麻浦元祖 (Closed)

前幾日約咗個大食嘅朋友去咗食燒肉嘅放題，佢本身係一個食肉獸嚟嘅，佢咩肉佢都食嘅，所以我就帶佢食韓燒嘅燒肉放題。韓國餐廳都會送上呢啲配菜，我本身唔係太食得辣所以泡菜唔係太鍾意食，但係紫菜佢就整得好好食。終於到咗食燒肉啦，差唔多所有肉我哋都叫晒，淨係食肉，呢個就係牛五花啦，本身比較薄所以好快熟，雖然好薄，但係都食到嘅牛肉味。呢個就係牛仔骨啦，係我哋食得最多野嘅，因為佢嘅醬汁實在太好食，味道甜甜地可以帶出牛肉嘅香味，充滿晒肉汁。

麻浦元祖尖沙嘴韓國餐廳特別多，這次一試位於亞士厘道的麻浦元祖。晚市有放題選擇，不過吃生日飯不想太匆忙就選擇了自選菜式。叫了一個4人餐（全是牛）、豬皮及五花肉。肉的質素不錯，醃料入味，包著生菜吃就一流。套餐還送了一客泡菜豆腐湯，味道酸酸辣辣很開胃。侍應大多要用英語溝通，但整體質素不錯，值得推介。當晚還免費送了一客牛，真意想不到！

系街尾既位置，大廈外牆裝修緊，棚架遮蓋左門明，差啲睇吾到。店長系韓國大叔，操住好重家鄉味既英文，口音好得意。全場既店員都系韓國人，佢地識少少英文都溝通到，叫左識廣東話既店員招待我地。以為得單叫，原來有放題食，叫左$98 45分鐘，基本上menu既肉都有齊，除左海鮮同菜，抵食好多。主要系食原汁原味，腌製過既就選擇吾多。食左甘多款肉，竟然豬皮令我一試難忘，厚切，口感好得意，有啲似啫哩q彈又有少少黏牙，系甘encore 。淨食肉好寡，媽媽冇澱粉質落肚系吾得既，另外叫左【石鍋牛肉飯】$78，有好多蔬菜伴飯，食落冇甘膩，加埋甜辣既韓式辣醬，熱辣辣仲好有飯香。一直好想試【人蔘雞湯】$120，份量好多，成隻雞拎去煲，仲要塞滿飯粒系雞內，4個人食有凸，湯水有啲油，帶微微甘澀。

韓國肉其實都唔平係尖沙咀食到200幾蚊韓燒 相比之下算係好抵啦~時間可以揀45/60/90分鐘價錢就分別係$118/158/198 (6:30前就平D)叫一品料理果D就+$20 食韓國菜 我最中意都係可以不停Refill前菜今次食佢D豆皮同沙律粟米 食到好開胃~Korea Beer $ 30/支呢到既整體選擇唔多但肉類選擇都唔差牛肉類有 護心肉 牛五花 牛舌 牛仔骨 排骨肉 etc.- 雞肉燒完都幾嫩 食多幾舊都唔過分- 特上王牛排骨口感軟腍 好香口惹味- 麻浦特上豬排 肉味豐富 好食 夠腍- 豬頸肉 Pork neck厚切 爽口 - 護心肉 啖啖肉- 牛五花 油脂十足-五花肉 好肥總括黎講 係抵食!不過提提大家, 唔包飲料架~

一向對燒肉放題不太感興趣，因為總覺得任食的質素沒有保證。但麻浦元祖令我另眼相看👀😍! 這兒的午餐有放題或散叫選擇。我和男友決定放肆一次，選擇了$178九十分鐘任食套餐，另外亦有$138六十分鐘的任食套餐供客人選擇。各款韓式前菜，味道不錯👌🏻我們點了特上牛排骨肉、黑豚梅花肉、特上豬排、肉眼扒、五花肉及雞肉。其中我和男友最愛特上牛排肉，肉質既多汁又嫩口。不知N call了多少回餐廳員工很主動地幫我們換鐵板，而且十分有禮，抵讚我們另外點了一客韓式冷面🍜，中和一下燒肉的油膩感。冷面份量超多，最後吃剩了半碗😂順帶一提，午市燒肉放題是不包飲品需要另外散叫的。有多款有汽酒、啤酒、汽水及果汁選擇。

朋友仔想食韓燒，推薦90分鐘任食任燒$198， 亞士厘道盡頭有一間韓國料理餐廳，好似好抵食！食物選擇也不少，味道也不錯，交足功課！飲品另計，如果計埋加一每人大約$280左右！老闆服務親切，可以值得一試！

