萬利小食店

Open Now

Now Closed

下午差不多4點，帶囝囝睇完醫生，竟然彈出句未食午飯，攪乜鬼，原來想儲錢買智能電話，即時激到暈左一半，有時候小朋友既想法真係難以置信。即時拉去附近食碗麵。萬利在大埔多年，門口賣報紙雜誌，車仔麵一向味道不錯，自己都經常光顧。望望牆上水牌，點了油麵底，另加豬腸、菜心及豬皮，已經要$28，今時今日，食碗車仔麵的價錢頂得上一餐包飲品既套餐。油麵略嫌有鹼水味，但不嚴重，豬腸炆得夠腍及入味，要推薦，豬皮夠爽口，原因是未炆得夠時間。囝囝倒吃得開心，梗係，飯由老豆請，錢就自己袋，激死。

阿姐終於都比兩大羹激辣沙嗲汁我喇！豬紅雞翼魚蛋鴛鴦加兩羹激辣沙嗲汁，但辣到我癲左，勁！颷晒汗、額頭汗水一滴滴，連碗湯都搞到杰杰地，好刺激又好好味呀！彈牙靚麵混入實淨河粉，夾住超辣沙嗲同湯汁，好食呀 ﹗大埔最好味既車仔麵，哈哈！雞翼外皮滑而帶點黏口，清香滷水味道，不過份不霸道。豬紅大路，外脆肉嫩。魚蛋好結實，帶少少咸味，非常普通。

阿姐第一次比三大羹勁辣沙嗲汁乍，次次都好孤寒唔想比咁款。超勁辣韮菜豬紅，3 大羹辣汁辣到飈晒汗，好刺激！我終於克服到韮菜喇，完全食得到，唔再反胃喇！爽口多汁，唔錯唔錯。豬紅依舊味濃而滑溜，滿意。

六點收工要等到八點半先返跆拳，等到呆晒啦。忍無可忍走去食個勁辣麵再去掟鏢算喇，偷懶先！牛柏葉豬紅滷水雞全翼幼麵多辣，每啖都撈勁辣沙嗲汁先係食，好正好刺激！都係嗰句，得一個麵底唔多夠喉，實在太少！幼麵夠結實，掛湯力強，黏滿沙嗲同湯汁不停往咀裡衝，好好味呀 ﹗牛柏葉夠嫩夠爽、豬紅味濃幼滑、招牌雞全翼清香嫩滑又多汁，高質車仔麵。

豬腸牛丸滷水雞全翼咖哩魚蛋幼麵多辣，敝喇！居然愛上左萬利既超激辣勁沙嗲汁呢，串皇既沙嗲汁行埋一邊。湯底濃郁，每啖麵都要撈勁辣汁一齊食，夠香夠辣，越颷汗就越鍾意，好刺激又好味！得一個麵底架乍？咁少點夠飽喎，堅唔夠喉囉。咖哩魚蛋結實但無咖哩味，牛丸同豬腸都穩陣大路滿意，滷水雞全翼皮香肉嫩，最好食！

滷水雞全翼豬紅牛腩幼麵多辣！見佢成劈辣汁凝固咁滯，唯有撈混湯食啦。嘩！勁堅沙嗲醬，好香好正好刺激！連我依個辣仔都覺得非常辣，如果就咁乾撈麵食唔知有幾辣呢！牛腩，得一粒仔係牛腩，其餘三舊全部係牛筋囉！牛腩粒豉油味濃，口感略乾，不吃也罷。牛筋同樣豉油味濃，但口感軟棉滑溜，有質數又好味。滷水雞全翼唔錯，好功力，肉質夠嫩又帶肉汁，滷水清甜，無話浸到霉晒，滿意！幼麵質感還可以啦，再硬少少我更喜歡！但得一個麵底份量太少，唔怪得個個男仕都叫加底啦！我都有十幾年無黎食車仔麵架喇，今晚真係溫故知新呢。

Definitely the best beef ball and squid ball i had in HK! The sauce is a bit too spicy though so if you cant take hot sauce its not right for you.

今日去咗食車仔麵。選咗萬利食。個食堂好細。坐滿全場只可以坐到15人左右。客人可以坐出面。個食堂有書報攤。我進入後先選湯河，之後選配菜。我選咗生菜、蟹柳同墨丸。個湯底選用雞汁。個賣相唔錯。生菜好新鮮，個湯河煮得好彈牙。蟹柳都好食，墨丸好新鮮。可惜蟹柳同墨丸各只得三只。個雞汁湯好飲。但有豉油味。男人個肚就唔夠食。個價錢好抵。埋單只係$28。相信全港最平係依到。

今晚加餸，買外賣返屋企先。淨餸份量真係勁少喎，就算兩份菜都只係得兩啖？淨豬紅蘿白牛腩貢菜生菜加咖喱汁，淨紅滑溜帶鮮味，唔會醃得太濃，唔錯。蘿蔔清甜，但帶少少渣又唔夠腍。生菜係唐生菜，口感較粗糙，還可以啦。牛腩勁碎，豉油味濃而濁，麻麻。通菜屬旱通，質感乾硬，要好嫩先會好食，依幾啖算滿意。高纖通菜，便便暢通。

