響葫蘆 燒物 . 居酒屋 (Closed)

一年幾前係附近工作，當時曾試午市放提，味道不錯。今天重回舊地，試一試晚市放提。從yahoo團購買了兩張劵，分別168一人另外要到場付現金$58一人，看看門口原價原來只是228+10%，即係平左二十幾..又一騙案。回歸正傳，8點3來到馬上安排入座，食物選擇沒有了我曾經吃的很喜歡的一口滑蛋豬扒，雪魚。頭一轉食物等了二十分鐘,效率有點慢。海膽手卷，小的恐怖，海膽沒有鮮味，飯很重醋味，又軟同淋...我最憎食軟飯刺身沒驚喜，蝦是拿起就有點梅的感覺，肉質不結實，刺身跟惠康的有點相似，實而沒口感，好似食龜0膏咁，我有大部份目的係為左食饅魚黎，因為好小放提有得叫剩饅魚，叫左兩條，黎到份量重少過平時一件饅魚壽司，唔緊要，放提任叫，食入口腥味勁重，似大快活一口饅魚，極度失望。重有其他食物如炒野菜，魷魚「穌」，味道不錯，但係凍既...羊架黎到時以為是一串串燒..我女友問係咪隻羊有厭食症。那一籠四粒的小紫薯，來到的時候，有另一款食物放在上，侍應拿開平放的時候其中的一粒紫薯黏住食物碟，飛到枱面..侍應望了一望，離開了..最後用餐不到60分鐘便離開了，黑名單總的來說，整體是所有方面都好差，以放提來說價錢不是平，但

上星期食完覺得好中伏，款式少，無甜品，話有嘅嘢食去到先知無話說響團購網站見到有過千購買者，再響food list見到話有鰻魚，鱈魚任食...好似好吸引。之後喺book枱嘅時候，我仲問電話入面嘅職員，係米有香橙焗鱈魚食，對方話有。點知，上星期去到一坐底，剔食物紙嘅時候，搵極都無，我問職員:唔見有鱈魚嘅？佢草草答咗我一句:無丫，好耐之前就無啦。我個下覺得:吓，團購宣傳相仲印到鱈魚個圖咁大，細則有寫任食中其中一種係鱈魚，但佢竟然話好耐之前無，即刻有種被騙嘅感覺。再跟著，錦無鱈魚，我寄望落鰻魚度，點知，薄如紙，應該係海鰻吧，好難食，一定唔係幅圖同文字描述個隻鰻魚，好失望。而刺身方面，選擇雖多，但我寫8比得6件，寫4比得2件。整體感覺覺得好差，完全唔值得一個人比2百幾蚊黎食。

黎到響葫蘆門口, 因為真係好肚餓, 所以見有放題價錢又OK就入去食喇!間野個格局幾好, 比一般放題都叫坐得舒服。最令我驚喜既係呢度既手卷選擇有海膽同三文魚子! 食放題要見到呢兩樣都幾難, 但呢度有WOR, 而且質素都算OK!食放題當然要叫剌身, 可以選擇既都係我鐘意食既, 例如帶子、北寄貝、赤蝦、鯛魚等等, 都幾新鮮, 而且可以選擇比一般放題特別。因為我真係好肚餓....所以叫左個叉燒拉麵....味道有D一般....不過飽肚嘛XD其他既沙律同天婦羅都無乜特別LU。最後都係食多左轉刺身同拉麵就走人喇!我覺得D刺身係幾正, 食咁多間放題呢間D刺身都算頭3位, 但選擇款式就真係同出面比唔上咁多, 雖然佢既選擇好多都係比較上價既食材但係唔夠選擇都係一個放題既致命傷。

*不。是。試。食。請查清楚。謝謝*今日上網睇下尖沙咀有邊間放題唔使同人迫，比我搵到呢間。6點幾上到去仲早所以唔迫人。啦啦聲落單先，店子唔大但選擇算係多，總之夠食，又有自助飲品櫃。叫左小小熱食先，牛脷中規中矩唔韌，鹽燒幾入味。日本蕃薯幾甜、易食，用籠仔幾得意，蒸既唔熱氣。天婦羅幾香脆。沙律就太多沙律醬。多春魚燒香左個皮幾有口感。到刺身同壽司：大部分刺身選擇我都點晒，有光澤幾新鮮爽口，又夠凍！唔錯！燒過既壽司好香口我encore左幾次！壽司飯唔鬆散，醋味又岩岩好。不過沙律醬真係唔係我杯茶～

