Video
Above information is for reference only. Please check details with the restaurant.
民華餐廳除咗旺角，屯門都有分店，所以今次去屯門店試吓佢哋嘅常餐。以茶餐廳嚟講，室內裝修簡約美觀，空間感適中，令人感到舒適。蕃茄牛肉通粉蕃茄湯底的蕃茄味較淡，口味較單調。牛肉較韌，而通粉彈牙煮得幾好叉燒通粉叉燒較為乾，咬起上嚟較為用力牛油方包方包保持軟綿狀態，牛油搽得均勻，咬落鬆軟香滑腸仔煎蛋、午餐肉炒蛋腸仔午餐肉，煎得香口，中規中矩。炒蛋較為出色，色澤好亦很嫩滑，但份量略嫌少以常餐價格而言，價錢與食物質素亦合理
continue reading
其實想食呢一間餐廳好耐好耐，但係唔係成日經過食到，所以今次有機會食到就即刻影返幾張相寫返個食評先今次就食咗佢一個比較經典啲嘅瑞士汁豬扒煎蛋飯瑞士汁會唔會煮得好濃稠，但係個味道亦一樣係香香甜甜相當之易入口。佢甜甜地嘅口味相當之適合我，當我撩佢個蛋黃加埋啲瑞士汁撈兩下我已經食咗大半嘅飯。佢嘅豬扒煎得啱啱好，外面少少香脆唔會太窿，肉汁鮮嫩，用匙羹都可以切開舊豬扒嚟食。可以見到佢係幾咁之鮮嫩。另外提一提佢個豬軟骨都相當好食，下次有機會先寫
continue reading
最近唔知點解好想食西多士，但疫情之下由於最近冇晚市，間間茶餐廳下午茶都鬼咁多人，見到咁逼都已經唔想食。今日假期嘅尾聲，終於比我食到。但一上枱個賣相已經唔掂，做咩切開我件西多士上？點均勻地抹牛油？真係唔知食咗啲乜，食落發現竟然冇花生醬香港茶餐廳西多士冇花生醬，乜料？完全唔正宗，依家去食茶餐廳西多士呀....唔係食緊西餐廳法式toast ok?使唔使慳到咁？加啲花生醬咪加多幾蚊囉。做咗幾十年人，由細到大喺茶餐廳都係食開有餡嘅西多士，香港而家仲乜會變成咁
continue reading
我最近真係冇乜心情寫OpenRice，首先因為我冇遇到一啲好好食嘅嘢啦，其次係因為我電話個相機壞壞啲，影嘢out-focus，所以🤷🏻♀️ 點知，我今次遇到嘅呢間茶餐廳，我真係唔寫佢唔得，而且我仲要叫我個朋友幫我影相作為證據😡 嗰日，我同我個朋友去食早餐，嗰度啲通粉唔好食不特止(硬繃繃)，個麵包仲要又燶又硬，杯凍檸茶完全冇茶味🤦🏻♀️。不過都唔緊要，以上都唔係逼使我寫呢篇食評嘅原因！ 最大鑊最大鑊嘅係 ~ 我明明係叫凍檸茶少甜少冰，我見張單都有幫我mark住係少冰，點知佢上嚟嗰杯凍檸茶竟然係半杯冰有多(大家可以睇一睇下面張相)。 我好聲好氣咁問佢，話我明明係嗌咗少冰㗎喎，佢竟然同我講話佢哋有佢哋自己嘅份量準則😡！吓，咁都可以死撐話佢哋自己有自己嘅份量準則？咁嘅準則都可以當係少冰？我真係想像唔到，如果我嗌一杯正常嘅，係咪成杯都係冰呢？ 服務態度奇差，完全係得過且過，兼且互扯貓尾，我都費事同佢嘈，一定唔會有下次！完~
continue reading
番工附近冇野好食，黎黎去去都係食果幾間，民華又係其中一間常吃餐廳🍜疫情下朝早黎到要搵二人位都難，有時撞彩先有四人位坐到$38滋味常餐A🍜薑絲牛肉米粉配火腿炒蛋+即烘多士+熱奶茶🐮一朝早食薑絲湯底感覺冇咁重口味之餘又暖胃，牛肉用鮮牛肉，應該冇乸過，所以咬落有時會有啲鞋口，但整體都有嚼勁🤔炒蛋夠滑，呈半熟狀態，多士烘起還算脆卜卜，包內牛油都足夠，食落陣陣牛油香🧈熱奶茶滑醒神👍🏻$38早餐都尚算抵食，但店舖真係好細，職員經常性要人搭枱，重點係一個人都要放塊膠板隔開，本身枱都已經好細張🤮逼到死
continue reading