萬興餐廳 (Closed)

🥢🥣🥄平民飯堂，大碟抵食又好食▫️只招待會員☑️胡椒豬肚雞湯飯 - $48好大碗，超足料，有大量酸菜、豬肚、同埋雞件，叫左少飯但都好多飯，個湯好好飲，胡椒味濃，冇味精，飲完都吾會口渴，暖胃健康又飽肚之選。☑️馬來炒貴刁 -$49炒河同樣好大碟，如果唔係大食絕對夠食兩餐。用上咖喱粉，咖喱味香濃，但唔會好辣，炒得好有鑊氣及均勻，每條河粉都呈金黃色，配料亦很大方，有好多粒新鮮彈牙嘅蝦仁、火腿絲、蛋、叉燒、蔥。口感味道全部都好正。

🥢🥣🥄會所內抵食茶記小炒▫️只招待會員▫️免加一☑️豉汁蒸黃立䱽 - $88呢條魚好多肉，吾算多骨，蒸得幾好，魚肉好嫩滑，搭配嘅豉汁都好味。☑️德國脆皮炸豬手 - $158好大份啊！豬手外皮炸得香脆，肉仲保持鮮嫩，店家仲送上左一籃生菜，及兩款調味醬（甜醬及芝麻沙律醬），將肉包入去變生菜包食又得，就甘食菜好似沙律甘又得，可以有肉有菜，減低油膩感。☑️九格西多士 -$5晚市惠顧滿$150就可以加$5換西多士，甘抵一定要試下😆西多士做得好有心機，吾係就係2塊包夾住炸，而係已經塗好花生醬，切好九格先炸，每粒6面都炸得好靚，店家仲用上厚切面包，所以好大份。而牛油同糖醬都已經淋好係面，一上枱就可以襯熱食，滿分💯。

好餐廳真係要特別寫食評好好讚賞，希望俾多啲人知道👍👍作為街坊，一直都知道喺會所有呢間餐廳存在，但係位置實在太隱世，好多時都只會喺商場啲連鎖店裡充飢。直至母親節，食開呢間餐廳嘅媽媽提議叫外賣，出餐快不特止仲要份量好多、有水準👍👍 隔一個星期即刻encore落去餐廳食現場，點知更加係驚為天人，好味到停唔到口😍😍餐廳位於麗港城一期會所，座位寬敞光線充足！星期六晚幾乎全場爆滿，侍應服務非常周到，一坐低已經遞來兩碗無味精靚湯讓我地飲住點菜👍👍 菜式款式多亦都價錢合理，簡直花多眼亂~ 最後嗌左山楂咕嚕肉、萬興小炒皇，落單嗰陣侍應仲溫馨提示嗌左兩碟餸，加36蚊有得食豉椒炒蟶子！發達啦！向來鍾意食蟶子嘅我聽到即刻二話不說落單，飲飲下湯，小菜陸續送到！豉椒炒蟶子非常夠味有鑊氣！真係冇諗到加多36蚊可以食到海鮮！山楂咕嚕肉咕嚕肉新鮮炸起脆脆有溫度，個汁酸酸甜甜非常醒胃，仲有荔枝做生果點綴唔會太酸！可以話係我食過最好味嘅咕嚕肉！萬興小炒皇呢個係我爸爸最愛，上次食過外賣已經覺得好好味，今次食現場簡直係驚喜萬分！新鮮炒好非常有鑊氣，最喜歡乾蝦脆白飯魚菜甫非常有口感，辣辣地好香口，送飯伴酒一流！！份量滿滿，唔駛加

