媽咪雞蛋仔

Open Now

Now Closed

前幾日又到左極少數無帶飯既日子，天氣又熱，又唔想食熱野。經過【媽咪雞蛋仔】見佢地promote緊雞蛋仔雪糕，不如就試下啦。可以自選任何一個口味雞蛋仔搭配雪糕，只要補差價就可以啦。今次叫左宇治抹茶抹茶朱古力雞蛋仔搭配雲尼拿雪糕，抹茶味唔算太濃，但朱古力好多，一啖就有好多朱古力，唔會太甜，搭配雲尼拿雪糕，一凍一熱好正！另外仲試左港式奶茶系列既黑糖蒟蒻奶茶。奶茶好濃茶味，但唔會澀，奶又夠多！黑糖蒟蒻又好特別，唔似珍珠，但又有珍珠feel！超級推薦黑糖蒟蒻！呢兩樣野食搭配真係超級飽。推薦OL或上班族可以當午餐食！