媽咪雞蛋仔

Open Now

Now Closed

荃灣有唔少出名街頭小食，媽咪雞蛋🥚仔係我必買小食之一。今日係年三十，好多人早放工，所以都多人排隊。我都好醒目一邊買珍珠奶茶，一邊買雞蛋仔，兩邊一齊等，慳返唔少時間。每次都吃原味雞蛋仔，外脆內軟，但可能係我放左落膠袋既關係，所以淋左少少。不過不得不讚，雖然今日人多，但仍能保持一貫既品質。

好耐之前係紅磡食過一次，個次食好出名既朱古力雞蛋仔。平時食開原味，第一次食雞蛋仔有朱古力粒粒，咬落去有朱古力既香味，一試已經念念不忘。依家佢愈開愈多分店，連荃灣都有，當然要去試一試! 今次食香蕉朱古力雞蛋仔，一個字﹕正!

今次經過荃灣間媽咪雞蛋仔見到唔係好多人 就忍唔住買番底雞蛋仔食下😋平時我一定會叫朱古力味 因為佢既朱古力雞蛋仔真係有好多朱古力粒 而且外脆內軟好好味🤤但係食左咁多次 今次想搞下新意思 試左個香蕉朱古力味😂🍌🍫 雞蛋仔係一貫質素 新鮮熱辣外脆內較 每粒雞蛋仔入面有好多香蕉蓉 食落好濃香蕉味 但係朱古力味就失色左 唔夠朱古力粒😭 鐘意食香蕉既朋友應該好岩 不過我下次會揀番純朱古力味😀

今日行過先知原來荃灣都開左間，一時心郁就點左個原味雞蛋仔食。好耐之前係旺角果間食，閒閒地都要等半個鐘，好慶幸今日等左十分鐘就等到，正！不過好可惜...我果陣食既係外脆內軟，香濃雞蛋味，完全唔會令人覺得膩之餘仲可以一粒接一粒咁食...但可惜今日食到既唔係咁。首先，雖然佢係即叫即整，但之前既外脆變成硬，口感唔太好，內在仲係軟既，但蛋漿好似唔係好夠咁，而且味道都無之前咁香濃，真係幾失望下。其實佢而家多左好多唔同既味，可能新口味係好味，但估唔到原味竟然退步，都幾可惜。可能下次我會去返旺角果間試返，睇下究竟係單一問題定係全線問題，但就荃灣呢間原味雞蛋仔，我會覺得唔值得食。

細細個最鍾意食格仔餅，香濃嘅花生醬加糖，加埋熱辣辣嘅夾餅，超級香😍今日響荃灣等人冇嘢做，路過又見到格仔餅，等我回味下先😋格仔餅 ($20)值得highlight嘅係，佢地用細格模去做夾餅，點解咁重要？因為細格嘅夾餅會令餡同餅嘅比例啱啱好，市面上有啲大格嘅夾餅，食起嚟好多時都會甜得滯，所以細格係好重要嘅！不過值唔值$20/1底呢......嗯......過下口癮就OK嘅...... 始終....物價上漲，人工又冇得加😫😫😫 (乘機發洩下先😝） 

雞蛋仔細細個食到而家，有時在街見到，都會買一底， 間間都不一樣，有好食有難食，難食就要記住佢唔好再去買！媽咪雞蛋仔係屬於好食，所以經過見到媽咪都會買一底雞蛋仔，最好食係原味，所以其他不同味道都不會買！做到外脆內軟，有蛋味 1，軟林林嗰時 …都覺得好食！價錢20元 不算貴，等侯5分鐘，就有得食！

每次想食朱古力雞蛋仔，腦海裏面會有兩間，一間係媽咪雞蛋仔，另一間係Bove。雖然呢兩間價錢方面係屬於貴，但味道方面同員工既服務態度都俾我感覺到係值得。對我黎講，好味既雞蛋仔(只係講原味，唔講其他口味)要外脆內軟，有蛋香味，每粒最少有一半蛋漿。如果係朱古力味，有足夠濃濃既朱古力粒係一定要！除左朱古力粒份量要多，朱古力味並唔可以假，唔可以好重砂糖味。今次依舊揀朱古力雞蛋仔，亦都令我食得好開心，好滿足。今次食得開心之外，員工温柔、有耐性既服務態度，令我覺得好親切、舒服，就算我要等大約6個人，都等得開心！粒粒朱古力雞蛋仔 ($24): 外脆內軟，每粒雞蛋仔都滿有半溶既朱古力粒。對朱古力迷而言，見到已經會好開心，食落亦都會好滿足！濃濃既朱古力粒加上有蛋香味既蛋漿就係一底好味道既朱古力雞蛋仔！朱古力粒量份岩岩好，唔會令成底雞蛋仔過甜，鍾意朱古力雞蛋仔既你一定要試啦！

雞蛋仔真係由細食到大，以前覺得個樣得意續粒續粒meet黎食，到大個食就係為左童年回憶姐。近年講得多懷舊又創新，雞蛋仔就成為左gimmick，啲款出到五花八門，但好食既佔少數。直至有次經過紅磡，而果時媽咪雞蛋仔剛開將無耐，但名氣好大，就即刻走去試，又估唔到咁好食！跟住分店愈開愈多...幾乎我經過親佢都會買荃灣分店應該係我幫襯得最多果間。佢身處充滿小食檔既路德圍附近，又就近巴士站，買完小食再買雞蛋仔等車返屋企。佢都算係新式既雞蛋仔/格仔餅店，除左原味之外仲有甜同咸既味道揀，有時仲會出限定款。不過我都係鍾情朱古力味（$22）落單時叫埋野飲可以減4蚊，我就麻麻飲品，所以都冇試過。雞蛋仔係即叫即整的，大概要等5-10分鐘到，除左烘熱之外，臨尾都會搵風機吹一吹，令到個皮再脆啲。要吃好吃既食物就要俾啲耐性喇。佢真係做到外脆內軟既口感，個餡做到一半有一半無既效果。而且非常足料，成餅雞蛋仔都充滿朱古力，粒粒都痴住啲朱古力碎。但一啲都唔漏，佢用既朱古力都唔係好甜果隻呢到既店員都好好禮貌同埋店出面放左枝洗手液俾客人用，咁貼心既食店值得一讚