萬興其他係我地城內都有一定的名氣,經常見到店員大大盒送外賣的姿態。已經食過不下10次的我,決定要幫萬興做個紀錄。萬興最出名的一定係佢地的每天例湯大大碗落足料,每一啖都回甘絕每味精。真的,一碗好湯足以留住客人的心。是日叫咗柚子一子骨,份量多一向都係萬興的作風。酸甜脆熱送飯一流。每逢叫兩個餐就可以+$38一換時令海鮮。當初我地仲傻傻地以為$38是一隻蟶子,仲打算叫兩隻。原來係蟶子仔!! 仲要食極都仲有!!真係抵到笑。再來亦係必食 超厚西多士!想話$5蚊而家可以做到咩?竟然可以有9粒大大粒西多士咁好ge餐廳真係好驚佢頂唔住,希望係呢到見到的城友大家多都多多支持小店。

用心做的脆皮炸原隻豬手.好脆吾肥吾咸香噴噴好好味.差D連骨都食埋.超正！茄子豆腐煲都吾太油好味份量足夠.炒通菜新鮮.家常便飯都吃得好滋味一家三個人食餐飯已經好豐富!

早前試過自來大肉蟹黎考牌，無失望重有驚喜，所以一早問好老闆做唔做外來海鮮加工，佢話無問題我就正式約朋友開餐，一行19個大人，真係唔野小，所以四點就拎晒D海鮮過黎比萬興準備，晚飯約咗七點，等齊人，起菜，一開波先飲無味精例湯，呢個湯天天不同，都係要必飲！第一味海鮮-椒鹽尿蝦，野味，因為佢原條製成後先開半，所以所有肉汁都保留喺裡面！第二味-蒜蓉開邊海中蝦枌C底！蝦靚有膏點蒸都唔會出事，值得讚嘅係佢D蔥花用滾油拉熟晒！正！第三味係蒜蓉粉C蒸元貝，完全無問題。第四味-豉椒炒聖子皇脆米粉底，呢個真係驚喜，個米粉底真係好脆，如果要投訴，只可以話唔夠汁！下次應該多汁，米粉底另上！第五味-清蒸南非鮑，蒸野無乜得投訴。第六味-清蒸東星班。第七味-油鹽水花甲，個湯好味，真係可當湯飲，重有粉C喺裡面！正！第八味-疆蔥炒大肉蟹，疆蔥都食埋！第九味-避風塘炒蟹，野味！兩款蟹不相伯仲，好難取捨。第十味-豉椒炒花甲，係自己唔記得加脆米粉底，失策！黎到萬興除咗例湯，重有脆皮德國咸豬手，重有海南雞，蝦餅都係必食！晚飯有乜開心得過可以叫凍檸茶，真係好招積，晚飯唔收加一，真係平靚正抵！

一向對佢哋嘅品質都有信心，午餐嘅小菜，通常都好有鑊氣，調味都好豐富。不過今次選擇喺度食晚餐，對於佢哋嘅調味有點失望。我們叫了一個柚子蜜桃豬扒，坊間好少地方會有依個組合，所以我哋都想試吓睇吓有冇驚喜。食落去其實都酸酸甜甜，但係柚子有啲苦，而且感覺其實都唔夾。另外就係椰菜炒腩肉，基本上都真係冇咩味，真係有啲失望。最後就係腩肉豆腐，依種豆腐入邊碎晒，一啲都唔滑，整體來講如果食佢哋嘅招牌小菜應該都唔錯，不過試新野嘅話都係不了。

由於之前工作嘅關係所以成日都會喺依間餐廳度食嘢 本身食物嘅選擇都幾多而且價錢都中規中矩 不過平時都係試佢嘅咕嚕肉 椒鹽鮮油等等嘅小菜 跟住就要試吓佢哋嘅喇沙面。今次叫咗個雞翼喇沙面雞翼來講都幾驚喜。有別於平時食嘅滷水雞翼，佢哋配既係炸雞翼，而且湯底來講椰汁味比較濃，配上泰粉其實真係幾正。同行嘅朋友叫咗個豆腐火腩飯 不過就比起平時水準來講稍為遜色 醬汁來講好似落得太多生粉 所以感覺有啲漿 下次應該都唔會再食豆腐火腩飯。

