媽咪雞蛋仔 (Closed)

上一次已經在觀塘吃過，今天在尖沙咀又見到，忍不住要回味一下。發現這分店拿下了米芝連指南推介街頭小食2018，還看見它連續多年都拿下這個殊榮。可能是人氣爆登的關係，排隊要大約五至八分鐘，然後要等大約二十分鐘左右，食物才預備好。個人應為這些許時間是值得花的，雞蛋仔實在香口，又有濃郁蛋味，微甜。市場上不乏那些吃完整口都是麵粉的，實在不能跟媽咪雞蛋仔同日而語。最後，亦發現尖沙咀的售價是比觀塘售價略為高出數元。

每次去親尖沙咀，我都會去媽咪買翻個雞蛋仔🤗🤗🤗🤗我的最愛，朱古力雞蛋仔😍😍😍😍😍😍😍😍😍😍😍😍外脆內軟，朱古味香濃👏🏻👏🏻最好攤凍少少先食，先唔會痴埋一齊tst分店一向都好多人，超多旅客，peak hour at least要等20分鐘。近期經過問親，都無格仔餅，懷疑佢已經唔再賣😂😂個人認為紅磡分店最好食，而且唔洗等咁耐，下次試埋黃金雞蛋仔先!✌🏻✌🏻✌🏻✌🏻

媽咪雞蛋仔真係幾時都係my favour 食極都係最鐘意佢，因為味道真係好多選擇，又高質！今次試咗咖啡朱古力雞蛋仔，依舊保持水準，做到外脆內軟，食落感覺好新鮮，咖啡味唔算非常突出，但朱古力料好足，粒粒都有朱古力㗎！秒速ko 🤣🤣

友人話好耐冇食過雞蛋仔好想食，咁岩行過媽咪雞蛋仔，知道呢間舖又拎米芝蓮，而且每次經過都見到好多人等，於是我們一於試下!由於星期六的關係，同平時一樣都係好多人。買完之後都等左成20分鐘先有!原味雞蛋仔($24)，比起平時街邊食既脆好多，外脆內軟，味道就冇咩特別。如果真係要我再食的話我可能要再諗諗，首先價錢平起街邊買的貴1倍，而且需要等好耐先有!質地我個人會覺得平時街邊買到既好食D，因為太脆口個感覺唔同左!或者可以考慮試下其他味既，但呢間一定唔會係我的首選!

一直鍾意佢個雞蛋仔，仲次次都推薦人食。買個雞蛋仔等半個鐘，出面條街又窄又多人，但我知呢度係特別多人所以唔緊要。但佢開始叫我之後既號碼就問下點解唔係順序出，佢地就答我「係唔順架，你等到叫你號碼先黎啦」其實我食過咁多次，我知掉轉一兩張出單好正常。係見佢過左五個我先問下。過一陣又話「三分鐘後」。叫到我十個以後先開始檢查係咪甩左單，事實上根本從來就冇整過我張單，一開始我問時佢仲當正常唔幫我check，我等左半個鐘其實唔知等緊咩。再鍾意我都唔會再買，次次投資15分鐘至30分鐘等，仲唔知佢會唔會甩單，然後再加佢地多生意到唔care既態度，個experience 太差唔會想再去。

嗰日去尖沙咀行街，行完K11，就過對面媽咪雞蛋仔買咗底雞蛋仔同野飲。成日見媽咪雞蛋仔好多人排隊，今日好彩唔係等咗好耐。今次就叫咗個原味雞蛋仔，野飲就要咗個檸檬水。 雞蛋仔熱辣辣，一咬落去就知好足料，好實在既感覺唔係一般輕飄飄得個殻嗰種。好好味。👍🏼👍🏼最驚喜係呢一杯檸檬水，原本以為係一杯普通既茶記凍檸水，原來佢係似外國嗰種lemonade 。飲落好清新，酸甜度啱啱好，佢入面仲有啲檸檬渣，佢menu話係自家制，呢個檸檬水幾好飲。👍🏼🍋

下午茶時間經過尖沙咀，條街有唔少小食，見自己沒試過連鎖雞蛋仔店就一於去試下啦 ～ 見個牌上面有推薦 黃金雞蛋仔，所以就試下佢啦 ！ 雞蛋仔拿上手熱辣辣，即叫即整，咬落去外脆內有蛋漿味 總夾雜住咸蛋黃既 咸味同口感，真系估五到雞蛋仔裡面有粒粒既咸蛋黃個味會甘match ^^ 本身念住系下午茶，但佢份量夠多 可以夠一個女仔一餐食了

聽朋友講，媽味雞蛋仔比筲箕灣低調XX更好吃，這樣令我有想叫的衝動！這裡口味挺多，如咸蛋黃、芝士、綠茶、香蕉、朱古力、原味、咖啡、紫薯等等，令我心大心細，由於朋友勁讚之前她吃過的芝士味太好了，雖然我也有心動過，為了她，我決定食黃金雞蛋仔，多謝承惠$3X！熱辣辣出爐，外脆內軟，香氣飄揚，食慾大增！雞蛋仔內滿滿的蛋黃，非常香濃，粒粒飽滿，挺容易食「濟」，不知道大家有沒有似識相識的感覺? 為什麼吃雞蛋仔似吃月餅呢? 對了，因此也是咸蛋黃的味道，既足料，又好味，卻好邪惡 由於多人排隊，還是乖乖等叫號吧！