平時出街食飯諗唔到食咩 ,都會求其食碗車仔麵.....結果係唔到地方食左好多間但都係大埔「萬利車仔麵」最好食 ,真係最少一星期要食一次!!!!而且喱到個老闆好親切...每次見我拖住個喼入去食野 ,佢都會幫我安置我個喼點完野食 ,仲會搵人幫我拎....感謝你地入到去 ,首先搵左個位放低筷子....之後就可以排隊揀野食「萬利車仔麵」最特別當然係佢既辣汁 (都可以叫咖哩汁)鐘意食辣既你地一定會好鐘意!!!講到最好味既野食 ,就係雞腳 ,好入味>V<食「萬利車仔麵」比個TIPS俾大家 將辣汁同粉溝埋一齊等5分鐘左右先食 ,就會完全食到佢既辣汁有幾咁好味「萬利車仔麵」地方雖然唔係好大 ,但係就好有親切感逼下逼下就可以坐多一個人如果食腸粉台上仲有可以自己調味!!!曾經萬利牛丸都係我最愛 ,但我食得出已經唔同左...無咁彈牙希望老闆見到可以入番之前個隻..><

好耐之前食過一次，講真! 一般好味! 唔太吸引! 但見依間食評咁好! 加上同事都讚! 今次再去幫襯下!12點幾已到，等左一陣咁啱有2個客坐卡位要走! 我地4日剛剛好可以坐卡位! 不過好窄好迫! 坐得唔舒服! 大家係咁踩到大家對腳!而且臨走仲撞到檯腳! 好痛呀! 食完拿拿臨走人! 聽同事講加左價，所以少左學生哥食!我地咁啱都係叫左豬皮，其餘都係香腸、牛腩、生菜、墨魚丸、牛丸、芝士腸、蟹柳等等。其中只有2碗有麵，我無叫麵所以唔知好唔好味!不過問過同事話唔錯!麵質幾好!我個碗叫左豬皮、香腸、牛腩、生菜、墨魚丸!講真!全部一般……豬皮無味口感都不好(失望)，香腸同墨魚丸一般(原本有味只係滾熟就食得，除非係來貨品質勁差)，牛腩全部都係碎濕濕，好難夾到食而且又少，味道就ok既，湯底有牛腩汁幾香不過不太濃!反而腸粉好味好滑!六蚊四條都ok!!

這一篇食評不是同足夠及英超有關，只不過這小店的差品同名字，戲劇性地互相配合，好讓我玩一下食字遊戲而已。自從太太轉了新職之後，她偶爾會放得比我晏，這一個晚上就決定在大埔等她，也就在巴士站附近，食番個靚靚車仔麵，作為晚餐。而就近地，我《阿》了一餐，《萬》《利》小食店，是賣《車仔》麵的，一個人不想花費，簡簡單單就好。簡單的配搭，牛腩，墨魚丸，豬皮，生菜，再配上食車仔都時必要的油麵。沒有要求加辣不加辣，但點都會附上一匙羹仔辣醬給你，點又好，放湯又好，不要的話應該要早揚聲。牛腩，是車仔麵檔常用的碎腩肉，這兒的腩肉帶筋，比較肥味，也非常入味，更甚者是夠腍，雖然是碎，但肉感絕不缺乏，墨魚丸，食落味道很香，雖未算得上爽口彈牙，但吃得到有墨魚粒，也算是合格，豬皮半腍半爽的，湯底充滿腩汁，醬味辣味適中，而且油麵很新鮮，爽口帶甜，整體一說，這的確是一碗有水準的車仔麵。不錯。

經常幫襯的街坊小店，分車仔麵檔和腸粉x碗仔翅檔，店面雖小，但分工清晰，姐姐亦十分勤快有禮。下午茶時間點了一個三餸車仔麵、加腩汁、少辣 (此店辣醬十分香、堅辣)：牛丸 (3粒)：維持一貫彈牙水準，而且好大粒！蘿蔔 (3件)：每次必點的餸，夠腍夠入味，好鮮甜，沒有一次是失望的！豬皮(6塊)：算入味，略嫌不夠腍，大小不一的差異頗大。河粉：正常貨色，夠滑不失禮。有對情侶坐我對面，男的要了牛腩和鳳爪，不斷和女的說；「鳳爪真係好好味」，至少講了3次，下次我都要試一試！

呢個鋪仔都做左好耐既啦..賣既係車仔麵、腸粉、魚旦....推介食物：1)牛柏葉..如果你好辣，一定一定要試，不過大家第一次食還是小辣好了，唔係既就買定野飲啦 但係唔辣又唔好食wo..哈哈 2)腸粉，都幾細滑，d 醬料給得剛好，不要叫他給多一點... 諗起都想去 3)魚旦..細細粒的，但都幾好味的如果 大家想食車仔麵既，可以叫豆卜//好味的 但蘿蔔就看你的運氣啦，不是每次都好食的 =.=

大埔廣場有好多間小食店兜左個圈先拉到萬利叫左辣魚蛋+牛丸魚蛋係細細粒果隻，咬落去真係好有以前細個食魚蛋既味道...真的令人好懷念AR~~~~牛丸都好好食...大大粒，好有牛味...正不得不讚沙嗲辣汁...堅係辣...但去越食越想食..正!!萬利本身堂食有車仔麵...我仲見到好多人叫腸粉食...下次有機會再試下先得