媽咪雞蛋仔

Open Now

Now Closed

行街經過一間小食店嗅到好香好香既奶油味有好多人排隊等緊原來係雞蛋仔雞蛋仔係香港特色小食之一媽咪雞蛋仔有好多唔同味道揀由於係立即整所以買完要等5-10min外皮脆卜卜.入邊質感好軟棉棉有濃濃既蛋香味我地叫左伯爵茶朱古力雞蛋仔好濃烈既茶味朱古力味就淡啲唔鐘意食太甜味可以試下新鮮出爐外脆內軟

小編是媽咪雞蛋仔的常客，雖然店名已經開宗明義是以雞蛋仔為招牌、店內雞蛋仔款式和口味眾多、顧客也大多數都是買雞蛋仔，但小編對媽咪雞蛋仔的格仔餅真是情有獨鍾😂😂價錢為格仔餅來說不算便宜，原味的要$23，附近的小食店可能十幾元已經有交易，但小編覺得物超所值。格仔餅即叫即製，十分鬆軟，蛋漿本身蛋味充足，而且配上恰當的牛油、煉奶、砂糖，整件事恰到好處，不會過份甜膩。到手後都忍不到回家吃，要馬上站在店旁來一頓撕殺。吃完之後十分滿足😂😂

媽咪雞蛋仔話系米芝蓮連續5年推介的街頭食物，但自己從來未試過，今日去兩個地方買同一樣野比4個人食，去實際比較下咁厲害推介的鋪頭有無料到啦！最後結果系全部人覺得8蚊普通街頭雞蛋仔，比曾經Michilin推介的媽咪雞蛋仔好食。哈哈。今日去到媽咪，都有兩個人排隊，以為都吾會太差，咁就買左個貴D的抹茶紅豆雞蛋仔。鋪頭吾大，一個有禮貌的員工，等左5分鐘左右就有。包裝系幾吸引，有窿仔比佢透氣。味道- 吾脆- 無雞蛋仔味，抹茶味同紅豆味亦吾出。

#ftf_荃灣 媽咪雞蛋仔伯爵茶雞蛋仔 $31⭐️⭐️⭐️⭐️選用英國twinings伯爵茶，伯爵茶味好突出，唔苦澀，淡淡嘅甜到剛好，越食越上癮！口感上，外脆內飽滿，完全唔似得出邊啲雞蛋仔充滿着空氣感，但唔算太煙韌，紮實得黎有啲鬆軟。味道同口感都有股魔力，越食越上癮！回頭率🤡🤡🤡🤡性價比🤰🏻🤰🏻🤰🏻#feedtiffood #吃吧孩子 #吃到懷孕

突然間抽起條筋好想食雞蛋仔，醒起附近有間幾出名嘅雞蛋仔，就即刻沖左落樓買👅🌈媽咪朱古力 $27落order等左5分鐘左右就到手啦！由於即叫即整，攞上手仲熱辣辣🤤一路拎返屋企，雞蛋仔嘅蛋香味就飄入個鼻度，少啲控制力都塞左粒入口😖雞蛋仔外層係乾身同脆嘅，唔會比熱氣整到淋啤啤😍咬開見到上面係空心下面係實心嘅，仲有好多朱古力，粒粒都有朱古力醬🍫成件事就係外脆內軟，煙煙韌韌🧇食晒成底都唔好話唔飽🥲

口痕痕突然想食雞蛋仔, 最初食這間雞蛋仔是在紅磡, 我選的是店舖ᴛᴏᴘ𝟷媽咪朱古力, 想不到都現在味道水準還保持到, 超濃朱古力味, 每粒都滿滿朱古力, 夠脆夠鬆軟, 好味到一下子一底就食完了喜歡這個紙盒包裝, 紙盒上有透風位, 令雞蛋仔不會焗住而變得淋身, 非常貼心的設計推出了不少口味, 下次很想試法式檸檬芝士、麻辣肉鬆服務態度不錯, 由於是即叫即整, 大約等七分鐘左右, 等的期間一直都有人光顧, 仍然是高人氣的一間雞蛋仔專門店

同小朋友買件夾餅，都要受氣….常識都知疫情下不會企係街食野，居然要個袋都話要落單時講，這是我們第一次光顧，亦是最後一次…隔條街賣$14，我以為$23應有好一點的味道和態度！

初三依然天氣寒冷，遠處飄來蛋香味，是令人懷念的媽咪雞蛋仔喔！香蕉🍌朱古力🍫雞蛋仔（$36）：雞蛋仔邊邊香脆，中間係足料香蕉🍌蓉！不過中間部分的雞蛋仔就冇咁脆，畢竟香蕉有水份。朱古力係用黑朱古力，味道少苦但中和了香蕉蓉既甜。媽咪雞蛋仔係冬天必食既香港美食！味道：🔅🔅🔅🔅新鮮：🔅🔅🔅🔅分量：🔅🔅🔅衛生：🔅🔅🔅速度：🔅🔅🔅（5🔅為滿分）

媽咪雞蛋仔 @ 荃灣今日放假無野做就黎到媽咪雞蛋仔食個下午茶，一黎到已經有幾個人等緊👀 睇下個menu，哇，咁多種味嘅，有鹹有甜任君選擇😂 睇兩睇發現佢有個雞蛋仔排行榜，頭三名分別係「媽咪朱古力」、「香蕉朱古力」同埋「有機栗子」，糾結左好耐最終揀左香蕉朱古力，貪佢有兩種材料口感會更豐富😋果然新鮮岀爐熱辣辣嘅雞蛋仔無令我失望！首先一拎上手係撲鼻而來嘅朱古力香味，忍唔住即刻咬番幾啖🤪 雞蛋仔外皮脆得黎唔會乾，餡嘅份量岩岩好，香蕉同朱古力比例係1:1，食落兩個味都好香口同好夾🤤 真係大滿足😚實在太正，搵日要再黎食埋其他味道先😘