食物同相片貨不對辦 食物質素超差本身睇相都覺得ok 環境同食物都好似唔錯叫完野食之後 等左15分鐘以上都仲未有野食送到(連烏冬都等左一個鐘)開頭食個啲手卷同沙律都還可以但係刺身壽司串燒完全唔得壽司同手指一樣幼 三文魚唔新鮮串燒唔係新鮮整 已經凍晒 而且一啲味都冇燒雞翼都一樣冇味 得個樣燒粟米 冬菇細到乜咁 點食😓好似番薯既物體同燒鰻魚仲細粒過手指既一節 見到都嚇左一跳烏冬得10條 而且湯底冇味 同水冇分別所謂既羊架其實只係一塊長6-7cm既羊肉總括黎間 呢間野完全係難食 冇一樣野係好食 而且啲食物唔值呢個價👎🏼👎🏼👎🏼大家最好唔好黎 我真係未食過一間咁難食既餐廳除左食物唔好 上菜慢 員工服務都一般😟

第一次寫食評，就係為左提醒大家千析唔好中伏！今餐可以講話係垃圾，見團購成二千幾個人買左又咁多正評，以為可靠，點知都係一個伏。團購description上有嘅野，根本實際上係冇嘅！例如三文魚子軍艦，鱈魚，統統都冇，海膽唔好話係半板啦唔該，實際上只係得一滴，我直頭想去海關度告佢違反商品說明條例，誤導客人。話就話食到十點半，十點都未夠就last order，order左嘅野完全唔齊又唔岩數，食物種類極少，冇乜選擇，又冇甜品，係好差嘅放題，得碟一口牛好食少少，完全唔值$225呢個價。我完全覺得受騙，兼且憤怒，希望嗰二千幾個未幫襯嘅食客快啲去yahoo退款，如果唔係真係後悔莫及，寧願加多少少食返有質數保證嘅大x屋都唔好俾錢佢賺！真係離晒譜，真係超差#&@?₩%😡

前幾日已經book左星期日黎試這一個放題慶祝我朋友生日我們是用團購價的..雖然都會知道不會和團購相中一模一樣但我也想不到差別會這麼大,而且我見openrice上的食評也不錯不過真的很誇張首先.刺身盤都可以接受既這個就是蒲燒鰻魚 我真係o了我咁大個人都未試過食過咁小既但我朋友也說會唔會你叫得太小,所以先咁細份?然後叫多左數量..其實都只有手指頭咁大!!!!沒有最恐佈,只有更恐佈黎食放題見到有海膽一定會叫黎食..但想不到只令我們失望我無言了,你不如淨俾壽司飯我食吧中伏既放題我地都試過但這間暫時係我既伏中之王只能說,就算我地係用團購價黎幫襯.但都不要這樣欺騙消費者吧

食物質素差！又常常留單！叫5款只來3款！叫兩次羊架都沒來一次！在團購買點有半板海膽手卷，但去到不是這回事！服務態度又差！未到時間常常叫人走！總之整體極差！極差！

Came here one day after work with my wife as I was craving Japanese food... particularly Japanese buffet. Was quite excited and looking forward to the dinner. Atmosphere: Upon entering, it was definitely a small cozy restaurant that wasn't busy and didn't have a lot of decoration. That's fine,  and I was just looking forward to the food. 5/10.Service:The service is good as the staff is quite attentive and not as "busy" or "rushed" as some of the other more popular Japanese buffets.  No complaint

我好中意食放題。有日放工同老公去咗尖沙咀，發現呢間放題啲食評唔錯，於是就試下喇！上去之前以為都係啲大路勁多人勁迫嘅日本放題，點知同我預期完全相反。感覺好家庭式，而且好多位，好闊落。可能係平日，所以無乜人。整體侍應招呼好好，又唔會催你，又唔會懶趕咁行嚟行去。亦唔會叫極都唔嚟收紙入單，食物上菜時間都算快。不過唔知係咪日式放題嘅定律，總有少少漏單嘅情況，不過並唔嚴重。食物方面，整體都唔錯。壽司最驚喜係個海膽，食落好新鮮。牡丹蝦好大隻，我嗰隻ok，但老公嗰隻就有啲腥味。手卷好讚，因為佢塊紫菜好脆，而且個海膽好鮮甜，軟殻蟹又熱，所以好唔錯！呢度飲品係自助嘅，好free。唯一就係唔夠多選擇，同埋啤酒得ice唔太好飲。其實以咁細間放題嚟講 佢嘅食物都算多選擇喇！只係無甜品/雪糕，有埋仲正！呢個卷好好咪呀！呢個係佢地嘅人氣食品，香橙焗銀雪魚。我同老公都好中意！而熟食我覺得整體可以，同埋佢份量啱啱好，唔會太少，亦唔會一比比好多，啱晒我呢啲乜都想試啲嘅人！

