媽咪雞蛋仔

Open Now

Now Closed

話說如果我要食個快又醫到肚既街頭小食，我會諗起媽咪雞蛋仔👩🏻因為佢地有超多口味，其中有我最中意既抺茶朱古力😍雞蛋仔即叫即整熱辣辣，今期佢地仲同澳門木偶葡國餐廳合作🇲🇴推出充滿葡式風味嘅馬介休味雞蛋仔🤩馬介休同雞蛋仔完全想像唔到呢個配搭，點都試試佢啦🤪印象中好似第一次食鹹味既雞蛋仔，食落又唔差喎，鹹鹹地既味道又唔會蓋過蛋香，食得多甜味既雞蛋仔，試下呢個鹹既都幾特別👍🏻另外佢地仲有超多款飲品，套餐優惠減$4，點左杯宇治抺茶紅豆牛乳沙冰🍵紅豆原來都打碎埋，融入左沙冰，令成杯飲品飲落更香濃😍驚太漏既朋友仲可以揀果味梳打或者熱飲

因為疫情關係，已經好少去第二區，亦少左過黎食雞蛋仔今晚星期五想過黎買返底返屋企食咦！咁靜嘅，真係好唔同呀同大街，呢邊好少人，兩家食店都顯得有啲冷清（明明平時媽咪好多人架嘛）不過唔緊要啦，我黎幫襯你地咁耐冇食，緊係叫個粒粒朱古力解一解口痕啦門口買飛見到有支搓手液，好有心呀，抗疫期間俾我地搓手食雞蛋仔抵讚，不過好似不嬲都有支野向門口等左5分鐘左右，熱辣辣脆卜卜嘅雞蛋仔到手喇，影返張相留念，咁嘅時勢都黎幫襯你地，算係生死之交喇掛

媽咪雞蛋仔我一向都好喜歡 今日口痕 又衝去買黎食下 不過因為呢排有疫情 儘量都唔喺街度即刻食 我就發現左個新食法 就係番到屋企放入焗爐焗番熱佢🤣 同新鮮整出黎一樣呀😍今次叫左2個set 1個set包一款雞蛋仔同一杯野飲 雞蛋仔方面揀左期間限定嘅牛油果朱古力味 拎粒咬開有好多牛油果蓉 磨得好滑 唔會一粒粒咁 配朱古力更加係估佢唔到咁夾 因為整得唔算太甜 所以都唔會膩 另外揀左底我每次黎媽咪都會食嘅咸蛋黃味 咬開唔見好多餡 但香味都足嘅 如果佢可以多少少餡就更好 因為食得咸蛋黃味應該都prefer重口味少少🤣🤣咁跟埋叫就會野飲平4蚊 見個宇治抹茶牛乳豆花好似好正咁 就叫番杯啦 真係好正呀大佬🤪 抹茶係好濃嘅 而牛乳同豆腐花根本就天生一對 令到成杯野都好滑身 有個小建議 如果加少少煮冧左嘅紅豆落去就正到核爆啦🤤

「媽咪雞蛋仔」對大家來講都唔陌生，我唔係成日食，但今次食完個牛油果朱古力雞蛋仔，真係超讚，真材實料，且餡料爆滿，味道好而且好夾味。除左雞蛋仔，仲有格仔餅，有多款口味選擇，還有期間限定口味，有創意食極都唔厭，配搭多款飲品，仲有優惠。我揀左新口味，朋友就揀人氣No.1，再一人配個飲品，好滿足。即叫即製，但都係等5-8分鐘左右就有。牛油果朱古力雞蛋仔 $35一到手熱辣辣，冬天食真係特別正，比起細個食既一底雞蛋仔，呢個好似大底d，同埋真材實料，所以好重手好多餡。外層同邊位都超香脆，有濃郁蛋味同香味，表面睇已經見到好多牛油果同朱古力餡，所以都物有所值。牛油果好creamy香滑，味道濃郁，估唔到好夾朱古力，好似朱古力加忌廉咁，香軟幼滑，兩者味道平衡，重點係爆餡，同粒粒都足料。 芝士雞蛋仔 $35好香芝士味，見到袋邊仲有爆出芝士，好吸引。芝士餡份量夠多，粒粒芝士香，咸香惹味，邊位芝士仲有焦香，特別脆口，食落唔會好油，亦都唔會好膩，當然食哂成底都好飽，因為好足料。我同朋友互換來食，味道岩岩好。凍紫薯牛乳 $28 （左），質感較杰身，紫薯味重，紫薯蓉與牛乳打得細滑，甜度亦唔高，感覺較天然健康。宇治抹茶紅

