何時係紅磡得一間分店既時候，等到天荒地老，不過都覺得係抵既。而家變左連鎖店，就食唔返以前陣味啦。

有一日跟同事見完客後他覺得不夠飽，好吧...陪他再去吃點東西他說想吃媽咪雞蛋仔，芝士味很好吃我說我又想試試平常我們都有經過，的確經常都很多人在排買了之後就等叫no.本來我看過收據$60？咁貴？原來笨蛋同事想著我們一人各一底大哥..我才剛吃完晚飯打算試一點啦...不用買2底嘛？第一底看起來白白的...其實芝士味..我沒有很吃到感覺...只是鹹鹹甜甜能吃出有用上Mozzarella，所以會煙韌跟車打芝士，芝味吃起來只是淡淡第二底比較燶一點吃起來比較脆，也吃到燶燶的味道各有各風味吧...不過對於芝士味不濃我還是有點小失望

這家小食店的人龍不絕，無論任何時候都有一群人在等待。雞旦仔有十一款不同的味道由$16-28，夾餅$17-23，自家製飲品$12。他們的夾餅同雞旦仔都有許多創新的口味選擇，例如紫薯、朱古力、栗子、芝麻等等。人人來這兒一定食雞旦仔，但我卻十分喜歡他們的原味夾餅，有時發夢也掛住。原味夾餅：夾餅哄得外脆內軟，有濃濃的旦香！而夾餅中間有著流心花生醬、煉奶和砂糖。他們毫不吝嗇，不會像坊間薄薄的塗，而是足料的。那花生醬的香滑和甜美的煉奶加上沙沙口感的砂糖，配上香脆夾餅，是簡單原始的美味，正！現在有質素的安排夾餅真的少見，幸好還有他們。

自從媽咪雞蛋仔紅磡店搬遷了，便沒有再吃過，想也有幾年時間，起初以為小店站不住腳，但原來愈開愈多分店，而且人流更盛。今天口痕，到尖沙咀分店再嘗美味，點知遇上很多人在排隊，當中不乏遊客。門面較以前亮麗，收銀旁掛著兩面獎牌，原來是2016和2017米芝連推介，下面是一部電視，播放著介紹媽咪雞蛋仔的節目，而且有電子叫籌，比起以往派圓形牌仔更先進，更電腦化。經過大概20分鐘，雞蛋仔終於到手，馬上吃一塊，漫長的等待都值得了。我買了最愛的朱古力雞蛋仔，即叫即整，熱烘烘，這幾天天氣寒冷，暖手最岩。朱古力雞蛋仔外貌不揚，但內𥚃卻是真才實料，咬開一半全是朱古力溶，甜度滿瀉，外面燶得十分香脆，內𥚃卻軟腍香甜，男朋友也不禁問點解可以咁脆！媽咪雞蛋仔係以往大學時非常喜歡的零食，以往只是十幾元，當時紅磡舊店有一大玻璃窗，可以看著老闆係入面大顯身手。以往用的朱古力，咬開會看見是一粒粒，現在則是朱古力溶，雖然同樣的美味，但卻少了什麼？人情味？只希望雞蛋仔保持水準！打著打著又想買一底吃。menu

想試好耐，估唔到雞蛋仔都可以攞米之蓮，但每次經過都大排長龍，講時間所以冇試。今日又經過，見有時間，就即管排隊買一底試吓。好彩天氣穩定，要我帶住個B企喺條街度等20分鐘，的確有點困難。除咗小朋友冇耐性外，人流不斷增多，不單止雞蛋仔小店好多人幫襯，就連隔離幾間小舖，都十分墟冚。小小一條窄巷，擠得水洩不通。好不容易終於等到我，熱辣辣又香噴噴嘅雞蛋仔，可能期待太久，份外好吃。而且新鮮滾熱辣即刻入口，感覺十分幸福！佢有多款特別味道，睇嚟每次經過，都要逐款味道試齊😆。

之前係銅鑼灣食過媽咪雞蛋仔好足料好好味所以來了尖咀諗住再買番個雞蛋仔食下一向鐘意食芝士既我就當然叫左個雙重芝士雞蛋仔因為多人既關係要等10分鐘即整一來有熱辣辣雞蛋仔食滿心期待之制發現佢所講既雙重芝士雞蛋仔完全吾覺有內涵只有薄薄的小小芝士仲要不是好平均有d位仲要係無芝士同原味無分別 真心大失所望吾知係太多人所有整得不好定點啦如果吾計無咩芝士之後味道是可以的不過芝士雞蛋仔無芝士係幾咁失望下次都係去番銅鑼灣分店應該好一點