搵到間ok平既放題，就試下。試下特別菜式，香橙焗銀雪魚 第一次食，焗橙口味幾特別。香草燒羊架，鹽燒三文魚頭，鹽燒鯖魚，牛肋骨山賊燒，還幾好。有我最鍾意食嘅燒物,燒雞皮,燒大蒽，燒牛脷，燒雞軟骨，燒重部都係燒，全部都燒得好惹味，正！重叫左芝麻雞翼，蒲燒鰻魚，日式炸豆腐，吉列炸蠔，香脆雞軟骨粒 中，粟米薯餅，啲燒物都燒得幾好，唔會太乾。南瓜天婦羅同番薯天婦羅，師傅手工都唔錯誤會太厚粉。咁熱氣就整番杯菊花蜜鮮。

呢間位於尖沙咀既放題，成日聽日講得多，今次真係聞名不如一試！本人超中意食軟殻蟹，次次食放題都一定必叫。今次既軟殻蟹手卷都真心幾正，啖啖咬都有蟹肉，同埋炸粉唔會太厚，口感岩岩好。加上飯唔算太多，三四啖就食完，可以留肚食其他野，不過走之前都叫多個食，真心係幾正！芝麻雞翼岩岩炸起就上枱，賣相相當吸引，外皮超級脆，炸得岩岩好。如果唔係因為喉嚨痛，一定食多幾隻！仲有平時食過既天婦羅蝦，一係炸粉太厚，一係覺得蝦好似有啲未熟甘。但今次既天婦羅蝦真係岩岩好，炸粉唔會太厚。不過建議盡快食左炸物先，如果凍左，炸粉就會變厚左，口感冇甘好。香蒜一口牛柳粒好惹味呀，一上枱就嗅到一大陣蒜香味。第一次食到冇肥肉既牛柳粒，之前食過既都好肥，有好多脂肪。但這間既牛柳粒好開胃，牛柳粒吸哂蒜香汁，而且肉質唔會太硬，幾有咬口。真心推介牛柳粒！平時食既吉列大蝦卷都只係上面有啲沙律醬就上得枱，但這間就特別啲，有埋木魚碎放係沙律醬上面，口感的確幾新鮮。同埋一客有4舊，唔算太大舊，可以試下這個大蝦卷，又食下其他野。仲有好多唔同既野飲，不過唔記得影相，飲飽食醉又係滿足既一大餐啦～

係尖沙咀見呢間放題見到呢間價錢都好合理，咁就去試試。第一件事梗係要刺身啦。叫左牡丹蝦，帶子，玉子，蟹柳，立魚 ，榮螺片，啲刺身都唔錯。點d wasabi,係用新鮮山藥，食落唔辣口。叫咗最愛嘅海膽手捲，同香蔥碎吞拿魚手捲，海膽都算幾甜。櫻花魷魚同火炙三文魚壽司都ok。籠仔蒸日本蕃薯仔，細細粒好甜。蒜香炒魷魚絲，醬汁加魷魚炒得幾好食。香蒜一口牛柳粒幾好味道。

想尖沙咀食日本野，結果好多都係放題，睇左一輪食評之後，就揀左呢間！ 去到都係得好少人，心諗會唔會中伏呢，但見到食評話係隱世小店，好值得推介等等，就試一試 個刺身一上到黎就已經知大獲，完全唔好食燒雞翼隻雞翼又瘦，又冇味，又「鞋」其他燒物都唔得，全部都好乾之後其他既野都冇樣係覺得特別好食。。。。總括黎講，真係真係好嬲！

有單有據：4個人，純粹大雨下誤打誤撞搵到呢間，原來呢棟building 4/F有放題食。$288+10% 放題都合理丫，不過無甜品。飲品就自助去雪櫃自取，啤酒都有～居酒屋麻～～可以啤啤佢～地方唔大但唔迫夾，走廊位都夠2個人行～刺身都算多選擇，15款，夠晒我地食：成盤上外賣幾澎湃～每樣都幾新鮮，肉仲好厚啖啖肉，絕唔行貨～榮螺爽口～牡丹蝦好大隻，爽口彈牙一 d都唔梅～唔怕食蝦頭既話蝦頭好香膏味～再叫d熱食：-平時想食鰻魚都要嗌壽司先食到，但呢度竟然可以原條上。-日本小蕃薯用籠仔上好得意，小蕃薯好清甜、細細粒容易食。-蟹籽沙律，底層係青瓜絲，好幼好清甜，但沙律醬略嫌太多。再叫d壽司食：-海膽手卷算多海膽，好香海膽味。-燒三文魚壽司，燒到魚脂味好香，覺得燒過既三文魚更好吃。-火炙魷魚壽司，燒完都唔會韌。-花之戀既三文魚好香滑，但沙律醬略嫌太多。叫左d 串燒：-牛吞用黑椒調味幾香口，但可惜韌左d。-多春魚：正常。-栗米燒得剛好，夠甜。-燒青椒仔都係第一次食，好彩唔辣，燒完唔乾，清甜味道幾好味。-燒雞皮香脆有咬口，唔油膩。食完都飽唔使食甜品。*有加一服務費*