米米媽👩🏻一向好鍾意食雞蛋仔，今次帶左佢黎媽咪雞蛋仔，試下米芝蓮推介既雞蛋仔🤩原味雞蛋仔米米媽話識食食一定食原味，咁先試到真正既味道，媽咪雞蛋仔的確係真材實料，拎上手個重量已經知道，口感外脆內軟，中間個心軟腍腍好好味，唔似其他鋪頭嗰啲入面乜都冇，得個殼🥑+🍫雞蛋仔呢一款牛油果朱古力碎雞蛋仔口味係期間限定，拎上手比起原味雞蛋仔更有份量，因為裏面有滿滿嘅牛油果同朱古力餡，兩種材料夾埋一齊別有一番風味，估唔到雞蛋仔都可以有咁多變化除咗雞蛋仔同格仔餅之外，媽咪雞蛋仔都有好多唔同款既飲品，而我就試左荔枝果茶，茶味夠香夠濃，但係唔會蓋過荔枝香味，另外一杯就係宇治抹茶紅豆沙冰，將粒粒紅豆打碎融入沙冰裏面，加上抹茶🍵既味道夠哂特別！

放工忽然好想食雞蛋仔，老公帶我食媽咪雞蛋仔，話多選擇，又好味，我叫左個流心芝士雞蛋仔。好正，好好食！香濃芝士，即叫即整，熱辣辣！仲有其他抹茶味，香蕉朱古力味，下次一定再試

晚餐吃得唔係太飽，想食多少少東西，行去搭車時見到 媽咪雞蛋仔，應該係時候食返一底啦，太耐冇食啦。原味雞蛋仔 係我喜歡的，因為我鍾意吃到雞蛋仔的雞蛋香 和麵粉香味，又鍾意雞蛋仔外脆內軟的感覺，外邊脆卜卜，內裏那種軟糯 就是吸引之處。今日食到的雖然比不上小時候食的那種有炭香的風味，但質料也不錯啊。

咁凍嘅天氣～梗係去食粒粒雞蛋仔啦媽咪雞蛋仔真係有好多種口味㗎！見到冬日限定超特別喎～一於試晒佢呢兩款限定！😍佢哋啲雞蛋仔係即叫即整㗎所以呢拎上手仲係熱辣辣，外脆內軟、餡料充足！牛油果朱古力雞蛋仔粒雞蛋仔都分配到牛油果肉，真係堅料喎！朱古力就分佈係成餅雞蛋仔上面，好似深色理石紋咁真係又健康又邪惡之選呀紫薯番薯雞蛋仔紫薯番薯都一樣、粒粒雞蛋仔都有紫薯番薯、真係食緊紫薯番薯一樣、多浸脆脆雞蛋仔皮wrap住咁！好正呀喂！紫薯牛乳真係唔係嘢飲咁簡單！成杯都係紫薯蓉加牛奶🥛，超正，仲飽肚添！宇治抹茶好有日本風味呀，同甜既紫薯番薯雞蛋仔好襯！ 雞蛋仔配綠茶🍵！好正既tea time#媽咪雞蛋仔#雞蛋仔#香港街頭小食#米芝蓮#期間限定#紫薯#蕃薯#馬介休#紫薯牛乳

媽咪雞蛋仔，我記得十幾年前已好出名，第一間店嘅時候我都有幫襯，要排長龍架！之後越來越多分店，北角雞蛋仔相信係佢最大競爭對手以開分店來計，但對手嘅分店執笠咗唔少，可能因為質素控制得唔夠好，流程亦都好像無咁好... 經營嘅嘢，好多原因嘅，喺度就唔多講喇。今日要講嘅係，荃灣呢間媽咪雞蛋仔，我差唔多如果經過必定幫襯，同埋一定係原味，其他味嘅花臣嘢唔係我杯茶，而且原味就係可以試出真章，喂！你個盤可以清潔下嗎？？？

◾Mama Pancakes🥞🥛◾.Egg puff/egg waffle is on top of the list when it comes to an iconic HK street food.😝 But Mama Pancake plays a better game by providing more flavors to select; or even with the perfect combo that could satisfy your sweet-tooth.📍👅.▪Chocolate Chip Egg Puffs w/ Chocolate Ice Cream🍫▪The combination is clearly for the chocolate lovers!🍫 Steaming egg puffs that were stuffed with melted chocolate chip; crispy and doughy on the inside with rich chocolate flavors!😍🤤 It also comes with a