呢間茶餐廳黎過好幾次，貪佢方便。餐牌上都係一般茶餐廳有嘅嘢食，味道一般，都OK嘅。奶茶都算夠滑。唯一我覺得服務上有待改善，第一，餐廳位於大型屋苑會所內，有好多家庭嚟呢度食嘢，但係佢連一張BB櫈都冇。另外茶餐廳同一般餐廳一樣，枱上有刀叉筷子自己攞，但係就一張紙巾都冇，要問先比一兩張你，非常唔方便。試過叫佢哋嘅雞煲外賣，味道還可以。不過個人覺得一品好食啲。。。唯一驚喜係佢有露天位，要食煙嘅人士可以選擇坐喺佢露天位望住泳池。

沒有想過會所餐廳會有如此高水準，價錢非常合理，款式選擇多元化，食勻多國美食。佢地嘅德國豬手非常好味，羊腩煲超值大煲，可惜週末週日並不供應！晚飯還有海鮮供應，肯定會再幫襯！

這間餐廳的位置原本是一間潮洲餐廳，自從餐廳沒有再續租後，那個舖位好像也沒有新餐廳接手，直至我看看openrice上的新餐廳，才發現原來那位置有新餐廳開了。餐廳的格局有點像茶餐廳，也有點像酒樓。餐廳室外的位置也可供人坐，所以中午來的時候也不用擔心沒有位子。可能是新開吧，感覺上不算很多人，我和友人一來到就有位了。餐牌上的選擇真的有點嚇到我們，因為真的很多很多，職員說除了早餐和下午茶的食物外，其它的都能選。我看著餐牌上的牛腩煲、羊腩煲、各種中式小炒、泰式麵飯，決定放棄選擇權，任由友人選了。下面的圖只屬部份餐牌，因為太多的關係，我後來也懶得拍了😂最後我們點了干炒牛河、泰式海南雞飯、羊腩煲、黃金蝦、黃金海鮮炒飯、和西蘭花炒鮮魷。一開始的時候，職員會拿個爐來，然後端來羊腩煲和一碟生菜，要等燒滾後才能吃。因為我不吃羊肉的關係，羊肉的味道是如何我就評價不了，但我吃煲內其它配料，味道也不錯，煮的時候吸了湯的味道，所以吃時能吃到湯濃郁的味道。干炒牛河我感覺只是一般，略嫌不夠鑊氣。至於海南雞飯就味道不錯，飯吃起上來挺香，但略嫌有點濕。雞肉很滑，吃起來挺有雞味。至於西籣花炒鮮魷我就覺得一般，魷魚不夠爽，吃起來

款式種類多 味道唔錯 價錢都唔貴 餐廳闊落坐得都舒服 一般茶餐廳價錢 係寫單阿姐嘅態度有待改善 冇禮貌 唔夠醒目 做樓面 最緊要識變通。 服務性行業 有心做 客人會感受到新張一個月 希望可以多改進 會有更多客人 願意來消費

知道屋苑私人會所內開了間茶餐廳，沒有即時想試食的衝動因感覺雖說是茶餐廳必然是像翠X之類之貴價type。食個早餐唧唔駛專登入去會所食呀商場有幾間快餐店大把選擇....前兩天撞到個街坊話試完佢個早餐幾唔錯，今日假期唔去嘆茶改去萬興試下。叫左個醒神一天早餐C~蕃茄薯仔濃湯餐，牛油多士雖然得半件但熱辣辣好窩心，奶茶茶味足，唔錯。見晚餐餐牌價錢唔貴就決定今晚再來試下。見了個兩款小菜set dinner $116包白飯及老火湯，北菇蓮藕炆豬手~豬手炆得好霖好入味，個汁底咸甜適中值得推介。啫啫通菜煲大大煲唔會過份咸，除通菜外煲內還有肉碎好餸飯，美中不足就是唔夠乾身，太多汁