Mang Ambos (Closed)

A no frills venue that serves simple Filipino cuisine. The clientele alone should tell you that the food served is authentic and delicious. Very good value pricing and a diverse selection of dishes. If you can get over the tight quarters, the simple decor and the cafeteria style food service, Mang-Ambo's is a must try. Dishes to try - Pork Blood Stew, Pork Adobo, Pork BBQ, Squash and Green Bean casserole

今日下午要去灣仔會展開會 , 之前決定係個邊食 lunch , 於是上 open rice 睇下有咩特式又唔貴既野食 發現介紹呢間食店既食評竟然冇一個話佢唔 ok , 見佢價錢好抵 , 仲有食物推介 ,於是決定去試下 , 店子細細 , 只有幾張枱 , 很簡陋 , 完全是不起眼的 , 入到去 , 老闆已經來介紹 , 又叫我地去選餸 , 原來有大約十款的餸 , 你可選兩個餸的組合我問老闆是否有呢度出名既燒豬腩肉 ? 他即刻指俾我睇 , 同我地香港的外型差不多 ,望落去乾乾地 , 佢叫我地選多一個餸 , 我地就選左個洋蔥牛仔骨 ,其實佢 d 餸全部都係肉 , 我因為鍾意食魚 , 另一碟我就選左煎原條魚加豉油雞 ,雖然 d 餸望落去黑黑地 , 但食落又好好味喎 , 而且出奇地個燒豬腩肉好脆架 , 又唔太肥 , ok 喎 ~ , d 雞仲係雞脾肉來架 ~至於我叫個條魚 , 老闆說是來自菲律賓 , 肉質好好味 , 不過美中不足係醃得太咸喇 ,搞到我狂飲水 咁樣既雙拚飯只係 28 元咋 , 有特式又好味既真係去邊度搵呀 ~

今個星期係灣仔出job，突然好想食Mang Ambos！對上一次食都已經係差唔多兩年前GE事～諗左幾日，米妮終於忍唔住今日撇低同事，自己過左黎食啦！(話說米妮同某個同事講呢間野個陣，佢一望個openrice即刻嚇親，話d食物好奇怪，好黑忟忟！唔敢食)盤旋係米妮腦海中ge食物當然係豬血炆豬肉同埋焗豬腩！行到去個陣，見唔到焗豬腩，就問店員平時放係上層ge pork呢？店員以為我係要串燒，俾左個串燒我…… 但係米妮想食ge係焗豬腩呀！店員明白米妮指乜野個陣就話今日冇……嗚嗚……殘念T^T但係一場黎到，仲有豬血炆豬肉，咁就叫店員推介埋另一個菜就算la…… 店員俾左道菲律賓咖哩豬血炆豬肉一食入口有好懷念ge感覺，酸酸地超開胃！豬肉肥瘦岩岩好，唔會攝牙罅，又唔會覺得太肥，但係唔係咁鍾意食酸味ge就唔好揀啦！米妮見坐隔離ge鬼佬都係叫呢個餸，仲用d汁黎撈飯～菲律賓咖哩入面有豆角、茄子、白菜、豬肉 ，有d因為個咖哩汁顏色問題，唔係好睇得出係乜野……食落好重椰汁味，咖喱味完全食唔到，可能係太多椰汁蓋過左個味啦，亦都好似某d印尼菜ge味道～呢道菜係菜多肉少，但係椰汁同浮上面個層油，絕對唔可以話係健康之選…

因工作路經這裡 ,有些肚餓又看見這間菲律賓小店似乎頗有特色 , 便入內隨便叫了些燒豬串 , 出奇地頗惹味 , 老闆突然問我能否吃辣 , 見意加上些Garlic sauce, 心想不妨一試 , 又無介紹錯喎 !入口倒不太辣 ,卻有甜酸辣的感覺 , 老闆說是自己調製的 , 更吸引我的味覺 , 禁不住又多叫兩串來吃。 另外讓人留下印象的 , 是這間店舖的老闆是個十分親切友善的人 , 下次經過這裡一定要再來吃燒豬串。