之前食過尖沙咀，但發現原來自己區都有，唔駛去咁遠🤣今次試左馬介休雞蛋仔 $32第一次聽，雖然完全唔知係咩味，不過店員推薦咁勇於嘗試下😆原來馬介休係新口味，係 與聯乘澳門木偶葡國餐廳合作推出！味道好特別，有少少咸香味但又唔會太重，打破傳統甜味雞蛋仔，但真心唔錯，值得推薦👍🏻！另外仲試左芝士雞蛋仔 $33香濃芝士味不嬲都好吸引，仲令雞蛋仔多咗一種煙韌嘅口感！每個雞蛋仔都係即叫即做，好新鮮！另外仲有多款嘢食可供選擇！

荃灣分店呢間整得好好👏🏻非常外脆內軟 仲煙煙韌韌咁夠飽滿足料 係我食過最好食嘅雞蛋仔🥳.🧀芝士雞蛋仔$32🧀店員極力推薦的招牌 果然好好食芝士係帶奶香同微甜 每粒都有芝士本身怕會好咸膩 但原來都係帶甜一次過食曬成底都得😙😙.🥘馬介休雞蛋仔$33🥘即係澳門岀名嘅魚仔係同澳門木偶萄國餐廳合作鐘意佢淡淡又獨特嘅香味絕對唔咸同甜嘅雞蛋仔好夾🥰.🍋檸檬蘆薈蜜沙冰$25(套餐-$4）🍋酸甜好清爽 算大杯 所以都抵飲仲有極多款沙冰 值得加試🤤

老實講雞蛋仔真係代表香港食物之一媽咪雞蛋仔已經聽過好多次，之前行過幾次都見到人山人海，今日適逢晏晝時間去到，前邊只係等兩三個人，所以我哋今日就決定試吓我哋睇緊Menu真係花多眼亂大家都心大心細樣樣都好想食落單大約等10分鐘左右就已經有得食啦#芝士雞蛋仔就咁望落去就知道外脆內軟啦，睇得到外邊係金黃色，蛋味香濃，不愧為米芝蓮都有推介。如果有更加多芝士就更邪惡啦#伯爵茶粒粒朱古力雞蛋仔有少少朱古力溶咗起外邊到，食落呢有陣陣伯爵茶香味，加咗伯爵茶之後，令到雞蛋仔帶有茶的苦澀味之餘，用相朱古力粒又將味道提升，互相輝影！#馬介休雞蛋仔呢個係店員推介我哋試既，因為我哋15，16揀咗好耐，初頭都怕怕地中伏，但食落又OK喎，仲沒有違和感添，#金沙榛子格仔餅格仔餅上塗滿了爆多榛子醬及榛子粒🌰格仔餅咬落鬆軟可口。我哋仲點咗嘢飲，因為雞蛋仔加配的話飲品可以減少$4#蜜桃果茶蜜桃味幾重🍑茶味都幾香。#檸檬蘆薈沙冰雖然天氣涼返好多，但係沙冰確實透心涼。#菠蘿梳打味道唔算太出色，中規中矩。

雞蛋仔絕對係香港既地道小吃除左原味 依家進化到有好多唔同既味道芝士同抹茶係我既最愛😍.依家買雞蛋仔配飲品 係會減ʜᴋᴅ 4啊簡簡單單 下午茶ɢᴇᴛ!!!芝士既咸香味突出 同蛋漿既雞蛋香相輔相成用上幾款芝士一齊焗果然唔同仲有少少流心感❤️.抹茶朱古力以香甜為主 黑朱古力味會較為重但唔算太膩 朱古力有少少溶溶地咁 好正!!!外脆內軟 同芝士雞蛋仔一咸一甜咁一齊食😋.抹茶牛奶同紅豆冰都唔會太甜抹茶味比起想像中濃就算啲冰溶左都唔會話好淡👍🏻新寵兒之選

媽咪雞蛋仔可以賣到咁出名，最大嘅優勢可能就係在於即叫即整，口味多多而我就叫左個原味，最簡單嘅做法，可以試出呢間店的功架！但係我可能對媽咪雞蛋仔的期望太高，我食唔出佢同普通嘅雞蛋仔有咩分別，都係一樣咁脆咁有雞蛋仔味總括，我應該不會再試，會用$20嘅價錢去第二間買2抵雞蛋仔