呢排天氣凍咗❄記住著番多件衫啦😆除夕夜晚出咗去拍拖行下😍見到媽咪雞蛋仔，於是就買咗個嚟試下啦😝後來發現原來喺嗰度嘅人群大多數都係等緊雞蛋仔😂結果等咗8個字😭#朱古力雞蛋仔 ($24)😋好味指數：(7.5/10)有好多唔同味道，最後都係揀咗朱古力🤔一拎到手已經聞到好香嘅朱古力味😱每一粒雞蛋仔入面都有好多朱古力，好重嘅朱古力味🍫而且拎上手熱辣辣，咬落去出面仲有少少脆卜卜 😆

平時日頭行過都勁多人，夜晚經過見到冇乜人，特來一試。本身諗住試原味，但係見到佢有抹茶又有朱古力咁，好難抵抗，叫咗個抹茶朱古力雞蛋仔。收銀阿姐基本上全程臭面，唔知係生意太好做到心情唔靚，定係天生RBF。不過食雞蛋仔唔係食服務，如果整得好食，就算俾佢問候埋屋企人都冇所謂。等咗十分鐘，終於嚟喇！登登登登！成塊係爛嘅。偶有失手冇所謂，失手就重新整好先俾個客。咁到俾得出手，基本上連基本嘅商業道德都冇。可能有米芝蓮加持，唔愁冇客，所以垃圾都可以俾人。塊野連一粒完整嘅雞蛋仔都冇。味道嚟講，朱古力得個甜字，亦冇乜抹茶味，外皮唔鬆亦唔脆，基本上係劣食。香港好多做食肆嘅人，對食物冇要求，咁好彩得到個米芝蓮加持，就當啲客係死嘅，反正都做到手唔停。咁嘅態度，唔怪得咁多人會覺得香港冇啖好食。

最近都幾鐘意食雞蛋仔，週圍搵，睇下搵唔搵到讀書時代，學校門口個伯伯賣的個種口味😊尋尋覓覓，去找唔同地區，終於俾我搵到間最似的😍😍其實 「媽咪雞蛋仔」聽就聽過好多次，但每次經過佢地的舖位，一是趕時間，二是已經食到很飽了。今次朋友遲大到，無無聊聊經過，加上最近雞蛋仔癮起，就被吸左過去🙈見到有好多口味選擇，左諗右諗，都係原味最好，可以食到真正的口味❤️嗅到已經非常香，再加上脆脆的口感，已經將我的心拿左一半😋再加上每一顆雞蛋仔都又圓又飽滿 🈵 幾乎佔了每顆球體的七八成位置💯我的心，整個都被俘虜🅰️🅰️🅰️里個味道，與小時候真的非常似👼🏻還記得小時候，零用錢不多，偶爾放學經過，見到伯伯有開工，都會和同學夾錢買一個，大家開開心心分著吃🍴🍴那個年代，根本唔會有太多的食物添加劑，每一口街邊小食，都可以吃得出原本屬於它的味道🔥那種真材實料的感覺，宜家已經很難找得到。想不到，現在還有機會除了自家制以外，在街外都可以買到如此高水準的雞蛋仔☺️朋友趕到，看見我吃得津津有味，都忍不住買了一個綠茶口味試一試口感雖然一樣，但回憶永遠是最好的。還是原味比較好吃😋

美食哥倫布今次去咗尖咀搵野食!有乜咁好食?一齊睇下啦!媽咪雞蛋仔又係月開月多！不過最好食始終都係紅磡間老舖！啲朱古力粒真係特別多啲！尖沙咀舖就覺得普普通通啦！可能人多，所以吹得唔夠耐，食咗幾粒之後就好似淋淋地咁！不過比起其他黎講，佢都算多朱古力㗎喇！

我嚟咗媽咪雞蛋仔買雞蛋仔已經有好多次，佢每次水準都好穩定，次次都係咁香口，無一次令人失望的，而且佢哋成日推出不同嘅新口味都令到人十分驚喜，我最鍾意食佢嘅豬肉鬆紫菜味，鹹鹹地配上雞蛋仔嘅甜味，成件事好夾，肉鬆令到雞蛋仔好香，另外佢嘅芝士雞蛋仔也是值得推介，濃濃芝士味，芝士嘅口味啱啱好，鹹鹹地，又唔會太搶，可惜真係好肥同埋好油，所以減肥既真係毒藥，實在難以抗拒，另外佢嘅原味雞蛋仔亦都好好味！佢做到香脆真係值得一讚