萬利小食店

Open Now

Now Closed

晚飯時間來到萬利食車仔麵，車仔麵是自助的，當搵咗位後，就出去自己揀餸，我揀咗米粉加底，燒賣，蘿蔔，雞翼尖。特別想提的是，他的燒賣非常有彈性，一啲都唔差，配上佢嘅自家製XO醬，味道非常香濃，建議一試。

今日難得係大埔出沒，梗係要去萬利幫襯下，萬利車仔麵歷史悠久陪過好多大埔人既成長，相信住係大埔老一輩既居民無人唔識。自己大大話話都有幾年無食，唔知依家變成點呢？餐廳係舊式嗰啲小食店款，店內只有幾張枱，小食店到晚上就會係門口多開幾張木枱。雖然咁多年無幫襯，但估唔到無嘜點加價，一麵兩餸都只係 $24 蚊，價錢真係平到黎哂地。呢度既秘製辣醬幾好食，鐘意食辣既朋友仔可以試下，今次叫咗牛腩豬腸豬紅河粉 ; 豬腸乾淨無異味，而且幾肥美吓，牛腩同豬紅都好正，雖然價錢咁貼地，但麵既份量一啲都唔孤寒，真係可以用平靚正黎形容，另外門口重有腸粉、魚蛋、燒賣、生菜魚肉、碗仔翅果啲賣。

今期推薦~超級入味的蘿蔔一向都比較鍾意食粉麵多個白飯，今次特登入嚟大埔試吓呢一間抵食的車仔麵。每個餸8蚊，真係10分便宜，比起深水埗的文記車仔麵更為抵食。今次試吓最出名的蘿蔔陳皮魚蛋，魚片和鳳爪。令人最驚喜的是蘿蔔。白色的蘿蔔吸收湯底的精華，味道10分濃郁，真的要大大力推薦，相信到了冬天的時候，白蘿蔔當做的季節，應該會更加好食。但這間車仔麵的辣醬，個人覺得麻麻，但係這間餐廳的CP值10分高，最少$24就可以食到一個車仔麵。

萬利係大埔屹立多年必有其原因，今日吃了魚蛋腸粉，腸粉充滿油光滑身，加上甜醬辣醬芝麻醬豉油，再外撒上一層香口芝麻滑嘟嘟，十分之好味道魚蛋應該是陳皮魚蛋，帶有香味 細細粒

係大埔中心想食車仔麵第一時間就諗起萬利，由細食到大一碗四餸車仔麵41蚊，價格算是正常水平。我叫左通菜，蘿蔔，釀豆卜同魚肉，麵則叫了粗麵。佢個湯底有D咸，食完要飲返多D水蘿蔔好甜，加上佢個湯，其實都幾好食。魚肉都算有D彈牙，而且份量多釀豆卜就有驚喜，睇落係豆腐卜，一咬落去裡面係魚肉，而且豆腐卜好香，再加上吸左D湯，真係幾好味另外就係佢D麵都好多，碗又夠大，一碗食落去真係好飽，好滿足偶爾食返呢碗充滿童年味道嘅麵都好唔錯

喺同事極力推薦下，嚟到呢間大埔萬利小食店食車仔麵。店內是自助形式，先排隊落order食咩，之後比錢再揀位坐低。店內雖然比較狹窄座位小，但整體乾淨企理。🔹車仔麵 $36我揀咗清湯油麵底，餸包括有：菜心、蟹柳、魚蛋同炸魚皮。清湯帶有小小甜味，唔會話食到好寡，油麵煮得啱啱好，爽口彈牙。蟹柳同魚蛋就一般無乜特別，但驚喜係炸魚皮！又薄又脆，浸完湯底一下咬落去好正！無油膉味，下次嚟食一定額外單點小食！整體黎講係值得Encore嘅小店！好味又抵食！📍萬利小食店大埔安泰路1號大埔廣場地下15號舖．．環境分數：6.5/10食物分數：8/10Encore分數：8.5/10

尋找回憶的路線，途經萬利小食店可能進去不合時間，lunch時間比較多人，所以有小小食物選擇困難的我，進去便求其選了，紅腸、雞翼、蘿蔔油麵再加可樂，成為$37。 我要唔辣，阿姐比左辣的我，食到我差啲噴火太多人都唔想換，除了辣左啲!總括來說都幾好味!下次吃腸粉好了😆

自從女朋友帶過我黎一次，萬利就變咗我既深夜飯堂🍜有時放工放夜咗又未食飯都會入去食返碗，事關叫完即刻有唔洗等，咁夜再等真係等等下都唔餓😪舖入面枱唔多，佢係自助形式。入到舖如果有兩個人就最好揾一個坐定定先，另一個就行去叫野食 同靚姐講要咩麵再講要咩餸🍜如果食得辣 就一定要同佢講要辣醬!!!!! 唔好睇佢得咁少放係個匙羹，食食下都幾辣🔥 不過如果真係食得辣當然可以叫靚姐俾多d啦😏餸既選擇就正常啦🤔 我多數食車仔麵都會叫蘿蔔因爲會索哂個腩汁d味，萬利既蘿蔔好甜😋叫埋我由細到大最鍾意既雞翼尖就最夾，事關今晚呢餐當晚飯就叫埋墨魚丸好似會飽肚d😅其實都算足料，有4舊蘿蔔5隻雞翼尖加4粒墨魚丸！不過唔知係今晚太餓定d辣醬太惹味，食完都仲未夠喉😅

