萬芳冰室 (建德街)

Open Now

Now Closed

好中意食萬芳既香辣雞丁通常小編會配米粉 (因為轉出前一丁/蟹皇麵要+$5😂)都幾唔抵 買都唔洗$5🥹好彩香辣雞丁都多呀, 撈埋米粉食好吸佢D辣汁可以配煎蛋/炒蛋 + 腸仔/午餐肉/紅腸 + 多士 + 熱飲佢D野分開上分得太耐 食完個麵先黎蛋腸多士 (唔記得左影)奶茶都係好飲 同算係正宗茶餐廳風味如果係當早餐食 其實價錢係合理架只係不解佢轉出前一丁/蟹皇麵要+$5姐😮‍💨全日餐$34📍萬芳冰室 📌元朗建德街35-55號時景花園地下10號舖#yuenlong #元朗美食 #元朗好去處 #茶餐廳 #茶餐廳早餐 #元朗 #hkfoodie #foodiehk #hkgirl #hkfoodblog #hkfoodlover #食左先講 #食左先算

今日同家人一齊放假在家，午餐試下萬芳冰室。家人叫咗招牌生炸雞髀配薯條，雞髀真係算大隻，而且亦炸得好味。薯條就一般OK。我就叫咗常餐沙嗲牛肉通粉，配火腿奄列及多士，沙嗲牛肉份量太少，導致放落湯後，味道較淡，通粉的份量算OK啦。相對其他地方的沙嗲牛通粉，萬芳的麻麻。跟餐揀咗自家制菊花茶，味道OK。另外叫咗個公司三文治，呢個味道及賣相都唔錯，感覺CP值反而高過沙嗲牛通粉。總結整體的食物係OK, 不過常餐我唔會推薦。

今日入開元朗買嘢，午餐入咗萬方冰室食，我哋叫咗常餐，叉燒一丁，腸仔蛋多士，味到正常😬，沙丹豬扒飯，好多材料，有煎豬扒，蛋，火腿，菠蘿，整體味道尚可，之後楊州炒飯，最好味😋

萬芳餐廳已經在元朗有一段時間， 老字號裝修之後保持懐舊風氣味。 平時都很多人，午市時間幾乎坐滿， 人氣之選。今次叫你一個全日套餐，星洲炒米配冇味青精紅蘿蔔豬骨赤小豆扁豆湯， 另加熱咖啡。例湯風味十足 用料豐富絕無味精 飲咗豬骨香濃，湯鮮甜適中。星洲炒米用料豐富，芽菜，韭黃，叉燒，火腿，蛋絲，冬菇絲，洋蔥絲，份量豐富，咖喱辣味適中，值得一讚是用鳳尾蝦，不是小蝦仁，並且完全不油膩，口感十足。優質之選。可惜熱啡量不多，啡味一般，奶味為主，未夠香濃，可再增加啡啡濃厚。星洲炒米 全日套餐$58味道：環境：清潔：服務：回頭：性價：交通：

一直聽聞萬芳炸脾都好出名，之前早餐試過沙嗲牛肉覺得唔錯，咁啱入開元朗，就去萬芳食lunch午市都幾多選擇，有全餐、常餐、午市套餐，一般茶餐廳嘅炒粉麵飯都有，價錢大約$45-$60，最緊要多選擇，總有一款會啱食午市套餐可以簡中型炸脾($58)或者巨型炸脾($65)太陽蛋飯，我叫咗中型炸脾，已經覺得好大隻飯嘅底有豉油，記得撈渾食，隻雞脾炸得有啲乾，啲汁又係晒飯嘅底部，有啲難餸飯，無其他人講到咁好食，有啲失望午市黎講都算抵食，下次會試其他嘢

如題啦 得一兩個餐例如常餐可以有餐飲跟好少茶餐廳會咁 加杯嘢飲廿幾三十蚊又好貴不過食物質素都OK嘅 生炸雞髀真係超大隻同埋葉得幾好味要等15分鐘都值得嘅薯條亦都外脆內院好好味