芝士味媽咪雞蛋仔向來是我的最愛每逢在附近吃完晚飯後，都買一個作為飯後甜品，我喜歡吃燶啲脆啲嘅，每次都有特登同員工講，次次都很熱很脆很好味荃灣這一間也不例外，我吃過尖沙咀和深水埗的分店，覺得質素每間都控制得不錯，但這次卻十分失望我點了一個燶啲嘅三重芝士雞蛋仔，單上都有寫到的，落單後在店前一直等，前面都沒有顧客，奇怪為何等了超過20分鐘都未得我也留意住那位女店員，她一落在玩ipad，又沒有叫單號，我再等多幾分鐘覺得不對勁，便向她詢問，她像如夢初醒一般即刻係風扇前拿給我，我問她為何不叫我，我已經站在店前等了很久，她竟然說都整咗好耐，已經叫了我，我唔係度，真搞笑，我行都冇行開過，好明顯她只顧玩ipad，唔記得咗叫，仲要擘大眼講大話唔緊要啦，有好味嘅雞蛋仔食都好，點知一拿成個雞蛋仔凍嘅又淋哂又冇整到燶啲，應該係比一般嘅更唔燶，好淺黃那種，都唔係金黃色嘅，我食咗一粒，好難食問佢點解成個雞蛋仔都係又淋又凍，梗係啦，比風扇吹足20分鐘，乜嘢都凍啦，佢竟然話唔會架喎，我話唔信你試下，佢話冇架係咁架啦，跟住唔理我玩電話，態度好Hea好惡劣，一句唔好意思都冇，35蚊個雞蛋仔其實都唔平，可以比少少心機整嗎？我

媽咪雞蛋仔係我最愛既雞蛋仔之一，絕對係下午茶口痕/醫肚既好選擇!今日去開荃灣，一於買返底媽咪雞蛋仔，見到有期間限定既牛油果朱古力雞蛋仔!!牛油果控既我忍唔住要試試~加配多個朱古力雪糕，滋味升級!牛油果朱古力雞蛋仔配朱古力雪糕 以原個牛油果打成蓉製成，夠哂足料，上乘牛油果蓉配粒粒朱古力， 即製雞蛋仔熱呼呼勁香脆，口感相當豐富!配以冰凍朱古力雪糕，冷熱交融，滋味滿分~意大利特濃朱古力沙冰濃濃朱古力味，口感幼滑，甜度剛好，濃度特高、甘香美味，沙冰夠哂透心涼~

話說我家附近巴士站旁有間媽咪雞蛋仔等車時經常聞到香噴噴的雞蛋仔味總是忍不住走去買2低回家吃但加入雪糕的雞蛋仔還是第一次明知道雪糕不可以帶回家最後找了個少人經過的路邊開餐了🙈雞蛋仔果然是出爐即食最好味😋今次吃的是我最愛之一栗子🌰栗子肉又多又粉又甜❤️ 差不多每粒雞蛋仔都有香脆熱烘烘的👍🏻 配上冰凍雪糕球🍨建議可以用雞蛋仔去點雪糕吃一熱一凍🥰一脆一滑🥰 就是完美的配搭凡購買任何雞蛋仔 再買任何飲品都可以即減$4試了杯鮮榨檸檬汁🍋 好解渴幾清新

話說早幾日，食完晚餐回家其間，比我地經過媽咪雞蛋仔， 其實之前我已經答應過仔仔下次經過會買比佢試，今次仔仔終於提我叫我遵守諾言，ok 我即比佢自己選擇。仔仔超識貨叫左人氣No.1的芝士雞蛋仔加朱古力雪糕＋凍鮮榨檸檬水。⚛ 芝士雞蛋仔加朱古力雪糕 ～ 新鮮即製的雞蛋仔香脆，入面有濃郁的芝士，咬落軟糯口感非常吸引，係會令人追住食，而且加上美味的朱古力雪糕，又冰又凍，又軟糯真係好夾。⚛ 凍鮮榨檸檬水 ～ 食左咁重味的雞蛋仔，飲返杯檸檬水平衡返個味蕾， 鮮榨的檸檬水沒有過酸， 幾順口很可口。

佢啲雞蛋仔永遠都唔會令人失望🥰.🧀🍋今次試新口味 檸檬芝士🍋🧀係水牛芝士mix檸檬芝士嘅奶香中 又有檸檬嘅香甜 同微酸再加埋雞蛋仔嘅味道複雜得黎又幾好食🤣.🍫🍌香蕉朱古力🍌🍫第一次食呢個經典口味加咗香蕉 所以內餡濕潤啲 加埋朱古力 真係好鬼飽🤭.港式奶茶☕鮮榨檸檬水🍋呢兩杯野飲又幾有驚喜尤其杯檸檬水 真係飲到好多檸檬肉夏天飲超正🥰

疫情之下各人都戴住口罩，盡量好好的保護自己。平時買了雞蛋仔便急不及待，立即品嚐，今日只好乖乖地把它放進膠袋中帶回家才吃。今日行過「媽咪雞蛋仔」見到唔需要排隊，便去幫襯一下，小店經營困難大家都要去支持一下。除了以上的原因，媽咪雞蛋仔的確是好吸引，因為每一個雞蛋仔都充滿着麵粉香和蛋香，那一盆小波波好吸引，有可以玩又可以食的感覺，脆卜卜的搣一粒落嚟，放入嘴中，香香甜甜又軟糯，有上學時的感覺和情懷。希望生活可以快啲回復正常，買完雞蛋仔便可以立刻進食。