喺The One 睇完「迷失某地」, 我同丈夫要找地方醫肚, 就喺咁就「迷失尖沙咀」。 星期六嘅尖咀真係多人到嚇死人, 想食嘢都要排餐死, 橫豎夜晚都要去港島食團年飯, 咁我地就慢慢行去搭小輪喺那邊覓食, 亦喺小輪度决定去食菲律賓食物。去到剛剛有位, 而我亦請丈夫幫我order, 我知佢實知我鍾意食乜 結果一定係相當滿意:我的$28双併飯他的$28双併飯其實分別喺乜野ork Dinuguan 豬血燜豬肉, 呢個餸係我地嘅至愛, 每次想食菲菜都一定喺為呢個餸 佢地喺用醋及豬血一起燜d豬腩肉, 其實血嘅味道唔重, 只喺變化成黑蚊蚊嘅顏色, 醋味先至喺這個餸的靈魂。 唔係好多人接受到佢, 因為推介過好多人都首先被外表嚇怕, 其後係醋酸味嚇親Bicol Express 椰香蝦醬辣豬肉, 辣就唔係好覺, 椰汁味都唔係好覺, 反而蝦醬就好充場面, 但係又唔似中式蝦醬的寡, 總之原來椰汁加蝦醬喺咁好味, 下次試下自已煮不煮到先!!Bopis 醋煮豬肺, 豬肺切得相當碎並與醋煮之, 味道酸味美。全都很送飯, 唔夠飯就叫多一碗, $10好貴下, 但係送到嚟原來都等於2碗双併飯的飯分量。加$6配汽

菲律賓人都係鍾意食凍野多，以前見有ｄ會用手食，黎到香港咁樣食法似乎俾人感覺唔太衛生．早期都有買過BBQ Pork黎食，個醬汁好甜，燒烤味亦都重．今日J. & M.特登黎食個dinner box，兩餸飯$30，皆因之後會去美食展，所以食少少打底好喇．Fish Fillet and BBQ Pork Rice：　魚柳好似Fish Fingers既味，好食．

菲律賓人在香港,當然不止是來做家庭傭工,亦有些專業人仕,又或者是來做侍應,司機,酒廊歌手,或者是在駱克道"搵食"的一群...現今任職的公司,菲籍同事眾多,有時候與他們閒談當中,也會說到飲食方面,我問在香港那裏有好吃的菲律賓菜,他們大多指到我來謝斐道的"Mang Ambos".趁是日下午去書展,入場前來吃個午餐,小店形式的Mang Ambos,面積並不大,雖然已過了午飯時間,仍有好幾位菲律賓客人正在用膳,看她們的打扮,應該是在駱克道打滾的一群.此店中午賣的是兩味菜式,加白飯的套餐,$28一客,絕對不貴,還比同區的茶餐廳消費更便宜.選擇也不少,但小弟對菲律賓菜的認識,只知道味道是甜甜酸酸,其他的一律不懂.在沒有頭緒之下,便來個燒肉加燉牛肉,還奉送一碗餐湯.先喝一口湯,色水清澈,有點似在泰國菜館,吃海南雞飯奉送的餐湯,但是味道大不同,非常之酸.主菜上的燒豬腩肉,應是燒起不久,入口熱辣辣,燒豬皮香脆可口,皮下肉的肥膏甘香味美,而瘦肉位入口鬆化,老實說,同我們常吃的差不多,另一邊的Beef stew,老實說,有點與法式燉牛肉Boeuf Bourguignon有少少相似.不過味道就比前者,多一份酸

去睇旅遊展，最近就係謝斐道開餐見呢間小店客似雲來(，以菲人為主)，感覺正宗要了兩個兩肉客飯(皆配老板推介之串燒)老板識廣東話，再同我講牛腩好味另一客則要了炒牛肉牛肉有點老，味道普通但花生牛腩則離奇地似大件版五香肉丁，好搞笑，但很惹味至於眾多食友讚好的串燒亦好正，好大串，同港式風味甚不同$30一客又大碟，抵食得很，下次再

一月下旬．晴 食物要好吃，除了本身的質素外，還要的是時機。再好吃的食物，就是在wrong timing出現，也只能徒嘆奈何。每次來吃這裡的燒豬串都覺得好好吃，一是這裡真的燒得不錯，二就是時機了。 事關每次總是喝了不少的啤酒，才會來到這裡，而一些香口的食物又特別受用的。這裡的豬肉，燒得香口，沒有下任何化學品去醃肉，吃起來是有咬口之餘又不太韌，如果吃到帶肥的部份，就更好吃了。 買了串燒，會用上一個透明膠袋盛著，也加了不少的沙爹汁的，好吃。 12蚊一串，每次吃，也覺好吃。

第一次寫食評 .. 就獻左俾Mang Ambos 呢個菲律賓小店今日咁岩出左灣仔見工 .. 見完工行行下見到間菲律賓餐廳,於事好奇咁係門口八下。起初見到個餐牌都笑左笑什麼菜 + 肉 +飯, 肉 + 肉 +飯 .. 都唔係好知佢食乜但個老闆就好NICE咁同我地講有咩好食, 又教我地點叫送食 好好傾 ..於是５個人仔就走入去食 .. 見到MEAU 都好吸引最後叫左肉 + 肉 +飯 .. 仲有碗湯添 ..食落去仲識嘩嘩聲 .. 因為平民餐得黎仲好好食 .. 唔駛再食 M記, 大家樂等等..食食下個老闆仲問我地好唔食 ... 都忍唔住話VERY DELICIOUS