好幾年無嚟食萬芳冰室！我好記得第一次嚟食個超巨型炸雞髀好有驚喜！覺得超巨大又超香又嫩滑！我咁講得就係因為今次我覺得隻生炸招牌雞髀太陽蛋飯 （$52）細咗好多，當然佢都係大過出邊啲普通雞髀，但係有少許失望！味道方面係維持到嘅！需要15分鐘㗎！要耐心等候！另外就係個焗鮮茄豬扒飯 （$58）！不過不失！真係同外面差唔多，無咩特別！但係最有驚喜就係個公司三文治 （$42）有蛋、午餐肉、同埋竟然有豬扒！好食！多士搽咗好多牛油㗎！正正！

中午在元朗覓食，經過這家萬芳冰室即時童心未泯立即推門內進。😄冰室設計非常懷舊，選用瓷磚及顏色、吊扇及綠色鐵欄，再加牆上掛有當年餐廳外貌相照片，這全都都提醒了童年部份回憶。🍴手撕雞套餐 見到牆上有張介紹，係童年回憶大菜糕蛋，立即決定就要呢個套餐。😭可惜只供參考！姐姐話疫情關係廚房沒有提供，有關係架咩😓！改了食烚蛋，細細隻走地雞蛋好有蛋香味。手撕雞果真人手撕，正式雞有雞味，肉香軟腍連皮都軟滑可口，通粉口感恰好，湯底濃厚有啲質素。👍餐飲杏仁霜，味道比較清淡。

突然好想食茶記早餐，去產檢經過萬芳冰室好耐無食，等jo食個靚早餐先🥰熱奶茶點完餐好快奶茶就到，好香滑茶味濃，正炒蛋多士炒蛋好香滑份量又多，讚👍🏻多士我無加$1焙底，軟淋淋太凍，下次都係唔好慳🙈沙嗲牛出前一丁好耐無食！但呢到得通粉/意粉/米粉，食沙嗲牛緊係食麵！加錢都要食😂非常足料牛份量又多，又夠淋同入味，麵也煮得剛剛好，正埋單$41正常價錢，如果突然想食港式茶餐廳滿推介呢間，質素不錯👍🏻

經過見到呢間懷舊冰室，諗住應該會唔錯啦，入去見到有個「重量級招牌鮮牛肉餐」，寫住重量級以為會比平時嘅餐多啲，等咗15分鐘，終於等到喇........嘩，嗰碗米粉大到呢真係比佢嚇親，嚇親嘅原因係得3啖米粉，比一般下午茶還要少！食完好似食風一樣！我杯飲品都未飲完，就走來同我講：出邊好多人等緊，你介唔介意...........真係唔係好明，越出名質素就越差！下次真係要諗清楚，唔好隨便行入一間名牌茶餐廳！

1410落單自取外賣叫左11份食物，話半個鐘攞得。我1452到，但個收銀阿姐竟然話漏左單！仲要完全無歉意大聲夾惡咁話：「咁你仲落唔落單？」成件事一句道歉都無！！因為間舖位置太偏無其他餐廳嘅關係，我再落過單，但呢位阿姐又打錯單，將3百幾蚊嘅單打成$488，然後又係一句道歉都無！本身應承15分鐘整好會快單，然後我等左25分鐘！！！要幫襯嘅請留意呢間嘢嘅服務態度！唔會再幫襯！！垃圾！！！！！！！！！！！！