雖然已經２月，但呢排仲凍地地，最岩食d有個爐係前面既食物打邊爐依排打得多嫌嫌地，今次食韓燒䁔䁔胃。尖沙咀要搵食真係好容易，但抵食既仼食韓燒就比我地搵到依間！最平100蚊都唔洗食足45分鐘，我地就鍾意慢慢燒慢慢嘆既就揀左90分鐘！但無論邊個價錢都好，所提供既食物種類都係一樣既。選擇唔算多，雞牛豬都有齊。如果散叫一份肉都要百幾蚊，仼食真係算幾抵！散叫既價錢，當然只係某幾款先包係仼食既項目。重點推介係特上王牛肋骨肉。自家醬汁好入味，燒耐左都仲係咁軟熟，多汁夠juicy！所有肉類都好新鮮！我地食左：牛五花，肉眼扒，護心肉右，牛仔骨，特上王牛肋骨肉，牛舌，值得一讚既係服務唔錯，雖然部份店員都唔係本地人要用英文溝通，但佢地換鐵板既速度真係好自動好快手，差唔多燒完一碟肉就換一塊新鐵板，價錢豐儉由人，依個價有依d食物同服務都係算好抵！

喺香港想同朋友聚一聚，應該莫過於韓燒！之前喺openrice搵咗幾間地方方便、價錢合理嘅放題，可惜全部已滿座。見到麻浦有位，reviews又都唔錯，雖然90分鐘可能食唔夠喉...但都照殺。點知...Service除咗上菜基本上係零。(其實上菜都好慢) 想叫waitress換gas都要等成世。叫添banchan一去無回頭... 終於回頭後先話原來要加錢 (之前有食評話無限添加). 叫一揸熱茶時waitress話要每隻杯收費但有refill, 好啦... 誰不知原來只refill一次! 唔係掛，加熱水啫喎？講真，食材的確唔錯... 但最終「平靚正」裡只有「靚」一字可用。

今日同朋友係尖東，想揾間餐廳食dinner，經過見到呢間麻蒲元祖，因為仲早先6點幾，見好似有位就決定入去試一試😋😋6點半前入座，放題的價錢更優惠，時間可選45/60/90分鐘，我地就簡左90分鐘（$178）Buffet提供的肉類，豬牛雞都有，但選擇就唔算好多，不過岩曬我呢啲食肉獸！😆一坐低職員就會上前菜同醬汁，除左泡菜太酸，其他都可以試下🤩肉眼扒薄切，完全唔肥，呢個極力推介大家一定要試！牛五花同樣都是薄切，放上板輕輕一反，好快已經熟透，即使唔點醬都是甜的，不錯👍🏼牛仔骨偏瘦了點，本身醃過，所以甜甜地😆牛舌咬落去好有質感，煙煙韌韌既，所以呢個一定會嗌多碟！😆😆五花肉（辣）肉同脂肪既分佈好平均，燒到差唔多熟就用剪刀✂️剪開，燒完咬落去仲係脆脆地！豬頸肉護心肉唔洗點醬食落去都好甜，必試❗️特上王牛排骨肉呢隻肉無骨，食落去都幾重牛味，而且都是薄身Somersby apple cider $40🔸值得一讚的是餐廳上菜速度好快，而且無漏單，份量都俾得足。但食物選擇不多，飲品同湯都要另外加錢，而且油煙味重😕

聽聞尖沙咀有間198蚊一位燒肉放題，今日特登約同事走去試一試，這間「麻浦元祖」非常就腳，尖沙咀地鐵站J5出口行5分鐘就到，門口貼了很多燒肉相片，非常吸引，就按自動門入去，服務員立即招待殷勤有禮，四個人不用等便有位了，雖然店內裝修有點舊，但坐位 寬鬆唔會好似食日式放題咁坐到好迫，櫈子裡還可以放包包添。至於食物方面，我們全都試過，有牛仔骨，牛心牛舌，肥牛，豬排，豬心豬脛肉，雞柳。大部牛既部位都有，喜歡食牛既朋友一定喜歡。他們有些肉分辣同唔辣，應該是醃製過的，與其他燒肉店的分別。

我嘅死黨兼好同事係公司嘅春茗度抽到大獎,佢簡直開心到暈,我地都好替佢開心，但開心歸開心，佢亦都要跟潛規則來辦事，就係請大家食飯喇，佢亦都好闊綽咁講任你哋鍾意食乜就食乜冇所謂，其實呢個獎真係幾大。大家商量後 就決定去位於尖沙咀嘅（麻浦元祖）食韓國燒烤。呢間舖裝修都好有韓國風味，就連侍應都係講韓文，我哋一坐低佢侍應就好有禮貌地遞上餐牌畀我哋，我哋睇完後就一致決定要 90分鐘任燒任食嘅韓國烤肉放題。第一round我哋點咗護心肉、牛五花、牛仔骨、特上牛排骨肉、黑豚梅花肉、 麻蒲特上豬排、肉眼扒同埋豬頸肉。D肉望落好新鮮,肥瘦好均勻，燒嘅時候啲肉香味好香,未食已經流曬口水，燒起再點一點醬汁，食落肉質鮮甜入口即溶, 一個字正。因為我哋個個都係牛魔王，所以我哋點多幾round嘅牛肉先至夠喉。呢餐真係冇得彈下次一定要再來。