上年較早前到過菲律賓一遊，吃過了當地很地道的食物，對其印象就是，他們煮東西就是除了愛下豉油之外，也愛下醋，味道有點怪，但卻是很開胃的，今天一於捉了女友來回味一番。在香港要吃正宗菲律賓菜很難，但見此處來吃的大都是菲律賓人，就說明一切了，與女友坐好之後，就去選吃的，此處的銷售模式，就是賣碟頭飯，每個人一碟，一碟可選兩款菜，也即是可以吃四款菜了，但最後我選的，四款竟也是肉，哈！我這食肉獸真的是太過不健康了吧。先來一碗店家送的一碗湯，喝起來就是鹹鹹酸酸的，一貫菲式的風味，什麼也要下醋！ 其中一碟點了的餸是忌廉菠蘿雞及椰香蝦醬辣豬肉，先談那道黃黃的忌廉菠蘿雞，用上了新鮮菠蘿汁加忌廉作茨，加入點鮮菠蘿粒一起與煎過的雞件同炒，雖然是一早炒好了保溫的菜式，但吃起來仍夠熱，也沒有汁醬水汪汪的情況出現，吃一口其汁很滑很Creamy，而且在忌廉香之中滲出頗濃的菠蘿味，真的是很令人開胃的一道菜，雞件件件也不嚡口，而且沒有雪味，吃起來就只有菠蘿的甜香，美味！椰香蝦醬辣豬肉也是很合熱帶地方人吃的菜式，其汁醬雖然較稀，但就有很香的椰汁味，雖然好像沒甚蝦醬味，但也真的有丁點辣，吃起來又是非常惹味，配合煮得軟腍入味的豬

After the first visit, Mang Ambos has improved, they now have a menu for non Philipinos.It lists out what dishes there are and what ingredients they are cooked with.The only thing I did not like was the Japanese pearl rice, abit too filling and hard, also the food is a bit too oily.This time I got the pork in peanut sauce, almost like the Thai satay sauce, also the pork with tomato, sausages and liver was a nice dish. The liver has a crumbly texture.

Finally found a quiet time to try this place, Filipino food is rather new to me, the last time I tried it was at Jolibee but that is commercialized Filipino food. I tried the pork with pork blood gravy, pork with squid and this vegetable dish.The pork with blood gravy was rather smelly at first, but the gravy was nice, with little curds of blood in it, some of the pork was soft, some was dry.The vegetable dish looked strong in taste from its sauce and colour, but it was quite gentle, there was d

六月二十三日因廚友的有趣故事而來菲律賓小店吃Dinuguan，在最繁忙的午市幫襯，在廚房點了烏卒卒的Dinuguan及焗五花腩飯，捧過大碟坐埋一邊開餐。比起印尼、泰菜，本地是嚴重缺乏菲律賓地道菜式，這裡吃得到Dinuguan是用豬血燴豬肉家鄉小吃，味道是微酸有少少蔥、蒜煎燴的香，豬血味道很薄，主要是令肉粒變得更美味，而五花腩是焗的，似是粵式燒肉般皮脆肉嫩，皮香脆肉亦不韌，當然比起成幅燒的燒肉，肉汁是無咁豐富，但都吃得滿意，四十餘元一套客飯，是吃得滿意的。吃畢，打道去春秧街市一帶搵些新事物。

此行的目的其實係要了解一下菲律賓的飲食文化, 見有好多食評都話呢家野唔錯, 所以就去一試!! 一行街頭經而比佢串燒的味道吸引住喇 本來諗住入去食的, 不過點知發覺個 Menu唔係好睇得明, 同埋入面又無位... 所以都係無食到, 淨係食左串燒。起初我給那串串燒的表面騙到了, 以為係好乾身的串燒。誰不知一入口, 好juicy, 豬肉燒到岩岩好, 表面有少少脆身, 入面重係保持到 Juicy !!! Good JOB另外係門口燒串燒的侍應亦都好友善呢, 雖然我地只係買左2串串燒, 但佢答左我地一d關於菲律賓食物的問題, 又比我係門面周圍影相 下次我會再去試一試佢的食物, 希望對呢間餐廳有更好更好的印象 串燒真係好好味 XD