行街口痕經過見到媽咪雞蛋仔，聽朋友話幾好食，見佢加購飲品已經減$4 但都覺得有 d 貴，飲品$30減完都要$26, 見人飲都好細杯。叫左個肉鬆芝麻雞蛋仔，芝麻係金黃色，好香芝麻味，咬落去個芯有少少煙 un 有 d 似糯米糍咁，肉鬆同芝麻味道非常夾。料都非常滿，外脆内軟，非常出色的一款雞蛋仔啊同埋佢地好貼心地，有提供一枝酒精搓手液，用手直接啪開雞蛋仔黎食都唔怕污糟，雖然賣 $28 有 d 貴，但勝在夠貼心 夠滿用料 夠好食下次黎既話，試下芝士味先

我平日去搭巴士時，經常經過呢間鋪頭，平時我都係直行直過。因為個鋪吾算好起眼😅 今日突然間想食雞蛋仔，就叫咗個香蕉朱古力雞蛋仔試！我等左5-6分鐘，拿到手時仲係熱辣辣😄食落真係好足料，濃郁嘅香蕉味&碎朱古力粒，好鐘意😍我再細心一睇先知原來佢係米之蓮推介嘅雞蛋仔👍🏻

成日經過荃灣，都會食呢間雞蛋仔，不過今次退步左少少。記得第一次食嘅時候，外脆內軟，一陣就食晒一底。有一次去灣仔，都係食媽咪雞蛋仔，但灣仔分店完全唔得，所以今次再食返荃灣呢間分店。呢間鋪頭有好多味，仲有格仔餅，同埋每次都多人排隊，不過我每一次都係食原味。但係今次質素真係一般，雖然都係熱辣辣，不過個面就唔夠脆，唔知係因為落雨定因為放左入膠袋，所以有少少失望。希望下次質素會好啲，同埋下次都想試吓其他味道。

成日下午忙到完全無時間食嘢😑 趕住同仔仔去荃灣驗眼，驗完眼第一時間買野食醫肚👏🔷️仔仔似我咁為食，佢比較鍾意雜食多過食正餐，雞蛋仔我哋成日食，今次去媽咪雞蛋仔買番底試試去到巳經有人排隊買緊買雞蛋仔同格仔餅，其實格仔餅都鍾意食，只不過食格仔餅無咁方便，驚啲醬整到隻手立痴痴，都係食雞蛋仔簡單啲😉見到有幾款人氣之選分別有⬇️人氣no. 1 芝士雞蛋仔人氣no. 2 香蕉朱古力雞蛋仔人氣no. 3 抹茶朱古力雞蛋仔😏 比仔仔話事，呢三款佢都無揀到，叫咗🍫 粒粒朱古力雞蛋仔 $22🗯 店員雖然忙個不停落單，並沒有因為忙碌而變得急燥，態度仍是保持友善，也提示我需等候片刻🕰 等了大約六至七分鐘，雞蛋仔到手 熱到有啲辣手♨️ 紙袋同舖頭名牌一樣咁colourful~我鍾意雞蛋仔外型飽滿，食到蛋香味，朱古力味道亦濃厚，仔仔食完一粒接一粒，仲話好好味添！

食左個芝士雞蛋仔+一杯極度不知所謂既”宇治抹茶紅豆牛乳冰搖”既野飲兩樣野加埋盛惠$50真心個所謂人氣第一既芝士雞蛋仔真係完全唔覺得佢值$30又少味道又一般但都算喇, 咁見熱佢話加杯野飲可減$4 咁咪試吓囉, 叫左杯”宇治抹茶紅豆牛乳冰搖”. 第一野一飲落去, 我除左嘩左出嚟同時已經係無名火起要講粗口係呀杯野好貼題, 係就係紅豆同抹茶但全杯野最高境界係完全無味d豆係苦既. 大佬你落dd糖都好掛, 叫人加錢野野俾杯咁既野嚟. $50 完全係食垃圾, 雖然係街頭小食但都有返d良心好唔好？我唔知其他分店係咪咁但荃灣店絕對係人間劣食, 希望唔好再有人中伏

周日行深水埗時 到Mammy Pancake 買了一底原味雞蛋仔$16.00 ，過了四天在荃灣買原味一底要$18.00？但質素冇之前的好！之前吃的全底雞蛋仔都好飽滿，顏色均勻，邊邊也很香脆，但今日那底就差得遠，邊邊的幾粒料少了，又唔夠香。價錢又唔同，質素又唔一樣！

自從N年前係紅磡食過媽咪雞蛋仔之後，都覺得佢地的確幾好味，所以今日係荃灣見到，都諗住買返底邊行邊食，但呢到一個人都冇，完全唔洗排隊，最初以為係位置問題，但原來.....等左幾分鐘，原味雞蛋仔就拎得，熱辣辣，識食雞蛋仔都知要吹凍少少，先外脆內軟，所以我等左幾分鐘，一搣.....咩事，唔脆，再食，un架喎，望下成底野，膠咁既，個表面令架喎，究竟係咪模型黎...真係明明都係同一間野，點解質素差咁遠，真係要好好改善下個配方