假日黎到尖沙咀 又想食韓國🇰🇷野 雖然有韓國街 但距離我係海港城遠 就比我係openrice發現呢間韓國野 因爲唔想一早食太飽 所以就無叫到放題任食 眼見入黎ge其他客人都係叫放題 因為佢有3個時間選擇 45分鐘 60分鐘 90分鐘 不同的價錢 想食多d 就可以叫長時間d喇 黎到 店員會上2碟韓式配菜 有魚乾 茄子🍆粟米 泡菜 等等友人想食牛肋骨 所以叫左個牛肋骨 我呢就食無骨豬肋骨 仲叫左個辣豆腐海鮮湯同韓國啤酒🍻一支 話說呢到的燒酒比其他韓國店便宜 🔸無骨豬肋骨我同友人二話不說就燒左個豬肋骨先 薄薄一大片 好快就燒熟左 完全唔肥 適合 🈴️不愛肥膏的人士 有2大片 好足夠2人食用 肉質軟林 不太乾身🔸牛肋骨牛肋骨 一大條 只有1片大骨 剪左佢燒就更為方便 又容易熟 配備左一碟生菜 可以包住肉食 出油膩感 食完再加要加10元喔🔸辣海鮮湯再黎食個辣海鮮湯加白飯 湯頭夠辣 內有數粒蝦米同墨魚圈 仲有幾粒蜆仔 但蜆仔咬下時有很夠沙 食時要注意仲有數條金菇 吸哂湯的味道

本身諗住lunch求其食個泡菜湯加個飯就一餐，點知俾我地發現任食放題45分鐘只係要$98加一，加廿雞就食得豐富啲，減肥大計又擱置喇！45分鐘真係要把握時間，畫左我地認為消化到嘅份量！護心肉、牛仔骨、特上牛排骨肉、五花肉、肉眼扒、特上豬扒，再加$20叫左個泡菜煎餅！係出肉肉肉肉之前出左個前菜，兩個三小格，六款唔同款嘅整齊排列好，泡菜係大愛！之後到大量嘅肉登場。。。影返張相先，肉肉笑～咁多款肉，個人比較鍾情牛排骨肉同牛仔骨，肉嫩味鮮，當然控制火候都要有啲功架啦！佢有個蒜味嘅醬有畫龍點睛嘅作用，點完係有encore架！中段店員主動幫我地換爐面片鐵板，乾淨啲易燒啲！泡菜煎餅味道有少少寡，堅可以唔使加錢換，相對係唔抵！雖然過45分鐘，店員都無催我地埋單！呢個價錢都幾抵，啱晒啲食肉獸！

燒烤拼盤二人份量（牛肉）雪花牛肉調味烤牛肉牛脷牛五花豆腐什錦湯$398 白飯 $10今日去到亞士厘道，見到呢間麻浦元組，之前朋友講過話呢間都幾抵食，於是我哋就入去啦。佢哋晚上有做自助餐，但因為我哋中午去，就只有散叫，於是我哋就叫咗一個燒烤拼盤二人份量，餐廳地方都算寬闊，而且佢哋按人頭俾配菜，等左一陣間啲牛肉就嚟啦，D五花好靚，而且亦都已經落咗調味，所以食落去好香好滑。然後我就推薦佢哋嘅調味牛肉，佢呢個味道，同我細細個食到嘅韓國牛肉味係一樣㗎。真係好令人懷念。然之後我哋加$10仲要咗個白飯，配上佢哋嘅豆腐湯，鹹鹹地又可以開胃，真係吃得好開心又過癮

有同事話想食韓國嘢，lunch time就過左嚟，佢話依間韓國餐廳既lunch set好平一坐底就會有前菜同事話泡菜夠辣夠惹味嘩，又真係幾平喎六七十蚊一個set尖沙咀+韓國嘢嚟講，真係好平平時係上環食另一間咁上下既餐廳，要成差唔多$100一個set依到真係好平每個set都有一碗飯烤雞肉 $60牛肉粉絲煲 $60啲粉絲加依個湯，好好味炆牛肋骨 $79好濃味啲汁用嚟撈飯食，真係一流蘿蔔都炆到好淋好入面，啱晒我有好多配菜，仲有大大粒冬菇牛排骨湯 $75個湯有好清甜既蘿蔔味唔想咁濃味既話，食依個都幾好，清清地又甜甜地梨汁4個set都只係$284真係好抵食12點半嚟到都唔算好多人，但食到差唔多一點嗰陣，就已經坐滿晒想食lunch真係要避開人潮