去到元朗入下白泥前先去吃個早餐朋友大左我去呢間～個名好靚嘅茶記～店內已經感受到有懷舊氣息，入到去感覺更加好，懷舊得來很整潔，而且店非常堅持每台只能有兩個人（唔會喺台中更加塊版之後放四個）空間感唔錯.入到去抬頭看會見到小飛俠但係因為呢排比較晏起身去到11:45 早餐最遲11:30，所以唯有叫其他.朋友點了他們的招牌雞髀🍗系列，雖然佢係男仔但係話點都會分到啲俾我食因為真係好大隻，所以我便點了豐富常餐✨我個餐到先，👍🏻牛肉米粉：真係冇乜味精，豬骨湯底雖然淡啲但係都幾好味，牛肉生鮮（如果鍾意食濃味嘅朋友會覺得偏淡）👍🏻前雙蛋午餐肉多士：豐富水準好👍🏻奶茶：高質素茶記奶茶嘩，朋友個餐終於嚟到(約15分鐘）隻雞比差唔多有我三隻手掌（我隻手比較細，其他人可能係兩隻）唔單止得個大字，外脆內軟，仲要勁多肉汁，OMG （女士要小心份量都真係大）總結:食物：（茶記黎講）9環境：7.5清潔：7服務：7（茶記黎講真係幾好，當然唔好預佢酒店嘅服務）性價比：7.5回頭率：8（每次有朋友冇嚟過都應該會帶佢食雞髀🍗）

▫️生炸雞脾瑞士汁撈丁🍗係萬芳嘅招牌菜式，好大隻嘅手槍雞髀，佢嘅大係難以形容，要親身先會體會得到佢嘅打，粉漿一D都唔厚，皮炸得好脆，入面都仲好Juicy，好好味😋▫️凍檸茶/$20▫️瑞士汁豬扒撈丁一次過Order曬萬芳嘅招牌菜，好大塊嘅豬扒原來只係萬芳嘅中型size，豬扒煎得好Juicy，撈丁個汁好好味，而且個面煮得好好味，爽口彈牙，下次來萬芳都要再Encore▫️奶醬多士餡料落得好足，飽係烘到皮脆內軟，非常有質素▫️紅豆冰/$26嗌左少冰，師傅好細心落冰份量岩岩好嘅，紅豆份量都好多，食極都仲有，正啊

同屋企人一齊黎食第三次，但食物質素下降，好失望😢1. 老火湯 $14冇以前咁有火喉，煲得好耐嘅感覺，飲落偏喊，似落咗味精🤔🤔2. 乾炒牛河 $46好足料，炒得好香好有鑊氣，配埋個辣椒醬，好好味3.西多士配煉奶 $20金黃香脆，好邪惡😈，唔錯🤤4. 瑞士汁雞翼撈丁 $34個麵食落唔夠味，好似冇咩味咁，仲有d硬，不過雞翼就夠味5. 炸脾太陽蛋飯 $52黎呢到主要係為左食佢，但係冇咁好食啦😢個脾仲唔太夠味，咬落去冇以前咁脆6. 紅豆冰 $26味道正常，但紅豆有d硬價錢💸 7/10 我地想食嘅冇一樣係餐黎...4個人食左～$200，除番係幾抵，不過我地都未飽，再食下餐🤭

無幾耐之前曾經去過萬芳冰室到食嘢，不過篇食評就到宜家拖拖拉拉先寫到出黎，雖然餐廳位置比較偏僻，不過我仍然覺得呢間餐廳值得推薦首先，餐廳環境，設計同店員服務方面，萬芳冰室整體環境都幾乾淨開揚，設計就同大家所知既一樣以50-60年代懷舊冰室為題，整體嘅感覺都幾好。而且店員嘅服務態度都唔錯，幾nice，無漏單嘅情況發生。食物方面，嚟得呢度就緊係要試下呢到嘅馳名招牌生炸雞脾同紅豆冰喇，我覺得都算係抵食嘅（利申番本人比較細食），所以隻雞脾我同個friend兩個人食啱啱好，我覺得雞脾方面萬芳真係好有誠意，隻雞脾唔單止份量足而且仲要係即叫即炸，雞脾嘅調味啱啱好，唔會話太鹹，咬落去嘅時候會feel到d雞肉好嫩好滑又脆口，唔會好似市面上有d雞脾禁炸到又燶d肉又柴，所以真係值得一試！同埋我仲叫左多蝦多士一試，雖然外表上炸得真係好靚，但本人就覺得味道就真係麻麻，感覺好似無咩味（全程靠個汁）而且食多幾啖仲覺得好乾好口渴囉