媽咪雞蛋仔

Open Now

Now Closed

脆卜卜原味雞蛋仔🥳🥳熱辣辣出爐好脆又香蛋味外皮脆裡面吾會好多粉仲有好多其他口味添朱古力味都好受歡迎啊👏🏻

之前去中環行街果陣特登行去過中環街市買鷄蛋仔，係街市入邊，穩左一排先穩到，去到得一個女仔係出面點單，擔心要等好耐，叫做個原味雞蛋仔，20，其他加野或者係其他味就再貴少少，剛出爐好脆，雞蛋仔入面濕潤，凍左之後煙靭，好好食，我比較中意凍少少之後先食既，但係記得唔好扎埋個袋子口，係！要袋既話落單果陣就要出聲，姐姐比較無耐性。

作為雞蛋仔經常食用者🤣媽咪雞蛋仔真係全港數一數二高質嘅雞蛋仔😋首先佢有超多味揀😍鹹甜都有唔少選擇！因為個人係茶控～所以伯爵茶同抹茶都係我經常食嘅味🍵但有時想食下原味過下口癮🤣就好似今次咁！個人認為媽咪雞蛋仔嘅原味先賣$20真係好抵食！因為有啲非即叫即製嘅店都要$15～食落都感覺個蛋漿冇咁新鮮，真係寧願俾多幾蚊食媽咪雞蛋仔！又即叫即製、又大底！拎上手仲係熱辣辣☺️真係好幸福😌😌食哂成底真係好飽！✌🏽

間唔時生活需要一點甜，所以叫左個雞蛋仔獎勵自己~叫左一個原咪雞蛋仔，平日收工時間都唔洗等好耐，大約5~10分鐘就拎到雞蛋仔雞蛋仔外脆內軟，聞起黎好香，有d雲尼拿油味~原味20蚊一個，好抵食。食剩左d諗住晏d食，後來變到淋哂唔好食，所以最好都係即刻食哂。

我好喜歡芝士，又好喜歡雞蛋仔，所以媽咪雞蛋仔 哩隻 雙重芝士雞蛋仔 就啱晒我！雞蛋仔的蛋漿好重要，而媽咪雞蛋仔的蛋槳算係中上之選，烤出嚟嘅雞蛋仔外脆內軟，都有好香蛋味。我間唔中見到有分店，都會買嚟食，所以都試過好幾間唔同分店，例如屯門的，尖沙咀的，還有佐敦的。而咁多間我試過的店當中，我覺得哩間荃灣的整出黎的雞蛋仔係最好味的！佢芝士料足，焗完出嚟脆卜卜！一咬落去熱辣辣又香芝士味，我一個人都食得晒全底！唔知係咪因為咁，次次都要排隊的我之前試過尖沙咀有一間… 試左2次之後我就決定下次去買返原味算了，慳返一半價錢哈哈😆不過佢啲原味雞蛋仔還是不錯的

唔掂！諗住媽咪雞蛋仔個名都唔錯，平時經過又一大班人企喺度等緊，應該唔會差得去邊。口痕痕嗌咗個綠茶雞蛋仔，等咗十分鐘到，到手個包裝都熱辣辣嘅，急急腳行返公司3分鐘，一拎黎食，嘩咁硬嘅？咬第一粒已經咬損哂個上顎。味道就正常抹茶粉味，無咩特別。諗住29蚊無理由就咁掉咗佢，食多幾粒，最多「練」吓佢軟化佢再慢慢咬，未食完半包，成個口已經損哂，不得已掉咗佢。早知買行返去路德圍嗰邊買個12蚊一底嘅雞蛋仔算。難食。

叫咗一個芝士雞蛋仔，一個伯爵朱古力點解細粒咗，賣相又差咗。。。食頭幾粒都乾爭爭，無涵嘅。。。。。諗住可能係邊邊位所以乾少少一路食都係咁。。。以前好好食㗎喎。。。

雞蛋仔，一款材料簡單又好味的平民小吃。時代轉變，今天的雞蛋仔的味道已是千變萬化，見到網絡上介紹這間連鎖雞蛋仔店款式多，也買來試試。今晚九點多來到，看著餐牌有21款味道，有甜味，有鹹味，真有點選擇困難，款款味道都想吃。最後點了一份用UCC 117咖啡粉做的咖啡味雞蛋仔。人客不算太多，等三個號就到。不過現點現做，所以仍要等15分鐘才取到。雞蛋仔做好放在一個透氣的手挽紙袋內，新鮮出爐熱騰騰，急不及待拿來吃，雞蛋仔邊緣很脆口，咖啡味不太濃，但有蛋香，每一粒都鬆軟好味。未回家已吃了大半，回家繼續吃，但由於不熱了，所以口感稍為有些硬。所以我認為一取到手就趁熱吃是最好味的。