以前經常去食媽咪雞蛋仔，雞蛋仔好香好脆，特別中意食蛋黃同朱古力成年冇食，今日經過尖沙咀分店見冇咩人排隊就叫番底黎試下呢間分店平時好多人排隊，去到會聽到好多吾同語言 街口就會聞到香味叫左底冬季限定：蕃薯紫薯雞蛋仔望落好似吾錯甘，但食落冇蕃薯又冇紫薯味...我不禁懷疑係咪自己味覺有問題，明明見到有紫色係入面... 但冇紫薯味食多粒試清楚 d...都係冇咩味，蕃薯味都欠奉外皮同以前一樣香脆，但味道卻大不如前可能係味道選錯了吧，下次都係揀番蛋黃或者朱古力會好食 D 呢間店如果要排隊就吾值得啦，經過冇咩人，又突然想食雞蛋仔都可以試試不過蕃薯紫薯就吾建議...

第一次食尖沙咀呢間，自己都偏好紫薯，番薯產品，就揀左冬季限定既紫薯番薯雞蛋仔黎做早餐唔算等左好耐就整好啦！岩岩整好既熱辣辣脆卜卜，忍唔住即刻咬左啖！好香既紫薯味，仲會留係口中而且唔會太甜，食完仲想食另外都試過原味格仔餅，好厚身但唔厚粉，下次會想試下其他口味既格仔餅！

每粒雞蛋仔都有栗子在裡面尖沙咀有間媽咪雞蛋仔 ，其實我試過她很多款的雞蛋仔了。因為每次經過，總會有口癮，想叫一個來吃。其中我吃中她的紫薯雞蛋仔 ，朱古力雞蛋仔 ，有機栗子雞蛋仔 ，和綠茶紅豆雞蛋仔。(其實還有好多種口味可以試，不過我有待下次再經過才買，哈哈)吃過幾款雞蛋仔，我都是最愛栗子味 ，因為栗子味香軟 ，每粒蛋仔都有栗子在內 ，食完好滿足 。而且我覺得她特別之處是，每份雞蛋仔整好 ，都會用風機吹一吹 ，令雞蛋仔部分熱吹散 ，以免有水氣影響雞蛋仔外皮香脆感 。所以我覺得她這一個動作，幾貼心的。我覺得如果女孩子食一整個，都可以當一餐 ，因為好飽肚、好滿足。

前幾日係銅鑼灣食過一次雙重芝士雞蛋仔，覺得非常好食，見尖沙咀有分店，諗住再買來食下。點知一拎上手我聞上去已經冇芝士味，我食左6-7粒倒都係冇芝士，我就拎返去同店員講比錯，店員睇一睇，話係芝士味，冇錯。我問：「點解我食吾到芝士味既？」佢話：「冇芝士呀？甘我叫佢下次落重d」⋯⋯⋯甘就完左，我比多10蚊買芝士味竟然食吾到芝士（芝士最貴），但我係銅鑼灣分店食既，d 芝士多到溜。我心諗可能係外面個d 冇味姐，裡面個d可能有芝士，點知我起勢甘食，食左半份都好似食緊原味甘！一d芝士味都冇😭😭講真，食原味我吾食呢間，北角雞蛋仔仲足料，呢間係比旅客食，本地人識食吾好食呢間！仲話下次落重d，吾會再有下次囉！我食尖沙咀分店之前都上過openrice睇下d食評，有人話差我都吾信邪，點知好後悔😢😢我決定特登開個OpenRice account 來話比大家聽！

This restaurant is one of the best example for fusion between east and west, old and new. The 雞蛋仔 is of great quality and you can have any mixture with ingredients you want, I especially love the chocolate and the green tea flavour, it is a chain shop but the quality control is good, it is worth trying!

今日行過叫媽咪雞蛋仔發現比以往多左好多味依家啲鋪頭真係要越出越有創意先可以維持到但係我覺得最試到水準嘅都係原味所以要咗個原味食下外層係夠脆嘅但係我覺得有少少乾同埋唔知點解覺得冇以前咁香但算啦都係食一份回憶姐

行街經過媽咪雞蛋仔，口痕就同fd買左雞蛋仔share 黎食。其實本身係想食鹹蛋黃味，點知尖沙咀呢間無☹️，唯有叫左抹茶朱古力試下，本身係抹茶控，所以對抹茶朱古力雞蛋仔都抱有期望，點知食落怪怪地，朱古力味又唔夠甜，抹茶味又無乜🤦🏻‍♀️ ，兩個味道好唔match。但係雞蛋仔既口感都幾外脆內軟，唔會話軟pat pat，而且見住佢即叫即整，所以食果時都係暖暖地，呢個要值得加翻分既~不過都係覺得下次食都係要食翻大路d既味道🙊