民園麵家 (Closed)

十二月十一日星期二,番左去拎完cert後到中環搵男朋友仔食lunch,好啦~男朋友仔話要食得light d!所以食麵先wor!係真既麵!!!....呢度的確遠左d既~行左一陣先到,不過遠有遠好既~可以平d~~haha!終於都黎到喇~~都幾偏僻下~~辛苦哂男朋友仔!!!去到,仲諗住男朋友仔會食呢度出名既豬手,點知佢話要食得"平"d,佢就食左雙丸米!而我就食左雲吞撈麵(腩汁)...都唔錯既~~d麵加埋d腩汁!...雲吞冇咩特別!..都幾細粒!!!大食d都唔夠食呢~男朋友仔好似想飲凍奶茶,不過最後又唔飲~~~haha~~唔驚啦~~我地下次再去試多d餐廳啦~~~~減黎都冇用架喇~wahaha!食完番去又見唔到男朋友仔.....>.<

上次食過豬手撈, 好鐘意! 好掛住! 於是今次試下佢地的牛腩撈, 麵還是一樣…正到爆! 但牛腩只是ok! 不過比起一般店鋪, 佢都屬高班貨. 下次還是食番豬手.

看完早場後,特來試吓:1)豉油豬手撈-本來唔識食豬手,因只得"損"骨,見網友話出名,就試吓啦-有2大舊豬手,d麵加咗豉油,顏色帶深,另跟碗上湯-個麵質好爽同彈口,無得頂,比之前在好到x食的好,但可能我食得太慢,尾後就無咁彈喇-feel唔到鹼水味,可能是豉油同後加浙醋的遮蓋力-上湯清中帶鮮,不錯2)凍檸賓

點了知名的豬手撈. 豬手己經煮了不知道多少個小時, 非常LUM, 但味道不是那麼特別. 反而撈麵跟的湯不錯, 通常這些湯太咸勁多味精, 民園比較清, 非常不錯.油菜比一般外面的出色, 過了湯汁特別鮮味!

民園同玉葉,鬥足幾十年,年前先上岸,在原址對面繼續長期戰鬥.之前聽過很多對民園入舖後的批評.小弟在幾年之前,尚在鐵皮之年代吃過一次.印像已不大記得.入舖之後,從未踏足.簡單要個雲吞撈粗,加豉油.雲吞用傳統做法,一半肥豬肉一半蝦.細細粒,口感很爽,味道亦鮮.只見阿姐三扒兩撥,已將麵條上色.黑漆漆的麵條,質感偏爽且彈牙,有人說其鹼水味幾重,經豉油上色之後,鹼水味已減了大半.中環之其中一個民間傳奇,味道並不差,但已吃不回從前的風味,究竟係誰之過?

依大家介紹去食了豬手撈麵, 勁正! 豬手夠味但不鹹, 正! 我都同意之前網友說麵的鹼水味重, 不過都可以接受.下次要試下佢d牛腩先得, 唔! 唸起又想食啦! 唔得, 減肥中: (

第一次o黎試食, 叫了豬手撈同豬手牛腩撈, 豬手彈牙入味, 牛腩夠淋黏口, 個汁幾濃幾好食.....不過豬手得兩夠, 麵份量雖多但鹼水味非常重.都算係咁啦.

之前以為民園搬了去玉葉，不過後來朋友跟我說原來現在賣麵的玉葉是沒有牌照的，難怪上次吃了那碗滿是油的芝麻糊後肚痛了幾天。過了幾星期後重臨此地，正式試一下入了鋪後的民園豬手如何~~~~而現在更因多了粗麵，所以便一試豬手粗麵了。結果真的十分正，那豬手的調味跟以前還是排檔時沒分別，最後更吃多了碗水餃和凍檸茶才離開，十分滿足。

其實民園嘅豬手好正好多人知，不過搬鋪之後曾經被批評差咗，今日特登o黎試一試。好！d味道返返o黎，皮脆、肉入味，又唔覺漏，真係好一隻豬手！

本人是民園老闆的老朋友，偶然之下看到在這兒大家的食評，因此先代老朋友(民園的老闆)作一下澄清。民園跟玉葉並沒有合併，你們在玉葉所吃的東西和民園毫無關係。另外從大牌檔的火水爐到入鋪後的電爐，很多火力和溫度的控制下也花了不少時間去適應及調節。因此在開業後的首兩三個月的質素真的是很參差。在此先跟大家說聲抱歉。但經過了半年的習慣後，民園現在的味道已完全回來了~~而且比以前更好。

先回應elmotoro 君的留言，民園並沒有跟玉葉合併，這是因為民園舊有的伙記在玉葉另起爐灶在賣麵，所以你看不到舊老闆是正常的。但糖水店可不可以賣麵呢？這真的不得而知了。說回民園，入了鋪後的民園因為不能用回以往的火水爐，味道方面總覺得跟以往不同，不過雲吞好像比以往更加的鮮味，麵也沒有像外邊的麵店咁多鹼水味。$17在中環來說真的是物有所值。

尋日同朋友去完香港醫學博物館,順道去玉葉食糖水,一坐底睇下個餐牌啦,點解玉葉會有麵食o既,再抬頭望,點解民園個老細响度o既?都係唔理三七廿一啦,即刻叫碟豬手撈麵+椰汁西米露先...正!兩樣o既水準都依然呀!1) 豬手撈麵$172) 椰汁西米露$7.5

麵有水味,好難頂呀!其他食物普通,地方超细,撐去山頂為咩呢?

終於一試...雲吞麵感覺都唔錯呀...d麵幾彈牙,雲吞都好新鮮,湯底唔多味精味咁樣已經唔錯啦.......但又唔係好好食隻囉

雖然同舊舖只係數步之隔，但係對老舖有不解既情意結；雖然麵依舊彈牙，牛腩依舊入味，但係老舖始終好似好食D。可能因為o個段非常時期...要失去，先至識珍惜。