因為網上很多人推薦，而她也有不少分店，令我相信她的出品不會令人失望，但試過之後，就不能理解為何這麼多人力推這雞蛋仔店？點了原味的雞蛋仔，$22光滑的外皮， 不太金黃，像烘得不夠時間，餅皮不是香脆，有點兒硬 ，像有點疏了氣的餅乾，有點像吃水泡餅，有點兒韌，更加不用談彈性。 內餡部分做到半空，內餡不是軟綿，而是煙韌的口感，有點黏口，整體而言偏乾，不夠濕潤而最失色的是其雞蛋仔毫無蛋味，即是在等候時，也嗅不到蛋香。她唯一的好處是不會太甜。 

.#foodie #hk #hkfoodie #HTB美食推介【荃灣爆餡雞蛋仔｜現點現做鹹甜各有特色🍵】分咗幾次去荃灣終於試到三個味～雞蛋仔控制得好好，做到半脆半鬆軟，口感一流🤓.🐨伯爵茶朱古力雞蛋仔 $36推薦度：⭐️⭐️⭐️朱古力味好香濃，伯爵茶味就偏淡，會比較似after taste多啲，都算特別...但如果係伯爵茶愛好者可能會有少少失望～.🐨抺茶雞蛋仔 $29推薦度：⭐️⭐️⭐️⭐️⭐️抺茶味係試咗三種味小編比較中意嘅一種，因為佢抺茶味好香濃之餘，唔會食到苦味，而且只係小甜，味道好平衡～最緊要係佢最平😂.🐨黃金雞蛋仔 $41推薦度：⭐️⭐️⭐️⭐️小編好少食雞蛋仔會試鹹味...但哩間都係值得一試嘅，因為鹹蛋黃味好出，就好似黃金蝦好掛汁嗰款👍🏻而且仲有一粒粒鹹蛋黃碎，口感更加豐富！——☼——☼——☼——☼——☼——媽咪雞蛋仔📍地址：荃灣青山道荃灣段289-301號昌華大廈地下16A號舖🐨推薦度：😋😋😋😋/5💰人均價格：$50或以下🪸環境：外賣不作評分🗣️服務：👍🏻👍🏻👍🏻👍🏻📸食物打卡度：💡💡💡🛠️分類：#HTB荃灣 #HTB小食.#荃灣美食 #荃灣 #小食 #雞蛋仔 #美食推介

🐱對上一次食媽咪雞蛋仔已經係幾年前既事🤣今日咁啱經過見到媽咪雞蛋仔多咗好多款式，仲貴左好多🥹不過都都想試下新味道👅伯爵朱古力：$36🌕🌕🌕/5 我實在太耐冇食啦，原來包裝都轉埋！但真係要讚下佢呢個貼心嘅設計♥️係用挺身卡紙裝起，上面有好多窿窿，方便散熱，令雞蛋仔保持外邊脆卜卜😉唔同用普通啡黃色嘅軟身紙裝住，咁會令雞蛋仔易有水蒸氣同好快變淋💦味道方面，係輕輕食到twining伯爵茶葉香，略嫌茶味唔夠濃☕️粒粒雞蛋仔都有朱古力粒🍫頭幾舊都ok，食食吓會覺得太甜🙂不過口感做到外脆內軟，都叫合格既☺️

話說今日叫左個原味雞蛋仔返屋企食，開始食已覺得有燶味，打開一睇，原來成個雞蛋仔都係燶咗，竟然烤燶咗都照俾客人，結果要成個扔咗，浪費金錢五係個個顧客都接受到燶味雞蛋仔

🍫媽咪朱古力 $27 (7/10)叫咗top1嘅朱古力味，係原味加朱古力粒粒，外脆肉軟，咬開口感濕潤，粒粒都有朱古力醬，朱古力味香濃，但除咗朱古力味食唔到其他味，咁多個粉漿冇特別香，好彩冇叫原味，ok的。推薦指數: 7/10可能都係有加料嘅雞蛋仔好食啲？利申唔敢試原味。

今日搭巴士過咗站所以喺荃灣地鐵總站落咗車，阿女扭計好肚餓，見到呢間舖頭賣雞蛋仔，本來諗住買原味算，因為多數都唔適合小bb食，點知俾我見到有香蕉味雞蛋仔$30！少少甜天然味都ok啦兩歲小朋友，係等待期間，去望下佢嘅餐牌，又真係超級多口味，好多人等候原本只是以為一間小店，在寫食評的時候，才看到原來是很多分店的連鎖經營真的很不錯，不是很脆很硬的那一種，有些出名的雞蛋仔只有很脆的外殼沒有內裏很軟的部分，值得推介，女兒一個人吃掉一份香蕉雞蛋仔，晚餐也沒吃🤣另外，包裝很高級，絕對有誠意！

放工行到路德圍附近，突然想搵嘢咬下。搵搵下發現呢間雞蛋仔好似幾有特色，而且人都唔少。即刻整件檸檬芝士🧀🍋試吓。食落去口感唔錯，雞蛋仔外脆內軟。仲帶有淡淡芝士味，同埋一陣檸檬清香。下次再去應該會再試雙重芝士。因為本人芝士控，食落真係停唔到口。😙