由中學到而家都依然一直幫襯嘅一間老店。上至車仔麵下至腸粉魚蛋燒賣都一樣試過。比起之前細佬帶我去舊墟食嘅優勝得多，當然食落都會有感情啲添。每次入大埔落車後都會帶小b一齊去食萬利，估唔到小JM都俾萬利嘅腸粉所吸引食唔停口，攪到1大1細都要食成15至20蚊腸粉，仲未計燒賣魚蛋之類。我鍾意嘅當然係呢度嘅果皮魚蛋啦，絕對係每次都必食，因為果皮嘅香味真係好令人懷念。唔帶小B個陣我會同爸爸兩個食小食，例如牛栢葉、牛丸、雞亦尖之類。食車仔麵嘅話我會比較喜歡食豆卜，雞亦尖同豬腸，個腩汁湯底簡直係精髓。所以絕對值得帶小B一齊去食。

這間車仔麵，位於巴士總站旁邊，也是經常經過，但是從來沒有試過。這次又在工程之後，沒有什麼想法，想找個地方坐一下，結果首次內進試試這間車仔麵。當然，地點方便，價錢就沒有屋村車仔麵那麼廉價。點了一個麵幾個餸，我之前說過，荃灣那間榮安車仔麵，那個辣汁經已是非常過分，😒難得根本是瘋顛的程度。但是，友人說這間車仔麵的物質，比起那間更加過分。油麵的份量不太少，亦都非常普通。豬大腸薄薄的，不會太鹹，不會太肥膩，亦都沒有中間那些肥膩或骯髒物；蘿蔔大大件，也算清甜；鳳爪頗大件，尚算入味。但是就味道而言，這間車仔麵，其實不會令你印象深刻，只覺普普通通，地點方便，好像某些屋邨車仔麵更佳。

萬利！佢真係陪伴好多人成長，幾乎係由細食到大🤗🤗🤗以前鍾意lunch食佢嘅雞翼尖車仔麵，而家嚟到多數都係食宵夜🙈放咗工夜晚成十二點搭巴士喺大埔中心總站落車，隔離就係萬利，經過都忍唔住坐低食少少嘢🙈🙈🙈🙈我自己通常就會叫啲腸粉燒賣魚蛋嗰啲有時仲會加多串牛柏葉🤤🤤🤤我鍾意佢嘅魚旦係用陳皮魚旦，佢啲腸粉都係有質素架！有啲鋪頭真係連腸粉都整得唔好，咬落去一舊舊咁萬利啲腸粉絕對唔會出現呢啲情況🤤🤤果日見凍重叫咗杯熱豆漿，perfect~

萬利小食店這裡的賣相吾錯，這裡的生菜好新鮮，這個湯河煮得好彈牙。蟹柳也都好食，墨丸好新鮮。但是個份量就少些咯，個雞汁湯好飲。但有醬油味。價錢好優惠。這裡環境可以，開放式的廚房，服務態度好，大家可以來試下拉。

很多時在大埔買腸粉吃但味道不太好！有人話大埔廣場地下有一間好吃的腸粉、小吃。一直想食但每次去大埔中心附近終係食吃其他嘢！昨天終於比我入去萬利吃了。店子不太大但乾淨企理有卡位和枱位。我揀了腸粉、鳳爪、魚旦、豬大腸。除了辣椒醬其他調味都要。先試腸粉混醬吃很好味喎，再試埋鳳爪估不到炆得很入味而且很大隻很好吃，豬腸也不錯沒有異味可以吃到豬腸的特別味道。魚旦更是外面難得一見我至愛的果皮魚旦！入口爽口有魚味和果皮味…這裡有茶檔可以點埋飲品，飲品大路但也不錯。我已愛上萬利小食定會再幫襯

呢間野都食左十幾年，雖然食物質素吾差，但態度見仁見智，明明叫左腸粉燒賣魚蛋外賣，番到屋企先知俾少左串魚蛋，當時就得我一個外賣客，都應該吾會話忙到吾記得左放，超無奈🤦

呢一間車仔麵係大埔都幾出名，唔少人下午茶或者消夜都會選擇呢一間車仔麵。佢嘅配料都算多，豬血，牛腩，蘿蔔就係我嘅最愛。一個面底十幾蚊再加配料都係二十幾蚊一碗麵，叫完一定要叫佢加辣醬，因為個辣醬真係超級正！令成個麵都昇華。